ԱԲՕ ՊՈՂԻԿԵԱՆ
Գագիկ Ծառուկեանի համախոհական կառավարութեան մաս չկազմելու որոշումը պէտք է առիթ ծառայէր բազմաթիւ բարգաւաճականներու, յանուն իրենց անձնական բարգաւաճ վիճակի պահպանման՝ առնէտավազքի դիմելու՝ անմիջապէս դուրս նետուելով այդ կուսակցութեան շարքերէն:
Յայտարարութեան յաջորդող վայրկեաններուն իսկ եթէ առնէտավազքը չսկսաւ, Ծառուկեանի յայտարարութիւնը կրնայ այդ կուսակցութեան կարապի երգը չդառնալ, այլ՝ ինքնավստահ ընդդիմադիր նոր ուժի մը ծնունդը կրնայ ազդարարել հայկական քաղաքական դաշտին վրայ:
Նշանակալից [...]

ՅԱՐՈՒԹ ՍԱՍՈՒՆԵԱՆ
Հաւաստի աղբիւրներէ տեղեկացած եմ, թէ Թուրքիոյ արտաքին գործոց նախարար Ահմետ Տաւութօղլու կը շարունակէ իր ջանքերը՝ Սփիւռքին հետ հայ-թրքական խնդիրներու շուրջ անձամբ «երկխօսութիւն» սկսելու ուղղութեամբ: Ընթացիկ ամսուան սկիզբը Տաւութօղլու դարձեալ հանդիպեցաւ ամերիկահայերու հետ՝ ի շարունակութիւն Մարտին Ուաշինկթընի մէջ ունեցած իր հանդիպումներուն:
Մայիսին տեղի ունեցած խօսակցութեան ընթացքին, հայ զրուցակիցները անկեղծօրէն խորհուրդ տուին Թուրքիոյ արտաքին գործոց նախարարին, թէ [...]

ԱԲՕ ՊՈՂԻԿԵԱՆ
«Ասպարէզ» իր զարգացման յաջորդ փուլը թեւակոխելու համար, անհրաժեշտութիւնը կը զգայ աւելի անմիջական ու գործնական աջակցութեան:
Զարգացման կ՛ըսենք, որովհետեւ թերթի գոյատեւումը ապահովելու խնդիր չունինք: Սակայն նաեւ կը գիտակցինք, որ այս թափով, այս արտադրութեան որակով, խմբագրական կազմի ներկայ ուժերով, հազիւ կարելի պիտի ըլլայ պահպանել այն, ինչ կը տեսնէք եւ կը կարդաք: Իսկ մեզ կ՛անհանգստացնէ այս իրավիճակը եւ [...]

ՆԱԶԱՐԷԹ ՊԷՐՊԷՐԵԱՆ
Ժողովրդավարութիւնը նպատակ չէ հասարակութեանց զարգացման համար։ Ազատութիւնը, անկախութիւնը, հաւասարութիւնը, արդարութիւնը, ընկերային համերաշխութիւնը եւ բարօր կեանքը հասարակութեանց համար կրնան նպատակներ ըլլալ, բայց ժողովրդավարութիւնը այդ նպատակներուն հասնելու միջոց մըն է միայն։
Հասարակական գիտութեանց տարրական դասանիւթերուն մէջ ամրագրուած է այս ճշմարտութիւնը։ Քաղաքագիտութեան թէ իրաւագիտութեան, տնտեսագիտութեան թէ ընկերաբանութեան, փիլիսոփայութեան թէ զանգուածային հոգեբանութեան ուսանողները, տարրական գիտելիքի եւ ուսմունքի կարգով, ժողովրդավարութեան [...]

ԱԲՕ ՊՈՂԻԿԵԱՆ
Կը մեծարենք ազգային բարերարներ: Կը մեծարենք մշակութային-հասարակական գործիչներ: Կը մեծարենք ժողովրդանուէր մարդիկ:
Ինչպէ՞ս կը կատարուին մեծարանքի արժանի անձերու ընտրութիւնը:
Միութիւններու կողմէ մեծարեալները կ՛ընտրուին նոյն միութեանց ղեկավար բարձրագոյն մարմինին կողմէ: Գնահատելով իրենց ընկերոջ կազմակերպական վաստակը կամ անոր նիւթական զոհաբերութիւնը՝ վարչութիւնը կ՛որոշէ պատուել իր անդամներէն մէկը, կամ մի քանին, յատկապէս կազմակերպուած ձեռնարկի մը ընթացքին. ձեռնարկ մը, որ կրնայ [...]

Սիրելի՛ խմբագիր,
Կը գրեմ ամբողջապէս բաժնելու «Ասպարէզ»ի Երեքշաբթի օրուան թիւին մէջ լոյս տեսած արձակագիր մեր ընկերոջ Գէորգ Պետիկեանի՝ «Մենք Եւ Մեր Հաւատքը» փորձագրութիւնը, որ հարազատ նշտրակումն է մեր հաւատքի տաճարներէն ներս տիրող նիստուկացի ու կարգապահութեան ողորմելի վիճակին։ Բողոքի ու ցասման արտայայտութիւն եղող սրտցաւ գրութիւն մը, արդարեւ՝ ցաւի ճիչ մը, ուր մեր բարեկամը յաջողեր էր խորացումներու հասցնել [...]

ԱԲՕ ՊՈՂԻԿԵԱՆ
Կիրակի օրուան թելեթոնի ընթացքին, ժողովուրդին կոչ ուղղող արուեստագէտներէն մէկը այսպէս հիմնաւորեց իր խօսքը. «Որպէսզի Ուաշինկթոնում մեր ձայնը ուժեղ լինի»:
Շատ պարզ է: Ամբողջ թելեթոնի ընթացքին, ինչպէս անոր նախօրէին, բազմաթիւ հիմնաւորումներով մտաւորականներ, արուեստագէտներ, գործարարներ, հոգեւորականներ ու հասարակական գործիչներ կոչ ուղղեցին ժողովուրդին մասնակցելու Հայ Դատի հանգանակութեան:
Այս մէկը՝ Ուաշինկթընի մէջ մեր ձայնը առաւել ուժեղ դարձնելու նպատակը, բաւական ընդգրկուն [...]

ԿԼԵՆՏԷՅԼ.- Հինգշաբթի երեկոյեան Մանաս Պուճիքեանի մօտիկ մարդիկ հաւաքուած էին «Ֆինիշիա» ճաշարանը՝ տօնելու համար Հայ Դատի Ուաշինկթընի գրասենեակի հիմնադիր վարչութեան անդամ, Հայ Դատի յանձնախումբի գործունէութեան յարատեւօրէն սատարող, համայնքիս միութենական կեանքին իր մշտական ներդրումը բերած սիրելի ընկերոջ եւ բարեկամին 80րդ տարեդարձը: Հաւաքոյթը անակնկալ էր Մանասի համար:
Երեկոն վերածուեցաւ Հայ Դատի յանձնախումբի հիմնադրամին զօրակցութիւն յայտնելու առիթի. ներկաները փոխան նուէրի, [...]

www.MassisART.com E-mail: MA@MassisArt.com

ԱԲՕ ՊՈՂԻԿԵԱՆ
Մինչեւ վերջնական՝ վախճանական յաղթանակ, մինչեւ Հայ Դատի արդար լուծման փառաւոր պահը, անընդմէջ ու հանգրուանէ հանգրուան սաստկացող պայքար պէտք է տարուի: Պայքարի դրօշը այսօր վեր պահած սերունդը իր աչքերը սեւեռած է հերթափոխը ստանձնելու պատրաստուող նորեկներուն, յաջորդ սերունդի տղոց ու աղջիկներուն, մեր փայլուն երիտասարդութեան վրայ:
Այդ երիտասարդները գիտակից են իրենց պատասխանատուութեան. անոնք պատրաստ են դիմագրաւելու բոլոր մարտահրաւէրները: [...]

Նոր վերադարձած եմ Եգիպտոս կատարած անմոռանալի ճանբորդութենէս: Առաջնորդ հայրը՝ ի դէմս Թեմական խորհուրդին, ինձ հրաւիրած էր ելոյթ ունենալու, որպէս գլխաւոր բանախօս Հայոց Ցեղասպանութեան 97րդ տարելիցի յուշատօնին: Որոշ մտավախութեամբ ընդունեցի Եգիպտոս ուղեւորուելու այդ հրաւէրը՝ նկատի ունենալով խառնաշփոթ իրավիճակը՝ նախագահ Հոսնի Մոպարաքի 30 տարուան բռնապետական իշխանութիւնը տապալելէ ետք:
Աշոտ եպս. Մնացականեան ինծի վստահեցուց, թէ երկրին մէջ խաղաղ մթնոլորտ [...]

ՄԱՐԻԱ ԹԻԹԻԶԵԱՆ, Երեւան
Չենք ժխտում, որ հասարակութեան մէջ առկայ են տարբեր մօտեցումներ սեռական փոքրամասնութիւնների նկատմամբ: Փոքրամասնութիւններն ընդհանրապէս՝ ազգային, կրօնական, ռասսայական (ցեղային-Խմբ.) եւ այլն, յաճախ են անհանդուրժողականութեան թիրախ դառնում, բայց Դաշնակցութեան համոզումն է՝ օրինապաշտ մարդկանց քաղաքացիական իրաւունքների սահմանափակումը կամ նրանց նկատմամբ բռնութիւն կիրառելն անթոյլատրելի են:

ՆԱԶԱՐԷԹ ՊԷՐՊԷՐԵԱՆ
Թէեւ «մաքսանենգութիւն» բառը լրիւ չ՛արտայայտեր անգլերէն «trafficking» բառով ընկալուած իմաստն ու հասկացութիւնը, այսուհանդերձ՝ «ապօրինի առուծախ» ենթադրող «մաքսանենգութիւն»ը առաւելագոյն չափով հասկնալի կը դարձնէ այսօրուան մտածումին խնդրոյ առարկայ հասարակական չարիքը։
Նաեւ՝ լեզուամտածողութիւն յղկելու նախանձախնդրութենէն չի թելադրուիր, որքան ալ ինքնին կարեւոր ըլլայ այդ մէկը եւս, մաքսանենգութիւն եւ trafficking բառերու նոյնիմաստ նշանակութեան վրայ դրուած այս շեշտը։
Բառեզրի ընդգծումը կը բխի, [...]

ԱԲՕ ՊՈՂԻԿԵԱՆ
Հայ Դատի յանձնախումբի գործունէութեան դաշտի առանցքներէն մէկը Արցախն է՝ անոր անվտանգութիւնը, անոր բարգաւաճումը, իբրեւ ինքնիշխան պետութիւն:
Արցախի անվտանգութեան երաշխիքներէն մէկը միջազգային քաղաքական նպաստաւոր մթնոլորտն է, որ պատերազմի վերսկսման վտանգը կրնայ նուազեցնել՝ զսպելով ատրպէյճանական յարձակողապաշտ մոլուցքը:
Արցախեան հարցի լուծման գծով միջազգային բանակցութիւններու գլխաւոր դերակատարներէն մէկը ԱՄՆն է, չըսելու համար՝ գլխաւորագոյնը: ԵԱՀԿի Մինսկի խումբի համանախագահի իր պաշտօնով, Ուաշինկթըն [...]

ԱԲՕ ՊՈՂԻԿԵԱՆ
Հազարաւոր մղոններու վրայ ցրուած համայնքի մը մէջ համընդհանուր խանդավառութիւն ստեղծելը հսկայական ճիգ ու եռանդ կը պահանջէ: Պէտք է ըսել, որ Հայ Դատի յանձնախումբի հիմնադրամի հանգանակային արշաւը՝ թելեթոնը, կազմակերպողները անկարելին կարելի դարձուցած են եւ իրենց կողքին ապահոված քարոզիչներու ամբողջ բանակ մը, որուն ձայնը, որուն յորդորն ու կոչը անպայման պիտի հասնի իւրաքանչիւր ամերիկահայու ականջին:
Արուեստագէտներ, հայ, նոյնիսկ [...]

ԱԲՕ ՊՈՂԻԿԵԱՆ
«Ասպարէզ» այս շաբաթը կը յայտարարէ Հայ Դատի Շաբաթ: Այս առթիւ, մենք ամէն օր այս սիւնակը պիտի յատկացնենք մեր ընթերցողներուն դիմելու, որ առաջին հերթին իրենք զօրակցին Հայ Դատի յանձնախումբի հիմնադրամի հանգանակային արշաւին՝ թելեթոնին, եւ ապա գտնեն ձեւը ուրիշներ ալ համոզելու, որ անոնք եւս, իրենց կարգին, զօրակցին այս կարեւոր ձեռնարկին:
Երկու տարին անգամ մը Հայ Դատի գործիչները [...]

ՊՕՂՈՍ ԳՈՒԲԵԼԵԱՆ
Այլեւս հանրայայտ իրողութիւն է, թէ գիրքի տագնապը տիեզերական բնոյթ ստացած է եւ գուցէ քիչ մը աւելի շեշտուած՝ հայ իրականութեան մէջ, շնորհիւ հայկական գրաշխարհին մէջ տիրող անփոյթ վիճակին ու կարգ մը արհեստավարժ ու «էլիթիստ» գրող քննադատներու ստեղծագործական ամէն ճիգ անտեսնելու յաճախանքին:
Հակառակ այս իրողութեան, հայ իրականութեան մէջ տակաւին գոյութիւն ունին անյաւակնոտ գրիչներ, չըսելու համար՝ հայ դպրութեան [...]

www.MassisART.com E-mail: MA@MassisArt.com

ՓԱԹԻԼ ԱԲՈՇԵԱՆ-ԳԱՍՊԱՐԵԱՆ
Ծիսական սովորութեան վերածուած է. ամէն անգամ, երբ ժողովի մը, ձեռնարկի մը կամ հանգանակութեան մը կը մասնակցիմ, մեծ մօրս՝ Ռոզա Պիքարեանի, յստակ ու պայծառ պատկերը կը գծագրուի միտքիս պաստառին վրայ:
Կարելի է բացատրել, թէ ինչո՛ւ: Ի վերջոյ, իմ կեանքիս մեծագոյն մասը անցած է իր հսկող աչքերուն առջեւ: Ինքն էր, որ մեծցուց զիս, եղբայրս եւ քոյրս, երբ [...]

ԱՐԱՄ ՍՈՒՐԷՆ ՀԱՄԲԱՐԵԱՆ
Սիրելի՛ հայրենակիցներ,
Թուրքիան Ու Ատրպէյճանը իրենց ուժն ու հարստութիւնը գործի լծած են մեր պատմութիւնը նենգափոխելու, մեր հայրենիքը ճզմելու եւ մեր ապագան քանդելու նպատակին:
Անոնց շղթայազերծած յարձակումը մեր բոլորին դէմ է ուղղուած: Ուղղուած է ոչ միայն Սփիւռքի կամ Հայաստանի կամ Արցախի դէմ, այլ՝ բոլորիս:
Անոնց թիրախը մե՛նք ենք, բոլորս, իւրաքանչիւրս:
Անոնց թիրախը ե՛ս եմ, դո՛ւն ես: Անոնց թիրախը [...]

ՅԱՐՈՒԹ ՍԱՍՈՒՆԵԱՆ
Վերջին տարիներուն, դատ բանալու մոլուցքով տարուած Ամերիկայի թրքական համախմբումը (ԱԹՀ) դատական գործեր յարուցած է այն դասախօսներուն, պետական ծառայողներուն եւ քաղաքացիական խումբերուն դէմ, որոնք կը սատարեն Հայոց Ցեղասպանութեան ճանաչման:
Անցեալ շաբաթ, դաշնակցային վերաքննիչ դատարանի երեք դատաւորներ վերջ դրին ԱԹՀի դատական քաշքշուկներուն՝ ընդդէմ Մինըսոթայի համալսարանին, եւ միաձայն վերահաստատեցին դաշնակցային դատարանին նախկին որոշումը՝ մերժելով ԱԹՀի անհիմն պնդումները:
Թրքական շահերուն [...]

Արցախի հերոսական բանակի յարգարժա՛ն գեներալներ, սպաներ, զինուորներ,
Հայրենական մեծ պատերազմի եւ Արցախեան ազատամարտի թանկագի՛ն վետերաններ,
Սիրելի՛ հայրենակիցներ,
Յարգելի՛ հիւրեր,
Ի սրտէ շնորհաւորում եմ Յաղթանակի տօնի, Արցախի Հանրապետութեան պաշտպանութեան բանակի եւ Շուշիի ազատագրման 20րդ տարեդարձի կապակցութեամբ, տօն, որը սրբագործուել է մեր եղբայրների ու քոյրերի արեամբ եւ դարձել համաժողովրդական ամենանուիրական տօներից մէկը:
Այս տօնական օրը ես նախեւառաջ գլուխ եմ խոնարհում յանուն հայրենիքի [...]

ՆԱԶԱՐԷԹ ՊԷՐՊԷՐԵԱՆ
ՀՀ Ազգային Ժողովի Մայիս 6ի ընտրութիւնները արդէն անցեալ պատմութիւն են։
Ազատ եւ թափանցիկ ընտրութիւններով՝ Հայաստանի նախագահական իշխանութիւնը «մաքուր» յաղթանակ տարաւ եւ աշխարհին ու յատկապէս մեր ժողովուրդին հասկցուց, որ իր ձեռք բերած «ձայն բազմաց»ի քուէով ինք եկած է մնալու Ազգի եւ Հայրենիքի պետական տան ղեկին։
Յաղթականը անվիճելիօրէն Հայաստանի նախագահն է, թէեւ պր. Սերժ Սարգսեան ինք ալ պիտի [...]

ԳԷՈՐԳ ՄԱՆՈՅԵԱՆ
Պատմական իրականութիւններ ծածկելու նպատակով ու դիւանագիտական հաշիւներով կատարուած յայտարարութիւնները, որոնք պարզապէս թաւշեայ հանդերձանքներու մէջ պարուրուած սուտեր են, ոչ միայն չեն կրնար ջնջել պատմական իրողութիւնները, այլ նաեւ այդ սուտերուն հետեւանքները դարմանելու աւելի մեծ պարտադրանքի տակ կը դնեն ստախօսը: Սակայն, քաղաքական ուժին արթած ամենակարողութեան զգացումով տարուած քաղաքական գործիչներ, յաճախ չեն մտահոգուիր ձիւնագնդակի մը նման մեծցող իրենց [...]

«ԱՍՊԱՐԷԶ»
Առաջին քսանամեակը փառաւորելու շատ բան չունինք: Ինք՝ ազատագրումը, ամէնէն հրաշալին էր, ամէնէն փառաւորը: Սակայն, յաջորդող քսանամեակը եղաւ միայն դանդաղ, ահաւոր դանդաղ զարգացման փուլ մը:
Փառաւորելու քիչ բաներէն՝ Արցախի Պաշտպանութեան Բանակն է՝ անոր իւրաքանչիւր զինուորը, իւրաքանչիւր ջոկատը, գունդը, զօրաբաժինը, որ երկիւղածութեամբ, հաւատքով ու հզօր ոգեղինութեամբ պահպանեց Շուշին ու Արցախը ազատագրող տղաներուն, ֆէտայիներուն, ազատամարտիկներուն խիզախութեան ու սխրագործութեան աւանդը, [...]

ԳԷՈՐԳ ՊԵՏԻԿԵԱՆ
Չեմ գիտեր տարին քանի Կիրակի օրեր ու Տաղաւար Կիրակիներ եկեղեցի կրնամ երթալ, կ՛երթամ եւ գացած եմ, կամ ալ՝ կ՛ուզեմ երթալ: Բայց այս բոլորը ի՞նչ անհամ հարցումներ են, եւ աւելին՝ որո՞ւ հոգը: Բայց…:
Գիտեմ, որ եթէ առիթն ունենամ կամ ինծի համար նման բան մը ստեղծուի, ոչ միայն կը փափաքիմ, այլ նաեւ ամէն ճիգ կը թափեմ, ու [...]

ԱԲՕ ՊՈՂԻԿԵԱՆ
Ընտրութիւններու արդիւնքներուն կոշտ գնահատականներ տալէ կարծէք կը խուսափին քաղաքական ուժերը: Քուէարկութեանց անմիջապէս յաջորդող օրուան ընթացքին զգուշաւոր քննադատութիւններ տեսանք հայաստանեան լրատուական կայքերու վրայ:
Հասկնալի է, որ քաղաքական գնահատական տալու համար հաւաքական քննարկում պէտք է, վերլուծում՝ հաւաքուած տեղեկութեանց ու արժեւորում՝ խախտումներու տարողութեան: Դիւրին գործ չէ, մանաւանդ որ պատասխանատու կուսակցութիւնները այս բոլորէն անդին նաեւ կը քննարկեն ընտրութիւններու կեղծման [...]

ԱԲՕ ՊՈՂԻԿԵԱՆ
Ոգեկոչական ձեռնարկները աւարտեցան: Կրնանք հաստատել, որ այս տարի, անցեալ տարուան համեմատած՝ ոգեկոչական բոլոր ձեռնարկները, ցոյցերն ու հաւաքները աւելի մեծաթիւ մասնակիցներով իրականացան:
Գոհ ենք, բայց…
Նախ, հարիւրամեակի նախատեսուած մեծ, հսկայ ու շռնդալից միջոցառումներու նախատեսութիւնը, այս ընթացքով, դժուար թէ իրականանայ:
Ապա, ձեռնարկներու էութիւնը ըլլալով ոգեկոչական՝ մեր պայքարի պահանջատիրական երեսը կարելի չեղաւ շեշտադրել: Ցոյցերու ընթացքին արտասանուած լօզունգներն ու ճարերու մէջ [...]

www.MassisART.com E-mail: MA@MassisArt.com

ԱԲՕ ՊՈՂԻԿԵԱՆ
Հարցման նշանով կ՛արտայայտենք մեր անձկութիւնը, սպասումը, որ Կիրակի oր, Մայիս 6ին, անկախ Հայաստանը իրապէս անկիւնադարձային նուաճում մը արձանագրէ ժողովրդավարական համակարգի ուժեղացման, արդար հասարակարգի ստեղծման ճանապարհին:
Բոլորս ալ կասկածով, խորունկ անվստահութեամբ կը մօտենանք արդար ընտրութեանց մասին իշխանական լծակներու տէր մարդոց խոստումներուն: Մեր կասկածն ու անվստահութիւնը հիմնաւորելու բազմաթիւ հիմքեր կը տրուին մեզի. ընտրելու իրաւունք ունեցող քաղաքացիներու անհաւատալիօրէն [...]

ՅԱՐՈՒԹ ՍԱՍՈՒՆԵԱՆ
Ինչ-ինչ անհասկանալի պատճառներով, աշխարհի ամենահզօր երկրին նախագահը, ամէն տարի Ապրիլ 24ին ստիպուած կ՛ըլլայ կատարելու տարօրինակ եւ անհարկի ծիսակատարութիւն մը: Ապրիլ 24էն շաբաթներ առաջ, Պարաք Օպամա կը հրահանգէ Սպիտակ տան իր աշխատակազմին քրքրել բառարանը եւ գտնել շարք մը բառեր՝ բացի «ցեղասպանութիւն»էն, նկարագրելու համար Հայոց Ցեղասպանութիւնը:
Արդէն չորրորդ տարին է, որ նախագահի ձեռնհաս օգնականները յուսախաբ չեն ըներ [...]

ԳԷՈՐԳ ՄԱՆՈՅԵԱՆ
«Մարմարա»ի Մայիս 2ի թիւին մէջ կը կարդանք, թէ հրապարակագիր ու դասախօս Սետատ Լաչիների հետ զրոյցի մը ընթացքին, Թուրքիոյ նախագահ Ապտուլլահ Կիւլ պնդած է, թէ թուրքերու ու հայերու միջեւ իսկական հարցը գործածուած լեզուն է։ «Ո՛չ մէկը բան մը կը շահի, եթէ գործածէ լեզու մը, որ դիմացինին ցաւերն ու վէրքերը գրգռելէ բացի՝ ուրիշ գործի չի ծառայեր», [...]

ԱԲՕ ՊՈՂԻԿԵԱՆ
Անցեալ օր, հայ մտաւորական մը պատուելու ձեռնարկէն առաջ, իր կարգին մտաւորական բարեկամ մը գովասանական խօսքեր ըրաւ «Ասպարէզ»ի հասցէին:
Քաջալերական խօսքեր, մանաւանդ՝ վաւերական մտաւորականի մը կողմէ՝ ահաւոր պարտաւորեցնող են: Պէտք է նաեւ անդրադառնալ, որ գովասանքը ինքնին կրնայ տրուիլ պարզապէս իբրեւ քաջալերանք, որպէսզի մղուինք հասնելու գոնէ նուազագոյն գոհացնող մակարդակին ու… փորձենք անցնիլ:
Շատ շնորհակալ ենք այդ խօսքերուն համար: [...]

ՆԱԶԱՐԷԹ ՊԷՐՊԷՐԵԱՆ
Սոսկ զուգադիպութիւն էր, անշուշտ, որ Մայիս 6ի ՀՀ Ազգային Ժողովի ընտրութիւնները հունաւորող նախընտրական քարոզարշաւին վերջին այս շաբաթը սկսաւ Մայիս 1ի Աշխատանքի եւ Աշխատաւորութեան Օրուան նշումով՝ համապատասխան կարգախօսներու եւ առաջադրանքներու ճարտասանական արծարծումով։
Այսուհանդերձ՝ ընտրապայքարի քաղաքական խճանկարին վրայ նետուած ուշադիր հայեացք մը բաւարար պիտի ըլլայ ընդգծելու համար, որ ընդհանրապէս ալ ընկերատնտեսական եւ լայն ընդգրկումով հասարակական օրակարգը գերիշխող [...]

ՎԱՀԱՆ ՅՈՎՀԱՆՆԻՍԵԱՆ
Ահա եկաւ Մայիսի 1ը: Բոլորի համար դա աշխատաւորների տօնն է, եւ միայն մանրախնդիր պատմաբաններ են յիշեցնում այդ օրուայ հետ կապուած այլ իրադարձութիւն: Մեր խորհրդարանական ընտրութիւնների նախօրէին հարկ է յիշել այն:
Մ. թ. 305 թուականի Մայիսի 1ին Հռոմի կայսր Դիոկղետիանոսը հրաժարուեց իշխանութիւնից եւ մեկնեց հայրենի Իլիրիա նահանգը, որտեղ սկսեց գիւղատնտեսութեամբ զբաղուել: Հիասքանչ կաղամբ էր աճեցնում: Կարծում [...]

ՆԱԶԱՐԷԹ ՊԷՐՊԷՐԵԱՆ
Մայիս 1ին, աշխարհի չորս ծագերուն, բացառութեամբ Հիւսիսային Ամերիկայի, աշխատանքը դադար կ՛առնէ եւ համայն մարդկութիւնը կը տօնէ Աշխատանքի ու Աշխատաւորութեան միջազգային Օրը:
Թէեւ հնադարեան ժամանակներէն մարդկութիւնը տօնած է Մայիս ամսու գալուստը իբրեւ ծաղկումի եւ կենսուրախութեան հեթանոսական տօն, բայց ժամանակակից աշխարհը աշխատանքի եւ աշխատաւորութեան ազատագրումի գաղափարներով կը նշէ Մայիս 1ը:
Մայիս Մէկի մերօրեայ խորհուրդը ուղղակի կապուած է մարդու [...]

ԱԲՕ ՊՈՂԻԿԵԱՆ
2009ի Մայիս 31ին տեղի ունեցաւ Ամերիկայի Հայ Դատի յանձնախումբի հիմնադրամի հանգանակային երկրորդ հեռասփռուած արշաւը, որուն արդիւնքը գերազանցած էր առաջին հանգանակութեան արդիւնքները՝ անցնելով 2.5 միլիոն տոլարի սահմանը:
Յառաջիկայ Մայիս 20ին տեղի պիտի ունենայ Հայ Դատի հանգանակային երրորդ թելեթոնը, զոր կազմակերպողները կը յուսան եւ կը հաւատան, որ պիտի կտրուի նախկին մրցանիշը:
Այս նախատեսութիւնը հիմնուած է պարզ փաստերու վրայ.
- [...]

www.MassisART.com E-mail: MA@MassisArt.com

ՍՕՍ ՍԱՐԳՍԵԱՆ
Պարոն նախագահ,
Ամերիկան իմ սերնդի համար աշխարհի խիղճն էր, արդարութեան, բարութեան, ճշմարտութեան օրէնսդիրը: Չէ՞ որ մենք ծանօթ էինք մեծ նախագահների փիլիսոփայութեանն ու գործերին, սկսած Աբրահամ Լինկոնից եւ վերջացրած Թէոդոր Ռուզվելտով: Մենք հաւատո՛ւմ էինք նրանց, յոյս տածում ու սպասում:
Իմ սերունդը դաստիարակւում եւ որպէս անհատ ձեւաւորւում էր՝ կարդալով Բիչեր Սթոուի «Քեռի Թոմի խրճիթը», Մարկ Տվեյնի, Լոնգֆելլոյի, Հեմինգուէյի, [...]

ՅԱՐՈՒԹ ՍԱՍՈՒՆԵԱՆ
Ինչպէ՞ս կրնայ ըլլալ, որ ՄԱԿի Անվտանգութեան խորհուրդը, որ պէտք է խրախուսէ աշխարհի մէջ խաղաղութիւնն ու անվտանգութիւնը, արտօնէ Ատրպէյճանի ռազմամոլ նախագահին նախագահել այդ վսեմաշուք մարմինը: Դժբախտաբար, նման անարգանք հնարաւոր է, պարզապէս, որովհետեւ Ատրպէյճանի կարգն է Մայիս ամսուն ստանձնելու Անվտանգութեան խորհուրդի նախագահութիւնը:
Հաշուի առնելով Իլհամ Ալիեւի յարատեւ հակահայկական հռետորութիւնը՝ ոչ ոք թող զարմանայ, երբ ան ՄԱԿի հարթակը [...]

ԱՐԱՄ Ա. ԿԱԹՈՂԻԿՈՍ
Սոյն գրութիւնը խտացումն է Մեծի Տանն Կիլիկիոյ Արամ Ա. Կաթողիկոսի պատգամին, զոր տուաւ Երեքշաբթի,  24 Ապրիլի առաւօտուն, Անթիլիասի մայրավանքի Ապրիլեան Նահատակաց մատրան առջեւ կատարուած հոգեհանգիստէն ետք, հոծ բազմութեան ներկայութեան:
Ապրիլ 24ի առաւօտուն դարձեալ հաւաքուած ենք մեր մէկուկէս միլիոն նահատակներու աճիւններուն շուրջ: Այս աճիւնները կենդանի վկաներն են 20րդ դարու առաջի՛ն ցեղասպանութեան, որ պետական մաշտապով ծրագրուեցաւ [...]

ՆԱԶԱՐԷԹ ՊԷՐՊԷՐԵԱՆ
Պատմութեան նայելու եւ անցեալին վրայ քննական հայեացք նետելու մէկ ու միակ դիտանկիւն գոյութիւն չունի, անկասկա՛ծ։
Նոյնպէս եւ պատմական իրադարձութիւնները արժեւորելու եւ անցեալի դասերը բանաձեւելու մէկ, միակ ու հանրապարտադիր մեկնաբանութիւն չկայ, չի կրնար գոյութիւն ունենալ։
Եւ լաւ է, որ այդպէ՛ս է, որպէսզի միտքը միշտ բանի եւ անկաշկանդ որոնէ ճշմարտութիւնը։
Որպէսզի անցեալի կենսափորձը ծառայէ ներկան ճիշդ հունաւորելու եւ լաւագոյն [...]

ԱԲՕ ՊՈՂԻԿԵԱՆ
Նախագահ Պարաք Օպաման գերազանցեց ինքզինք՝ ուրացման հաւասարող անգիտութիւն ցուցաբերելով մարդկութaեան դէմ գործուած մեծագոյն ոճիրներէն՝ Հայկական Ցեղասպանութեան վերաբերեալ:
Արդարեւ, Երկուշաբթի օր, Ողջակիզման զոհերուն յիշատակը յաւերժացնող թանգարանին մէջ ունեցած իր ելոյթին ընթացքին նախագահ Օպամա ոսկէ առիթը փախցուց վերականգնելու իր վարկը եւ ձերբազատելու խոստմնադրոյժի անբաղձալի պիտակէն՝ զլանալով իր ճառին մէջ յիշատակել Հայկական Ցեղասպանութեան եղելութիւնը:
Ցեղասպանութիւնները եւ մարդկութեան դէմ գործուած [...]

ԱԲՕ ՊՈՂԻԿԵԱՆ
Մինչեւ հարիւրամեակ՝ Հայոց Ցեղասպանութեան տարելիցը նշելու երեք առիթ պիտի ունենանք:
Այս տարուան հաւաքներն ու ցոյցերը կազմակերպողներուն հետ «Ասպարէզ» եւս իր բաժինը բերաւ, որպէսզի 97րդ տարելիցին աննախընթաց մասնակցութիւն ապահովուի, ու առնուազն՝ կրկնապատկուի անցեալ տարիներուն այդ ձեռնարկներուն ներկայ եղողներուն համրանքը:
Եթէ այս առաջադրանքը իրականանայ, ապա կարելի է յոյս տածել, որ յաւելեալ աշխատանքով, յաւելեալ ճիգով՝ եկող տարի թիւը կը [...]

www.MassisART.com E-mail: MA@MassisArt.com

ԱԲՕ ՊՈՂԻԿԵԱՆ
Որքա՞ն ուժեղ է մեր համայնքը: Ինչպէ՞ս կարելի է մօտաւոր պատկերացում մը ունենալ մեր համայնքի ուժին:
Իւրաքանչիւր միութիւն ամէն օր կը փորձէ իր շարքերը ուռճացնել եւ իր նիւթական հնարաւորութիւնները մեծցնել:
Համայնքին ուժը կրնա՞յ առանձին կազմակերպութիւններու հնարաւորութիւններու գումարով գնահատուիլ:
Չե՛մ կարծեր: Այստեղ ուրիշ տրամաբանութիւն մը կը գործէ: Եթէ այս միութիւններն ու կազմակերպութիւնները իրարու հետ չեն համադրեր իրենց գործունէութիւնը, եթէ [...]

ՅԱՐՈՒԹ ՍԱՍՈՒՆԵԱՆ
Երբ անցեալ ամիս Թուրքիոյ արտաքին գործոց նախարարը գաղտնի հանդիպում ունեցաւ խումբ մը հայերու հետ Ուաշինկթընի մէջ, ան իր նենգ ժպիտով եւ անուշ լեզուով սիրաշահեցաւ անոնց սիրտը: Ասիկա թրքական աւանդական դիւանագիտութեան կեղծ դիմագիծն էր:
Անցեալ շաբաթ, ՄԱԿի մօտ Թուրքիոյ դեսպանը Նիւ Եորքի մէջ բացայայտեց իր կառավարութեան վայրագ եւ յարձակողական դիմագիծը: Իմանալով Ապրիլ 12ին ՄԱԿի մօտ Հայոց [...]

ԱԲՕ ՊՈՂԻԿԵԱՆ
Այսօր, վաղը եւ միւս օր (անշուշտ Շաբաթ օրուան անգլերէն բաժինին հետ միասին), «Ասպարէզ» օրաթերթը, բացի իր ներկայ բաժանորդներէն, մուտք պիտի գործէ յաւելեալ չորս հազար հայորդիներու բնակարաններ, պիտի ներկայանայ անոնց իր լուրերով, իր յօդուածներով ու ծանուցումներով:
Այս քայլով, «Ասպարէզ» բարերար ազգայինի մը աջակցութեամբ, առաջին հերթին իր բաժինը պիտի բերէ Հայկական Ցեղասպանութեան ոգեկոչման միացեալ մարմինի քարոզչական աշխատանքին՝ [...]

ԱԲՕ ՊՈՂԻԿԵԱՆ
Ապրիլեան ոգեկոչական եւ քաղաքական ձեռնարկներէն անմիջապէս ետք, Մայիսեան տօներու շրջանը պիտի սկսի, առաջինը՝ Շուշիի ազատագրութեան 20րդ տարեդարձը ըլլալով, որուն հետ միասին կը նշուի Արցախի բանակին օրը ու Երկրորդ աշխարհամարտի յաղթանակի տօնը: Ապա կու գայ Մայիս 28ը՝ Հայաստանի Անկախութեան տարեդարձի օրը:
Ամերիկայի Հայ Դատի յանձնախումբը այս տօնական ամսուան ընթացքին ծրագրած է հանգանակային արշաւ մը, որուն գագաթնակէտը [...]

Յակոբ Յակոբեանի Եղեռնեան Թեմայով Վէպը
Ցեղասպանութեան թեման իր ահագնութեամբ դեռ երկար ատեն դրոշմուած պիտի մնայ հայ ժողովուրդի հաւաքական յիշողութեան ու գիտակցութեան մէջ, առաւել եւս այն գրող արուեստագէտներուն մօտ, որոնք այդ թեմայով գրական կամ արուեստի գործեր ստեղծագործելու աշխատանքին լծուած են։ Այս վերջինները գիտակցութեամբ ամէն օր, ամէն րոպէ կը շալկեն իրենց ցեղին փշէպսակն ու կապարի ծանրութիւն առած խաչը, [...]

ՍԱՐԳԻՍ ՄԱՀՍԷՐԷՃԵԱՆ
Ցեղասպանութեան տարեդարձի նախօրեակին, թրքական խաբեպատիր մեքենայութիւնները դարձեալ գլուխ կը բարձրացնեն. դարձեալ փորձ կ՛ըլլայ աշխարհը մոլորեցնելու, յառաջ քշելով այն վարկածները, թէ՝ այսօրուան Թուրքիան անմեղ է, հայերն ու թուրքերը հաւասարապէս տուժած են Ա. Աշխարհամարտի իրադարձութեանց հետեւանքով, ցաւալի անցեալը պէտք չէ գրգռել, պէտք է յառաջ անցնիլ, բարեկամական մօտեցումը զարգացնել ու ապագային նայիլ գործնապաշտ մօտեցումով։
Դարձեալ փորձ կը կատարուի [...]

ԱԲՕ ՊՈՂԻԿԵԱՆ
Առաւօտ կանուխ խմբագրատուն կը մտնէ հին ընկեր մը՝ Ֆրետը, ձեռքին ընտիր սուրճով լեցուն գաւաթներ, իսկ հոգին՝ ալեկոծ:
Մեծ Եղեռնի ոգեկոչական ձեռնարկներուն մեծաթիւ մասնակցութիւն ապահովելու հարցն է, զոր կը խռովէ զայն, ու ան եկած է իր լուման բերելու՝ գործնական առաջարկներով:
Մենք ալ մեր ծրագիրները բաժնեցինք ընկերոջ հետ՝ բացատրելով նաեւ զանոնք իրագործելու դժուարութիւնները, խոչընդոտները՝ գլխաւորաբար նիւթական միջոցներու սահմանափակութեան [...]

www.MassisART.com E-mail: MA@MassisArt.com

ՔԱՇԱԹԱՂՑԻ
«ԱՍՊՍԱՐԷԶ».- Վերաբնակեցման օրակարգը մեր ազգային ամէնէն կարեւոր խնդիներէն մէկն է: Արցախի հարցի վճռական լուծումէն սկեալ մինչեւ Հայոց հայրենիքի անվտանգութեան երաշխիքը, նոյն այդ վերաբնակեցման ծրագիրի յաջողութեան հետ կապուած են: Ահա այդ ծրագիրին զինուորագրեալի մը ոգեպնդող կանչը.
Ողջո՜յն…
Ես Քաշաթաղցին եմ եւ ես Քաշաթաղցի եմ…
Մասնագիտութեամբ իրաւաբան չեմ…
Մասնագիտութեամբ լրագրող չեմ…
Բլոգինգի (համացանցի մէջ առանձին վայր՝ սիւնակագրութեան-ԽՄԲ.) մասնագէտ չեմ, աւելին, այս ոլորտում [...]

ՅԱՐՈՒԹ ՍԱՍՈՒՆԵԱՆ
Արտաքին գործոց նախարար Ահմետ Տաւութօղլու՝ Թուրքիոյ «անընդհատ վազքի մէջ գտնուող մարդը», իր
խիստ խճողուած օրակարգին աւելացուցած է նոր պարտականութիւն մը՝ ճամբորդել աշխարհի չորս կողմը՝ փորձելով «տրամաբանական» հայեր հաւաքագրել:
Տաւութօղլու ձեռնամուխ եղած է նման յուսահատ նախաձեռնութեան մը այն բանէն ետք, երբ հայերը մասնատելու եւ նուաճելու, ինչպէս նաեւ իրենց արդար Դատի պայքարը թուլցնելու ուղղուած Թուրքիոյ փորձերը ձախողեցան: Թուրքիոյ [...]

ԱԲՕ ՊՈՂԻԿԵԱՆ
Անցեալ Ուրբաթ օր այս սիւնակը յատկացուցած էինք Հայաստանի մէջ սկսած բնապահպանական շարժումին զօրակցող լոսանճելըսաբնակ խումբի մը բաց նամակին՝ ուղղուած Ամենայն հայոց կաթողիկոս Գարեգին Բ.ին, ուր կոչ կ՛ուղղուէր սատար կանգնելու «մեր երկրի Աստուածատուր բնութեան պահպանութեանն ուղղուած արդար պայքարին»:
«Հայ եկեղեցու եւ Ամենայն հայոց կաթողիկոսի դիրքորոշումը՝ Հայաստանի բնապահպանական խնդիրների շուրջ, պահի հրամայական է», գրած էին բնապահպանները՝ խնդրելով, [...]

ՆԱԶԱՐԷԹ ՊԷՐՊԷՐԵԱՆ
Ապրիլ 8ին պաշտօնապէս սկսաւ Մայիս 6ի խորհրդարանական ընտրութեանց քարոզարշաւի փուլը, որ օրէնքով պէտք է աւարտի Մայիս 4ին, որպէսզի քուէարկող քաղաքացին օր մը հանգիստ ժամանակ ունենայ, առանց խանգարուելու, իր վերջնական կողմնորոշումին մասին մտածելու եւ եզրակացութեան յանգելու համար։
Իսկ քարոզարշաւի առաջին քայլերէն ակներեւ է, որ նախընտրական մրցավազքի բոլոր մասնակիցներն ալ հրապարակ նետուած են գլխաւոր երկու թիրախի հասնելու [...]

Երեւանի կեդրոնին մէջ երէկ՝ Երեքշաբթի, 10 Ապրիլին,  տեղի ունեցած հանրահաւաքի ընթացքին ՀՅԴ Բիւրոյի ներկայացուցիչ Հրանդ Մարգարեան հանդէս եկաւ հետեւեալ ելոյթով.
Սիրելի  ժողովուրդ,
Այն ամէնը, ինչ կ՛ասեմ ձեզ այսօր, խնդրում եմ չընկալել զուտ նախընտրական քարոզարշաւի շրջանակներում: Այն պարզ պատճառով, որ նոր բան չեմ ասելու. ասելու եմ այն, ինչ մենք ասում ենք վաղուց, ասում ենք անընդհատ: Եւ հէնց դա [...]

ԱԲՕ ՊՈՂԻԿԵԱՆ
Երէկ, Հայաստանի մէջ խորհրդարանական ընտրապայքարի ազդանշանը տրուեցաւ եւ քաղաքական կուսակցութիւնները հրապարակաւ իրենց նախընտրական ծրագիրները ներկայացուցին հանրութեան:
Հայաստանի խորհրդարանական ընտրութիւններուն մենք կը հետեւինք մօտէն եւ լայնօրէն կը փորձենք լուսաբանել անոնց հետ կապուած զարգացումները՝ հաւատալով, որ մեզի հետ մեր ընթերցողները, ինչպէս եւ հայրենիքի ճակատագիրով մտահոգ իւրաքանչիւր քալիֆորնիահայ, արդար ու անխարդախ ընտրութիւններու յոյսը չկորսնցնելով՝ անձկութեամբ կը փնտռեն ընտրական [...]

ԱԲՕ ՊՈՂԻԿԵԱՆ
Ժողովրդավարութեան «ամրաբերդ» նկատուող Ամերիկայի Միացեալ Նահանգներուն մէջ, կը թուի, թէ կարիք պէտք չէ զգացուի բացատրելու քուէի կարեւորութիւնը, անոր ուժն ու ազդեցութիւնը:
Տեղական, նահանգային թէ դաշնակցային մակարդակի վրայ, այս երկրի քաղաքացին ընկերային, տնտեսական ու քաղաքական հարցերու վերաբերեալ քուէով իր դիրքորոշումը արտայայտելու հնարաւորութիւնը եւ իրաւունքն ունի: Այսուհանդերձ եւ հակառակ այն իրողութեան, որ այս հարցերէն շատերը անմիջապէս կ՛ազդեն [...]

www.MassisART.com E-mail: MA@MassisArt.com

ԹԵՂՈՒՏԻ ՊԱՇՏՊԱՆՆԵՐ
«Թեղուտի պաշտպանութեան» տեղւոյս՝ Լոս Անճելըսի զօրակցող խումբը, խմբագրութեանց փոխանցած է Գարեգին Բ. Ամենայն հայոց կաթողիկոսին ուղղուած բաց նամակին բնագիրը: Ստորեւ կը ներկայացնենք սոյն նամակի բնագիրը.
Վեհափառ Տէր,
Հայաստանում վերջին շրջանում  ակտիւացե (աշխուժացած-Խմբ.) են հասարակական զարգացումները, որոնք ծնունդ են երկրում առկայ տարբեր սոցիալական խնդիրների: Շր-ջակայ միջավայրին սպառնացող վտանգները համախմբել են բնապահպանական խնդիրներով մտահոգ հայերին ոչ միայն Հայաստանում, [...]

ՅԱՐՈՒԹ ՍԱՍՈՒՆԵԱՆ
2012ի Մարտ 16ը Միացեալ ազգերու կազմակերպութեան (ՄԱԿ) համար սովորական օր մըն էր, երբ Հայաստանի ու Թուվալուի ներկայացուցիչները ստորագրեցին Հայաստանի Հանրապետութեան ու Թուվալուի միջեւ դիւանագիտական յարաբերութիւններ հաստատելու մասին միացեալ յայտարարութիւն մը: Թուվալուն Խաղաղա-կան ովկիանոսի հարաւը գտնուող փոքր պետութիւն մըն է՝ Մենհեթընէն աւելի փոքր, որուն բնակչութիւնը հազիւ կը հասնի 10,000ի: Ո՞վ կը կարծէր, թէ նման սովորական [...]

– Թափանցիկ, օրինապահ եւ մաքո՞ւր… ինչու ո՛չ.
Բայց «մնացեալին» համար… տակաւին պէտք է սպասել
ՆԱԶԱՐԷԹ ՊԷՐՊԷՐԵԱՆ
Մայիս 6ին մնացած է ամիս մը եւ Հայաստանի ներ–քաղաքական դաշտը ըստ երեւոյթին լրիւ պատրաստ է… խորհրդարանական ընտրութեանց «օրինակելի» մրցավազքին համար։
Այո՛, անհրաժեշտ բոլոր երեւոյթները կան, որպէսզի ուշադիր հետեւողը ստանայ այն տպաւորութիւնը, թէ Հայաստան Մայիս 6ին իրապէ՜ս պիտի ունենայ իր «ամէնէն լաւ ընտրութիւնները», ինչպէս [...]

ԱԲՕ ՊՈՂԻԿԵԱՆ
Արցախի մէջ գիւղատնտեսութիւնը միշտ ալ նկատուած է անկախ երկրի տնտեսութեան հիմնական ուղղութիւններէն մէկը՝ ապահովելով երկրի երեքհարիւր միլիոն տոլարի Համախառն ներքին արտադրութեան 80 միլիոնը եւ հանդիսանալով աւելի քան տասնհինգ հազար ընտանիքի եկամուտի գլխաւոր աղբիւրը:
Գիւղատնտեսութեան մէջ կարեւորագոյն ճիւղը հացահատիկի արտադրութիւնն է՝ գլխաւորաբար ցորենի ցանքը: Այն տարին, երբ ցորենի բերքի առատութիւն ըլլայ, արցախցիի կեանքը նկատելիօրէն կը բարելաւուի, [...]

«ԱՍՊԱՐԷԶ»
Լոս Անճելըսի մէջ գործող թրքական հիւպատոսարանը հայեւթուրք յարաբերութիւնները «բարելաւելու» կեղծ առաջադրանքով ձեռնարկած է արշաւի մը՝ տեղւոյն հայ համայնքին մէջ փնտռելով գործակիցներ, որոնց պարզապէս պիտի օգտագործէ իր իսկական հակահայ ծրագիրը իրականացնելու նպատակին համար:
Արդարեւ, «Ասպարէզ»ին հասած են տեղեկութիւններ, ըստ որոնց՝ թրքական հիւպատոսարանի աշխատողներ կամ անոնց լիազօրութեամբ գործող մարդիկ մօտեցած են հայ համայնքին մէջ դերակատարութիւն ունեցող անձերու ու [...]

ԱԲՕ ՊՈՂԻԿԵԱՆ
Համայնքի մէջ գործող կազմակերպութեանց ղեկավարները պէտք է լաւատեղեակ ըլլան թէ՛ տեղական եւ թէ համահայկական հարցերու մասին:
Եթէ ձեզի համար վիճելի է այս հաստատումը, ապա կրնաք չշարունակել ձեր ընթերցումը:
Մեր կարծիքով, անվիճելի այս հաստատումին հետ կարելի է կատարել երկրորդ մը. թէ՛ տեղական եւ թէ համահայկական հարցերու վերաբերեալ լաւատեղեակ ըլլալու համար, հայկական միութեանց ու կազմակերպութեանց վարչական պատասխանատուութիւնը կրողները [...]

www.MassisART.com E-mail: MA@MassisArt.com

ԱԲՕ ՊՈՂԻԿԵԱՆ
Համայնքային օրակարգը յաճախ այնքա՛ն խճողուած կ՛ըլլայ, որ միութիւններու ու կազմակերպութիւններու համար կը դժուարանայ հանրութեան ուշադրութիւնը կեդրոնացնել տեղական կամ համազգային կարեւոր նշանակութիւն ունեցող միջոցառումներու վրայ:
Մէկ կողմէ՝ ձեռնարկներու խայտաբղէտութիւնն ու անոնց մեծ թիւը, միւս կողմէ՝ քարոզչական արդիւնաւէտ ծրագիրներու մշակումի ու գործադրութեան պակասը, պատճառ կը դառնան, որ ցոյցեր, հաւաքներ, զեկուցական հանդիպումներ ուղղակի ձախողին:
Համայնքային կեանքի մթնոլորտը լարելու, մարդոց [...]

ԱԲՕ ՊՈՂԻԿԵԱՆ
Վաղուան օրը ի՞նչ պիտի բերէ մեզի ընդհանրապէս, եւ Երեւանի Մաշտոցի պուրակին մէջ՝ մայրաքաղաքի սիրուն այգիներէն մէկուն պաշտպանութեան համար պայքարող երիտասարդ բնապահպաններուն համար՝ մասնաւորապէս:
Մեզ կը մտահոգէ մէկ կողմէ երիտասարդներու վճռականութիւնը, իսկ միւս կողմէ՝ ոստիկանութեան անկանխատեսելի հակադարձութիւնը:
Արդարեւ, երէկ Հայաստանի ոստիկանութիւնը հրապարակեց յայտարարութիւն մը, որ լուրջ մտահոգութիւն յառաջացուց մեր մէջ:
«Ոստիկանութիւնը լիազօրուած է յայտարարել, որ Մարտի 31ին, ժամը [...]

ՅԱՐՈՒԹ ՍԱՍՈՒՆԵԱՆ
Իւրաքանչիւր անցնող օրուան հետ կը բացայայտուի Թուրքիոյ վատ վարքագիծը քօղարկելու՝ Օպամայի վարչակազմին ամօթալի նոր դաւադրութիւնները:
Վերջին խայտառակութիւնը կապուած է ԱՄՆ արտաքին գործոց նախարարութեան քօղարկուած փորձին հետ՝ Միջազգային կրօնի ազատութեան հարցով Ամերիկայի յանձնաժողովի (USCIRF) զեկոյցին բովանդակութիւնը փոխելու վերաբերեալ: Զեկոյցին մէջ Թուրքիոյ կառավարութիւնը կը դատապարտուէր քրիստոնեայ փոքրամասնութիւններու կրօնական իրաւունքները ոտնահարելուն համար: Յանձնաժողովը ԱՄՆ Քոնկրեսին կողմէ հիմնուած անկախ, [...]

ԱԲՕ ՊՈՂԻԿԵԱՆ
Անձկութեամբ եւ տագնապով կը հետեւինք Մաշտոցի այգիի իրադարձութեանց: Մենք քանի անգամներ արտայայտած ենք մեր զօրակցութիւնը բնապահպանական շարժումը ղեկավարող երիտասարդներուն: Ուրախութեամբ կը նկատենք նաեւ, որ մտաւորական եւ արուեստի մարդիկ կը կանգնին այս երիտասարդներու կողքին, ու կը ջատագովեն անոնց գործունէութիւնը:
Երիտասարդները յայտնապէս վճռական են եւ պատրաստ յաղթահարելու իշխանութեանց կողմէ ստեղծուած խոչընդոտները: Մաշտոցի այգիի փրկութեան պայքարը սոյն վճռականութիւնը [...]

ԱԲՕ ՊՈՂԻԿԵԱՆ
Հայաստանի մէջ բնապահպանական շարժումը ամէն հնարաւորութիւն ունի վերածուելու հզօր ուժի մը:
Յատկապէս երիտասարդական նկարագիր ունենալով, մաքուր, անապական աղբիւրներէ ստացած իր ներշնչումներով՝ այս շարժումը կրնայ հայրենի ժողովուրդին, ինչու չէ նաեւ սփիւռքահայ համայնքներուն մէջ բոցավառել մեր իրականութեան մէջ բարեփոխութիւնը կարելի ու հնարաւոր տեսնելու յոյսն ու հաւատքը:
Այս պարագային, կարեւոր չէ նոյնսիկ թէ այսօր այդ շարժումին քանի՞ հոգի կը [...]

ԱԲՕ ՊՈՂԻԿԵԱՆ
Արցախ այցելող զբօսաշրջիկներուն թիւը կ՛աւելնայ՝ կ՛աւետեն հայկական լրատուական գործակալութիւնները՝ մեկնաբանելով Լեռնային Ղարաբաղի Հանրապետութեան արտաքին գործոց նախարարութեան հիւպատոսական ծառայութեան մատուցած տուեալները (լուրը կարդալ էջ 4):
Թուային պատկերով՝ ճի՛շդ է, պէտք է ուրախանալ, որ Արցախ այցելած զբօսաշրջիկներուն թիւը աւելցած է անցեալ տարի. համեմատական իմաստով նոյնիսկ կարելի է ըսել, որ աւելցած է նկատառելիօրէն:
Կարելի է նաեւ բաժնել լուրին ցնծալի [...]

ԱԲՕ ՊՈՂԻԿԵԱՆ
Ընտրական ցուցակները հրապարակուելէ ետք հայաստանեան մամուլը կեդրոնացաւ անոնցմէ դուրս մնացածներու կամ ետեւի դիրքերուն արժանացածներու վրայ, զգայացունց վիճակներ գտնելու ջանադրութեամբ:
Իշխող կուսակցութեան պարագային, ցանկէն դժգոհ մնացած անդամներ վստահաբար կան, սակայն անոնք դժուար թէ համարձակին արտայայտելու իրենց բողոքը՝ պատժուելէ վախնալով: Պատիժը այս պարագային կրնայ տարբեր ձեւերով արտայայտուիլ, բոլորը՝ տնտեսական հետեւանքներով. յանկարծ կրնան անոնք հարկային տեսչութեան ուշադրութեան արժանանալ, [...]

www.MassisART.com E-mail: MA@MassisArt.com

ԽՄԲԱԳՐԱԿԱՆ «ՀՐԱՊԱՐԱԿ»Ի
Այսօր կաւարտուի առաջադրումների փուլը, եւ նախընտրական իրարանցումը փոքր ինչ կը հանդարտի: Անշուշտ, վերջին օրն առաջադրումների առաւել առատութեամբ աչքի կ՛ընկնի, սակայն տասնօրեայ ընթացքից արդէն կարելի է որոշ եզրակացութիւններ անել.
ա) Այս ընտրութիւնները բաւականին տխուր ու միապաղաղ են անցնելու: Մրցակցութիւն եւ թէժ պայքար ծաւալուելու է շատ քիչ ընտրատարածքներում: Բանն այն է, որ մեզանում ընտրութիւնների գործընթացը գրեթէ լիովին [...]

ՅԱՐՈՒԹ ՍԱՍՈՒՆԵԱՆ
Պոլսոյ Հայոց պատրիարքարանի եւ պատրիարքական փոխանորդ Արամ արքեպիսկոպոս Աթէշեանի կողմէ Թուրքիոյ կառավարութեան դէմ դատ բանալու համարձակ քայլը, որով կը պահանջուի վերադարձնել պատմական նշանակութիւն ունեցող հայկական կալուածները, արժանի է ամենայն գնահատանքի:
Թուրք պաշտօնատարները, ըստ սովորութեան, թշնամաբար կը վերաբերին նման դատերու եւ մեծ ճնշում կը գործադրեն դատաւորներուն վրայ, որպէսզի անոնք մերժեն փոքրամասնութիւններուն կողմէ հնչած գոյքային հայցերը՝ չափազանց [...]

ԱԲՕ ՊՈՂԻԿԵԱՆ
Նամակատուփիս մէջ քաղցր յիշեցում մը կար: Քանի մը օրէն ընկերոջ մը տարեդարձն է, ու ան զիս ու իր շրջապատի բոլոր ծանօթներուն կը յիշեցնէ, թէ այդ բարեբաստիկ օրուան առթիւ, իր փափաքն է՝ նուէրի փոխարէն մեր կարելիութեանց չափով գումար մը փոխանցենք Մայիս 20ին տեղի ունենալիք Հայ Դատի հեռատեսիլային մարաթոն-հանգանակութեան հաշիւին:
Ընկերներու ու բարեկամներու ուրախ թէ տխուր առիթներուն [...]

ԼԻԼԻԹ ԳԱԼՍՏԵԱՆ
ՏԽՈՒՐ…ԳԱՒԱՌԱԿԱՆ ԵՒ ԽՂՃՈՒԿ:
Տխրում եմ, տխրում մեր պետականութեան համար, թէեւ վաղուց արդէն մեր իրականութեանը խորթ չեն թէ՛ պսեւդոկուսակցութիւններից (կեղծ կուսակցութիւններէն-Խմբ.) առնէտավազքը, թէ՛ կերակրատաշտին մօտ դիրքաւորուելու արդէն ազգային դարձած վարքագիծը: Անկախութեան, այո, զարմանալիօրէն հէնց անկախութեան 20 տարիներին ամէն ինչ արեցինք արժէզրկելու քանի-քանի սերունդների համար փայփայելի գաղափարներ, պետականութեան ինստիտուտները:
Թերեւս կարելի էր ըմբռնումով մօտենալ, մտածել թէ ժամանակը կարճ [...]

ԱԲՕ ՊՈՂԻԿԵԱՆ
Ի՞նչ փոխուած է Հայաստանի մէջ:
Ինչո՞ւ համար սիրուած երգիչ մը՝ Շուշան Պետրոսեանը, որ հայրենասիրական, ազգային երգերու հրաշալի կատարող մըն է եւ որուն ընտրած երգերը ունին դաստիարակող, ներշնչող ազդեցութիւն, ընդունած է մտնել իշխող կուսակցութեան ընտրական ցուցակին մէջ:
Ինչո՞ւ համար ընդդիմադիր, քննադատական սուր յօդուածներով յայտնի «Առաւօտ»ի նման թերթի մը աշխատակիցը, յանդուգն ու սուր գրիչ ունեցող հրապարակագիրը՝ Մարգարիտ Եսայեանը, [...]

ԱԲՕ ՊՈՂԻԿԵԱՆ
Ուկանտայի մէջ Ճոզէֆ Քոնի անունով աւազակապետ մը, որ հազարներով երեխաներ կ՛առեւանգէ ու զանոնք կը վերածէ ստրուկներու ու մահ սփռող գործիքներու, թիրախը դարձած է Ճէյսըն Ռասըլ անունով անձի մը հիմնած «Անտեսանելի Երեխաներ» մարդկային իրաւանց կազմակերպութեան, որուն ստեղծած քարոզչական տեսաժապաւէնը գրաւած է աւելի քան հարիւր միլիոն մարդոց ուշադրութիւնը:
Քոնիի անմարդկային գործունէութիւնը պարզագոյն ոճով պատմող տեսաերիզին մէջ՝ կազմակերպութիւնը [...]

www.MassisART.com E-mail: MA@MassisArt.com

ԽՄԲԱԳՐԱԿԱՆ «ՀԱՅՐԵՆԻՔ»Ի
Իւրայատուկ երկիր է Վրաստանը իր հարիւրաւոր տարբեր տեսակի ժողովուրդներով եւ ցեղախումբերով, այնքան մը, որ կարելի է լրջօրէն հարցադրել թէ մեծամասնութեամբ փոքրամասնութիւններով բնակուած հողաշերտ մը, ինչպէ՞ս կարելի է ղեկավարել: Տեղւոյն խորհրդարանի մէկ յատուկ նիստին կողմէ ազգային փոքրամասնութիւններու պաշտպանութեան շրջանակային համաձայնագիրին վաւերացումը յուսադրիչ կը նկատուէր, այն առումով, որ շրջանի զանազան խնդիրները վերջապէս կրնային ստանալ արմատական լուծում: [...]

ՅԱՐՈՒԹ ՍԱՍՈՒՆԵԱՆ
Տակաւին քանի անգամ արտաքին գործոց նախարար Հիլըրի Քլինթըն պիտի կարենայ դրժել իր խոստումը եւ Հայոց Ցեղասպանութեան վերաբերեալ վիրաւորական յայտարարութիւններ ընել, նախքան զինք ստախօս անուանելն ու հրաժարական տալու ստիպելը:
Ամերիկահայութիւնը յագեցած է Քլինթընով եւ անոր ղեկավար Պարաք Օպամայով, որ նոյնպէս չկատարեց Հայոց Ցեղասպանութեան հետ կապուած իր խոստումները: Դժբախտաբար, Հայոց Ցեղասպանութիւնը միակ խնդիրը չէ: Օպամայի վարչակազմը հիասթափեցուց [...]

Ս. ՄԱՀՍԷՐԷՃԵԱՆ
Աֆղանիստանի, Փաքիստանի ու ընդհանրապէս ամերիկեան ուժեր «հիւրընկալող» երկիրներու մէջ յաճախակի դարձած ձախաւերութիւններն ու անմեղ զոհեր պատճառող միջադէպերու բազմացումը նկատի ունենալով, ամերիկեան իշխանութիւնները կը մտածեն (եղեր) յատուկ յանձնախումբ մը կազմել Սպիտակ Տան, պաշտպանութեան ու արտաքին գործոց նախարարութեանց ներկայացուցիչներէն, դիմակալելու համար ստեղծուած անախորժ կացութիւնները։
Յանձնախումբին պիտի թելադրուի (եղեր) գործել հետեւեալ տրամաբանութեամբ.- Ստեղծել պաշտօնական բանբերներու դասակարգ մը, որուն [...]

ԱԲՕ ՊՈՂԻԿԵԱՆ
Հայաստանի իշխող կուսակցութեան՝ Հայաստանի Հանրապետական կուսակցութեան (ՀՀԿ) ներկայացուցիչներուն բերնով մամուլին մէջ սպրդած էր լուր մը, ըստ որուն՝ այդ  կուսակցութեան ղեկավարութիւնը յառաջիկայ խորհրդարանական ընտրութիւններուն պիատի ձերբազատուի գործարար պատգամաւորներէն եւ Ազգային ժողով պիտի բերէ նոր՝ երիտասարդ ու մտաւորական ուժեր: Կրնա՞նք հաւատալ այդպիսի զրոյցներու: Դժբախտաբար ո՛չ:
Թէեւ ՀՀԿի համամասնական ցուցակը տակաւին չէ հրապարակուած, սակայն յայտնի դարձած են մեծամասնական [...]

Ինչո՞ւ ՀՀ նախագահը չի հասկնար իր ժողովուրդին պահանջած փոփոխութիւնը, որ՝ իշխանափոխութի՛ւնն է

ՆԱԶԱՐԷԹ ՊԷՐՊԷՐԵԱՆ
«Մեր պետութեան ու հասարակութեան մէջ կան բազմաթիւ բացասական երեւոյթներ, որոնք մենք ժառանգել ենք անցեալից, եւ որոնք շարունակւում են իներցիայով։ Փոխել՝ նշանակում է առաջին հերթին յաղթահարել այդ իներցիան եւ արմատաւորել նոր աւանդոյթներ։
«… Իսկ ի՞նչն է մեզ խանգարում փոխել։ Մենք ո՞ւմից ենք պակաս։ Փոխե՛նք, որ [...]

ԱԲՕ ՊՈՂԻԿԵԱՆ
Անցեալ օր մեր կրթական պատասխանատուներէն մէկը հանդիպեցաւ խմբագրատուն՝ մեր դպրոցներու վիճակին մասին խօսելու եւ անոնց պատասխանատուներուն յաւելեալ թեւ ու թիկունք դառնալու ճանապարհներ առաջարկելու համար:
Անշուշտ առանց տատամսումի պատասխանեցի, որ «Ասպարէզ»ի առաքելութիւնն իսկ մեր վրայ կը դնէ հայապահպանման բոլոր օճախներուն նպաստելու, անոնց գործունէութեան աջակցելու պարտաւորութիւնը, եւ մենք սիրո՛վ կը կատարենք մեզմէ ակնկալուածը: Այսուհանդերձ, մենք մեր տուածով [...]

ՓՐՈՖ. ԷԹԻԷՆ ԳՈՒԲԵԼԵԱՆ
Օր մը հինգ տարեկան մանուկ մը, Ալեքսանտրէթի «Գարմելեան» ուխտին պատկանող մատրան մէջ երգեհոնիկով կը զուարճանար, երբ վանահայրը, որ հեռուէն կը հետեւէր փոքրիկ նուագածուին սխրանքներուն, մօտեցաւ անոր ու հարց տուաւ եթէ ան կ՛ուզէր երաժշտութիւն սորվիլ…
Անակնկալի գալով՝ «այո» պատասխանեց փոքրիկն Պօղոս Ճելալեան, առանց իր խանդավառութենէն հիւլէ մը զիջելու:
Այսպիսով է, որ անիկա մուտք գործեց երաժշտութեան տարերքը: [...]

ԱԲՕ ՊՈՂԻԿԵԱՆ
Անշահախնդիր քաղաքական կամ հասարակական գործիչի համար ամէնէն մեծ վարձատրութիւնը ժողովուրդին կողմէ գնահատանքի արժանանալն է՝ հանրային համակրանքի ու յարգանքի արժանանալը:
Պետական-քաղաքական գործիչի պարագային, անշահախնդրութիւնը եթէ կասկածելի կրնայ ըլլալ (ի վերջոյ, քաղաքական գործիչը իր պաշտօնին բերումով ահագին բարիքներու ձեռնհաս կրնայ ըլլալ), կամաւոր հիմունքներով աշխատող հասարակական գործիչներու գերագոյն վարձատրութիւնը համակրական արտայայտութիւններն են, որոնց կրնան արժանանալ անոնք, երբ կը [...]

ՊՈԼՒՍ, «Մարմարա».- Մալաթիոյ քաղաքապետական խորհուրդի վերջին նիստի ընթացքին կրկին օրակարգի բերուեցաւ Մալաթիոյ հայոց գերեզմանատան մէջ քանդուած աղօթարանի, պահապանի բնակարանի եւ այլ կառոյցներու հարցը՝ ստեղծելով լարուած մթնոլորտ մը ու պատճառ դառնալով բանավէճի մը, որուն ընթացքին քաղաքապետական խորհուրդի կարգ մը անդամներ զիրար նախատեցին:
Ինչպէս հաղորդած ենք, մալաթիացի հայերու կողմէ հաւաքուած գումարով կարգ մը շինութիւններ կը կատարուէին հայոց գերեզմանատան [...]

ԱԲՕ ՊՈՂԻԿԵԱՆ
Հայ Օգնութեան Հիմնադրամի Ջաւախքի յանձնախումբի տարեկան ձեռնարկի թուականը կը մօտենայ (մանրամասնութեան մասին՝ տես էջ 12ի հաղորդագրութիւնը): Յանձնախումբի անդամները անցեալ տարիներուն յաջողած են իրենց շուրջ հաւաքել համակիրներու ու զօրակցողներու մեծ խումբ մը, որ հետեւողականօրէն կը ներկայանայ ու ամէն տարի իր նիւթական ներդրումը կը բերէ Ջաւախքի մէջ իրականացուող ծրագիրներուն:
Գնահատելի այս աշխատանքը ընդարձակուելու, ծաւալելու խնդիր ունի: Ջաւախքի [...]

ՅԱՐՈՒԹ ՍԱՍՈՒՆԵԱՆ
Ֆրանսայի եւ առհասարակ աշխարհասփիւռ հայութիւնը չափազանց վրդովուած էր Ֆրանսայի Սահմանադրական խորհուրդի՝ Ցեղասպանութեան ժխտումը քրէականացնող օրինագիծը մերժելուն մասին ընդունած խայտառակ որոշումէն:
Խորհրդարանն ու Ծերակոյտը վերջերս ընդունեցին օրէնք մը, որով կը նախատեսուէր մէկ տարուան ժամկէտով բանտարկութիւն եւ 60,000 տոլարի չափով տուգանք այն մարդկանց համար, որոնք կը մերժեն Ֆրանսայի կառավարութեան կողմէ ճանչցուած ցեղասպանութիւնները: Ֆրանսան պաշտօնապէս ճանչցած է Հրէական [...]

«ԱՍՊԱՐԷԶ»
Փարիզի «Նոր Յառաջ» թերթը հետեւեալ վերնագիրով կը ներկայացնէ Հայաստանի առաջին նախագահի՝ ՀԱԿի վերջին հանրահաւաքի ընթացքին ունեցած ելոյթին մէկ պատառիկը. «Լեւոն Տէր Պետրոսեան կը զղջա՞յ, որ չէ վերականգնած դասական ուղղագրութիւնը»:
Իր ելոյթի վերջաւորութեան, Տէր Պետրոսեան ըսած է. «գաղտնիք չէ, որ Հայաստանի բոլոր քաղաքական ուժերն, այդ թւում նաեւ Հայ Ազգային Կոնգրեսը (ՀԱԿ), ներկայումս զբաղուած են խորհրդարանական ընտրութիւնների համամասնական [...]

Ստորեւ՝ Հայ Օգնութեան Միութեան շնորհաւորական ուղերձը՝ Կանանց Միջազգային Օրուան կապակցութեամբ.
Կանանց միջազգային օրուայ առթիւ Հայ Օգնութեան Միութեան Կենտրոնական վարչութիւնը շնորհաւորում է հայ կանանց՝ աշխարհի բոլոր ծագերում:
Մեր ժողովրդի ամբողջ պատմութեան եւ յատկապէս վերջին հարիւրամեակի ընթացքում հայ կնոջ դերն է եղել գլխաւոր ոչ միայն մեր ժողովրդի սոսկ ֆիզիկական գոյատեւման համար, այլեւ մեր ազգային ինքնութեան եւ մշակութային արժէքների պահպանման [...]

ԵԹԷ ՄԵՐ ԱՆՑԵԱԼԸ ԿԸ ՊԱՐՏԻՆՔ ԵՐԻՏԱՍԱՐԴ ՂԵԿԱՎԱՐՆԵՐՈՒ,
ԻՆՉՈ՞Ւ ԿԱՐԵԼԻ ՉԷ ՄԵՐ ԱՊԱԳԱՆ ԵՒՍ ՎՍՏԱՀԻԼ ՆՈՐԱՀԱՍ ՍԵՐՈՒՆԴԻՆ
ՆԱԶԱՐԷԹ ՊԷՐՊԷՐԵԱՆ
Մտերիմ ընկեր մը վերջերս, էլեկտրոնային իր նամակով, արդարացիօրէն դիտել կու տար, թէ մեր նորագոյն պատմութեան ամէնէն բախտորոշ երեսնամեակին՝ 1890–1920ականներուն, հայ ժողովուրդին ազգային–քաղաքական ղեկը իրենց ձեռքն առած էին երիտասա՛րդ գործիչներ, ինչպէս Արամն ու Ս. Վրացեանը։ Իսկ ներկայիս, ազգային մեր կառոյցներն ու [...]

«Տարեդարձ Մը՝ Հայ Ժողովուրդին Յաւերժութեան Նուիրուած»
ՊԵՏՐՈՍ ՊԱՆՏԱԶԵԱՆԻ ԽՕՍՔԸ
Յարգարժան հոգեւոր հայրեր, հայ քաղաքական ղեկավարներ եւ 15րդ Հայկական նաւապտոյտի հիւրեր ու բարեկամներ, բարի՛ էք եկեր:
Ըսէ՛ք, խնդրեմ, ձեզմէ ո՞վ կրնար երեւակայել, թէ 199Օին, երբ Հայկական նաւապտոյտին գաղափարը ծնունդ առաւ, համաշխարհային առումով վայելած ներկայ իր յաջողութիւնը պիտի կարենար նուաճել։ Եւ այդ յաջողութիւնը ծնունդ առաւ որպէս պարզ գաղափար ու «քոնսեփ»չ, [...]

ԱԲՕ ՊՈՂԻԿԵԱՆ
Մտաւորական ընկեր մը ուշադրութեանս յանձնած է The Jewish Week-ին մէջ լոյս տեսած Սթիվըն Պէյմի յօդուածը՝ Իսրայէլ-հրէական սփիւռք յարաբերութիւններու մասին, ուր հեղինակը կը խօսի իսրայէլի կառավարութեան քաղաքական գիծը պաշտպանելու գծով՝ հրէական սփիւռքին մէջ առկայ տարբեր մօտեցումներուն մասին:
Սթիվըն Պէյմ Ամերիկեան-Հրէական յանձնախումբի «Հրէական կեանք» բաժինի տնօրէնն է եւ իր պատասխանատուութեանց մէջ կ՛յինայ Իսրայէլ-սփիւռք յարաբերութիւններու ոլորտը:
Պէյմ կը նշէ, [...]