Հարկ է մեկնիլ հիմնական հարցումէ մը. եզրակացուցա՞ծ ենք, որ ազգի համրանքի աւելի քան կէսը դատապարտուած է անհետացման:
Եթէ այս է եզրակացութիւնը, ինչ որ Սփիւռք կը կոչենք, ժամանակ մըն ալ պիտի ըլլայ ծագումով հայերու անդիմագիծ ամբոխ մը, ամէն օր քիչ մը աւելի տարածուող: Ան դեռ ժամանակ մըն ալ կրնայ պատուանդան ըլլալ շահագործումներու եւ չարաշահումներու, որպէսզի իրականանան [...]

ԹԻՖԼԻՍ, «Ռոյթըրզ».- Վրացական ատեան մը Ուրբաթ, Յունուար 28ին հաստատեց պաշտպանութեան նախկին նախարար եւ ընդդիմադիր քաղաքագէտ Իրաքլի Օքրուաշւիլիի դէմ կատարուած զեղծարարութեան ամբաստանութիւնները եւ զինք, ի բացակայութեան, դատապարտեց 11 տարուան բանտարկութեան։
Բանտարկութեան վճիռը կը նշանակէ, թէ անոր պիտի արգիլուի մասնակցիլ Մայիսին նախատեսուած երեսփոխանական ընտրութիւններուն, որոնց ընթացքին նախագահ Միխայիլ Սահակաշւիլիի վայելած խորհրդարանական մեծամասնութիւնը կրնայ վտանգուիլ:
Թիֆլիս քաղաքի դատարանի [...]

«Ասպարէզ»ի լրատուական առաքելութեան արժեւորման փորձ մըն է այսօրուան սիւնակի հետապնդած նպատակը։ Գոնէ սկիզբ մըն է այդ ուղղութեամբ։
Ելեքտրոնային տեղեկատուական դաշտը այնքան արագ եւ այնքան մեծածաւալ կը զարգանայ, որ հսկայական միջոցներ ունեցող թերթեր իսկ դժուարութիւն կ’ունենան մրցելու անոնց դէմ։
Հասկնալի է, որ թերթերը կենաց մահու կռուի մէջ են՝ արդարացնելու իրենց գոյութիւնը իրենցմէ շուտ մարդոց հասանելի դարձած [...]

ԴԱՄԱՍԿՈՍ, «Ռոյթըրզ».- Ինչպէս կ’ակնկալուէր, Դամասկոսի մէջ անցնող շաբաթավերջին տեղի ունեցած Արաբական լիկայի վեհաժողովը չկրցաւ յատկանշական լուծում մը առաջադրել Լիբանանի նախագահական ընտրութեան տագնապին, բաւարարուելով պաշտօնական հաղորդագրութեամբ մը, որուն հիման վրայ շեշտուեցաւ լիբանանեան ներքաղաքական տագնապին լուծման համար առաջադրուած Արաբական նախաձեռնութիւնը գործադրելու անհրաժեշտութիւնը։
Քաղաքական մեկնաբաններ կը յայտնեն, թէ Դամասկոսի ժողովը աւարտեցաւ նուազագոյն վնասներով. ան եղաւ խաղաղ վեհաժողով մը, [...]

ԱՄՄԱՆ, «Ռոյթըրզ».- Միացեալ Նահանգներու պետական քարտուղար Քանտըլիզա Ռայս Միջին Արեւելքի իր եռօրեայ շրջապտոյտը աւարտելով Երկուշաբթի, Մարտ 31ին յայտարարեց, թէ լաւատես է խաղաղութեան գործընթացի ընթացքով, սակայն շեշտեց, թէ Իսրայէլ պէտք է կասեցնէ պաղեստինեան գրաւեալ հողերուն վրայ ապօրինի բնակեցման վայրերը կառուցելու աշխատանքները:
Ռայս յայտնեց, թէ պաղեստինցիներու կեանքը բարելաւելու եւ Միջին Արեւելքի խաղաղութեան բանակցութիւնները վերաշխուժացնելու համար Իսրայէլէն ապահոված [...]

Քաշաթաղի զարգացման նուիրուած համաժողովին Հ.Յ.Դ. Բիւրոն կը ներկայացնէր Վահան Յովհաննիսեանը։ Ստորեւ Karabakh-Open.com-ի հարցազրոյցը ՀՀ խորհրդարանի նախկին փոխնախագահ Վահան Յովհաննիսեանի հետ։

ՀԱՐՑՈՒՄ.- Պարոն Յովհաննիսեան, ինչպէ՞ս եք գնահատում Քաշաթաղի զարգացման թեմայով նախաձեռնութիւնը։
ՊԱՏԱՍԽԱՆ.- Գտնում եմ, որ այս նախաձեռնութիւնը նոյնիսկ ուշացած է: 2000ի կէսերին Դաշնակցութիւնը առաջին փորձն արեց համահայկական մի ֆոնտ ստեղծելու՝ ազատագրուած տարածքների վերաբնակեցման համար: [...]

Տարիներու բարի աւանդութիւն է, որ Ս. Յարութեան տօնի վաղորդայնին, Արեւմտեան թեմի Ազգ. առաջնորդարանի յարկին տակ տեղի ունենայ զատկական մտերմիկ հանդիպում ու հաւկթախաղ, կազմակերպութեամբ Տիկնանց օժանդակ մարմինին։
Այս տարի եւս, հաւաքոյթը տեղի ունեցաւ Չորեքշաբթի, 26 Մարտի կէսօրին, առաջնորդարանի «Տիգրան եւ Զարուհի Տէր Ղազարեան» սրահին մէջ։
Տիկնանց օժանդակ մարմինը պատրաստած էր սիրոյ սեղան։ Թեմիս առաջնորդ Մուշեղ արք. [...]

ԼՈՍ ԱՆՃԵԼԸՍ.- Լոս Անճելըս քաղաքի դատախազ Ռաքի Տելկատիօ նախաձեռնած է հայկական արուեստը, մշակոյթը եւ ժառանգութիւնը տօնելու ձեռնարկի մը, որու ընթացքին պիտի ցուացադրուին Դանիէլ Վարուժան Գէորգեանի ու Կրեկըրի Պէյլէրեանի արուեստի գործերը:
Ձեռնարկը տեղի պիտի ունենայ Չորեքշաբթի, Ապրիլ 2ին, երեկոյեան ժամը 5ին, Լոս Անճելըսի քաղաքապետարանի ութերորդ յարկին վրայ (200 N. Main St.):
Կանգառի համար տեղերը պէտք է [...]

ԱՆԳԱՐԱ, «Ռոյթըրզ».- Երկուշաբթի, Մարտ 31ին, Թուրքիոյ Սահմանադրական ատեանը որոշեց քննել երկրին Վճռաբեկ ատեանին գլխաւոր դատախազին կողմէ իշխող Արդարութիւն եւ բարգաւաճում կուսակցութիւնը փակելու հարցը, հակառակ այն սպառնալիքներուն, թէ հարցին քննարկումը եւ կուսակցութիւնը ապօրինի հռչակելու քայլը կրնայ վնաս հասցնել Թուրքիա-Եւրոմիութիւն յարաբերութեանց:
Արդարեւ, Եւրոմիութեան ընդարձակման աշխատանքներու յանձնակատար Օլի Ռէն Կիրակի օր յայտարարած էր, թէ Արդարութիւն եւ բարգաւաճում կուսակցութեան [...]

ՊԷՅԺԻՆԿ, «Ռոյթըրզ».- Երկուշաբթի, Մարտ 31ին, Պէյժինկի մէջ տեղի ունեցաւ Ողիմպիական խաղերու ջահը վառելու արարողութիւնը, մինչ ջահին աշխարհի տարածքին տեղի ունենալիք շրջապտոյտը սկսած է վերածուիլ Չինաստանի դէմ բողոքներու մակնիսի մը: Ողիմպիական ջահը 130 օր (137 քլմ.) պիտի շրջագայի Չինաստանի շուրջ:
Յայտնենք, թէ Յունաստան Կիրակի օր Ողիմպիական ջահը պաշտօնապէս յանձնեց Չինաստանի, երբ Աթէնքի Փանաթինայքօ դաշտին մէջ տեղի [...]

ՊԱՂՏԱՏ, «Ռոյթըրզ».- Երկուշաբթի, Մարտ 31ին, Պաղտատի ամենաապահով վայրը նկատուող ամրոցանման Կանաչ գօտին անգամ մը եւս ծանրօրէն ռմբակոծուեցաւ, մինչ Իրաքի վարչապետ Նուրի Մալիքի հարաւային Պասրա քաղաքը մեկնելով պնդեց, թէ շիի զինեալներու դէմ պայքարը պիտի շարունակէ մինչեւ անոնց ապազինումը:
Կիրակի օր, շիի կրօնապետ Մոքթատա Սատր իրեն հետեւորդ զինեալներուն հրամայեց հեռանալ փողոցներէն՝ ճամբան հարթելով հարիւրաւոր զոհեր պատճառած բախումներուն [...]

ԵՐԵՒԱՆ, «Արմէնփրէս».- Միացեալ Նահանգներու նախագահ Ճորճ Պուշը կը ծրագրէ առաջադրել Մարի Եովանովիչի թեկնածութիւնը՝ որպէս Հայաստանի մէջ ԱՄՆ դեսպան: Այս մասին տեղեկացնելով, նախագահի կայքէջը կը յիշեցնէ, որ Մ. Եովանովիչը այժմ Քիրկիզստանի մէջ ԱՄՆի դեսպանն է: Մինչ այդ ան եղած է ԱՄՆ պետական քարտուղարի տեղակալի աւագ խորհրդականը քաղաքական հարցերով, ինչպէս նաեւ աշխատած է որպէս փոխդեսպան Քիեւի մէջ:
[...]

Ինչպէս մեր Շաբաթ, Փետրուար 23ի թիւով հաղորդած էինք, ՀՕՄի Արեւմտեան Ամերիկայի Շրջանային վարչութեան հովանաւորութեամբ, եւ շրջանի «Սօսէ» մասնաճիւղին նախաձեռնութեամբ, Յունուար 27ին տեղի ունեցաւ մեծարանքի ճաշկերոյթ-հանդիսութիւն մը՝ ի պատիւ ընկհ. Նուարդ Տէր Յովհաննէսեանի ծննդեան 90րդ տարեդարձին։ Երեկոյթը հիւրընկալած էին մեծարեալին զաւակները՝ Մհեր եւ Սաթիկ, Շահան եւ Անի Տէր Յովհաննէսեաններ, եւ Կարպիս ու Նովա Հինտոյեան։ Տէր Վազգէն [...]

ԵՐԵՒԱՆ.- «Առաւօտ» թերթին տուած հարցազրոյցի մը ընթացքին, որ լոյս տեսած է անցեալ Շաբաթ օրուան թիւով, Հ.Յ.Դ. Հայաստանի Գերագոյն Մարմնի ներկայացուցիչ Արմէն Ռուստամեան յայտնած է, որ «եթէ մէկին թւում է, թէ բոլորիս վրայ նստած այդ արեան պատասխանատուն միայն մէկ կողմն է՝ սխալւում է։ Բոլորս ենք դրա համար պատասխանատու, ամէն մէկս մեր չափով, պատասխանատու է իշխանութիւնը, որ [...]

Երկու շաբաթէն նուազ ժամանակամիջոց կայ նորընտիր նախագահի պաշտօնամուտին։ Շուտով միջազգային լուսարձակները վերստին կը կեդրոնանան մեր հայրենիքի քաղաքական իրադրութեան տարբեր ծալքերուն վրայ։
Այս առումով առաւել եւս կը կարեւորուի ներքաղաքական լարուած իրավիճակը լիցքաթափելու հրամայականը։ Երեւոյթները, նախադրեալներն ու տուեալները այս ուղղութեամբ յուսադրիչ չեն։ Յարափոփոխ ձեւերով կը շարունակուին բողոքի դրսեւորումները, որոնց դիմաց կը շարունակուին ձերբակալութիւնները, պաշտօնազրկումներն ու բերման ենթարկումները։ [...]

Արցախի ազատագրութեան 20ամեակը իր ամբողջականութեան հասաւ, երբ 1992 Մայիս 8ին Շուշին եկաւ մեր ազատագրական պայքարի պատմութեան անաւարտ էջը նոր յաղթանակով ոսկեզօծելու:
Մեզի համար կարեւոր թուականներ են ազատագրական պայքարի առումով 1915, 1918, 1920 եւ վերջապէս Փետրուար 20 1988, երբ հերոսական Արցախը յաջողեցաւ իր վրայէն թօթափել ատրպեճանական ժանգոտ լուծը եւ հռչակել Արցախեան անկախութիւն:
Խորհրդայնացման պարտաւորած լռութենէն եւ [...]

ՔԻԷԼ, «Ռոյթըրզ».- Գերմանիոյ Քիէլ քաղաքին մէջ Շաբաթ, Մարտ 29ի երեկոյեան, գերմանահայ արհեստավարժ կռփամարտիկ Արթիւր Աբրահամ դարձեալ պաշտպանեց IBF-ի միջին կշիռքի աշխարհի ախոյեանի իր գօտին։ 28ամեայ կռփամարտիկը ամերիկացի Էլվին Այալայի հետ հանդիպման վերջին՝ 12րդ ռաունտին մէջ մրցումը շահեցաւ նաքաութով։
Յիշեցնենք, որ Արթիւր Աբրահամ ախոյեանութեան գօտին առաջին անգամ նուաճած է Դեկտեմբեր 2005ին եւ անկէ ետք հայ կռփամարտիկը [...]

ԵՐԵՒԱՆ, «Արմէնփրէս».- Եւրոպայի խորհուրդի նախարարներու կոմիտէի դիտարկման Ագոյի խումբի պատուիրակութիւնը երէկ, Մարտ 31ին հանդիպած է արդարադատութեան նախարար Գէորգ Դանիէլեանին հետ: Պատուիրակութեան կազմը ներկայացուցած է հարցադրումներ՝ մերձաւոր ազգականներուն հետ ձերբակալուած եւ կալանաւորուած անձերու տեսակցութիւններու արգելի հիմքերու, Մարտ 1ին Երեւանի մէջ տեղի ունեցած զանգուածային անկարգութիւններուն հետ կապուած ձերբակալուած եւ կալանաւորուած անձերու ազատ արձակելու հնարաւորութեան, վերջերս ընդունուած «Ժողովներ, [...]

ՍՏԵՓԱՆԱԿԵՐՏ, «KarabakhOpen», «Արմէնփրէս», «Նոյեան Տապան».- Մարտ 28-30ին Բերձորի մէջ տեղի ունեցաւ Քաշաթաղի շրջանի զարգացման միջազգային խորհրդաժողովը: Խորհրդաժողովը կազմակերպուած էր «Թուֆէնկեան» հիմնադրամի կողմէ՝ շրջանի զարգացման համար միջոցներ հաւաքելու նպատակով:
Խորհրդաժողովին մասնակցեցան Հայաստանի եւ Արցախի կառավարութիւններու, Հ.Յ.Դ., «Ժառանգութիւն», ԱԺՄ, «Ազգային միաբանութիւն», «Բարգաւաճ Հայաստան» կուսակցութիւններու ներկայացուցիչները:
Խորհրդաժողովի աշխատանքներուն կը մասնակցէին նաեւ Հայ օգնութեան ֆոնտը, Հայ օգնութեան միութիւնը, «Համազգային» [...]

ԿԼԷՆՏԷՅԼ.- Հայ Դատի Յանձնախումբի Կլէնտէյլի մասնաճիւղը կը տեղեկացնէ, որ «Ֆրիտըմ պէյքինկ» ընկերութիւնը Ապրիլ 13-30ին իր հասոյթի հինգ տոկոսը պիտի նուիրէ Հայ Դատին։ Նոյն ժամանակամիջոցին, Կլէնտէյլի Հայ Դատի Յանձնախումբի անունն ու հասցէն կրող տոմսեր պիտի զետեղուին «Շուշան լաւաշ»ի փաթեթներու մէջ։
«Սրտի մեծ գոհունակութեամբ է, որ նուիրաբերում ենք ամերիկահայ համայնքի մէջ տարիներու վաստակ ունեցող մի կազմակերպութեան», յայտնած [...]

ՍՏԵՓԱՆԱԿԵՐՏ, KarabakhOpen, «Արմէնփրէս», «Նոյեան Տապան».- Երէկ, Մարտ 31ին աշխատանքային այցով Ստեփանակերտ այցելեց նախագահ Ռոպերթ Քոչարեանը: Ան հանդիպում ունեցաւ նախագահ Բակօ Սահակեանին հետ, իսկ կէսօրէ յետոյ կառավարութեան նիստերու դահլիճին մէջ հանդիպեցաւ Արցախի օրէնսդիր եւ գործադիր իշխանութիւններու ղեկավարներուն եւ անդամներուն հետ:
Հանդիպման ընթացքին նախագահ Սահակեան յայտնեց, որ նախագահ Քոչարեան Ղարաբաղ այցելած է Արցախի պատկան մարմիններու հրաւէրով: Երախտագիտութիւն [...]

«Գալուստ Կիւլպէնկեան» հաստատութեան Հայ համայնքներու բաժանմունքին նախաձեռնութեամբ եւ Աստղիկ Չամքերթէնի հեղինակութեամբ լոյս տեսաւ «Երուսաղէմ եւ Կիւլպէնկեանները» գիրքը, ուր հեղինակը հետաքրքրական տուեալներով ու մանրամասնութիւններով կը ներկայացնէ Ս. Երկրին մէջ հայոց ներկայութեան պատմութիւնը, Կիւլպէնկեան գերդաստանը եւ անոր կապը Երուսաղէմի հետ, հայոց պատրիարքութիւնը, Ս. Յակոբայ վանքը՝ իր յարակից բաժանմունքներով, 1948ի քաղաքական իրադարձութիւնները, «Գալուստ Կիւլպէնկեան» հիմնարկութիւնը եւ անոր կատարած [...]

ՍՏԵՓԱՆԱԿԵՐՏ.- Անցեալ Շաբաթ, 29 Մարտին, ԼՂՀ նախագահ Բակօ Սահակեան իր նստավայրի մէջ ընդունած է «Ղարաբաղ Թելեքոմ» ընկերութեան գլխաւոր տնօրէն Ռալֆ Երիկեանը։
Լիբանանահայ երիտասարդ տնօրէնը այս առթիւ յայտնած է նախագահ Սահակեանին, որ իր ղեկավարած ընկերութիւնը որոշած է շօշափելիօրէն ընդլայնել Արցախի մէջ իր ձեռնարկած բարեգործական ծրագիրներու ծաւալները, զանոնք հասցնելով հինգ հարիւր միլիոնի։
Նախագահ Սահակեան գնահատած է «Ղարաբաղ [...]

Կենսագրութեանս մէջ շատ հարազատ մի վայր է Լոս Անճելըսը։ Ինձ ամէնէն մտերիմ, մօտիկ մարդիկ, ժամանակաւորապէս կամ մշտական այստեղ կ’ապրին, այս քաղաքում։ Կարօտն է ինձ բերել։ Բայց ես երբեք դատարկ ձեռքով չեմ եկել եւ իմ այս անգամուան այցն էլ ունի իր գործնական, ստեղծագործական նպատակը։
Ուրախ եմ ասելու, որ իմ առաջին փորձը այստեղ, Լոս Անճելըսում ֆիլմ նկարելու, [...]

ԵՐՈՒՍԱՂԷՄ, «Ռոյթըրզ».- Միջին Արեւելքի քրիստոնեաներու թիւը 12էն 15 միլիոնի միջեւ է: Պաշտօնական տեղեկատուութեանց չգոյութեան եւ յաճախակի գաղթի պատճառով դժուար է ճշգրիտ թիւ մը սահմանել: 20րդ դարու սկիզբը քրիստոնեաները կը կազմէին տարածաշրջանի բնակչութեան 24 տոկոսը, իսկ այժմ անոնք 5 տոկոսէն աւելի չեն: 70ական թուականներուն Իրաքի քրիստոնեաները կը կազմէին 5.8 տոկոս, այժմ՝ 3 տոկոս: Համաշխարհային Բ. պատերազմէն [...]

ԵՐԵՒԱՆ, «Արմէնփրէս».- Մարտ 29ին քառօրեայ այցով Երեւան կը ժամանէ ԵԽ նախարարներու կոմիտէի դիտարկման Ագոյի խումբը: Այցի ընթացքին նախատեսուած են պատուիրակութեան հանդիպումները ԱԺ նախագահ Տիգրան Թորոսեանին, վարչապետ Սերժ Սարգսեանին, ԱԳ նախարար Վարդան Օսկանեանին, արդարադատութեան նախարար Գէորգ Դանիէլեանին, ոստիկանութեան պետ Հայկ Յարութիւնեանին, գլխաւոր դատախազ Աղուան Յովսէփեանին, մարդու իրաւունքներու պաշտպան Արմէն Յարութիւնեանին եւ ընդդիմութեան ներկայացուցիչներուն հետ:

ՔԱՆՏԻԼ ԼԵՌՆԵՐ, Իրաք, «Ա.Էֆ.Փէ.».- Քիւրտիստանի բանուորական կուսակցութեան թիւ երկու ղեկավարը նկատուող Պոզամ Թաքիմ Ուրբաթ, Մարտ 28ին սպառնաց հակադարձել անցնող շաբաթավերջին եւ այս շաբթուան ընթացքին Թուրքիոյ մէջ քիւրտ ցուցարարներու դէմ թրքական ապահովական ուժերուն ցուցաբերած բռնարարքներուն, որոնց զոհ գացին առնուազն երկու քիւրտ ցուցարարներ եւ վիրաւորուեցան տասնեակներով ուրիշներ: Ապահովական ուժները նաեւ տասնեակներով քիւրտեր ձերբակալեցին քրտական Նոր տարուան տօնակատարութիւններէն [...]

ԳԱՒԱՌ, «Արմէնփրէս».- Վերջին օրերու ուժեղ քամիներու եւ համեմատաբար բարձր տաքութեան ազդեցութեան տակ առ այժմ սառցէ կապանքներէն ազատած է Փոքր Սեւանը: Իսկ Մեծ Սեւանը կը շարունակէ մնալ սառոյցի հաստ շերտին տակ: Մասնագէտներու գնահատմամբ՝ եթէ յառաջիկայ օրերուն անսպասելի ցուրտեր չներթափանցեն մարզ, ըլլան ուժեղ քամիներ եւ ջերմաստիճանի հետագայ բարձրացում, ապա հնարաւոր է, որ Ապրիլի սկզբներուն Սեւանը սառոյցի շերտէն [...]

ԵՐԵՒԱՆ, «Երկիր».- Մարտ 28ին Հայաստանի նախաձեռնութեամբ Ժընեւի մէջ՝ ՄԱԿի Մարդու իրաւունքներու խորհուրդը ընդունեց բանաձեւ ցեղասպանութիւններու կանխարգիլման վերաբերեալ (Resolution ”Prevention of genocide”): Այն ցեղասպանութեան կանխարգիլման ուղղուած՝ ՄԱԿի մարդու իրաւունքներու համակարգին մէջ ընդունուած առաջին բանաձեւն է:
Բանաձեւը ցեղասպանութիւններու կանխարգիլման ուղղութեամբ ՄԱԿի մէջ Հայաստանի նախկին նախաձեռնութիւններու շարունակութիւնն է եւ նպատակ ունի քննելու ՄԱԿի համակարգին մէջ վաղ կանխարգիլման (early [...]

ԵՐԵՒԱՆ.- Յայտնի գործարար Միխայիլ Բաղդասարով, որ նորընտիր նախագահ Սերժ Սարգսեանի մօտիկ շրջանակի անձ կը նկատուի, «Էքոնոմիստ» անգլիական շաբաթաթերթին յայտնած է, թէ վարչապետի պաշտօնի ամէնէն հաւանական թեկնածուն Հայաստանի Կեդրոնական դրամատան տնօրէն Տիգրան Սարգսեանն է։
Բաղդասարով համոզուած է, որ նախագահ Սարգսեան ընդհանրապէս կառավարութեան մէջ տեղ պիտի տայ արեւմուտքի մէջ ուսանած երիտասարդ մասնագէտներու եւ այս տրամաբանութեամբ վարչապետի պաշտօնին [...]

ՍՏԵՓԱՆԱԿԵՐՏ, «Արմէնփրէս».- ԼՂՀ նախագահ Բակօ Սահակեանը Մարտ 28ին ընդունեց Հայ Առաքելական եկեղեցւոյ Թեհրանի թեմի առաջնորդ Սեպուհ արք. Սարգսեանին, Ատրպատականի թեմի առաջնորդ Նշան եպս. Թոփուզեանին, Նոր Չուղայի թեմի առաջնորդ Բաբգէն եպս. Չալեանին: Հանդիպման ընթացքին, որուն մասնակցեցաւ նաեւ Արցախի թեմի առաջնորդ Պարգեւ արք. Մարտիրոսեանը, քննուեցան իրանահայ համայնքին հետ կապերու հետագայ ընդլայնման եւ խորացման, Լեռնային Ղարաբաղի մէջ ներդրումային [...]

Մարդկային էակներով ողողուած է մեր աշխարհը. հազուագիւտ են սակայն անոնցմէ «մարդ» կոչուելու արժանիները, պրն. Ստեփան Ինճէեան այդ հազուագիւտներէն էր։
Ոչ միայն անթերի ու անխառն, այլեւ տիպար հայ, որուն մօտենալով կը մատչիս Արարատին, անոր կատարին պէս վեհ եւ ձիւներուն պէս մաքուր եւ անբիծ։
Փոքր տարիքէն ճաշակած էր Մեծ Եղեռնի դառնութիւնները, որոնք անջնջելի դրոշմ մը դրած էին [...]

Ուրբաթ, 14-16 Մարտի շաբաթավերջին Սան Ֆրանսիսքոյի ու Ծովածոցի Ս. Գրիգոր Լուսաւորիչ եկեղեցւոյ համայնքն ու հաւատացեալները հոգեկան գոհունակութիւնը ունեցան այս տարուան Մեծ պահքի վերջին հսկումի ժամերգութեան եւ Ծաղկազարդի տօնակատարութեան, եկեղեցւոյ յարկին ներքեւ ողջունելու ու աղօթակից ըլլալու Սուրէն արք. Գաթարոյեանին, որ իր հովանաւորութիւնը կը բերէր Մեծ պահոց եւ Հսկումի հոգեպարար ժամերգութեանց եւ Ծաղկազարդի Ս. Պատարագին, իր հոգեշունչ [...]

ՃԱՔԱՐԹԱ, «Ռոյթըրզ».- Հինգշաբթի, Մարտ 27ին, Ինտոնզիա այցեող Սերպիոյ արտաքին գործոց նախարար Վուք Երեմիչ յայտարարեց, թէ Պելկրատ կը փափաքի կառավարել Սերպիայէն անկախութիւն հռչակած Քոսովոյի հիւսիսային շրջանները, որոնք մեծամասնութեամբ սերպաբնակ են: Ան շեշեց, թէ ՄԱԿի հետ համակարգուելիք նման քայլով մը միայն կարելի պիտի ըլլայ վերջ տալ միջհամայնքային բախումներուն:
Մօտաւորապէս 120,000 սերպեր կը մնան Քոսովոյի մէջ, որոնց կէսէն [...]

Հինգշաբթի, 27 Մարտ 2008, կէսօրէ առաջ ժամը 11ին, Կլէնտէյլի Oakmont Country Club-ի սրահը տեղի ունեցաւ «Կլէնտէյլի Գոհարներ» պարգեւատրման 4րդ ձեռնարկը, որու ընթացքին իգական սեռի երեք ներկայացուցիչներ գնահատուեցան, յատկապէս Կլէնտէյլի համայնքին երկար տարիներ օգտակար հանդիսանալուն համար: Ձեռնարկը կազմակերպուած էր The City of Glendale Commission on the Status of Women յանձնաժողովի կողմէ:
Օրուան գլխաւոր բանախօսն էր Պըրպէնքի [...]

ԿԼԷՆՏԷՅԼ.- «Լինս»ի հիմնարկի փոխնախագահ եւ Կլէնտէյլի մէջ լոյս տեսնող «Քալիֆորնիա քուրիըր» թերթին հրատարկիչ Յարութ Սասունեան Հայաստան կատարած իր վերջին այցելութեան ընթացքին իր պաշտօնական հանդիպումներուն կողքին կրցաւ նաեւ ամբողջացնել Հայաստանի քաղաքացի դառնալու գործընթացը, հանդիսանալով Փետրուար 2007ին վաւերացուած Սփիւռքի հայութեան երկքաղաքացիութեան օրէնքէն օգտուող առաջիններէն մէկը:
Սասունեան, որ նաեւ Միացեալ Հայկական հիմնադրամի գործադիր տնօրէնն է, 1989էն ի վեր [...]

Դատարկապորտներուն եւ քսութեամբ զազրախօսութիւն ընողներուն հասցէին ըսուած՝ «խօսքի վաճառականներ» կոչումէն տարբեր է, «աղօթքի վաճառականներ» անուանումը այնպիսի անձերու կը տրուի, որոնք ճշմարտապէս հասկցած չեն տակաւին աղօթքին իմաստը: Սակայն եւ այնպէս, կը յաւակնին տիրապետած ըլլալ անոր գաղտնի ուժին ներգործութեան կերպերուն եւ, ամենայն ինքնավստահութեամբ, իբրեւ իրենց արտադրութիւնը եղող «ապրանք» վաճառքի դնել զայն: Ոմանք, մասնաւոր ընելիք մը չունենալով, աղօթքի [...]

ԼՈՍ ԱՆՃԵԼԸՍ.- Արեւմտեան Ամերիկայի Հայ Դատի Յանձնախումբի 2008ի գարնանային վարժողական ծրագրին մասնակցելով, Քարինա Խանճեան արժէքաւոր գիտելիքներ ու փորձառութիւն ապահոված է, յատկապէս լրատուական եւ հանրային յարաբերութեանց մարզերէն ներս:
Մամլոյ հաղորդագրութիւններ պատրաստելու եւ լրատուամիջոցներու հետ յարաբերութիւններ հաստատելու կողքին, Խանճեան կարեւոր դերակատարութիւն ունեցած է նաեւ ամերիկահայ համայնքէն յաւելեալ քուէարկողներ ապահովելու արշաւին մէջ:
«Արեւմտեան Ամերիկայի Հայ Դատի Յանձնախումբի վարժողական [...]

Հալէպահայ երաժշտական կեանքը բազմազանութեան պակաս չունի։ Դրան նպաստում են նախ եւ առաջ երաժշտական դպրոցները։ Ապա ձեռնարկները՝ կազմակերպուած թէ՛ տեղական ուժերով եւ թէ՛ հրաւիրուած երաժիշտ-կատարողների։ Սրան եթէ գումարենք հեռուստատեսային երաժշտական ծրագիրները, հայաստանեան երաժշտական հաղորդումները, որոնք անդադար հեռարձակում են նորաթուխ աստղերին, պարզ կը դառնայ, որ Հալէպի հայութիւնը ապրում է որոշակի երաժշտական կեանքով։ Այդ կեանքի ամբողջութիւնը ապահովում են [...]

ԵՐԵՒԱՆ, «Արմէնփրէս», «Նոյեան Տապան».- Միացեալ Նահանգները մտահոգուած է վերջին ամիսներուն Հայաստանի մէջ տեղի ունեցած իրադարձութիւններով: Այս մասին Մարտ 28ին յայտարարեց Հայաստանի մէջ ԱՄՆի դեսպանատան ժամանակաւոր հաւատարմատար Ճոզէֆ Փենինկթընը:
Ան նշեց, որ հայ-ամերիկեան կապերը կ’ընդգրկեն բազմաթիւ ոլորտներ, իսկ Հայաստանի անկախացումէն ի վեր ԱՄՆի ցուցաբերած աջակցութիւնը ուղղուած է ժողովրդավարութեան զարգացման: Սակայն, վերջին քանի մը ամիսներու ընթացքին տեղի [...]

ՈՒԱՇԻՆԿԹԸՆ, «Ռոյթըրզ».- Ամերիկացի պաշտօնատար մը յայտնեց, որ Միացեալ Նահանգներու նախագահ Ճորճ Պուշ պաղեստինեան իշխանութեան նախագահ Մահմուտ Ապպասը Սպիտակ տուն հրաւիրած է՝ խոչընդոտներու դէմ յանդիման գտնուող խաղաղութեան գործընթացը յառաջ մղելու յոյսով։
Պաշտօնատարը յայտնեց, որ սոյն քայլը մաս կը կազմէ «պաղեստինցիներու, իսրայէլացիներու եւ շրջանին մէջ այլ երկիրներու Իսրայէլի հետ խաղաղութեամբ եւ ապահովութեամբ ապրող պաղեստինեան պետութիւն մը ստեղծելու» [...]

Արցախի պատասխանը ատրպեճանական յոխորտանքներուն, դիւանագիտական անպտուղ նախաձեռնութիւններուն այս անգամ եկաւ Քաշաթաղէն։ Երէկ, ազատագրուած այս տարածքի կեդրոնին՝ Բերձորի մէջ, իր աշխատանքները սկսաւ «Թիւֆէնկեան» հիմնադրամի նախաձեռնած «Քաշաթաղի շրջանի զարգացման նուիրուած խորհրդաժողով»ը, որուն կը մասնակցին բազմաթիւ հայկական բարեսիրական կազմակերպութիւններու եւ Լեռնային Ղարաբաղի Հանրապետութեան կառավարութեան ներկայացուցիչներ։
Ատրպէյճան որքան բարձր աղմկէ, որքան սուր ճօճէ, Արցախը, իր թիկունքին ունենալով համայն հայութիւնը, [...]

Վերջին լրատուութիւնը Երեւանէն էր։ Հայաստանի արտաքին գործերու նախարարութեան բանբերը յայտնեց, որ Ատրպէյճանի նախագահ Իլհամ Ալիեւ չ’ուզեր հանդիպիլ Հայաստանի վարչապետ, նորընտիր նախագահ Սերժ Սարգսեանին։
Աւելի կանուխ Ատրպէյճան դիմեց Միացեալ Ազգերու Ընդհանուր ժողովին եւ պնդեց, որ ժողովը, թէկուզ բացարձակ փոքրամասնութեամբ, բանաձեւ մը քուէարկէ՝ ղարաբաղեան խնդրի ատրպեճանական տարբերակով լուծման ի նպաստ։
Այս դիմումի նախօրէին, Ատրպէյճան նամակ ուղարկած էր [...]

ԵՐԵՒԱՆ, «Նոյեան Տապան».- Թատրոնի միջազգային օրուան առիթով՝ Մարտ 27ին «Մոսկուա» դահլիճին մէջ տեղի ունեցաւ Հայաստանի թատերական գործիչներու միութեան «Արտաւազդ» ամէնամեայ մրցանակաբաշխութեան հանդիսաւոր արարողութիւնը, որուն ներկայ էին նաեւ վարչապետ, նորընտիր նախագահ Սերժ Սարգսեանը, մշակոյթի նախարար Յասմիկ Պօղոսեանը, թատերական գործիչներ, արուեստասէրներ:
«Այսօր թատրոնի տօնն է, սա եւս մէկ առիթ է յիշելու, որ հայ ժողովուրդն ունի հինաւուրց թատրոն, [...]

ՊԱՂՏԱՏ, «Ռոյթըրզ».- Ուրբաթ, Մարտ 28ին, շիի կրօնապետ Մուքթատա Սատրի համակիր զինեալներու դէմ պայքարող Իրաքի ապահովական ուժերը ամերիկեան ուժերու օժանդակութեան դիմեցին, որու հետեւանքով ամերիկեան ուղղաթիռ մը ռմբակոծեց Պաղտատի Սատր շրջանը, սպաննելով առնուազն չորս հոգի, իսկ ամերիկեան ռազմական օդանաւեր ռմբակոծեցին հարաւային Պասրա քաղաքի կարգ մը շրջաններ:
Շաբաթասկիզբը սկսած Իրաքի պատերազմին նորագոյն այս էջը ցարդ հարիւրաւոր զոհեր խլած [...]

ԵՐԵՒԱՆ, «Արմէնփրէս».- Երեւանի պետական համալսարանին մէջ Մարտ 28ին պաշտօնապէս փակումը կատարուեցաւ «Այվազեանական ընթերցումներ 2008» հնգօրեայ գիտաժողովին՝ նուիրուած մեծանուն գրող, հրապարակախօս, բեմադրիչ եւ խմբագիր Աղասի Այվազեանի ծննդեան 83ամեակին: ԵՊՀի մշակոյթի կեդրոնի տնօրէն Կարինէ Դաւթեանը ուրախութեամբ նշեց այս գիտաժողովի կազմակերպման նպատակային փաստը՝ երիտասարդութեան Ա. Այվազեանի գրական հարուստ ժառանգութիւնը, գեղանկարները, հրատարակած հանդէսները, թատերգութիւնները ներկայացնելը:
Գիտաժողովի վերջին օրուան ընթերցումները [...]

ԵՐԵՒԱՆ, «Արմէնփրէս».- Երեւանի պետական համալսարանի ուսողութեան բաժանմունքի լսարաններէն մէկը Մարտ 28ին պաշտօնապէս անուանուեցաւ Արցախեան պատերազմին նահատակուած Արսէն Ղազարեանի անունով: «Նա մեր բաժանմունքի լաւագոյն ուսանողներից մէկն էր, որը յանուն Հայրենիքի թողեց ուսանողի նստարանն ու մեկնեց Հայրենիքը պաշտպանելու: Նրա անուան լսարանի բացումը Արցախեան ազատամարտի հերոսի յիշատակի տուրքն է», բացման հանդիսաւոր արարողութեան ժամանակ ըսաւ ԵՊՀ Կիրառական ուսողութեան բաժանմունքի [...]

Թատրոնի միջազգային օրուան առիթով Չորեքշաբթի, 26 Մարտ 2008ի երեկոյեան ժամը 8ին, «Մոնօ» սրահին մէջ, կազմակերպութեամբ Թատրոնի միջազգային հիմնարկին, տեղի ունեցան լիբանանեան շարք մը թատերական միաւորներու ներկայացումները:
Հաւաքին բացման խօսքը արտասանեց Մորիս Մաալուֆ, որ նշեց, թէ լիբանանեան թատրոնը նմանօրինակ նախաձեռնութիւններով կրնայ մեծ վերելք արձանագրել՝ յոյս յայտնելով, որ յառաջիկային այսպիսի աշխատանքներ յաւելեալ կորով ու ծաւալ ստանան:
Նշենք, [...]

ԷՉՄԻԱԾԻՆ, Մայր Աթոռի Մամլոյ Դիւան.- Մարտ 28ին Ս. Էջմիածինի մէջ տեղի ունեցաւ «Կրթութիւնը՝ զարգացման նախապայման» ժողովածուի եւ «Կրթութեան իրաւունք» գիրքի շնորհահանդէսը, որը կազմակերպուած էր Եկեղեցիներու համաշխարհային խորհուրդի Հայաստանեան միջեկեղեցական բարեգործական կլոր սեղան հիմնադրամի կողմէ:
«Կրթութիւնը՝ զարգացման նախապայման» ժողովածուի մէջ ներկայացուած է ԵՀԽ Հայաստանեան Կլոր սեղան հիմնադրամի կողմէ՝ Կրթական եւ զարգացման ծրագիրի շրջանակներով 2007ի Յունիս 8-10ին [...]

ԵՐՈՒՍԱՂԷՄ, «Ռոյթըրզ».- Իսրայէլեան «Հաարեց» օրաթերթին տեղեկութիւններուն համաձայն, իսրայէլեան պաշտպանութեան նախարարութեան պատասխանատուներ յայտնած են, թէ լիբանանեան «Հըզպալլա» կազմակերպութիւնը յաջողած է ապահովել այնպիսի հրթիռներ, որոնք կրնան հարուածել մինչեւ կեդրոնական Իսրայէլ տարածքին որեւէ թիրախ։
Իսրայէլացի պաշտօնատարները յայտնած են, որ «Հըզպալլա» վերջերս Իրանէն ստացած է այնպիսի հրթիռներ, որոնք 300 քիլոմեթր հասողութիւն ունին, այլ խօսքով՝ անոնք կը հասնին մինչեւ կեդրոնական [...]

ՔԱԶԱՆՉԵԱՆՆԵՐՈՒ 150,000 ՏՈԼԱՐ ՆՈՒԻՐԱՏՈՒՈՒԹԵԱՄԲ ԿԵԴՐՈՆԻ ԳԼԽԱՒՈՐ ՍՐԱՀԸ ԱՆՈՒԱՆՈՒԵՑԱՒ «ԻՍԱՀԱԿ ԵՒ ԺԱՆԷԹ ՔԱԶԱՆՃԵԱՆ» ԱՆՈՒՆՈՎ

Ուրբաթ, 7 Մարտին, Կլէնտէյլի հայ գաղութը տօնեց ցնծութեան անմոռանալի երեկոյ մը, երբ ի նպաստ Կլէնտէյլի երիտասարդական հայ կեդրոնին տեղի ունեցաւ հանգանակային աննախընթաց ձեռնարկ մը, «Ռընէսանս» շքեղ դահլիճին մէջ։ Սոյն ձեռնարկը առաջինն էր շինարարական աշխատանքներուն սկսելէն ի վեր։
16 Դեկտեմբեր 2007ին [...]

Մարտի 14ին ՄԱԿի Գլխաւոր վեհաժողովը իր 62րդ նստաշրջանում 39 «կողմ», 7 «դէմ» եւ 100 «ձեռնպահ» ձայներով ընդունեց Պաքուի ներկայացրած «Իրավիճակը Ատրպէյճանի գրաւեալ տարածքներում» բանաձեւը: 1992թ. Մարտից ՄԱԿին Հայաստանի եւ Ատրպէյճանի անդամակցելուց ի վեր միջազգային ամենամեծ եւ հեղինակաւոր այս կազմակերպութիւնը Լեռնային Ղարաբաղի հակամարտութեան վերաբերեալ ընդունում է թուով եօթերորդ բանաձեւը, որից երեքը՝ Գլխաւոր վեհաժողովում, չորսը՝ Ապահովութեան խորհրդում: [...]

Ինչպէ՞ս կարելի է օգնել երեխային, որ իր ստեղծագործ ուղեղը միշտ բանի աճումի եւ դաստիարակութեան ընթացքին:
Երեխաները մեծնալով կրնան ազատ խաղալու իրենց վարժութիւնը յարմարեցնել մթնոլորտին ու կարելիութիւններուն: Տեղի, ժամանակի, չափի զգացումներով տարուած եւ ստիպուած երբեմն երեխաներն ալ մեծերու նման որոշ օրէնքներ կը դնեն իրենց խաղերուն ընթացքին: Ահաւասիկ սահմանափակումներ, որոնց մասին իմացած ենք բոլորս եւ կ’ապրինք:
Մասնագէտներ [...]

ՊԱՂՏԱՏ, «Ռոյթըրզ».- Հինգշաբթի, Մարտ 27ին, զինեալ բախումները շարունակուեցան հարաւային Իրաքի զանազան շրջաններուն մէջ, իրարու դէմ հանելով շիի կրօնապետ Մուքթատա Սատրի համակիր զինեալները եւ Իրաքի ապահովական ուժերը, որոնց կ’օժադակեն նաեւ ամերիկեան ուժերը:
Իրաքի վարչապետ Նուրի Մալիքի, որ մէկ օր առաջ զէնքերը վար դնելու 72 ժամեայ վերջնագիր մը արձակած էր շիի զինեալներու, Հինգշաբթի օր պնդեց, թէ «մինչեւ [...]

ԻՍԼԱՄԱՊԱՏ, «Ռոյթըրզ».- Փաքիստանի նոր վարչապետը Միացեալ Նահանգներու նախագահ Ճորճ Պուշին յայտնած է, որ «ահաբեկչութեան դէմ պայքարի» աւելի համապարփակ մօտեցում մը պէտք է որդեգրել, ներառեալ՝ քաղաքական լուծումներ եւ բարգաւաճման ծրագիրներ։
Սպաննուած նախկին վարչապետ Պենազիր Պութոյի Փաքիստանի ժողովրդային կուսակցութենէն վարչապետ Եուսուֆ Ռազա Կիլանի այս գաղափարը յայտնած է, երբ նախագահ Պուշ հեռաձայնած էր շնորհաւորելու իր նոր պաշտօնի ստանձնումը։ [...]

Ընթերցող-խմբագրութիւն յարաբերութեան մէջ քիչ մը ժողովրդավարութիւն մտցնենք։ Այս շաբաթ չորրորդ անգամն է, որ ձեր բնակարանը կը մտնենք տարբեր ձեւով։
Նախ կը խնդրենք, որ այս շաբթուան ընթացքին եթէ բաժանորդներ եղան, որ թերթը անկանոն ստացան, անպայմանօրէն կապուին մեր բաժանորդներով զբաղուող Ցոլինէին եւ զեկուցեն այդ մասին։
Ապա, թերթի առաջին էջի մեզի համար ալ քիչ մը խորթ երեւոյթի մասին, [...]

ԼՈՆՏՈՆ, «Ռոյթըրզ».- Ռուսիոյ նորընտիր նախագահ Տիմիթրի Մետւետեւ յայտնեց, որ իր երկիրը գոհ չէ Ուքրանիան եւ Վրաստանը ՆԱԹՕի անդամ դարձնելու հեռանկարէն։
Բրիտանական «Ֆայնէնշըլ թայմզ» օրաթերթին հետ հարցազրոյցի մը ընթացքին Մետւետեւ ըսաւ, թէ այդպիսի քայլ մը պիտի ազդէ ամբողջ Եւրոպայի ապահովութեան վրայ։ Ան նշեց, որ որեւէ երկիր գոհ պիտի չմնայ, եթէ զինուորական համախմբում մը, որուն ինք անդամ [...]

Քառասուն օրեր առաջ մարդ կոչումին արժանի մարդ մը՝ Վարուժան Երէցեանը յանձնեցինք հողին՝ վերջին հրաժեշտը տուինք այս մարդուն: Ան ալ ետ պիտի չգայ: Ալ մաս պիտի չկազմէ մեր կեանքին, մեր հոգ ու ցաւին, մեր երգին: Ալ հանգիստ պիտի ընէ:
Վարուժան Երեցեան ալ պիտի չգայ, կ’ըսեն:
Բայց ինչպէ՞ս թէ պիտի չգայ: Շուրջս պարապութիւն է ու մարդ կը [...]

ԱՆԹԻԼԻԱՍ.- Հայ համալսարանական ուսանողներու միութեան կազմակերպութեամբ, այս տարի խթման գիշերին յատուկ յայտագիր մը գործադրուեցաւ հայ մանուկներուն համար:
Շաբաթ 22 Մարտին, Խթման սուրբ եւ անմահ պատարագի համար եկեղեցի յաճախող երեխաներու խումբ մը, իրենց ծնողներուն հետ, միասնաբար իւրայատուկ յայտագրի մը մասնակցեցան, կաթողիկոսարանէն ներս գտնուող ՀԵՀՈՄ-ի կեդրոնատեղիէն ներս։ Հայ ուսանողները յատուկ խաղերով զուարճացուցին հայ մանուկները, զատկուան տօնին խորհուրդը [...]

Նիւ Եորքի ՀՕՄի «Մայր» մասնաճիւղի նորընտիր վարչութիւնը կեանքի կոչուեցաւ անցեալ Հոկտեմբերին եւ անմիջապէս անցաւ աշխոյժ գործունէութեան։ Նոյեմբեր 30ին, մասնաճիւղին տարեկան ձեռնարկն էր, ի նպաստ Նիւ Եորքի «Ս. Լուսաւորի»չ ամէնօրեայ վարժարանին։ Մասնաճիւղս հովանաւորեց տոքթ. Հրանդ Մարգարեանի «Եւ երկինքէն երեք աթոռ ինկաւ» երգիծական թատերախաղը, Նիւ Եորքի «Համազգային»ի թատերախումբի կատարմամբ։ Այս ձեռնարկին հասոյթը ամբողջութեամբ նուիրուեցաւ դպրոցին։
Դեկտեմբեր 9ին, [...]

ԵՐԵՒԱՆ, «Արմէնփրէս».- Հայաստանի ճատրակիստ Լեւոն Արոնեանը երէկ, Մարտ 26ին, Ֆրանսայի Նիս քաղաքին մէջ աւարտին մօտեցող «կոյր» եւ արագ ճատրակի «Ամբեր» 17րդ աշխարհի լաւագոյն ճատրակիստներու միջազգային մրցաշարքի 10րդ փուլին 1:1 արդիւնքով հաւասարելով Ռուսիոյ ներկայացուցիչ Վլատիմիր Քրամնիքին հետ, մրցաշարքի աւարտէն 1 փուլ առաջ դարձած է մրցաշարքի ախոյեանը, ընդհանուր՝ 13.5 կէտով, եւ արագ ճատրակի ենթամրցաշարքին՝ 7.5 կէտով:
Մրցաշարքի [...]

ՄՈՒՄՊԱՅ, «Ռոյթըրզ».- Չորեքշաբթի, Մարտ 26ին, հնդկական «Թաթա մոթորզ» ընկերութիւնը համաձայնութիւն մը կնքեց ամերիկեան «Ֆորտ» ընկերութեան հետ, անկէ գնելու համար «Ճակուար» եւ «Լէնտ ռովըր» ինքնաշարժներու արտադրութեան բաժանմունքները:
Անոնք պիտի շարունակեն գործել իբրեւ անջատ ընկերութիւններ: Հնդկական ընկերութեան բանբեր Սի. Լամաքրիշնան յայտնեց, թէ ընկերութիւնը որոշած է 2.3 միլիառ տոլար գումար մը վճարել այս վաճառքին համար:
Նկարին մէջ, «Թաթա», [...]

Փրոֆ. Ռիչըրտ Յովհաննէսեանի կողմէ պատմական հայ բնակավայրերու մասին կազմակերպուած գիտաժողովներու շարքին 18րդը կայացաւ անցնող Փետրուար 29ին եւ Մարտ 1ին, այս անգամ նուիրուած հիւսիսարեւելեան Միջերկրականի հայկական համայնքներուն՝ գլխաւորաբար Մուսա լերան, Քեսապի եւ Չորք Մարզպանի (Տէօրթ Եօլ)։ Գիտաժողովը եզակի էր այն իմաստով, որ կ՚անդրադառնար հայերու պատմական հայրենիքին մաս կազմող հողամասի մը, ուր տակաւին հայեր կ՚ապրին միախումբ իբրեւ [...]

ԵՐԵՒԱՆ, «Արմէնփրէս».- Երեւանի պետական համալսարանի բանասիրական բաժանմունքին մէջ Մարտ 27ին տեղի ունեցաւ գիտաժողով՝ նուիրուած ականաւոր գրող Համաստեղին (Համբարձում Կէլէնեան):
«Կ’ուզեմ այնտեղ, Հայաստանի մէջ հայ ժողովրդի հետ ըլլալ». Համաստեղի այս փափաքը՝ գիտաժողովի լոզունգի վերածած կազմակերպիչները Հայաստանէն եւ Սփիւռքէն 8 տասնեակէ աւելի գիտնականներու ներկայութեամբ վստահեցուցին, որ այս գիտաժողովը «Կարծես վերադարձ է, եւ երազանքն այս իրականանում է»:
Նիստը [...]

ՍՈՖԻԱ, «Նիւ Անաթոլիըն».- Պուլկարիոյ մէջ Հայկական Ցեղասպանութեան ճանաչման պայքար տանող պուլկարական ազգայնական «Աթաքա» կուսակցութեան անդամ վեց երեսփոխաններ Հինգշաբթի, Մարտ 27ին նեղ կացութեան մատնեցին Պուլկարիա այցելող Թուրքիոյ վարչապետ Ռէճէփ Թայիփ Էրտողանը, որ զայրացնելով ջնջեց Պուլկարիոյ իր պաշտօնակից Սերկէյ Սթանիսլաւի հետ ծրագրուած միացեալ մամլոյ ասուլիսը:
Արդարեւ, հակառակ Էրտողանի ընդդիմութեան, երեսփոխանները կրցան մամլոյ ասուլիսի սրահէն ներս մուտք գործել: [...]

AIDS անգլերէն լեզուով կրճատումն է՝ «Acquired immunodeficiency syndrome»ի, որ հայերէն լեզուով կը նշանակէ «Ձեռքբերովի դիմադրողականութեան անբաւարարութեան ախտանիշ»։ Այս ախտանիշը կամ հիւանդութիւնը հետեւանքն է վարակումի մը, որ յառաջ կու գայ «Human immunodeficiency virus»էն (HIV), որ կը նշանակէ «Մարդկային դիմադրողականութեան անբաւարարութեան ժահր»։
HIV-ը կը հարուածէ մեր մարմնի դիմադրողական համակարգը, որ կը պաշտպանէ մեզ շատ մը բորբոքումներէ. ան [...]

ԵՐԵՒԱՆ, «Ազատութիւն».- Մարտ 27ին «Մոսքովսքաեա փրաւտա» թերթը յօդուածով մը անդրադարձած է Հայաստանի նորընտիր նախագահ Սերժ Սարգսեանի եւ Ռուսիոյ ղեկավարներուն վերջին հանդիպումներուն, ուր նշուած է, որ հանդիպումներու ընթացքին քննարկուած են Լեռնային Ղարաբաղի, ՆԱԹՕի ընդարձակման, ռազմական սարքաւորումներու մատակարարման եւ կազի գիներու բարձրացման հարցերը:
Ըստ մոսկովեան թերթին, բանակցութիւններու արդիւնքով «Երեւանը ստացաւ ռազմական սարքաւորումներու մատակարարման վերաբերեալ վաղօրօք կայացած համաձայնութեան [...]

ՆԻԿՈՍԻԱ, «Անատոլու».- Թուրքիոյ բանակի սպայակոյտի պետ զօր. Եաշար Պիւյիւքանըթ եռօրեայ այցելութեամբ մը կը գտնուի գրաւեալ հիւսիսային Կիպրոս՝ հանդիպումներ ունենալու եւ թրքական բռնագրաւող ուժերուն այցելելու համար: Ան Մարտ 29ին կղզիէն պիտի հեռանայ։
Խօսելով Կիպրոսի վերաբերող վերջերս Անգարայի կողմէ որդեգրուած քայլերուն մասին՝ զօրավարը յայտնեց, որ թրքական վարչակազմը զանոնք որդեգրելէ առաջ իրեն հետ չէ խորհրդակցած եւ այդ մասին [...]

ՊՈԼԻՍ, «Մարմարա».- Ինչպէս կ’ակնկալուէր, Թուրքիոյ կառավարութեան ընդդիմադիր Հանրապետական ժողովրդային կուսակցութիւնը պաշտօնապէս դիմում կատարեց Սահմանադրական ատեան, պահանջելով, որ ջնջուի վերջերս վաւերացուած փոքրամասնութեանց վագըֆներու նոր օրէնքը։
Կուսակցութեան երեսփոխանական խմբակի նախագահի տեղակալ Հաքքը Սիւհա Օքայ իր դիմումը յանձնելէ ետք ատեանին պնդեց, որ վագըֆներու նոր մասնաճիւղեր բանալը, նուիրատուութիւն ընդունիլը եւայլն ներհակ են Լօզանի դաշնագրի տրամադրութիւններուն, ինչ որ կը հակասէ [...]

ԵՐՈՒՍԱՂԷՄ, «Ռոյթըրզ».- Իսրայէլացի պաշտօնատարներ յայտարարեցին, որ Իսրայէլ պաղեստինեան իշխանութեան նախագահ Մահմուտ Ապպասի պիտի արտօնէ ամերիկեան օժանդակութեամբ Յորդանանի մէջ մարզուած ապահովական ուժեր տեղակայել Արեւմտեան Ափի Ճէնին քաղաքին մէջ։
Պաշտօնատարները յայտնեցին, որ Իսրայէլի պաշտպանութեան նախարար Էհուտ Պարաք որոշումը Չորեքշաբթի, Մարտ 26ին փոխանցած է պաղեստինեան իշխանութեան վարչապետ Սալամ Ֆայիատի հետ ունենացած հանդիպման ընթացքին։
Իսրայէլացի պաշտօնատարներ նշեցին, որ Արեւմտեան [...]

ԵՐԵՒԱՆ.- Հայաստանի արտաքին գործերու նախարարութեան տեղեկատուական վարչութեան պետի պաշտօնակատար Տիգրան Բալայեան «Ազատութիւն» կայանին յայտնած է, թէ ատրպեճանական կողմը մերժած է Սերժ Սարգսեանի եւ Իլհամ Ալիեւի միջեւ Պուքրէշի մէջ հանդիպում մը կազմակերպելու գաղափարը։
Հայաստանի արտաքին գործոց նախարար Վարդան Օսկանեան ենթադրութիւն ըրած էր, որ Ատրպէյճանի եւ Հայաստանի նախագահները կրնան հանդիպիլ Ապրիլ 2էն 4, Պուքրէշի մէջ։ Այդ օրերուն [...]

ԱՆԹԻԼԻԱՍ.– Երեքշաբթի 25 Մարտին. Արամ Ա. կաթողիկոս վեհարանին մէջ ընդունեց, Զագգա Ա. Իուաս պատրիարքին ներկայացուցիչ երկու եպիսկոպոսները: Հանդիպման ընթացքին, յանուն Ասորի ուղղափառ եկեղեցւոյ պետին, երկու սրբազանները խորհրդակցեցան վեհափառին հետ, քանի մը կարեւոր հարցերու մասին: Նորին Սրբութիւնը լսելէ ետք պատրիարքին պատգամը, իր տեսակէտները պարզեց ներկայացուած հարցերուն գծով, եւ երկու եպիսկոպոսներուն միջոցաւ, Ս. Յարութեան տօնին առիթով, իր [...]

Հոգեբանական ընկճուածութիւնը մարդու ամենախոր ցաւերից է։ Այդպիսի իրավիճակ է սպառնում իր բնակավայրը թողած մարդուն։ Ինչպիսին է գաղթի ազդեցութիւնը հայ ընտանիքների վրայ՝ այս հարցի շուրջ ՀՕՄի կենտրոնում՝ Մարտի 25ին կազմակերպուած քննարկման ընթացքում փորձ էր արւում պարզել առկայ խնդիրներն ու տալ դրանց լուծման միջոցները։ Դոկտոր Սարգիս Արեւեանը եւ դոկտոր Իդա Քարայեանը ներկայացրին այն հոգեվիճակները, որոնք պարտադրուած տանում [...]

ԵՐԵՒԱՆ, ՀՀ Նախագահի Մամլոյ Գրասենեակ.- Նախագահ Քոչարեանի Մարտ 26ի հրամանագիրով Վ. Տէր Ղեւոնդեանը ազատ կացուցուած է Լիբանանի մէջ Հայաստանի դեսպանի պարտականութիւններէն:
Յայտնենք, որ մինչ Լիբանանի մէջ պաշտօնավարելը Տէր Ղեւոնդեան որպէս դեսպան պաշտօնավարած է Արժանթինի մէջ եւ եղած է «Հայաստան» հիմնադրամի գործադիր տնօրէնը:

Հիւսիսային Ամերիկայի թեմի որդեգրած աւանդութիւնը շարունակելով, Երկուշաբթի՝ Մարտ 24ին, Յիշատակ Մեռելոցի օրը առաւօտեան ժամը 11ին, առաջնորդ սրբազան հօր գլխաւորութեամբ Լոս Անճելըսի շրջանի հոգեւորականներէն Առաջնորդական ընդհանուր փոխանորդ՝ Հոգշ. Տ. Տաճատ Ծ. Վրդ. Եարտըմեան, Տ. Արշակ Աւագ Քհնյ. Խաչատուրեան, Տ. Դաւիթ քհնյ. Զելվէեան, Տ. Վազգէն քհնյ. Մովսէսեան, Բրշ. Գրիգոր Սրկ. Աւագեան եւ Բրշ. Արսէն Սրկ. Հայրապետեան այցելեցին [...]

ՊԱՂՏԱՏ, «Ռոյթըրզ».- Իրաքի շիիներու ազդեցիկ կրօնապետ սէյիտ Մուքթատա Սատր իր հետեւորդներուն կոչ ըրաւ քաղաքացիական անհնազանդութեան արշաւի դիմելու, յարձակումներու եւ ձերբակալութեանց դէմ բողոքելու համար, մինչ Իրաքի իշխանութիւնները Չորեքշաբթի, Մարտ 26ին կոչ կ’ընէին անոնց, որ ամենաուշը երեք օրէն զէնքերը վար դնելով վերջ տան շաբաթասկիզբը ծագած բախումներուն:
Իրաքի խորհրդարանին մէջ Սատրի խորհրդարանական համախմբումին ղեկավարը յայտնեց, որ սոյն քայլին [...]

Միշիկընի համալսարանի Տիրպորնի մասնաճիւղի Հայագիտական հետազօտութեանց կեդրոնը վերջերս լոյս ընծայեց «Հայկական կոտորածները (1894-1896). Բրիտանական մամուլի վկայութիւններ» (The Armenian Massacres, 1894-1896: British Media Testimony) ժողովածուն՝ Արման Կիրակոսեանի խմբագրութեամբ եւ յառաջաբանով: Այս նոր հատորը մասամբ ամբողջացումն է Կիրակոսեանի 2004ին լոյս ընծայած «Հայկական Կոտորածները (1894-1896). Ամերիկեան մամուլի վկայութիւններ» (The Armenian Massacres, 1894-1896: U.S. Media Testimony) հատորին: Նոր հրատարակուած [...]

ԵՐԵՒԱՆ.- «Լրագիր» գործակալութեան համաձայն, Մատենադարանի տնօրէն Հրաչեայ Թամրազեան, անդրադառնալով իր ղեկավարած հաստատութեան փոխտնօրէն Արշակ Բանուչեանի դէմ եղած մեղադրանքներուն, «անհեթեթ» որակած է զանոնք եւ յոյս յայտնած է, որ շուտով կը վերցուին։
«Ա. Բանուչեանը գիտնական, լրջախոհ մարդ է։ Չեմ կարող հիմա վերջնական պատասխաններ տալ, բայց կարծում եմ, որ նրա ձերբակալութիւնը պայմանաւորուած է իր քաղաքական հայեացքներով», յայտնած է [...]

ԵՐԵՒԱՆ, Հանրային Ձայնասփիւռ.- Արտաքին գործոց նախարար Վարդան Օսկանեանը յայտարարած է, որ Հայաստանը մտադիր է ղարաբաղեան հակամարտութիւնը լուծել բացառապէս բանակցութիւններու միջոցով:
ԱԳ նախարարութեան ղեկավարը այս մասին ըսած է լեհական «Ռեչփոսփոլիթա» թերթին տուած հարցազրոյցին մէջ:
«Սակայն եթէ մենք համոզուենք, որ Ատրպէյճանը փոխզիջում չի ցանկանում, այլ մտադիր է զինուած ուժերի միջոցով հասնել իր համար շահաւէտ լուծման, ապա հայկական [...]

Քանի մը օր առաջ, երբ աշխարհը կը «տօնէր» Իրաքի վրայ ամերիկեան )ու դաշնակիցներու( յարձակումին հինգերորդ տարեդարձը, ձայնասփիւռէն՝ լուրերու մեկնաբան մը հետեւեալ «աւետիսը» տուաւ. Պատմութեան մէջ առաջին անգամ ըլլալով, Միացեալ Նահանգներու կառավարութիւնը պատերազմ կը մղէ առանց քաղաքացիներու շահատուրքերը բարձրացնելու…
Երկու օր ետք, պատկերասփիւռի լուրերու մեկնաբան մը գրեթէ նոյն բառերով աւետեց. Պատերազմ կը մղենք առանց շահատուրքերու բարձրացման։
[...]

ՊԷՅՐՈՒԹ, «Ռոյթըրզ».- Երեքշաբթի, Մարտ 25ի երեկոյեան, Լիբանանի կառավարութիւնը գումարեց նիստ մը՝ նախագահութեամբ վարչապետ Ֆուատ Սինիորայի։ Նիստին ընթացքին քննուեցաւ Դամասկոսի մէջ այս շաբաթավերջին տեղի ունենալիք Արաբական լիկայի գերաստիճանին Լիբանանի մասնակցութեան հարցը։
Նիստին ընթացքին որոշուեցաւ չմասնակցիլ գերաստիճանին, ինչ որ առաջին անգամ ըլլալով կը պատահի։
Կառավարութիւնը նաեւ որոշեց Արաբական լիկայէն պահանջել արաբական երկիրներու արտաքին գործոց նախարարներու արտակարգ նիստի [...]

Արեւմտեան Թեմիս տարիներու աւանդութեան համաձայն, Ս. Յարութեան տօնին առիթով, Երեքշաբթի, 25 Մարտի առաւօտուն Ս. պատարագ մատուցուեցաւ «Արարատ» տան Միշըն Հիլզի կեդրոնի պատսպարեալներուն համար, որպէսզի մեր տարեց սերունդի ներկայացուցիչները եւս մասնակից ըլլան տօնական օրերու մթնոլորտին ու ոգիին։
Գլխաւորութեամբ թեմիս առաջնորդ Մուշեղ արք. Մարտիրոսեանի, հոգեւորականաց դասու անդամները նախ տնօրհնէքի արարողութիւն կատարեցին հաստատութեան հիւրանդանոցի բաժինին մէջ։ Ս. Յարութեան [...]

ՍԱՆ ՖՐԱՆՍԻՍՔՕ.- Հիւսիսային Քալիֆորնիոյ ամերիկահայ կազմակերպութիւններու խորհուրդը կը տեղեկացնէ, թէ կազմակերպութեան տարեկան 10րդ ճաշկերոյթը տեղի պիտի ունենայ Շաբաթ, Ապրիլ 19ին, երեկոյեան ժամը 6:30ին, Սան Ֆրանսիսքոյի «Կրէնտ Հայաթ» պանդոկին մէջ:
Օրուան գլխաւոր բանախօսը պիտի ըլլայ Քալիֆորնիոյ համալսարանի Պըրքլիի բաժանմունքին Հայկական ամպիոնի վարիչ ու դասախօս փրոֆ. Ստեփան Աստուրեան: Պիտի ներկայացուի նաեւ գեղարուեստական ծրագիր մը:
Յիշեցնենք, թէ կազմակերպութիւնը [...]

ՊՈԼԻՍ, «Մարմարա».- Ուրուկուէյի հայ համայնքը Մարտ 8ին նշեց Կանանց միջազգային օրը, որ նշանակալից դարձաւ իւրայատուկ իրադարձութեամբ մը, որովհետեւ տեղւոյն հայկական ծերանոցին մէջ ապրող Ովսաննա Ագիրմայեան-Կակոսեան այդ օր բոլորեց իր ծննդեան հարիւրամեակը։
Իրեն այցելեցին հոգեւոր առաջնորդը, ազգականներ ու բարեկամներ։ Չերմ մթնոլորտի մէջ տեղի ունեցաւ հիւրասիրութիւն եւ հայկական երաժշտութեան ներքեւ Ովսաննա մայրիկը զուարճացաւ իր ընկեր-ընկերուհիներուն հետ։ Զրուցելով [...]

ԵՐԵՒԱՆ.- Հ.Յ.Դ. Մամլոյ դիւանը իր տեղեկութիւնները Հ.Յ.Դ. Երուսաղէմի Հայ Դատի Յանձնախումբէն քաղելով կը տեղեկացնէ, թէ Չորեքշաբթի, Մարտ 26ին Իսրայէլի խորհրդարանը որոշած է քննել Հայկական Ցեղասպանութեան հարցը։ Յայտնենք, թէ խորհրդարանը անցեալ տարի Մարտի 14ին, մերժած էր քննարկել հարցը։
Այս տարի եւս, հարցը խորհրդարանի օրակարգ հասցնելու առաջարկը ներկայացուցած է ընկերվարական «Մերեց» կուսակցութեան ղեկավար Հայիմ Օրոնը, որ եղբայրն [...]

ՊՈԼԻՍ, «Մարմարա».- Հրանդ Տինքի սպանութեան հարցով կազմուած Թուրքիոյ խորհրդարանի Մարդկային իրաւունքներու յանձնախումբի յատուկ ենթայանձնաժողովը Երեքշաբթի, Մարտ 25ին որոշեց շարունակել իր պարտականութիւնը։ Միայն կարճ ժամանակ առաջ ենթայանձնաժողովի նախագահ Մէհմէտ Օքութան հաղորդած էր, որ ենթայանձնաժողովը վերջ կու տար իր գործունէութեան, որովհետեւ յաւելեալ ունկնդրութիւններ պիտի խանգարէին դատական համակարգի գործերը։
Ենթայանձնաժողովի անդամները նոր նիստ մը գումարելով քննեցին ցարդ կատարուած [...]

ԳԱՀԻՐԷ, «Ռոյթըրզ».- Ամերիկեան ծովուժի հրամանատարութիւնը Չորեքշաբթի, Մարտ 26ին, ընդունեց, թէ ծովուժին հաշւոյն աշխատող ամերիկեան ապրանքատար նաւ մը Սուէզի ջրանցքին մէջ կրակ բացած է եգիպտական փոքր նաւու մը վրայ։ Եգիպտական իշխանութիւնները յայտնեցին, որ Երկուշաբթի օր տեղի ունեցած միջադէպին ընթացքին առնուազն մէկ հոգի սպաննուած է եւ երեք ուրիշներ վիրաւորուած են:
Միացեալ Նահանգներու իշխանութիւնները նախապէս յայտնած էին, թէ [...]

Իշխանութիւնները պէտք է ամէն օր զգաստ ըլլան։ Ամէն օր պէտք է հաշուի առնեն, թէ իրենց գործունէութեամբ ու աշխատանքով ինչպէս պիտի կարենան աստիճան առ աստիճան մեղմացնել երկրին մէջ տիրող լարուածութեան մթնոլորտը։
Ի բացակայութիւն օրինական դաշտի մէջ աշխատող ընդդիմութեան աւանդական կառոյցներու, իշխանութիւնը խնդիր ունի, կամ պէտք է ունենայ հասարակութեան մէջ լարուածութեան չափը իմանալու եւ համապատասխան մարտավարութեամբ՝ մեղմացման [...]

ՍՏԵՓԱՆԱԿԵՐՏ.- Արցախի աթլասի ստեղծման աշխատանքները, որոնք սկսած են անցեալ տարի, իրենց աւարտին պիտի հասնին 2008ին, յայտնած է յատուկ պաշտօնական այցով Ստեփանակերտ գտնուող Հայաստանի անշարժ գոյքի պետական կոմիտէի նախագահ, Արցախի աթլասի գլխաւոր խմբագիր Մանուկ Վարդանեան։
Վարդանեան, որ Ստեփանակերտի մէջ հանդիպում ունեցած է այս ծրագրի իրագործման լծուած արցախցի գիտնականներու եւ մասնագէտներու հետ, յայտնած է, թէ աթլասի հրատարակումի [...]

Առաջին հայեացքով կրնայ տարօրինակ թուիլ Թուրքիոյ համեմատական լռութիւնը Հայաստանի ներքաղաքական իրադարձութիւններուն դիմաց։ Համեմատականը՝ ազրպէյճանական պետութեան նկատմամբ է, որ գերաշխուժութիւն կը ցուցաբերէ մինչեւ օրս առհասարակ Հայաստանի ներհասարակական կայունութիւնը խնդրոյ առարկայ դարձնող իր արձագանգումներով եւ ՄԱԿի բանաձեւին մասին տեղի-անտեղի հրապարակումներ կատարելով։
Թրքական մամուլը համեմատաբար զուսպ է երկու երեւոյթներուն նկատմամբ։ Ատրպէյճանատիպ գերաշխուժութիւն չ՚երեւիր եւ ՄԱԿի բանաձեւին մասին մեկնաբանութիւններ [...]

ՊԱՔՈՒ, «Ազատութիւն», «Արմէնփրէս».- Ատրպէյճանի այսպէս կոչուած Ղարաբաղի ազատագրման կազմակերպութիւնը ստորագրութիւններու հաւաքման լայնածաւալ արշաւ սկսած է ԵԱՀԿի Մինսքի խումբը կազմացրելու համար: Այս մասին «Թրենտ»ին յայտնած է ՂԱԿի ներկայացուցիչը:
Կազմակերպութեան վարչութեան Մարտ 26ին տեղի ունեցած ժողովի ընթացքին որոշում ընդունուած է Մինսքի խումբի կազմացրման ուղղուած միջոցառումներ կազմակերպել, ինչպէս նաեւ խումբ ստեղծել այն երկիրներու դեսպանութիւներուն հետ անընդհատ հանդիպումներ ու [...]

ԳԱՀԻՐԷ, «Ռոյթըրզ».- «Քայիտա»ի թիւ 2 ղեկավար Այման Զաուահիրի Երկուշաբթի, Մարտ 24ին հրապարակուած ձայներիզի մը ճամբով իսլամներուն կոչ ուղղեց հրէական եւ ամերիկեան թիրախներ հարուածելու՝ ի պատասխան Կազայի դէմ իսրայէլեան վերջին յարձակումներուն։
Զաուահիրիի ձայներիզը կը յաջորդէր «Քայիտա»ի ղեկավար Ուսամա պըն Լատէնի անցեալ շաբթուան մէկ պատգամին, որուն մէջ վերջինս կոչ կ՚ուղղէր պաղեստինեան հողամասերը ազատագրելու համար սրբազան պատերազմի դիմելու։ [...]

ԵՐԵՒԱՆ, «Արմէնփրէս».- Մարտ 26ին տեղի ունեցաւ Սարդարապատի հերոսամարտի 90ամեակի նշումը նախապատրաստող յոբելենական յանձնաժողովի առաջին նիստը, որը վարեց յանձնաժողովի նախագահ, վարչապետ Սերժ Սարգսեանը: Նիստին մասնակցեցան փոխվարչապետ, տարածքային կառավարման նախարարը, ելեւմուտի եւ տնտեսութեան, պաշտպանութեան, կրթութեան եւ գիտութեան, մշակոյթի, արտաքին գործոց նախարարները, կառավարութեան աշխատակազմի ղեկավար-նախարարը, Գիտութիւններու ազգային ակադեմիայի, Երեւանի պետական համալսարանի, ԳԱԱ պատմութեան բաժանմունքի, հանրային հեռատեսիլի եւ ձայնասփիւռի [...]

Լոս Անճելըսի Քեսապցիներու ուսումնասիրաց միութեան եւ «Համազգային»ի «Պարոյր Սեւակ» մասնաճիւղի կազմակերպութեամբ, Կիրակի, Ապրիլ 6ին տեղի պիտի ունենան երկու գիրքերու ներկայացումներ:
Քեսապի մշակութային կեդրոնին մէջ (18407 Sherman Way, Reseda), յետմիջօրէի ժամը 3ին սկսող ձեռնարկին ընթացքին պիտի ներկայացուի Ցեղասպանութեան մատնենաշարի երրորդ հատորը՝ Շահէն Տէրտէրեանի «Արիւնի ճամբէս» («Death March»), որուն թարգմանիչն է Իշխան Ճինպաշեանը, իսկ հրատարակիչներն են՝ Յակոբ [...]

ԵՐԵՒԱՆ, «Նոյեան Տապան».- Հայաստանի ֆութպոլի բաժակի 17րդ խաղարկութեան առաջին փուլի 1/8 աւարտականի առաջին մրցումներուն արձանագրուեցան հետեւեալ արդիւնքները. «Միքա»-«Արարատ-2»՝ 7:0, «Կիլիկիա»-«Միքա-2»՝ 2:0, «Շիրակ»-«Շէնգաւիթ»՝ 3:1, «Փիւնիկ»-«Պատանի»՝ 11:2, «Ուլիս»-«Բանանց-2»՝ 4:1 եւ «Գանձասար»-«Փիւնիկ-2»՝ 3:0:
Պատասխան մրցումները նշանակուած են Մարտ 28ին եւ 29ին:
Նշենք, որ Հայաստանի գաւաթակիր «Բանանցը» եւ աւարտականի մասնակից «Արարատը» պայքարի մէջ կը ներգրաւուին քառորդ աւարտականէն:

ԵՐԵՒԱՆ.- «Ազատութիւն» կայանը լոնտոնեան «Թայմզ» թերթին նորընտիր նախագահ Սերժ Սարգսեանի տուած հարցազրոյցը վկայակոչելով, կը յայտնէ, թէ Սարգսեան ինքզինք պատասխանատու չի նկատեր Հայաստանի հասարակութեան մէջ ստեղծուած պառակտումին։
«Չեմ կարծում ես այն մարդն եմ, որին պէտք է մեղադրել այս պառակտման համար», ըսած է Սարգսեան, աւելցնելով, որ իբրեւ նախագահ ինք բարեփոխումներ պիտի իրականացնէ՝ յաղթահարելու համար ճգնաժամը։
Տքնաջան աշխատելու [...]

ԵՐԵՒԱՆ, «Արմէնփրէս».- Հայաստանի կառավարութեան ներկայացուած է Միացեալ Նահանգներու նոր դեսպանի անունը՝ անոր նշանակման համաձայնութիւնը ստանալու ակնկալիքով: Այս մասին Մարտ 25ին յայտնեց արտաքին գործոց նախարարութեան մամուլի եւ տեղեկատուութեան վարչութեան ղեկավարի պաշտօնակատար Տիգրան Բալայեանը:
Ըստ «California Courier»ին, Միացեալ Նահանգներու վարչակազմը Հայաստանի կառավարութեան ներկայացուցած է Քիրկիզստանի մէջ ԱՄՆի դեսպան Մարի Եովանովիչի անունը:
Յիշեցնենք, որ Հայաստանի մէջ ԱՄՆ նախկին [...]

Լոս Անճելըս հաստատուած Հրակ Ետալեանի առաջին վաւերագրական ժապաւէնը՝ «Ժողովուրդին պաշտպանը՝ Չարլզ Ռ. Կէրիի կեանքն ու ժամանակը», պիտի ցուցադրուի Նիւ Եորքի Ընդյատակեայ շարժապատկերի տարեկան 15րդ փառատօնին, յառաջիկայ Շաբաթ, Ապրիլ 5ին:
Ֆիլմը նուիրուած է 20րդ դարու քաղաքացիական իրաւանց պաշտպան ամենաազդեցիկ իրաւաբաններէն Չարլզ Կէրիին (1909-1991), որ 1960ականներու լուսարձակներու տակ առնուած էր, ստանձնելով հակապետական շարք մը ամբաստանեալներու պաշտպանութիւնը:
Ֆիլմը [...]

Հայաստանի քաղաքական վերջին իրադարձութիւններու լոյսին տակ սրտցաւ նամակ մը ուղարկած էինք «Ասպարէզ»ին, որ տպուեցաւ Հինգշաբթի, 13 Մարտ թիւին մէջ: Նամակը ուղղուած էր իր կրքոտ ելոյթներով ու ռեւանշիստական քաղաքականութեամբ երկիրը ապակայունացող առաջին նախագահ Լեւոն Տէր Պետրոսեանին։
Նկատի ունենալով ամէն հայրենասէր մարդու սիրտը խոցող հայրենի քաղաքական սրած մթնոլորտը, հեռաձայնային թեր ու դէմ կարծիքներ լսեցինք մեր գրութեամբ շօշափուած [...]

Նախորդ տարիներու արձանագրած յաջողութիւններէն ետք «Համազգային»ի «Թորոս Ռոսլին» կերպարուեստի դպրոցը այս տարի եւս կազմակերպեց աւանդութիւն դարձած միջդպրոցական գծագրութեան մրցանքը, որ տեղի ունեցաւ Շաբաթ, Մարտ 15ին, «Համազգային»ի «Լեւոն Շանթ» մշակութային կեդրոնին մէջ՝ մասնակցութեամբ հայկական 24 վարժարաններէ շուրջ 150 աշակերտներու։
Մրցանքը ունէր տարիքային երեք խմբակ։ Ա. խումբի (6-8 տարեկան) մասնակիցներուն տրուած էր երկու նիւթ՝ «անտառ» կամ «դիմակահանդէս»։ [...]