Գլխաւոր Լուրեր articles

Սարգսեան Ընդունած Է Ուաշինկթընի Մէջ Հանդիպելու Էրտողանի Առաջարկը

Նախագահ Սերժ Սարգսեանի մամլոյ քարտուղար Արմէն Արզումանեան Հինգշաբթի, Ապրիլ 8ին, «Ազատութիւն» ձայնասփիւռի կայանին յայտնած է, թէ Հայաստանի նախագահը ընդունած է Ուաշինկթըն իր այցելութեան ընթացքին հանդիպում ունենալու՝ Թուրքիոյ վարչապետ Ռեչեփ Թայիփ Էրտողանի առաջարկը։

Հայ Դատը Իր Խոստումը Յարգելու Կոչ Կ՛ընէ Օպամային

Չորեքշաբթի, Ապրիլ 7ին, Ամերիկայի Հայ Դատի յանձնախումբի ատենապետ Քեն Խաչիկեան նամակ մը յղած է Միացեալ Նահանգներու նախագահ Պարաք Օպամային՝ անգամ մը եւս խնդրելով անկէ, որ յարգէ Հայկական Ցեղասպանութիւնը ճանչնալու նախընտրական արշաւին ընթացքին հայ ընտրողներուն տուած իր խոստումը։

Ըստ Քոմանտոսի՝ Մեծ Է Պատերազմի Վերսկսման Հնարաւորութիւնը

Արցախեան պատերազմի վեթերան, զօրավար Արկադի Տէր Թադէւոսեան՝ ծանօթ Քոմանտոս ծածկանունով, Ապրիլ 7ին կայացած ասուլիսի մը ընթացքին լրագրողներուն յայտարարած է, թէ Ղարաբաղեան հակամարտութեան գօտիի ռազմական գործողութիւններու վերսկսման հնարաւորութիւնը չափազանց մեծ է։

Էրտողանի Պատուիրակ Սինիրլիօղլուն Նաեւ Պիտի Այցելէ Պաքու

Թուրքիոյ արտաքին գործոց նախարար Ահմետ Տաւութօղլու Հինգշաբթի, Ապրիլ 8ին յայտարարեց, թէ Թուրքիոյ վարչապետ Ռեչեփ Թայիփ Էրտողանի յատուկ պատուիրակ՝ Թուրքիոյ արտաքին գործոց նախարարի առաջին տեղակալ Ֆերիտուն Սինիրլիօղլու, այսօր՝ Ուրբաթ, Ապրիլ 9ին Ատրպէյճան պիտի մեկնի՝ հանդիպումներ ունենալու համար Պաքուի ղեկավարութեան հետ:

Էրտողան Բանագնաց Կ՛ուղարկէ Երեւան՝ Նախագահ Սարգսեանի Հետ Ուաշինկթընի Մէջ Հանդիպում Խնդրելու

Թուրքիոյ վարչապետ Ռեչեփ Թայիփ Էրտողան երէկ յատուկ բանագնաց մը ուղարկած է Երեւան՝ նախագահ Սերժ Սարգսեանէն խնդրելու, որ իրեն հետ հանդիպում ունենայ Ուաշինկթըն այցելութեան ընթացքին

Ուաշինկթընի Մէջ Օպամա-Սարգսեան-Էրտողան Հանդիպում Չէ Ծրագրուած

Սպիտակ տան մամլոյ քարտուղար Ռապըրթ Կիպզ ներկայացուց Ապրիլ 12-13ին, Ուաշինկթընի մէջ կայանալիք հիւլէական ապահովութեան միջազգային վեհաժողովի օրակարգն ու նախատեսուող հանդիպումները։

Պըրպենքի Հայ Կեդրոնի Գնման Գործընթացը Բարեյաջող Կ՛աւարտի

ՀՅԴ Նիկոլ Աղբալեան Կոմիտէութեան ներկայացուցիչ Հրանդ Տոսթումեան «Ասպարէզ»ի խմբագրութեան կը տեղեկացնէ, թէ Պըրպենքի Հայ Կեդրոնի համար նախատեսուած շէնքին գնման գործընթացը բարեյաջող կերպով իր աւարտին հասած է:

Արա Նաճարեան՝ Կլենտէյլի Քաղաքապետ

Երեքշաբթի, Ապրիլ 6ի երեկոյեան տեղի ունեցած Կլենտէյլի քաղաքապետական խորհուրդի ժողովին, քաղաքապետական խորհուրդի անդամ Արա Նաճարեան միաձայնութեամբ ընտրուեցաւ քաղաքապետ՝ փոխարինելով նախկին քաղաքապետ Ֆրենք Քուինթերօն:
Նաճարեան երկրորդ անգամ ըլլալով Կլենտէյլի քաղաքապետ կ՛ընտրուի: Ան պաշտօնին վրայ պիտի մնայ մէկ տարի:

Շիֆ Եւ Քոսթա Կը Դատապարտեն Էրտողանի Յայտարարութիւնը

Ամերիկայի Հայ Դատի յանձնախումբը կը տեղեկացնէ, թէ Քալիֆորնիոյ դեմոկրատ քոնկրեսականներ Էտըմ Շիֆ եւ Ճիմ Քոսթա խստօրէն դատապարտած են Թուրքիա գտնուող հայաստանցի հայերը արտաքսելու Թուրքիոյ վարչապետ Ռեչեփ Թայիփ Էրտողանի տխրահռչակ յայտարարութիւնը, որուն մէջ Էրտողան իր սպառնալիքը նաեւ կապած էր Հայկական Ցեղասպանութիւնը ճանչցող բանաձեւերուն:

Top