Հ.Յ.Դ. Յունաստանի Հայ Դատի Յանձնախումբի, Անօ Սիրոյի քաղաքապետութեան եւ Փիրէայի «Խածիքիրիաքիօ» հաստատութեան հրաւէրով, 10րդ տարին ըլլալով, այս տարի եւս Արցախի ազատամարտիկներու 11-15 տարեկան (8 աղջիկ եւ 13 տղայ) 21 մանուկներ եւ իրենց պատասխանատուն՝ Հայաստան Տումանեան, 24 Օգոստոսէն 7 Սեպտեմբեր առիթը ունեցան անցընելու 10 օրեր Անօ Սիրոյի, եւ 4 օրեր ալ՝ «Խածիքիրիաքիօ»ի մէջ:
Անօ Սիրոյի քաղաքապետ [...]

ԵՐԵՒԱՆ, «Արմէնփրէս».- Կրթութեան եւ գիտութեան նախարարութիւնը Սեպտեմբեր 28ին կառավարութեան ներկայացուց մինչեւ 2015 կրթութեան զարգացման համալիր ծրագիրը: Այս մասին յայտնեց ԿԳ նախարար Լեւոն Մկրտչեանը եւ նշեց, որ ծրագիրը կը ներառէ ընդհանուր կրթական համակարգին մէջ՝ հանրակրթութենէն մինչեւ մասնագիտական կրթութիւն, իրականացուող ծրագրային բոլոր բարեփոխումները:
Նախարար յայտարարեց, որ համալիր ծրագիրի «Նպատակն է հայաստանեան կրթական ծրագրերը, չափորոշիչները եւ որակը համապատասխանեցնել խոշորագոյն [...]

ԵՐԵՒԱՆ, «Նոյեան Տապան».- «Ցաւալի է, որ ութ փորձառու դիւանագէտներ տեղիք են տալիս Թուրքիայի մեքենայութիւններին», ըսուած է արտաքին գործոց նախարար Վարդան Օսկանեանի յայտարարութեան մէջ, զոր ան կատարած է Միացեալ Նահանգներու նախկին պետական քարտուղարներու կողմէ Ներկայացուցիչներու տան խօսնակ Նէնսի Փելոսիին հասցէագրուած նամակի կապակցութեամբ:
Յիշեցնենք, որ Սեպտեմբեր 25ին ԱՄՆի նախկին ութ պետական քարտուղարները նամակով դիմած էին Ներկայացուցիչներու տան [...]

ՈՒԱՇԻՆԿԹԸՆ, «Ռոյթըրզ».- Մինչ Իրանի նախագահ Մահմուտ Ահմատինեժատ Նիւ Եորք կը գտնուէր, Միացեալ Նահանգներու Ներկայացուցիչներու տունը Երեքշաբթի օր 16ի դէմ 397 քուէներով յաւելեալ պատժամիջոցներ որդեգրեց Իրանի դէմ, մինչ Ծերակոյտը ամերիկեան վարչակազմէն պահանջեց Իրանի Յեղափոխական պահակագունդը դնել ահաբեկչական կազմակերպութիւններու ցանկին վրայ։
Ըստ օրէնքի նախագիծին, պատժամիջոցներ պիտի հաստատուին որեւէ ընկերութեան դէմ, որ Իրանի մէջ աւելի քան 20 միլիոն [...]

ԱՆԳԱՐԱ, «Ռոյթըրզ».- Եռօրեայ բանակցութիւններէ ետք, Իրաքի ու Թուրքիոյ պատուիրակութիւնները կրցան մասնակի համաձայնագիր մը ստորագրել, Քիւրտիստանի բանուորական կուսակցութեան դէմ պայքարը աւելի ազդու դարձնելու նպատակով:
Իրաքի ներքին գործոց նախարար Ճաուատ Պոլանի եւ Թուրքիոյ անոր պաշտօնակից Պեշիր Աթալայ ստորագրեցին համաձայնագիրը, որու նպատակն է հիւսիսային Իրաք ապաստանած Քիւրտիստանի բանուորական կուսակցութեան անդամ յեղափոխականներուն կողմէ Թուրքիոյ վրայ յարձակումները կասեցնել:
Իրաք մերժեց [...]

ՊՈԼԻՍ, «Ակօս», «Ա.Էֆ.Փէ.».- Երկուշաբթի, Հոկտեմբեր 1ին վերսկսող «Ակօս» թերթի հիմնադիր Հրանդ Տինքի սպանութեան դատավարութիւնը պիտի շարունակուի առանց լրագրողներու, հակառակ լրագրողներուն դիմումներուն:
Բազմաթիւ հասարակական կազմակերպութիւններ եւս ուզած են ղրկել իրենց ներկայացուցիչները, բայց դատաւորը մերժած է անոնց դիմումները, որովհետեւ ոճիրը գործադրողը 18 տարիքը չէ բոլորած:
19 ամբաստանեալներ, որոնցմէ ութը ձերբակալուած են, կը դատուին Տինքի սպանութեան հարցով: Թուրքիոյ [...]

ՍՏԵՓԱՆԱԿԵՐՏ, «Արմէնփրէս».- ԼՂՀ վարչապետ Արայիկ Յարութիւնեանը երէկ, Սեպտեմբեր 28ին, Շուշիի պաշտօնեաներուն ներկայացուց քաղաքի վարչակազմի նորանշանակ ղեկավար Վարդան Գաբրիէլեանը, զոր վարչապետը բնութագրեց որպէս քաջատեղեակ ու բանիմաց գործիչ:
Ա. Յարութիւնեան նշեց, որ թէեւ Շուշին ու շրջանը նկատելիօրէն զարգացում ապրած են վերջին տարիներուն, այսուհանդերձ, տակաւին առկայ է ընկերային-տնտեսական բարդ կացութիւն. «Մեր նպատակն է հայոց պատմական այս քաղաքը դարձնել [...]

Աւելի քան երեք տասնամեակ է արդեն, որ ՀՕՄի «Մայր» մասնաճիւղի շաբաթօրեայ դպրոցը իր որակեալ ուսուցչակազմով եւ տնօրէն Կատիա Քուշերեանի ղեկավարութեամբ, վերելքի անշեղ ուղիով կը շարունակէ ծառայել Հոլիվուտի հայաշատ համայնքի կրթական կարիքներուն։ Աշակերտութեան թիւով այն ամենամեծն է, ինչպէս նաեւ՝ լաւագոյններէն մէկը ՀՕՄի Շաբաթօրեայ դպրոցներու ընտանիքին մէջ։
Դպրոցը թարմ ուժերով եւ լաւ ակնկալիքներով իր դուռները վերստին բացաւ [...]

ՍՏԵՓԱՆԱԿԵՐՏ, «Արմէնփրէս».- ԼՂՀ նախագահ Բակօ Սահակեանը ընդունեց ամերիկահայ բարերարներ Ժասմէն Բոնիացեանը եւ Կարէն Բենիսեանցը, որոնք տարբեր ծրագիրներ կ’իրականացնեն Արցախի մէջ: Անոնք Ասկերանի շրջանի Ծաղկաշատ գիւղի Նիկոլ Դումանի տուն-թանգարանի եւ Ազգագրական թաղամասի բարերարներն են:
Բակօ Սահակեան բարձր գնահատած է բարեգործներու աշխատանքը եւ շեշտած է արցախեան գիւղի հզօրացմանն ուղղուած ծրագիրներու կարեւորութիւնը: Զրուցակիցները յատուկ նշած են աշխարհին Արցախի [...]

Թուականէս քառասուն օրեր առաջ, յետ երկամեայ տառապալի մաքառումներու, հիւանդանոցի մէջ, Օգոստոս 2, 2007ին իր մահկանացուն կնքեց Սան Ֆրանսիսքոյի մեր համայնքի ընտիր եւ հաւատարիմ զաւակ՝ Վիգէն Տէմիրճեանը: Դալար հասակին անողոք հիւանդութեան պատճառաւ անոր կրած ֆիզիքական եւ հոգեկան տուայտանքները ու անժամանակ շիջումը անիմանալի եւ անլուծելի թնճուկ կամ խորհուրդ մը մնաց բոլորիս: Եւ քառասունքի տխրաթախիծ սա պահուն մեր [...]

ՄԱԿ, «Ռոյթըրզ».- ՄԱԿի Ընդհանուր ժողովին առջեւ իր արտասանած խօսքին ընթացքին, Վրաստանի նախագահ Միխայիլ Սահակաշւիլի Չորեքշաբթի, Սեպտեմբեր 28ին դարձեալ Ռուսիան ամբաստանեց՝ վրացական հողերու վրայ «ահաբեկչական» առաքելութիւններ ղեկավարելու յանցանքով: Ան յայտնեց, որ ի յայտ եկած է, թէ վրացական ուժերուն կողմէ Աբխազիոյ շրջանին մէջ անցեալ շաբաթ սպաննուած երկու ռուսերը սպաներ էին։
ՄԱԿի մօտ Ռուսիոյ պատուիրակ Վիթալի Չուրքին հակադարձեց, [...]

Արդարեւ, 50 տարիներէ ի վեր անընդհատ շարունակուող ու տարուէ տարի նորանոր յաջողութիւններ արձանագրող պազար-տօնավաճառը իր լաւագոյնին հասած է այս տարի, ընդունելով աւելի քան 7000 այցելուներ ամէն տարիքէ ու սեռէ, Սեպտեմբեր 14-15 եւ 16, Ուրբաթէն Կիրակի երկարաձգուող շաբաթավերջին, «Խաչատուրեան» հայ կեդրոնի շրջափակին մէջ:
Ահաւասիկ, հայը եւ իր մշակոյթը օտարին ծանօթացնելու լաւագոյն ազդակներէն մէկը, որ ամէն տարի [...]

ՀՕՄի ԱՄՆ Արեւելեան շրջանի Շրջանային վարչութիւնը այս տարի շուրջ 35,000 տոլար կը տրամադրէ որպէս կրթական նպաստ։ Նպաստ կը ստանան 20 ուսանողներ, որոնք դիմումներ ներկայացուցած են 11 տարբեր նահանգներէ։
Յատկացումները կատարելու որոշումները հիմնուած են դիմումնագրողի կրթական մակարդակին եւ տնտեսական կարիքին վրայ։ Նպաստընկալը պէտք է հայ ըլլայ եւ հետեւի չորս տարուան ուսումի մը, ամերիկեան քոլէճի կամ համալսարանի [...]

ԵՐԵՒԱՆ, «Արմէնփրէս».- Հայաստանի հիւլէական ելեքտրակայանը այս տարի միջուկային վառելիքի վերալիցքաւորման եւ ընթացիկ նորոգման աշխատանքներու իրականացման համար պիտի դադրի աշխատելէն Հոկտեմբեր 15էն:
Ըստ ուժանիւթի նախարարութեան հիւլէական ուժանիւթի վարչութեան պետ Արամ Գէորգեանի, այս տարի եւս կայանին մէջ կը նախատեսուին անվտանգութեան բարձրացման եւ ընթացիկ նորոգման աշխատանքներ:
Կ’ակնկալուի, որ աշխատանքներու իրականացումէն յետոյ կայանը երկիրի ուժանիւթի համակարգին միացուի 45 օր [...]

Սեպտեմբեր 6ին Սպահանի Ֆարշչեանի անուան արուեստի եւ մշակոյթի համալիրին մէջ տեղի ունեցաւ համագումար մը՝ նուիրուած Տպագրութեան օրուան։ Ներկայ էին մեծ թիւով տպարանատէրեր՝ եկած զանազան քաղաքներէ: Համագումարի ընթացքին, որ տեւեց աւելի քան չորս ժամ, խօսք առին Սպահանի Մշակոյթի եւ առաջնորդութեան հիմնարկի գերատեսուչ Ալիռեզա Հիւսէյնի, Թեհրանէն հրաւիրուած նոյն հիմնարկին տնօրէնը, ինչպէս նաեւ՝ այլ անձնաւորութիւններ, որոնք բարձր գնահատեցին [...]

ՀԱՐՑՈՒՄ.- Ստեղծագործական ի՞նչ ուղի անցած է գեղանկարիչ Վալմար: Համառօտ գիծերու մէջ պատմեցէք մեր ընթերցողներուն:
ՊԱՏԱՍԽԱՆ.- Ծնուել եմ Գիւմրիում, 1948 թուականի Ապրիլի 1ին: 1972ին աւարտել եմ Երեւանի գեղարուեստաթատերական հիմնարկը: Աշակերտել եմ Երուանդ Քոչարին:
1972 թուականից սկսած մասնակցել եմ հանրապետական եւ միութենական ցուցահանդէսների: Ունեցել եմ 40 անհատական եւ 117 խմբային ցուցահանդէսներ՝ Ռուսաստանում, Էսթոնիայում, Ֆրանսիայում, Գերմանիայում, Զուիցերիայում, Միջին [...]

Հոգեւորական մը կը պատմէր, թէ ինչպէս իր հաւատացեալներէն անձ մը կը վախնար վիրաբուժական գործողութեան ենթարկուելու: Ի վերջոյ հոգեւորականը կը յաջողի համոզել զայն, որ որոշուած օրը հիւանդանոց ներկայանայ ու հնազանդի բժիշկներու հրահանգներուն: Հիւանդին այդ որոշման գալը սակայն, պայման մը ունէր նոյնինքն հիւանդին կողմէ. այն էր, որ այդ հոգեւորականը պէտք է գործողութեան սենեակին մէջ մնար ամբողջ գործողութեան [...]

Քանի մը տարիներ առաջ, «Համազգային»ի Փասատինայի «Լեւոն Շանթ» թատերախումբը աւելի քան վեց անգամներ յաջողութեամբ ներկայացուց իմ հեղինակած «Փոթորիկ՝ գաւաթ մը ջուրի մէջ» երկու արարնոց թատերախաղը, որ երկուորեակ երկու եղբայրներու կեանքէն վերցուած գեղեցիկ ու հետաքրքրական դէպքերու համադրումն էր:
Երբեք մտքիս ծայրէն չէի անցուցած, որ աւելի քան երկու դարեր առաջ իտալացի թատերագիր Կոլտինի ինքն ալ գրած ըլլար [...]

ԹԵՀՐԱՆ.- Իրանի մօտ Հայաստանի դեսպանութեան նախաձեռնութեամբ, Երկուշաբթի, Սեպտեմբեր 24ին «Արարատ» մարզաւանի Ս. Խաչ մատուռի շրջափակին մէջ հանդիսաւոր տօնակատարութեամբ նշուեցաւ Հայաստանի Հանրապետութեան անկախութեան վերականգնման 16րդ տարեդարձը:
Տօնակատարութեան հրաւիրուած էին պետական պաշտօնատարներ, Իրանի մէջ հաւատարմագրուած օտարերկրեայ դեսպաններ եւ դիւանագէտներ, իրանահայ երեք թեմերու հոգեւոր առաջնորդները եւ ազգային իշխանութեան ներկայացուցիչներ, ազգային-հասարակական գործիչներ, միութիւններու ներկայացուցիչներ եւ այլ հիւրեր:
Ս. Խաչ [...]

ԼՈՍ ԱՆՃԵԼԸՍ.- Արեւմտեան Ամերիկայի Հայ Դատի Յանձնախումբը կը տեղեկացնէ, թէ Կիրակի, Սեպտեմբեր 30ին կայանալիք իր տարեկան ճաշկերոյթին ընթացքին «Ազատութեան մրցանակ»ը պիտի շնորհէ Քանատայի վարչապետ Սթիվըն Հարփըրին, Քանատայի կառավարութեան կողմէ Հայկական Ցեղասպանութեան ճանաչումը ապահովելու համար տարած իր աշխատանքին ու իր սկզբունքային կեցուածքին համար:
Վարչապետին փոխարէն մրցանակը պիտի ստանձնէ Քանատայի բազմամշակութային ու քանատական ինքնութեան հարցերու պետական նախարար [...]

ԱՐՄԱՒԻՐ, «Արմէնփրէս».- Էջմիածինի մարզադաշտին մէջ Սեպտեմբեր 28ին տեղի ունեցաւ ազգային մարզաձեւերու ամէնամեայ փառատօն՝ մարմնակրթութեան երիտասարդութեան հարցերու նախարարութեան եւ Էջմիածինի քաղաքապետարանի նախաձեռնութեամբ: Փառատօնի բացումը կատարուեցաւ շքերթով, որուն մասնակցեցան Էջմիածինի դպրոցներու եւ մարզադպրոցներու սաներ, Հայաստանի, Եւրոպայի եւ աշխարհի ախոյեաններ: Բացման արարողութեան ընթացքին իր արտասանած խօսքին մէջ մարմնակրթութեան եւ երիտասարդութեան հարցերու փոխնախարար Խաչիկ Ասրեանը, ողջունելով մարզիկները, կարեւոր համարեց [...]

Մեծարգոյ պարոն նախագահ, յարգելի ներկաներ, սիրելի ընկերներ: Հայ Յեղափոխական Դաշնակցութեան Բիւրոյի անունից ողջունում եմ մեր կազմակերպութեան 11րդ Գերագոյն ժողովի բացումը: Կրկնակի ողջունելու առիթ ունեմ, որովհետեւ այս ժողովը գումարւում է ազատագրուած Շուշիում:
Ազատագրուած Շուշիում այս ժողովի կազմակերպումը իր մէջ պարունակում է մի քանի խորհուրդ: Նախ՝ մենք սրանով գալիս ենք ասելու, որ ազատագրուած Շուշին յաւերժօրէն ազատագրուած Շուշի [...]

ԵՐԵՒԱՆ, «Արմէնփրէս».- Սեպտեմբեր 28ին Երեւանի մէջ տեղի ունեցաւ «Տեղեկատուութեան ազատութիւն-2007» ամէնամեայ հինգերորդ մրցանակաբաշխութիւնը՝ նուիրուած տեղեկատուութեան ազատութեան միջազգային օրուան: Մրցանակներ սահմանուած էին «Ամենահրապարակային գործող պետական գերատեսչութիւն», «Տեղեկութիւն ստանալու իրաւունքը լաւագոյնս կիրառած հասարակական կազմակերպութիւն», «Տեղեկատուութիւն տրամադրելու լաւագոյն համացանցային համակարգ ներդրած գերատեսչութիւն», ինչպէս նաեւ «Տեղեկատուութեան ազատութեանն առնչուող խնդիրները հետեւողական լուսաբանած եւ օրէնքն ամենաաշխոյժ օգտագործող լրագրող» անուանակարգերուն մէջ:
Այս [...]

ԵՐԵՒԱՆ, «Երկիր».- ԱԺ Հ.Յ.Դ. խմբակցութեան անդամ Ռուզան Առաքելեանի խօսքերով՝ յառաջիկայ նախագահական ընտրութիւններու ժամանակ Դաշնակցութիւնը պիտի պայքարի իր ամբողջ ներուժով։ Իսկ յետընտրական գործընթացներուն ժամանակ ալ Հ.Յ.Դ.ն չի կրնար ինքնանպատակ ընդդիմութեան դաշտ մտնել։
ԱԺ պատգամաւորը այս մասին յայտարարեց Սեպտեմբեր 28ին՝ «Տեսակէտ» ակումբին մէջ, ՀԺԿ ներկայացուցիչ Ռուզան Խաչատրեանին հետ բանավէճի ժամանակ։ Ռ. Առաքելեանը նկատեց նաեւ, որ ինքնանպատակ որոշումներ [...]

ՌԱՆԿՈՒՆ, «Ռոյթըրզ».- Յաջորդական երկրորդ օրն ըլլալով, Պուրմայի (Միանմար) զինուորական իշխանութեանց բանակն ու ոստիկանութիւնը ուժի դիմելով կրցան մասամբ զսպել 11 օր առաջ պուտտայական վանականներու կողմէ սկսած բողոքի ցոյցերը, ձերբակալելէ ետք հազարաւոր վանականներ: Իշխանութիւնները նաեւ փակեցին համացանցային կեդրոնները, երկրին ու աշխարհին միջեւ լուրերու փոխանակումը նուազագոյնի իջեցնելու յոյսով: Ուրբաթ, Սեպտեմբեր 28ին սպաննուածներու մասին տեղեկութիւններ չհաղորդուեցան, սակայն ականատեսներ ընդունեցին, [...]

Ամէն անգամ, երբ բարձրանայինք Րաֆֆի Պէրպէրեանենց բնակարանի աստիճաններէն վեր ու տիկինս ձեռքը երկարէր դրան զանգը հնչեցնելու, քանի մը ակնթարթ ակնարկս կը սեւեռէի դրան ձախ կողմը բացուող պատուհանէն ներս, որուն վարագոյրը ընդհանրապէս բաց կամ կիսաբաց ձգուած կ՚ըլլար։ Սենեակին ձախ կողմը, իր սովորական տեղը նստած պիտի ըլլար, ոտքերը երկարած՝ նստարանին, ակնոցը՝ քթին, ընկղմած՝ գիրքի մը կամ թերթի [...]

Երկու շաբաթներու համրանքով, շուրջ չորս տասնամեակներ հեռու մնալէ ետք, առաջին առիթով կ’այցելեմ Հալէպ:
Այսպէս, Յուլիսի վերջերուն օր մը, առաւօտ կանուխ կը հասնիմ երանելի ծննդավայրս: Ես ու կինս արիւն-քրտինք մտած դուրս կու գանք օդակայանէն: Մեզ կը դիմաւորեն պատանեկութեան տարիներու մտերիմ ընկերս՝ Տիգրանը, իր կողակիցը՝ Սօնան եւ հաւատաւոր ընկերներէս՝ Վահէն:
Սրտի տրոփումներուն հետ, անոնց աչքերուն փոխանցիկ խոնաւութիւնը [...]

ԵՐԵՒԱՆ, «Ազատութիւն».- Հայաստանի արտաքին գործոց նախարար Վարդան Օսկանեան Հինգշաբթի, Սեպտեմբեր 27ին անդրադարձաւ Արցախի հակամարտութեան կարգաւորման մասին երկրի ներկայ իշխանութիւններու դիրքորոշման քննադատութեան, որ կատարուած էր նորանկախ Հայաստանի առաջին նախագահ Լեւոն Տէր Պետրոսեանի կողմէ, մօտ տասը տարի լռութենէ ետք անցնող շաբաթավերջին տրուած մամլոյ ասուլիսին ընթացքին:
Տէր Պետրոսեան յայտնած էր, թէ ներկայ քաղաքականութեան պատճառով «մենք կը կորցնենք ոչ [...]

ԵՐԵՒԱՆ, «Նոյեան Տապան».- Հոկտեմբեր 1-5ին Սթրազպուրկի մէջ նախատեսուող Եւրոպայի խորհուրդի խորհրդարանական վեհաժողովի աշնանային նստաշրջանի աշխատանքներուն պիտի մասնակցի 4րդ գումարման Ազգային ժողովի պատուիրակութիւնը: Նորակազմ պատուիրակութեան ղեկավարը ԱԺի պետաիրաւական հարցերու յանձնաժողովի նախագահ, արդարադատութեան նախկին նախարար, ՀՀԿ խմբակցութեան անդամ Դաւիթ Յարութիւնեանն է: Պատուիրակութեան մէջ ընդգրկուած են նաեւ ՀՀԿ խմբակցութեան եւս երկու ներկայացուցիչներ՝ Գրիգորի Մարգարեանը եւ Հերմինէ Նաղդալեանը, «Բարգաւաճ [...]

Հինգշաբթի, Սեպտեմբեր 2007ին, Պըրլինկթընի դարմանատուներէն մէկուն մէջ իր մահկանացուն կնքած է դասական երաշժտութեան արդիական ոճի երաժիշտ, յօրինող, երաժշտաբան Յովհաննէս Ս. Սալիպեանը, յետ կարճատեւ հիւանդութեան։
Ստորեւ կու տանք հանգուցեալին նուիրուած մահագրութիւն մը.-
Դասականին կառչած… յառաջդիմական գաղափարներու տէր անձ մըն էր Յովհաննէս Սալիպեանը։ Մանրամասնութիւնները պրպտող, ամենադոյզն անկարեւոր նկատուող երեւոյթին կարեւորութիւն տուող, ան խստապահանջ երաժշտագէտ մըն էր։
Կարելի [...]

ԵՐԵՒԱՆ, ՀՀ Նախագահի Մամլոյ Գրասենեակ.- Նախագահ Քոչարեան Սեպտեմբեր 27ին աշխատանքային հանդիպում ունեցաւ Կեդրոնական դրամատան նախագահ Տիգրան Սարգսեանի հետ: Հանդիպման ընթացքին քննուեցաւ ելեւմտական ոլորտի բարեփոխումներու ընթացքը: Մասնաւորապէս խօսուեցաւ ապահովագրական համակարգին, արժեթուղթերու շուկային եւ Կեդրոնական դրամատան վերաբերող բարեփոխումներուն առնչուող հարցերուն մասին: Նախագահ Քոչարեանի նախորդ օրը ստորագրուած հրամանագիրով Գագիկ Այվազեան նշանակուած է Հայաստանի դատական որոշումներու գլխաւոր հարկադիր կատարող: [...]

ԵՐԵՒԱՆ, ՀՀ Նախագահի Մամլոյ Գրասենեակ, «Նոյեան Տապան».- Նախագահ Ռոպերթ Քոչարեան երէկ, Սեպտեմբեր 27ին ընդունեց արտաքին գործոց նախարարութեան կեդրոնական վարչակազմի եւ դիւանագիտական ներկայացուցչութիւններու ու հիւպատոսական հիմնարկներու ղեկավարներու ամէնամեայ հաւաքի մասնակիցները:
Նախագահ Քոչարեան կարեւոր համարելով այս հանդիպումները, յայտարարեց, որ «Կեանքը ցոյց տուեց, որ նման նախաձեռնութիւնն արդարացուած էր եւ հնարաւորութիւն է տալիս մտքեր փոխանակել պետութեան կողմից որդեգրած մօտեցումների [...]

ՈՒԱՇԻՆԿԹԸՆ, «Ռոյթըրզ».- Գործնականէն աւելի խորհրդանշական քայլ մը առնելով, Ծերակոյտը Չորեքշաբթի, Սեպտեմբեր 26ին վաւերացուց բանաձեւ մը, ուր կը շեշտուի, թէ Իրաքի քաղաքական տագնապին լաւագոյն լուծումը երկրին երեք հատուածներու՝ քրտական, սիւննի եւ շիի, բաժնելն է:
Դեմոկրատ ծերակուտական Ճոէք Պայտընի կողմէ առաջ մղուած բանաձեւին ի նպաստ քուէարկեցին 75 ծերակուտականներ, մինչ 23 ուրիշներ ընդդիմացան անոր:
Ըստ բանաձեւին, դաշնակցային դրութեամբ [...]

ՊԱՂՏԱՏ, «Ռոյթըրզ».- ՄԱԿի Համաշխարհային առողջապահութեան կազմակերպութիւնը հաղորդեց, որ Պաղտատի, Պասրայի եւ առաջին անգամ ըլլալով՝ նաեւ Իրաքի հիւսիսային շրջաններուն մէջ քոլէրայի համաճարակ սկսած է։ Կազմակերպութիւնը կը յայտնէ, որ քոլէրայէ վարակուածներուն թիւը հասած է 2116ի։ Կազմակերպութենէն պաշտօնատար մը յայտարարեց, որ ցարդ համաճարակին պատճառով 11 անձեր մահացած են։
Ըստ կազմակերպութեան տուեալներուն՝ շուրջ 30 հազար անձեր կը տառապին փորքշուկէ, [...]

ԵՐԵՒԱՆ, «Արմէնփրէս».- Հայաստանի պետական սենեկային նուագախումբի 2007-2008ի համերգաշրջանի պաշտօնական բացումը տեղի պիտի ունենայ Սեպտեմբեր 29ին Հայ-ռուսական (Սլաւոնական) համալսարանի դահլիճին մէջ:
Ըստ Կոմիտասի անուան սենեկային նուագախումբի գեղարուեստական ղեկավար եւ գլխաւոր խմբավար Արամ Ղարաբէկեանի, այս համերգը իւրայատուկ եւ պարտաւորեցնող է, քանի որ ելոյթ պիտի ունենան նաեւ Միացեալ Նահանգներէն ժամանած Կոստանդին Օրբելեանը, երիտասարդ երաժշտահան-դաշնակահար Կարէն Անանեանը:
Համերգային ծրագիրի [...]

Հարցում մը, որուն բոլորս ալ պիտի ուզենք դրական պատասխան տալ, սակայն կրնանք վկայել, թէ ինչքա՜ն դժուար է այդ դրական պատասխանին հասնիլը: Այս օրերու տագնապալից կեանքի ընթացքին եւ զանազան կատարելիքներու ցուցակին հետ միասին հաւասարակշռել կեանքը այնպէս, որ աւելի երջանիկ ու խաղաղ ապրինք: Գոնէ այս վերջին երկու ածականները այնքան կարեւոր են մեզի համար, որ վստահաբար անոնք պիտի [...]

ՈՒԱՇԻՆԿԹԸՆ.- Ամերիկայի Հայ Դատի Յանձնախումբը կը տեղեկացնէ, թէ Հայկական Ցեղասպանութեան ճանաչման դէմ իր պայքարին մէջ Թուրքիոյ կառավարութիւնը այս անգամ դիմած է Միացեալ Նահանգներու նախկին պետական քարտուղարներու, որոնցմէ ութն վերջերս նամակ մը յղած են Ներկայացուցիչներու տան խօսնակ Նէնսի Փելոսիի, անկէ խնդրելով, որ դէմ դնէ Հայկական Ցեղասպանութեան ճանաչումը պահանջող Ներկայացուցիչներու տան թիւ 106րդ բանաձեւին վաւերացման:
Երեքշաբթի, Սեպտեմբեր [...]

ԵՐԵՒԱՆ, «Երկիր Միտիա».- Երէկ, Սեպտեմբեր 27ին, Արամ Խաչատուրեանի անուան մեծ համերգասրահին մէջ Հ.Յ.Դաշնակցութեան «Նիկոլ Աղբալեան» ուսանողական միութեան կազմակերպած ուսանողներուն նուիրուած «Մենք միասին ենք» խորագիրով համերգը հաճելի եւ ուրախ ակնթարթներ պարգեւեց մասնակիցներուն:
Համերգի ընթացքին ելոյթներ ունեցան սիրուած երգիչներ, երաժշտական եւ պարային խումբեր:
Ուսանողները ողջունեցին Հ.Յ.Դաշնակցութեան Բիւրոյի անդամ, ԱԺ փոխնախագահ Վահան Յովհաննիսեանը, Գերագոյն Մարմինի ներկայացուցիչ Արմէն Ռուստամեանը, [...]

ՌԱՆԿՈՒՆ, «Ռոյթըրզ».- Յաջորդական երկրորդ օրն ըլլալով, Պուրմայի (Միանմար) զինուորական իշխանութեանց բանակն ու ոստիկանութիւնը ուժի դիմեցին տասը օր առաջ պուտտայական վանականներու կողմէ սկսած բողոքի ցոյցերը զսպելու նպատակով, սպաննելով առնուազն ինը ցուցարարներ: Ըստ պետական աղբիւրներու, վիրաւորուած են նաեւ 11 ցուցարարներ եւ 35 ոստիկաններ:
Իշխանութիւնները նաեւ յայտնեցին, թէ Չորեքշաբթի օր սպաննուած է միայն մէկ ցուցարար, մինչ այլախոհներուն համաձայն, [...]

ԵՐԵՒԱՆ, «Արմէնփրէս».- Հոկտեմբերին, Լորիս Ճգնաւորեանի ծննդեան 70ամեակի կապակցութեամբ խմբավար-երաժշտահանի 70 ստեղծագործութիւններ, որոնցմէ՝ 4 օփերաներ եւ 6 սիմֆոնիներ, Իրանի կառավարութեան աջակցութեամբ պիտի հրապարակուին: Այս մասին Սեպտեմբեր 27ին յայտնեց 1991-2000ին Հայաստանի սենեկային նուագախումբի ղեկավար, խմբավար Լորիս Ճգնաւորեանը եւ նշեց, որ իր վերջին ստեղծագործութիւնը նուիրուած է Հայոց Մեծ Եղեռնին:

Վախճանուեց Անահիտ Թումանեանը՝ մեծ բանաստեղծի եօթ թոռներից հինգերորդը, երկու երջանիկ թոռներից վերջինը, որին գրկել եւ փայփայել էր Ամենայն հայոց բանաստեղծը: Եւ մի անգամ, երբ փոքրիկ թոռնուհին ապաւինել էր պապիկի պաշտպանութեանը, Թումանեանը, գրկելով արցունքոտ աչքերով թոռնիկին, նրան հարցրել էր. «Այդ ի՞նչ շաղիկներ են աչքերիդ»: Այդ օրուանից Անահիտը ընտանիքի բոլոր անդամների, հարազատների, ընկերների համար դարձել էր Շաղիկ: [...]

ԱՆԳԱՐԱ, «Ռոյթըրզ».- Հինգշաբթի, Սեպտեմբեր 27ին, Քիւրտիստանի բանուորական կուսակցութեան դէմ դնելու հարցը քննող Թուրքիոյ եւ Իրաքի պատուիրակութիւնները յաջորդական երկրորդ օրն ըլլալով չկրցան քննարկումը վերջնականացնել եւ որոշեցին խորհրդակցութիւնները շարունակել:
Ըստ բանակցութեանց մօտիկ աղբիւրներու, Իրաք կ’ընդդիամանայ յատկապէս Թուրքիոյ այն պահանջին, որ թրքական բանակը ի հարկին հիւսիսային Իրաքէն ներս գործողութեանց դիմէ:
Պաշտօնատարներ Չորեքշաբթի օր յայտնեցին, որ Թուրքիա եւ Իրաք [...]

Պոլսոյ Հայոց պատրիարք Մեսրոպ արք. Մութաֆեան ժամանակ առ ժամանակ քաղաքական հնչեղութիւն ունեցող յայտարարութիւններով հանդէս կու գայ, որոնց ամբողջութիւնը ազգայնամոլներու սպառնալիքներուն եւ թուրք պետութեան կողմէ պարտադրուած ցուցմունքներուն հայ հոգեւորականին պատանդ ըլլալու ապացոյցներ են։ Բնականաբար, այս յայտարարութիւնները, իրենց պարտադրուած բնոյթով, թուրք պետութեան քարոզչական ու քաղաքական ջրաղացին ջուր կը լեցնեն։
Թուրքիոյ սպառնալից ու ապաժողովրդավար ընթացքին պատանդը միայն պատրիարք [...]

ՍՏԵՓԱՆԱԿԵՐՏ, «Արմէնփրէս».- ԼՂՀ Մարտակերտի շրջանի Վանք գիւղը, բարերար Լեւոն Հայրապետեանի շնորհիւ, ունեցաւ նորակառոյց դպրոցական համալիր:
Վանքի նոր դպրոցը, որուն համբաւը արդէն տարածուած է շրջանի սահմաններէն դուրս, այսօր զարմացուց նաեւ իր առաջին հիւրերը: Նորաբաց դպրոցը ունի համակարգչային խոր յագեցուածութիւն, մարզական դահլիճ եւ հրապարակ, ակումբ եւ բացօթեայ աւազան:
Դպրոցի խորհրդանշական ժապաւէնը կտրեցին ԼՂՀ նախագահ Բակօ Սահակեանը եւ [...]

ՆԻՒ ԵՈՐՔ, «Զաման».- Չորեքշաբթի, Սեպտեմբեր 26ին, Միացեալ Նահանգներ այցելող Թուրքիոյ վարչապետ Ռէչէփ Թայիփ Էրտողան հանդիպում մը ունեցաւ Ամերիկայի հրեական զանազան կազմակերպութեանց ներկայացուցիչներու հետ: Անոնց շարքին էր ADL-ի ղեկավար Ապրահամ Ֆոքսմանը, որ վերջերս ներողութիւն խնդրած էր Էրտողանէն, որովհետեւ իր կազմակերպութիւնը ճանչած էր Հայկական Ցեղասպանութիւնը:
Այս քայլ ներկայացնելով իբրեւ «բարեկամներու միջեւ տարակարծութիւն մը», Ֆոքսման կրկնեց, թէ իր [...]

ԷՉՄԻԱԾԻՆ, Մայր Աթոռի Մամլոյ Դիւան.- Գարեգին Բ. կաթողիկոսը Սուրբ Էջմիածինի մէջ Սեպտեմբեր 26ին ընդունեց եկեղեցիներու համաշխարհային խորհուրդի գործադիր կոմիտէի անդամները՝ Մայր Աթոռի միջեկեղեցական յարաբերութիւններու պատասխանատու Եզնիկ արք. Պետրոսեանի եւ ԵՀԽ գործադիր կոմիտէի անդամ Վիգէն արք. Այքազեանի ուղեկցութեամբ:
Հանդիպման ընթացքին գործադիր կոմիտէի անունով վեհափառ հայրապետին շնորհակալութիւն յայտնեց Վիգէն սրբազանը կոմիտէի ժողովը Էջմիածինի մէջ գումարելու հնարաւորութիւնը ընձեռելու [...]

Այս տարուայ ամառը հարուստ էր համահայկական ձեռնարկներով եւ յատկապէս՝ երիտասարդական բնոյթի: Յունիս, Յուլիս, Օգոստոս ամիսների ընթացքում կազմակերպուեցին թուով վեց համահայկական երիտասարդական միջոցառումներ՝ չհաշուած Համահայկական 4րդ խաղերը, որը թէեւ զուտ երիտասարդական ուղղուածութիւն չունէր, սակայն մասնակիցները հիմնականում երիտասարդներ էին:
Առաջին միջոցառումը, որ ազդարարեց համահայկական երիտասարդական ձեռնարկների սկիզբը, Համաշխարհային հայկական քոնկրէսի կազմակերպած «21րդ դարի մարտահրաւէրները եւ հայ երիտասարդութիւնը» խորագիրը [...]

ԵՐԵՒԱՆ, «Նոյեան Տապան».- Հոկտեմբեր 12ին արդարադատութեան խորհուրդը պիտի հրապարակէ Երեւանի Կեդրոն եւ Նորք-Մարաշ համայնքներու առաջին ատեանի դատարանի դատաւոր Պարգեւ Օհանեանի նկատմամբ յարուցուած կարգապահական վարոյթի գործով որոշումը:
Յիշեցնենք, որ դատական բաժանմունքի ուսումնասիրութեան հիման վրայ խորհուրդի կարգապահական յանձնաժողովը յարուցած էր կարգապահական վարոյթ: Յանձնաժողովի եզրակացութեամբ, 20 գործերով՝ 16 քրէական եւ 4 քաղաքացիական գործերով ընդունուած դատական որոշումներուն մէջ դատաւորը [...]

ԵՐԵՒԱՆ, «Արմէնփրէս».- Գիտութիւններու ազգային ակադեմիային մէջ Սեպտեմբեր 26ին նշուեցաւ ակադեմիկոս Վլատիմիր Բարխուդարեանի 80ամեակը:
ԳԱԱի նախագահական ընդլայնուած նիստի ընթացքին գնահատանքի խօսքեր հնչեցին, ԳԱԱ պատմութեան հիմնարկի ղեկավարութիւնը երախտագիտութիւն յայտնեց ակադեմիկոսին՝ հաստատութեան գործունէութեան մեծ նպաստ բերելու համար: «Նա երկար տարիներ աշխատել է ակադեմիայում, վարել է տարբեր պաշտօններ: Նա ոչ միայն լաւ գիտնական է, այլեւ լաւ գիտական կազմակերպիչ: Նա [...]

ԵՐԵՒԱՆ, «Արմէնփրէս».- Ֆրանսայի կառավարութեան կողմէ Հայաստանի կառավարութեան պիտի տրամադրուի 26 միլիոն եուրոյի վարկ՝ ջրամատակարարման եւ ջրահեռացման արդի հիմնախնդիրներուն լուծում տալու եւ ենթակառուցուածքներու բարելաւման նպատակով: «Երեւան ջուր» ընկերութեան գլխաւոր տնօրէն Սերժ Փոփոֆը Սեպտեմբեր 26ին նշեց, որ վարկի տրամադրման պայմանները կը յստակեցուին:
Ըստ «Երեւան ջուր» ընկերութեան գլխաւոր տնօրէնին՝ վարկի տրամադրումը այս ոլորտի հիմնախնդիրներու լուծման ուղղուած ուղիներէն մէկն [...]

ԵՐԵՒԱՆ, ՀՀ Նախագահի Մամլոյ Գրասենեակ.- Նախագահ Քոչարեան Սեպտեմբեր 26ին աշխատանքային հանդիպում ունեցաւ հարկային պետական ծառայութեան ղեկավարութեան հետ:
Նշելով, որ հարկային ծառայութեան աշխատանքի վերաբերեալ քննարկումները վերջերս յաճախակի դարձած են, նախագահ Քոչարեան ըսաւ, որ այս հանդիպումով նպատակ ունի պարզել՝ արդեօ՞ք հարկային ծառայութեան ղեկավարները ի վիճակի են կատարել կառոյցի առջեւ դրուած խնդիրները, եթէ՝ այո, ինչ ճանապարհով եւ ինչ [...]

ՄԱԿ, ԿԱԶԱ, «Ռոյթըրզ».- Չորեքշաբթի, Սեպտեմբեր 26ին, իսրայէլեան ուժերը Կազայի մէջ տեղի ունեցած զինուորական քանի մը գործողութեանց ընթացքին սպաննեցին առնուազն ինը պաղեստինցիներ, սպառնալով կացութիւնը պայթուցիկ դարձնել շրջանին մէջ, մինչ միջազգային համայնքը կը փորձէ առաջ մղել խաղաղութեան գործընթացը:
Միացեալ Նահանգներու նախագահ Ճորճ Պուշ վերահաստատեց իր կառչածութիւնը՝ Իսրայէլի հետ գոյակցող պաղեստինեան պետութեան մը հաստատման եւ վստահեցուց, թէ այդ [...]

ԵՐԵՒԱՆ, «Նոյեան Տապան».- Վարչական փտախտի դէմ պայքարող Միջազգային թափանցիկութիւն («Թրանսփարենսի ինթերնեշնլ») համաշխարհային կազմակերպութիւնը Չորեքշաբթի, Սեպտեմբեր 26ին հրապարակեց իր նորագոյն տեղեկագիրը, ուը վարչական փտախտի 2007ի տուեալներով, Հայաստանը 180 երկիրներու շարքին կը զբաղեցնէ 99րդ տեղը, 3.0 համաթիւով: 2006ին այդ համաթիւը 2.9 էր:
Հայաստանի դրացի երկիրներէն «համեմատաբար բնական է» վիճակը Թուրքիոյ եւ Վրաստանի մէջ, որոնք, ըստ կազմակերպութեան, կը [...]

ԽՄԲ.- Ներկայ թիւով եւ երկշաբաթեայ կշռոյթով կը սկսինք բժիշկ Կարպիս Հարպոյեանի կողմէ յատկապէս «Ասպարէզ»ի համար պատրաստուած բժշկական էջը:
Բժիշկ Հարպոյեան, Մոնթրէալէն, ծանօթ անուն է Սփիւռքի մէջ ոչ միայն իբրեւ մասնագէտ բժիշկ, այլ նաեւ իբրեւ հանրային-հասարակական գործիչ:
Սփիւռքահայ մամուլին համար եւս ան անծանօթ անուն մը չէ: Արդարեւ, անցնող տասնամեակներուն, ան սփիւռքահայ մամուլին աշխատակցած է հարիւրաւոր [...]

ԵՐԵՒԱՆ, «Նոյեան Տապան».- Նախագահի հրամանագիրով Հայաստանի վերանկախացման 16րդ տարեդարձի կապակցութեամբ մշակոյթի ոլորտի շարք մը գործիչներու շնորհուեցան պատուաւոր կոչումներ: Այս առիթով Սեպտեմբեր 26ին մշակոյթի նախարարութեան մէջ տեղի ունեցած արարողութեան ընթացքին իր արտասանած ելոյթին մէջ մշակոյթի նախարար Յասմիկ Պօղոսեանը բարձր գնահատեց անոնց ներդրումը հայկական մշակոյթի եւ արուեստի զարգացման գործին մէջ:
«Մովսէս Խորենացիի» մետալ շնորհուեցաւ մանկագիր Սուրէն Մուրատեանին, [...]

ՍՏԵՓԱՆԱԿԵՐՏ, «Արմէնփրէս».- ԼՂՀ նախագահ Բակօ Սահակեանը Երեքշաբթի, Սեպտեմբեր 25ին ընդունեց հայկական բանակի սպայակոյտի պետ, պաշտպանութեան նախարարի առաջին տեղակալ՝ զօրավար Սէյրան Օհանեանը եւ ԼՂՀ պաշտպանութեան նախարար, պաշտպանութեան բանակի հրամանատար, զօրավար Մովսէս Յակոբեանը:
Հանդիպման ընթացքին զրուցակիցները քննեցին բանակաշինութեան եւ պաշտպանութեան ոլորտին վերաբերող շարք մը հարցեր:

Հ.Մ.Ը.Մ.ի 9րդ Պատգամաւորական ժողովը 22 Սեպտեմբերին Ծաղկաձորի մէջ, Հայաստան, աւարտեց իր աշխատանքները՝ միութեան յառաջիկայ քառամեակին համար մշակելով գործունէութեան ընդհանուր ուղեցոյց։
Պատգամաւորական ժողովին մասնակցեցան միութեան կազմակերպական 26 շրջաններէն 23ը եւ Իրանի հայ մշակութային «Արարատ» կազմակերպութեան ներկայացուցիչը, ընդամէնը՝ 70 պատգամաւոր։
Հնգօրեայ նիստերու ընթացքին ժողովը հանգամանօրէն քննեց միութեան անցնող չորս տարիներուն իրագործած կազմակերպական, սկաուտական, մարզական աշխատանքները եւ համապատասխան [...]

Դ.
Գ.-ԼԵԶՈՒԱԿԱՆ ՀԱՐՑԵՐ
ՄՈՒՏՔ
Ինչպէս «Ներածական» բաժինով յայտնած էինք մեր ընթերցողներուն՝ «Հայ լեզուի տարի»ն մեզի համար առիթ մը պիտի ըլլայ անդրադառնալու հայոց լեզուի, հայոց պատմութեան եւ հայ մշակոյթի զանազան բնագաւառները հետաքրքրող եւ մեր կրթական առօրեան յուզող յատկանշական որոշ դէպքերու եւ երեւոյթներու, որոնց վերյիշումը, քննութիւնն ու վերատեսութիւնը, կը կարծենք, մեծ կարեւորութիւն կը ներկայացնեն ոչ միայն ազգային [...]

ՄԱԿ, ՌԱՆԿՈՒՆ, «Ռոյթըրզ».- Մինչ միջազգային համայնքը զուսպ մնալու կոչեր կը կատարէր, Պուրմայի (Միանմար) զինուորական իշխանութիւնները Չորեքշաբթի, Սեպտեմբեր 26ին ուժի դիմելով փորձեցին զսպել տասը օր առաջ սկսած պուտտայական կրօնաաւորներու ցոյցերը:
Ըստ նախնական տուեալներու, առնուազն չորս ցուցարարներ սպաննուեցան եւ տասնեակներով ուրիշներ վիրաւորուեցան, երբ զինուորներ ցուցարարներուն վրայ կրակ բացին, մինչ հարիւրաւոր ուրիշներ ձերբակալուեցան:
Իշխանութիւնները նախապէս կրակմարի դրութիւն հաստատած [...]

ՊՐԻՒՔՍԷԼ, «Ռոյթըրզ».- Չորեքշաբթի, Սեպտեմբեր 26ին, Եւրոպական խորհրդարանէն կարգ մը երեսփոխաններ քննադատեցին այն իրողութիւնը, որ Եւրոպական յանձնաժողովը որոշած է Թուրքիոյ քարտէսը դուրս բերել եուրոյի նորագոյն օրինակներուն վրայէն:
Եւրոպական միութեան գործադիր մարմինը հանդիսացող Եւրոպական յանձնաժողովի բանբեր մը ընդունեց, թէ փոփոխութիւն մը տեղի ունեցած է, սակայն շեշտեց, թէ այս է վերջնական օրինակը:
Եւրոյանձնաժողովը որոշած էր եուրօ դրամանիշին վրայ [...]

ԵՐԵՒԱՆ, «Արմէնփրէս».- Ամերիկայի կրթական հիմնարկութեան հայաստանեան գրասենեակը կազմակերպած է 2007-2008 ուսումնական տարեշրջանի կրթաթոշակներու մրցոյթ: Ըստ հիմնարկութեան գործադիր տնօրէն Ստեփան Նալբանդեանի, կրթաթոշակները պիտի տրամադրուին տուեալ ուսումնական տարուան վարձավճարի չափով. «Այս ծաւալով առաջին անգամ ենք նման մրցոյթ կազմակերպում, եւ մեր նպատակն է խրախուսել ու նպաստել գերազանց առաջադիմութեամբ աչքի ընկնող, շնորհաշատ, ինչպէս նաեւ նիւթապէս անբարենպաստ պայմաններում գտնուող ուսանողներին», [...]

Լոս Անճելսըի մէջ Լիբանանի փոխհիւպատոս Ֆատի Հաճալի Երեքշաբթի, 18 Սեպտեմբերին այցելութիւն մը տուաւ Ազգային առաջնորդարան եւ ընդունուեցաւ թեմի առաջնորդ Մուշեղ արք. Մարտիրոսեանի կողմէ։ Հանդիպումին ներկայ եղան Կրօնական ժողովի ատենապետ Միւռոն Ծ. վրդ. Ազնիկեան, Ազգ. վարչութեան ատենապետ դոկտ. Կարօ Յակոբեան եւ փոխատենապետ տոքթ. Յակոբ Տէր Մկրտիչեան։
Առաջնորդ սրբազանը եւ ներկայ ներկայացուցիչները ողջունեցին նշանակեալ դիւանագէտը եւ բարի [...]

Չորեքշաբթի, 19 Սեպտեմբերի երեկոյեան, Ազգային առաջնորդարանի նորակառոյց շէնքի «Տիգրան եւ Զարուհի Տէր Ղազարեան» սրահը ժամադրավայրը եղաւ առաջնորդարանի մեծ ընտանիքի անդամներու, որոնք ընդառաջելով Ազգ. վարչութեան հրաւէրին, ընթրիքի սեղանի շուրջ հաճելի ու միաժամանակ օգտակար պահ մը բոլորեցին գլխաւորութեամբ թեմի առաջնորդ Մուշեղ արք. Մարտիրոսեանի։
Երեկոյթին հիւրընկալումը յանձն առած էին Ազգ. վարչութեան անդամներէն՝ Ազգ. առաջնորդարանի շէնքի յանձնախումբի ատենապետ Վահան [...]

ԵՐԵՒԱՆ, Մայր Աթոռի Մամլոյ Դիւան, «Արմէնփրէս».- Ծիծեռնակաբերդի «Յիշողութեան պուրակ»ին մէջ «Երազանք յանուն Տարֆուրի» քայլարշաւի մասնակիցները Սեպտեմբեր 26ին խորհրդանշական եղեւնի տնկեցին եւ այցելեցին Ցեղասպանութեան թանգարան, ուր ծանօթացան անցեալ դարասկիզբին հայկական ջարդերը փաստող վաւերագրական նիւթերու:
«Յիշողութեան պուրակ»ին մէջ եղեւնի տնկեցին նաեւ Եկեղեցիներու համաշխարհային խորհուրդի ներկայացուցիչները:
Նշենք, որ ջահերով քայլարշաւը մեկնարկած է Օգոստոս 8ին, Արեւելեան Չատէն: Նախաձեռնութեան հեղինակը [...]

ԵՐԵՒԱՆ, «Նոյեան Տապան».- «Հայաստան» համահայկական հիմնադրամի Ֆրանսայի տեղական մարմինի միջոցներով վերակառուցուած է Փարաքար գիւղի Յովիկ Էտկարեանի անուան արուեստի դպրոցը:
140 հազար տոլար արժէքով ծրագիրը իրականացուած է ի յիշատակ Ստեփան եւ Գայանէ Թիրեաքեաններուն:
Ծրագիրի շրջանակով վերակառուցուած է տանիքը, յատակը, փոխուած են դուռները եւ պատուհանները, կատարուած են նաեւ ներքին յարդարման աշխատանքներ:
Նշենք, որ այս արուեստի դպրոց կը [...]

ՊՈԼԻՍ.- Անցեալ շաբթուան ընթացքին, Պոլսոյ Սկիւտար թաղամասի Ս. Խաչ եկեղեցւոյ վրայ գործուած են երկու յարձակումներ, որոնց պատասխանատուները ցարդ չեն բացայայտուած։
Պոլսոյ «Մարմարա» թերթին փոխանցած տեղեկութիւններուն համաձայն՝ Սեպտեմբեր 19 եւ 20ին եկեղեցւոյ ուղղութեամբ նետուած են «Մոլոթոֆ քոքթէյլ»ներ, սակայն մեծ վնասներ չեն հասած Ս. Խաչին։
Դէպքին գծով քննութիւն բացուած է։

ԵՐԵՒԱՆ, «Երկիր».- Հ.Յ.Դ. Բիւրոյի անդամ, ԱԺ փոխնախագահ Վահան Յովհաննիսեան երէկ յայտարարեց, թէ ընդունելի չէ այն մօտեցումը, թէ յառաջիկայ նախագահական ընտրութիւններու արդիւնքները կանխորոշուած են. «Մենք գտնում ենք, որ քաղաքական ուղին կարող է որոշել մեր ժողովուրդը»։
Սեպտեմբեր 25ին «Փաստարկ» ակումբին մէջ այս մասին յայտարարելով՝ Վահան Յովհաննիսեան աւելցուց, որ հասարակութիւնը համաձայն չէ մասնակցելու կանխորոշուած արդիւնքներով քաղաքական գործընթացներու. «Երբ [...]

Այս շաբաթ ԵԱՀԿ Մինսքի խմբի համանախագահների կատարած այցը ատրպեճանա-ղարաբաղեան հակամարտութեան շրջան տուեց երկու իրական արդիւնք։ Նախ՝ միջազգային միջնորդները ծանօթացան Լեռնային Ղարաբաղի Հանրապետութեան նորընտիր նախագահ Բակօ Սահակեանի հետ, ընդ որում՝ յատուկ այդ նպատակով այցելեցին Ստեփանակերտ։ Երկրորդ, համանախագահները հասկանալ տուեցին, որ Ղարաբաղեան կարգաւորման շուրջ բանակցութիւնների խաղաղ գործընթացը պէտք է շարունակուի՝ անկախ ամէն ինչից՝ թէ՛ 2008թ. Հայաստանում եւ [...]

ԵՐԵՒԱՆ, «Արմէնփրէս».- Կրթութեան եւ գիտութեան նախարարութիւնը այլ երկիրներու հայ համայնքներու կիրակնօրեայ կամ միօրեայ դպրոցներուն համար կը մշակէ նոր ուսումնական ծրագիր: Այս մասին Սեպտեմբեր 25ին յայտնեց կրթութեան եւ գիտութեան նախարարութեան Սփիւռքի հետ կապերու բաժինի պետ Հրաչ Թադեւոսեան եւ նշեց, որ ծրագիրը միասնական պիտի ըլլայ հայ համայնքներու 150 դպրոցներուն համար:
Հրաչ Թադեւոսեան յայտնեց նաեւ, որ ամրան տեղի [...]

ԱՐՊԻԼ, «Ռոյթըրզ».- Ամերիկացիներու կողմէ իրանցիի մը ձերբակալութենէն ետք Իրաքի հետ սահմանը փակելու Իրանի իշխանութեանց Երկուշաբթի, Սեպտեմբեր 24ի որոշումը նեղ կացութեան մատնած է հիւսիսային Իրաքի քրտաբնակ շրջանը:
Քիւրտ առեւտրականներ Երեքշաբթի օր յայտնեցին, թէ մեծ թիւով փոխադրակառքեր սահմանին միւս կողմը մնացած են եւ աւելցուցին, թէ պարտադրուած պիտի ըլլան Սուրիայէն կամ Թուրքիայէն ներածումներ կատարելու, եթէ Իրանի հետ սահմանը [...]

ՌԱՆԿՈՒՆ, «Ռոյթըրզ».- Պուրմայի (բանակին կողմէ Միանմար կոչուած) իշխող զինուորականները զգուշացուցին, թէ պատրաստ են հետզհետէ աճ արձանագրող ցոյցերը ղեկավարող կրօնաւորներուն դէմ քայլերու դիմելու, սակայն Երեքշաբթի, Սեպտեմբեր 25ին ցոյցեր տեղի ունեցան թէ Ռանկունի (Եանկոն) եւ թէ Մանտէլէյի մէջ:
Զօր. Թուրա Մյինթ Մոնկ, որ կրօնական հարցերու նախարարն է, ցուցարարներուն զգուշացուց «պուտտայական օրէնքներ ու կանոններ» խախտելէ, մինչ յաջորդական երկրորդ [...]

Նախ եւ առաջ իմ մասին երկու խօսքով ասեմ, թէ տխուր իրականութիւն է, որ օտարուել եմ, բայց արի ու տես, որ սխալմունքներս հաւաքելիս եւ մէկընդմիշտ ինձ կորած չհամարելու համար եմ ջանացել երազ-ձգտումներ սնել եւ հնարաւորին սահմանում իմ ու իմ պէսների տխրութիւնները հաւաքելու գնով մխիթարուել…
Եւ արդարեւ, Լոս Անճելըս անուան տակ ու միմեանց պատրուսուած քաղաքներում ապրող հայութեան [...]

ԵՐԵՒԱՆ, «Արմէնփրէս», «Նոյեան տապան».- Ծիծեռնակաբերդի յուշահամալիրի անմար կրակէն «Երազանք յանուն Տարֆուրի» քայլարշաւի մասնակիցները երէկ, Սեպտեմբեր 25ին բոցավառեցին խորհրդանշական ողիմպիական ջահը. «Վառելով այս կրակը, մեր յարգանքի տուրքն ենք մատուցում բոլոր նրանց յիշատակին, ովքեր զոհուել են կամ տուժում են, այս կրակը խորհրդանշում է բռնութեանը վերջ տալու եւ անվտանգ տուն վերադառնալու բոլորիս տածած յոյսը» խօսքերով, ներկաները ջահը փոխանցեցին [...]

ՍՏԵՓԱՆԱԿԵՐՏ, «Նոյեան Տապան».- Սեպտեմբեր 25ին ԼՂՀ նախագահ Բակօ Սահակեան ստորագրած է հրամանագիր, համաձայն որուն՝ սահմանուած է ԼՂՀ կառավարութեան հետեւեալ կառոյցը.-
Առողջապահութեան նախարարութիւն, արդարադատութեան նախարարութիւն, արտաքին գործոց նախարարութիւն, գիւղատնտեսութեան նախարարութիւն, կառավարութեան աշխատակազմի ղեկավար-նախարար, կրթութեան եւ գիտութեան նախարարութիւն, մշակոյթի եւ երիտասարդութեան հարցերու նախարարութիւն, պաշտպանութեան նախարարութիւն, ընկերային ապահովութեան նախարարութիւն, տնտեսական զարգացման նախարարութիւն, քաղաքաշինութեան նախարարութիւն եւ ելեւմուտի նախարարութիւն:
Ըստ [...]

ՄՈՍԿՈՒԱ, «Ռոյթըրզ».- Ռուսիա զգուշացուց, թէ Քոսովոյի կողմէ անկախութեան միակողմանի յայտարարութեան մը հակազդեցութեանց շարք մը պիտի յառաջացնէ։ Ռուսիոյ արտաքին գործոց նախարար Սերկէյ Լաւրով յայտնեց, որ Դեկտեմբեր 10ին նախատեսուած քայլը պիտի ապակայունացնէ Եւրոպան, ուստի Ռուսիա կ՚ընդդիմանայ այդ քայլին։
Ռուսիա շարունակ յայտարարած է, թէ պիտի ընդդիմանայ Քոսովոյի ապագայ կարգավիճակին վերաբերեալ որեւէ համաձայնութեան, որ Սերպիոյ համար ընդունելի չէ։ Ան [...]

ՊԷՅՐՈՒԹ, «Ռոյթըրզ».- 2005ին տեղի ունեցած սուրիական ուժերու Լիբանանէն հեռացումէն ետք հանրապետութեան նախագահ ընտրելու առաջին փորձը ձախողութեան մատնուեցաւ Երեքշաբթի, Սեպտեմբեր 25ին, երբ խորհրդարանը չկրցաւ նման ընտրութան մը համար հարկաւոր երեսփոխաններու երկու երրորդ ներկայութիւնը ապահովել:
Լիբանանի բանակն ու ոստիկանական ուժերը ապահովական խիստ միջոցառումներու դիմած էին եւ հազարաւոր զինուորներ ու ոստիկաններ շրջապատած էին խորհրդարանի շէնքն ու անոր մօտակայ [...]

ԵՐԵՒԱՆ, «Արմէնփրէս».- Երէկ, Սեպտեմբեր 25ին սկսաւ վարչապետ Սերժ Սարգսեանի պաշտօնական այցը Ռուսիա:
Կանուխ առաւօտեան, վարչապետ Սարգսեան եւ պատուիրակութեան անդամները այցելեցին Մոսկուայի անյայտ զինուորի գերեզմանը եւ յարգանքի տուրք մատուցեցին՝ անմար կրակի մօտ ծաղկեպսակ զետեղելով զոհուածներու յիշատակին:
Այնուհետեւ պատուիրակութիւնը, վարչապետին հետ, ուղեւորուեցաւ Ռուսիոյ կառավարութեան նստավայր, ուր տեղի ունեցաւ Սերժ Սարգսեանի հանդիպումը իր ռուս պաշտօնակից Վիքթոր Զուպքովի հետ: [...]

ԱՆԳԱՐԱ, «Ռոյթըրզ».- Թուրքիոյ բանակի սպայակոյտի զինուորական պատմութեան գրասենեակի եւ ռազմավարական գնահատման կեդրոնի մասնագէտ զօր. Սուլէյման Էօզմէն զինուորական հրատարակութեան մը մէջ յայտնեց, որ Իսրայէլի, Իրաքի եւ Սուրիոյ նման ջուրի կարիք ունեցող երկիրներ կրնան ապագային սպառնալիքներու վերածուիլ Թուրքիոյ համար։
«Զինեալ ուժեր» պարբերաթերթի վերջին թիւին մէջ Էօզմէն ըսաւ, թէ աշխարհի միւս երկիրներուն նման, կենսոլորտի փոփոխութիւնը Թուրքիոյ դիմակայած մեծագոյն [...]

ՓՐԻՍԹԻՆԱ, «Ռոյթըրզ».- Քոսովոյի մայրաքաղաքին մէջ տեղի ունեցած ականի մը պայթումին պատճառով արձանագրուեցան երկու զոհեր եւ 11 վիրաւորներ։ Վիրաւորներէն մէկը կը գտնուի ծանր վիճակի մէջ: Ըստ նախնական տեղեկութեանց՝ պայթումը քաղաքական բնոյթ չունէր։ Ականահարումը տեղի ունեցաւ Երկուշաբթի առաւօտուն, առեւտրական շրջանի մը մէջ, եւ ոստիկանութիւնն ու ՆԱԹՕի ղեկավարած խաղաղապահ ուժերը շրջանը փակեցին։ Պայթումը տեղի ունեցաւ Պիլ Քլինթընի անուան [...]

ՎԱՏԻԿԱՆ, «Ռոյթըրզ».- Վատիկանի աղբիւրներ կը յայտնեն, որ Պենետիքթ ԺԶ. պապը մերժած է Միացեալ Նահանգներու պետական քարտուղար Քանտըլիզա Ռայսի հետ Միջին Արեւելքի եւ Իրաքի հարցերը քննել։ Պապը մերժած է զինք ընդունիլ Օգոստոսի արձակուրդին ընթացքին։
Վատիկանի բարձրաստիճան աղբիւր մը յայտնեց, որ պապը սովորաբար Հռոմի մօտ գտնուող իր բնակարանին մէջ իր տարեկան արձակուրդին ընթացքին քաղաքագէտներ չ՚ընդունիր։ Սակայն իտալական [...]

ՆԻՒ ԵՈՐՔ.- Նիւ Եորքի «Ուալտորֆ ասթորիա» պանդոկին մէջ, 375 հոգիի ներկայութեամբ, Սեպտեմբեր 22ին կայացաւ Արեւելեան Ամերիկայի Հայ Դատի Յանձնախումբի առաջին տարեկան ճաշկերոյթը՝ մեծ խանդավառութեամբ եւ որու ընթացքին պարգեւատրուեցան դեսպան Ճան Էւընզ եւ շարք մը գաղութային գործիչներ:
Յանձնախումբի «Ազատութեան» մրցանակը յանձնուեցաւ դեսպան Էւընզի՝ արդարութեան եւ ճշմարտութեան նկատմամբ իր յանձնառութեան համար: Ան նաեւ օրուան գլխաւոր բանախօսն էր, [...]

ՍՏԵՓԱՆԱԿԵՐՏ, «Արմէնփրէս».- Արցախի նախագահ Բակօ Սահակեան Սեպտեմբեր 23ին ընդունեց Լոս Անճելըսի Հայ կրթական հիմնարկութեան անդամներ Յակոբ եւ Մինա Շիրվանեանները, Ռալֆ եւ Սաւի Թիւֆէնքեանները եւ Յակոբ ու Հիլտա Բաղդասարեանները:
Զրոյցի ընթացքին քննուեցան Հայ կրթական հիմնարկութեան կողմէ Արցախի մէջ գործադրուող ծրագիրներուն, փոխադարձ կապերու խորացման եւ ամրապնդման, ինչպէս նաեւ ԼՂՀ տնտեսական զարգացման հեռանկարներուն վերաբերող շարք մը հարցեր:
Հանդիպման [...]

Հայաստանի անկախութեան տօնին նուիրուած «Կենաց» փառատօնի ծիրէն ներս, Սեպտեմբեր 20ին Ազգային ժողովի պուրակին մէջ կազմակերպուեցաւ «Ազգային ժողովը ժողովրդի համար» համերգը, ուր ելոյթ ունեցաւ Հայաստանի ազգային սենեկային նուագախումբը՝ Արամ Ղարաբէկեանի ղեկավարութեամբ:
Ողջոյնի խօսք ուղղեց ԱԺ նախագահ Տիգրան Թորոսեան՝ նշելով, որ նման երեկոյ արդէն հինգերորդ անգամն է, որ կը կազմակերպուի:
Երեկոյի ընթացքին ներկայացուեցան Տ. Մանսուրեանի, Ս. Ռախմանինովի, [...]

ԵՐԵՒԱՆ, «Արմէնփրէս».- «Հայաստանն այսօր աշխարհի ամենաարագ զարգացող երկրներից մէկն է, երկրում ամենաարդիւնաւէտ կերպով բարեփոխումներ են իրականացւում: Եթէ Հայաստանը լինէր այնպիսի որակումների համաթեքսթում, ինչպիսին տուեց առաջին նախագահը, ապա մենք երբեք այդպիսի յաջողութիւններ չէինք ունենայ», յայտարարեց նախագահ Ռոպերթ Քոչարեան՝ Սեպտեմբեր 25ին լրագրողներու խնդրանքով անդրադառնալով առաջին նախագահ Լեւոն Տէր Պետրոսեանի՝ մօտ տասը տարի լռութենէն յետոյ ներկայ իրավիճակին տուած [...]

Անցեալ շաբաթավերջին, Միացեալ Նահանգներու հեծելարշաւի ֆետերասիոնը երկու տարիով կախակայեց ամերիկացի հեծելանուորդ Ֆլոյտ Լենտիսը (21 տարեկան)՝ նկատի ունենալով, որ անցեալ տարի ան «Թուր տը Ֆրանս»ին ընթացքին խթանիչ դեղեր գործածած էր:
Միջազգային հեծելարշաւի ֆետերասիոնի նախագահ Փէթ Մաքքուէյտ ըսաւ. «Նկատի ունենալով, որ ան յանցաւոր նկատուեցաւ իր կատարած այդ արարքին համար, անկէ պիտի խլուի 2006ին շահած Ֆրանսայի հեծելարշաւի շրջավազքին [...]

ՆԻՒ ԵՈՐՔ, «Ռոյթըրզ».- ՄԱԿի Ընդհանուր ժողովին ներկայ ըլլալու համար Նիւ Եորք այցելող Իրանի նախագահ Մահմուտ Ահմատինեժատ Երկուշաբթի, Սեպտեմբեր 24ին անհիմն համարեց ամերիկեան եւ իսրայէլեան մամուլին մէջ Իրանի հասցէին կատարուող շարք մը ամբաստանութիւններ եւ շեշտեց, թէ Իրան Իսրայէլի վրայ յարձակելու նպատակ չունի, չի փափաքիր հիւլէական զէնքեր արտադրել ու կը հաւատայ, թէ Միացեալ Նահանգներու իշխանութիւնները Իրանի դէմ [...]

Սեպտեմբեր 14-16, 2007ի շաբաթավերջին Շուշիի մէջ գումարուած Հայ Յեղափոխական Դաշնակցութեան Հայաստանի կազմակերպութեան 11րդ Գերագոյն ժողովը ազդանշան տուաւ կուսակցութեան մասնակցութեան երկրի նախագահական ընտրութիւններուն։ Հայրենի քաղաքական շրջանակներու, հասարակական կարծիքի թէ մամլոյ օրգաններու սպասումն էր որ այդ ժողովէն յայտնի դառնայ կուսակցութեան նախագահական թեկնածուին անունը։ Այդ մէկը, սակայն, ինչպէս ժողովի աւարտին հրապարակուած յայտարարութեան վերջին երկու կէտերը կը բացայայտեն, կուսակցութիւնը [...]

ԵՐԵՒԱՆ, «Արմէնփրէս», «Նոյեան Տապան».- Սեպտեմբեր 21ին, Հայաստանի վերանկախ պետականութեան հռչակման 16րդ տարեդարձի առիթով նախագահ Ռոպերթ Քոչարեանի գլխաւորութեամբ Հայաստանի բարձրաստիճան պաշտօնատարները՝ Ազգային ժողովի նախագահ Տիգրան Թորոսեան, վարչապետ Սերժ Սարգսեան, Գարեգին Բ. կաթողիկոս, ԼՂՀ նախագահ Բակօ Սահակեան, օրէնսդիր եւ գործադիր իշխանութիւններու ներկայացուցիչները, բարձրաստիճան սպայակազմը Եռաբլուրի պանթէոնին մէջ յարգանքի տուրք մատուցեցին անկախութեան ճամբուն ինկած նահատակներու յիշատակին: Անոնք ծաղկեպսակներ [...]

Հ.Յ.Դաշնակցութեան Ֆրանսայի Կեդրոնական Կոմիտէի ներկայացուցիչ Մուրատ Փափազեան անցնող շաբաթավերջին կոչ ուղղեց, որպէսզի հայութիւնը միահամուռ ձեւով ընդդիմանայ Եւրոպական միութեան Թուրքիոյ անդամակցութեան:
Մուրատ Փափազեան յայտարարեց, թէ «Ցեղասպանութիւնը ուրացող եւ ցեղասպան անցեալով պետութիւն մը տեղ չունի Եւրոպայի մէջ: Մենք պիտի բազմապատկենք մեր ճիգերը Եւրոպայի տարածքին եւ յառաջիկայ Դեկտեմբեր 14ին, Ուրբաթ օր, Պրիւքսէլի մէջ մեր ձայնը լսելի պիտի դարձնենք, [...]

ՌԱՄԱԼԼԱ, «Ռոյթըրզ».- «Ֆաթհ» շարժումի պաշտօնատար մը յայտնեց, թէ, հակառակ քաղաքական ներքին տարակարծութեանց, պաղեստինեան կազմակերպութեանց անդամ զինեալները պիտի գործակցին, եթէ Իսրայէլ Կազայի դէմ յարձակումի ձեռնարկէ:
Կազայի մէջ «Ֆաթհ» շարժումի ղեկավարներէն Ահմատ Հալաս յայտնեց նաեւ, որ անցեալ շաբաթ Կազան «թշնամական տարածք» յայտարարելու Իսրայէլի քայլը «վտանգաւոր մարտահրաւէր մըն է, որ թիրախ կը դարձնէ համայն պաղեստինցի ժողովուրդը»:
Ան աւելցուց, [...]

ԵՐԵՒԱՆ, «Նոյեան Տապան».- Վարչապետ Սերժ Սարգսեան Սեպտեմբեր 24ին երկօրեայ պաշտօնական այցով մեկնեցաւ Ռուսիա: Այցի ընթացքին կը նախատեսուին վարչապետի հանդիպումները Ռուսիոյ իր պաշտօնակից Վիքթոր Զուպքովի, Մոսկուայի քաղաքապետ Եուրի Լուժքովի, Հաւաքական անվտանգութեան պայմանագիրի կազմակերպութեան (ՀԱՊԿ) գլխաւոր քարտուղար Նիքոլայ Պորտիւժայի, Եւրասիական տնտեսական գործակցութեան գլխաւոր քարտուղար Գրիգորի Ռապոտայի, Հիւլէական ուժանիւթի դաշնակցային գործակալութեան ղեկավար Սերկէյ Քիրիենքոյի հետ:
Վարչապետի գլխաւորած պատուիրակութեան [...]

ՊԷՅՐՈՒԹ, «Ռոյթըրզ».- Մինչ Լիբանանի ապահովական մարմինները խիստ միջոցառումներու դիմեցին այսօր, Երեքշաբթի, Սեպտեմբեր 25ին կայանալիք նախագահական ընտրութեանց հարցով խորհրդարանական նիստին շուրջ ծագած լարուածութեան պատճառով բախումներու առաջքը առնելու համար, կառավարութեան ընդդիմացող «Հըզպալլա» կազմակերպութեան եւ անոր դաշնակից քաղաքական կողմերուն աղբիւրները Երկուշաբթի օր յայտնեցին, թէ ժողովին պիտի չներկայանան, եթէ նախագահի թեկնածուին շուրջ համախոհութիւն չգոյանայ ընդդիմադիր եւ իշխանամէտ շրջանակներուն միջեւ:
[...]

Լոս Անճելըս-Երեւան քոյր քաղաքներու ընկերակցութեան կազմակերպութեամբ եւ գործակցութեամբ Լոս Անճելըսի քաղաքապետական խորհուրդի նախագահ Էրիք Կարսեթիի, Ուրբաթ, Սեպտեմբեր 21ին, քաղաքապետարանի շէնքին մէջ բացումը կատարուեցաւ քոյր քաղաքներու խորհրդանիշ-ցուցանակին:
Ցուցանակին բացումը կատարեց Լոս Անճելըսի քոյր քաղաքներու նախագահ Թոմ ԼաՊոնժ, ներկայութեամբ բազմաթիւ հիւրերու՝ առաջնորդներ Մուշեղ արք. Մարտիրոսեան, Յովնան արք. Տէրտէրեան, ՀՀ հիւպատոս Յարութիւն Կոջոյեան եւ այլ պաշտօնատարներ եւ գաղութային [...]

Սեպտեմբերի 16ը՝ Խաչվերացի տօնի օրը, նշանակալից էր հնդկահայ համայնքի համար: Չնայած այն հանգամանքին, որ հնդկահայ համայնքը թուով փոքր է, սակայն դրա հետ մէկտեղ կան բազմաթիւ հայկական եկեղեցիներ, որոնցից շատերը պատմական նշանակութիւն եւ արժէք ունեն: Կան նաեւ եկեղեցիներ, որոնցում տասնեակ տարիներ նոյնիսկ աղօթք չէր հնչել: Սակայն վերջին տարիներին, շնորհիւ հնդկահայոց հոգեւոր հովիւ՝ Օշական վրդ. Գիւլգիւլեանի եւ [...]

ՔՈՐՏՈՊԱ, «Արմենիա».- Ուրբաթ, 7 Սեպտեմբերին, Հ.Յ.Դ. Հարաւային Ամերիկայի Հայ Դատի Յանձնախումբը Արժանթինի Քորտոպա քաղաքին մէջ մեծարեց արժանթինցի երեսփոխանուհի Աննա Մարիա Քարմէն Մոնաժարը, գնահատելով անոր տարած աշխատանքը Արժանթինի կողմէ Ապրիլ 24ը «Հանդուրժողութեան գործադրութեան եւ ազգերու միջեւ յարգանքի օր» նշանակող եւ Հայկական Ցեղասպանութիւնը յիշատակող Թիւ 26.199 օրէնքի հռչակումի ուղղութեամբ։
Հարկ է յիշատակել, թէ Մոնաժար Արժանթինի խորհրդարանի Օրէնսդրութեան [...]

Հ.Մ.Ը.Մ.ի 9րդ Պատգամաւորական ժողովը, 22 Սեպտեմբերին Հայաստանի Ծաղկաձոր քաղաքին մէջ աւարտեց իր աշխատանքները եւ ընտրեց յառաջիկայ քառամեակի նոր Կեդրոնական վարչութիւնը, բաղկացած հետեւեալ անդամներէն.-
Գրիգորիս Պողարեան, Կարպիս Գապասագալեան, Միհրան Շիմշիրեան (Լիբանան), Յարութիւն Յարութիւնեան (Հայաստան), Գօգօ Պալեան (Արեւմտեան Միացեալ Նահանգներ), Վահրամ Դանիէլեան (Արեւելեան Միացեալ Նահանգներ), Արմէն Կէտիկեան (Քանատա), Հրաչ Սիսեռեան (Ֆրանսա) եւ Քարլոս Սէֆէրեան (Հարաւային Ամերիկա)։

ԹԷԼ ԱՒԻՒ, «Ռոյթըրզ».- Իսրայէլեան օդուժը արագօրէն օդանաւեր ղրկած է դէպի Սուրիոյ հետ սահմանը, երբ 48 ժամուան մէջ երկրորդ անգամ ըլլալով սուրիական օդանաւ մը նկատուած է իսրայէլեան օդուժի ռատարներուն կողմէ։
Իսրայէլեան ձայնասփիւռը նշեց, որ իսրայէլեան պատերազմական օդանաւեր ահազանգի մատնուեցան՝ Սուրիոյ սահմանին վրայ սխալ ահազանգի մը պատճառով։ Ձայնասփիւռը նշեց, որ սուրիական օդային տարածքին մէջ գտնուող թռչող մարմին [...]

ԹԷԼ ԱՒԻՒ, «Ռոյթըրզ».- Կիրակի, Սեպտեմբեր 23ին կայացած Իսրայէլի կառավարութեան նիստին ընթացքին որոշուեցաւ ազատ արձակել շուրջ 90 պաղեստինցի բանտարկեալներ՝ փորձելով պաղեստինեան իշխանութեան նախագահ Մահմուտ Ապպասի դիրքը ամրապնդել՝ ընդդէմ «Համաս»ի: Կառավարութեան բանբեր մը յայտնեց, որ «սկզբունքային» համաձայնութիւն գոյացած է ազատ արձակելու այն բանտարկեալները, որոնք անդամ են Ապպասի գլխաւորած «Ֆաթհ» շարժումին:
Նախապէս, կառավարութիւնը յայտնած էր, որ անոնք, որոնք [...]

Յաճախ մեր ընկերային եւ հաւաքական կեանքին մէջ կը հանդիպինք աշակերտներու յաջողութեան վերաբերեալ տարբեր-տարբեր տեսակէտներու. զանազան վերագրումներ եւ պատճառաբանութիւններ կը յայտնուին շատերու կողմէ այս կապակցութեամբ։ Այս օրերուն նմանօրինակ խօսակցութիւններ առաւել եւս կը յայտնուին մեր դպրոցական եւ ուսումնական շրջանակներու մէջ։
Աշակերտի մը յաջողութիւնը եւ կամ ձախողութիւնը հիմնականօրէն կախեալ է անոր մտային կարողութենէն եւ ֆիզիքական ու հոգեկան իրավիճակէն, [...]

ԵՐԵՒԱՆ, «Նոյեան Տապան».- Սեպտեմբեր 23ին Կոտայքի մարզի Պռոշեան գիւղին մէջ բացումը կատարուցաւ արցախեան ազատամարտին նահատակուած պռոշեանցի ազատամարտիկներու յուշահամալիրը:
Յուշահամալիրի բացման արարողութեան ժամանակ Ազգային ժողովի փոխնախագահ Վահան Յովհաննիսեան նշեց, որ սա անգամ մը եւս կը վկայէ, որ ժողովուրդը ոչ միայն չէ մոռցած իր հերոսները, այլեւ ամէն ինչ կ’ընէ անոնց անունը սերունդներու յիշողութեան մէջ միշտ վառ պահելու [...]