ԵՐԵՒԱՆ, «Արմէնփրէս».- Մայիս 1-3 Ծաղկաձորի գլխաւոր մարզական համալիրին մէջ պիտի կայանայ «Տեղեկատուական հասարակութեան եւ արհեստագիտութիւններու ղեկավարներու առանց փողկապներու հանդիպում-ֆորում», որուն ընթացքին պիտի քննարկուին 3 հիմնական թեմաներ՝ մաքսային եւ հարկային օրէնսդրութիւն եւ վարչարարութիւն, հեռակայ հաղորդակցութիւն եւ ցանցային անվտանգութիւն, Տեղեկատուական հասարակութեան կրթութիւն:
Ըստ տեղեկութիւններու, հաւաքին պիտի մասնակցին համապատասխան նախարարութիւններու եւ հասարակական կազմակերպութիւններու շուրջ 90 ներկայացուցիչներ:
Ֆորումի նպատակն [...]

ԵՐԵՒԱՆ, «Ազատութիւն».- Հայաստանը հաստատակամ է՝ ընդլայնելու Իրանի հետ գործակցութեան շրջանակը, ըսաւ նախագահ Սերժ Սարգսեան՝ Ապրիլ 30ին ընդունելով Հայաստանի մօտ Իրանի դեսպան Սեյէտ Ալի Սաղայիանը: Այս մասին կը տեղեկացնէ նախագահի մամլոյ գրասենեակը:
Երկկողմ յարաբերութիւնները բնութագրելով իբրեւ կայուն եւ զարգացող՝ Սերժ Սարգսեան յատկապէս կարեւոր համարեց ուժանիւթի ոլորտի մէջ իրականացուող ծրագրերու արդիւնաւէտ ընթացքը, ինչպես նաեւ կարեւոր համարեց ապրանքաշրջանառութեան [...]

ԵՐԵՒԱՆ, «Երկիր».- Ապրիլ 30ին «Հայելի» ակումբին մէջ երիտասարդները քննարկեցին հայ-թրքական յարաբերութիւնները: Ակումբի հիւրերն էին Հ.Յ.Դ.ի անդամ Իշխան Սաղաթէլեան, ՀՀՇ երիտասարդական թեւի ղեկավար Կարէն Կարապետեան եւ քաղաքական մեկնաբան Մենուա Յարութիւնեան:
Բանավէճը ընթացաւ թէժ մթնոլորտի մէջ՝ յաճախ շեղելով դէպի ներքաղաքական յարաբերութիւններ: Քննարկումի նիւթ դարձաւ Ապրիլ 24ին աւանդական դարձած ջահերով երթի ատեն Թուրքիոյ դրօշը այրելու արարողութիւնը: Հ.Յ.Դ. ներկայացուցիչը՝ [...]

ՓԱՍԱՏԻՆԱ.- Այսօր, Հինգշաբթի, Մայիս 1ին, փրոֆ. Լեւոն Մարաշլեան պիտի ըլլայ «Չարենց» հաւաքներու շարքին դասախօսը, ներկայացնելով «Հայութեան եւ Հայաստանի քաղաքական նախապատուութիւնները» նիւթը:
Դասախօսութիւնը տեղի պիտի ունենայ Հայկական Կիլիկիա աւետարանական եկեղեցւոյ մէջ (339 S. Santa Anita Ave.):

ԵՐԵՒԱՆ, «Հայաստանի Հանրային Ռատիօ».- Հայաստանի արտաքին գործոց նախարար Էտուարտ Նալպանդեան Ապրիլ 30ին հաստատած է պաշտօնական Երեւանի պատրաստակամութիւնը՝ շարունակելու բանակցութիւնները ԵԱՀԿ Մինսքի խումբի համանախագահներու վերջին առաջարկներուն հիման վրայ:
Հայաստանի խորհրդարանին մէջ լրագրողներուն հետ զրուցելով, նախարարը նկատել տուած է, որ խաղաղ գործընթացը արդիւնաւէտ շարունակելու համար «անհրաժեշտ է նաեւ ատրպեճանական կողմին պատրաստակամութիւնը»:
Էտուարտ Նալբանդեան ըսած է, որ ճիշդ [...]

Հարաւային Քալիֆորնիոյ համալսարանի (USC) բազմացեղ երեխաներու աչքի հիւանդութեանց ուսումնասիրութիւնը (MEPEDS) սկսած է աչքի ձրի քննութիւններ կատարել Կլէնտէյլի վեց ամսականէն մինչեւ վեց տարեկան երեխաներու, կանուխ ախտաճանաչումներ կատարելու նպատակով: Դարմանատան հասցէն է 230 N. Maryland Ave. 107:
Կազմակերպութիւնը ցարդ մօտաւորապէս 9000 երեխաներու քննութիւններ կատարած է Լոս Անճելըս քաղաքին մէջ եւ կը յուսայ Կլէնտէյլի մէջ 3000 երեխաներու քննութիւններ [...]

Մայիսին քոյրս՝ տիկ. Ռեպեքա Գազանճեանը, սուրճ մը առնելու նպատակով բարեկամի մը այցելութենէն վերադարձին, թաքսիէն իջած ատեն արկած մը կ’ունենայ:
Երիտասարդ մը կը տեսնէ զինք եւ անմիջապէս ամենամօտիկ հիւանդանոցը կը հասցնէ: Խեղճ քոյրս կոնքը կոտրած էր: Բարեյաջող գործողութենէ 10-12 օր ետք, կը մտնէ «Այծեմնիկ» հայկական ծերանոցը, քանի որ մինակ կ’ապրէր եւ տունը զինք խնամող չունէր: Տասը [...]

ԵՐԵՒԱՆ, «Ազատութիւն».- Հայաստանի նախագահ Սերժ Սարգսեանի կարգադրութեամբ՝ ստեղծուեցաւ աշխատանքային խումբ՝ ԵԽԽՎի Հայաստանի ժողովրդավարական հաստատութիւններու գործունէութեան վերաբերող բանաձեւին մէջ ամփոփուած առաջարկներուն իրագործումը համակարգելու նպատակով:
Խումբը պիտի ղեկավարէ նախագահի աշխատակազմի ղեկավար Յովիկ Աբրահամեան:
Խումբին մաս կը կազմեն ԵԽԽՎի մօտ Հայաստանի պատուիրակութեան անդամները, նախագահին օգնականը, արտաքին գործերու, արդարադատութեան փոխնախարարները, գլխաւոր դատախազին տեղակալը, Հանրային հեռուստառատիոխորհուրդի նախագահն ու Հեռուստատեսութեան եւ [...]

Ամէն օր ընկերոջ մը, ծանօթի մը գործէ արձակման, սնանկացման, տուն-սեփականութիւն կորսնցնելու մասին լուր ստանալը սովորական երեւոյթ դարձած է այս օրերուն։
Ամերիկայի տնտեսութիւնը յայտնապէս ծանր օրեր կ’անցընէ եւ այսպիսի տագնապալի ժամանակաշրջանի մէջ թերեւս միայն այս երկրի մէջ որոշ չափով հասկնալի կրնայ ըլլալ աշխատաւորի շահերու պաշտպանութեան մասին որեւէ խօսք, գաղափար։
Արդարեւ, հաղորդակցութեան բոլոր միջոցներով, գաղափարախօսութեամբ, արժէքային համակարգով, [...]

Միացեալ Նահանգներու անգլերէն անկախ հնագոյն հայկական թերթը այս տարի կը թեւակոխէ իր 50րդ տարին։
1958ին Ֆրեզնոյի մէջ երկու երիտասարդներ՝ Ճորճ Մէյսըն (Էլմասեան) եւ Ռիզ Քլեկհորն հեռատեսութիւնն ունեցան անգլերէն լեզուով թերթ մը հրատարակելու, որպէսզի անոնք, որոնք իրենց մայրենի լեզուին ծանօթ չեն՝ կարենան կապ պահել համայնքի լուրերուն հետ։
Քլեկհորն հետագային Մերիլէնտի համալսարանին մէջ լրագրութեան դպրոցի դասախօսի եւ [...]

Պէյրութի ամերիկեան համալսարանի Լիբանանահայ աւանդներու ակումբը (LAHC)ի յատուկ հրաւէրով Պէյրութ ժամանեց Քոփընհակէնի համալսարանի դասախօս դոկտ. Մաթիաս Պիորընլունտ, որ տուաւ երկու դասախօսութիւններ, առաջինը «Սկանտինաւիան եւ Հայոց Ցեղասպանութիւնը» թեմայով, իսկ երկրորդը՝ «Մարիա Եաքոպսըն՝ Դանիայէն մինչեւ Թռչնոց բոյն»:
Հայոց Ցեղասպանութեան 93ամեակի ոգեկոչման ծիրին մէջ, LAHC-ի իրագործած ծրագիրներէն էր նաեւ չորս օրուան տեւողութեամբ բացօթեայ ցուցահանդէս՝ համալսարանի շրջափակին մէջ, «Սքրիմըրզ» [...]

Միլիոնաւոր մանկական թունաւորումներ տեղի կ՚ունենան ամէն օր աշխարհի տարածքին՝ խլելով շատ մը մանուկներու կեանքը. այս մահերուն մեծամասնութիւնը կանխարգելիչ են։ Մանկական թունաւորումներուն նպաստող պատճառները հետեւեալներն են՝
1. Ծնողական աղքատութիւն, տգիտութիւն, անհոգութիւն եւ անփութութիւն.
2. Մանուկներու հետաքրքրութիւն՝ գիտնալու, տեսնելու, դպչելու եւ համտեսելու ամէն բան իրենց շրջապատին մէջ.
Մանկական թունաւորումները տեղի կ՚ունենան, երբ մանուկներ բնազդական հետաքրքրութեամբ, բայց անգիտակցաբար, [...]

ԵՐԵՒԱՆ, «Երկիր».- Ապրիլ 30ին Լիթուանիոյ նորանշանակ դեսպան Կետրիուս Աբուռկասին իր հաւատարմագիրը ներկայացուց արտաքին գործոց նախարար Էտուարտ Նալբանդեանին: Նալբանդեան նշեց, որ Հայաստան կ’ուզէ աւելի եւս ամրապնդել եւ զարգացնել համագործակցութիւնը երկու երկիրներուն միջեւ, եւ այս առումով՝ Հայաստանի մէջ Լիթուանիոյ դեսպանութեան բացումը կրնայ լաւ խթան հանդիսանալ երկկողմ յարաբերութիւններու զարգացման համար: Նախարարը շեշտեց, թէ Լիթուանիոյ հետ փոխգործակցութիւնը օգտակար կ’ըլլայ [...]

ՊԷՅՐՈՒԹ, «Ռոյթըրզ».- Լիբանանի խորհրդարանի նախագահ Նէպիհ Պըրրիի մամլոյ գրասենեակը հրապարակեց Երեքշաբթի, Ապրիլ 29 թուակիր հաղորդագրութիւն մը, որուն մէջ կը շեշտուի, որ իշխանամէտ քաղաքական կողմերէն աւելի յստակ պատասխան մը կ’ակնկալէ ազգային երկխօսութեան վերադառնալու կապակցութեամբ:
Հաղորդագրութեան մէջ կը նշուի, որ կառավարութեան մէջ ներկայացուցչութեան համեմատութեան եւ ընտրական նոր օրէնքի մը մշակումին մասին փոխադարձ երաշխիքները պիտի տրուին բանակի հրամանատար [...]

Ամէն տարուան նման, այս տարի եւս Հայ Քոյրերու վարժարանի բոլոր դասարանները սորվեցան Մեծ Եղեռնի նուիրուած ոտանաւորներ, կարդացին 1915 թուականը նկարագրող յօդուածներ, վերապրածներու եւ ականատեսներու վկայութիւններ, ապա դիտեցին Եղեռնի նուիրուած վաւերագրական ժապաւէններ, քննարկեցին եւ ամփոփեցին զանոնք, առաւել այս բոլորին, բարձրագոյն դասարաններու աշակերտները իրականացուցին առիթը արտայայտող ծրագիրներ, ինչպէս՝ Ցեղասպանութեան նուիրուած յուշարձաններու մանրակերտները պատրաստել, պահանջուած հողերու աշխարհագրական դիրքը [...]

ԵՐԵՒԱՆ, «Ազատութիւն».- Հայաստանի խորհրդարանը Ապրիլ 30ին, 88 թեր, 3 դէմ ձայներու յարաբերութեամբ հաւանութիւն տուաւ նորակազմ կառավարութեան ծրագրին:
Քուէարկութեան արդիւնքները յայտարարելէ ետք, խորհրդարանի նախագահ Տիգրան Թորոսեան շնորհաւորեց կառավարութիւնը եւ ըսաւ, թէ խորհրդարանը պատրաստ է լիարժէք աջակցելու կառավարութեան, այս կարեւոր ծրագիրը իրականացնելու համար:
Քննարկումներու ժամանակ դէմ արտայայտուեցան միայն «Ժառանգութիւն» խմբակցութեան պատգամաւորները: Խմբակցութեան քարտուղար Ստեփան Սաֆարեան ըսաւ, որ [...]

Շաբաթ, Մայիս 3ին, Սան Ֆրանսիսքոյի «California Palace of the Legion of Honor» (100 34th Ave.) մէջ տեղի պիտի ունենայ Հայաստանի Անջրպետային Ճառագայթի բաժանմունքին (Cosmic Ray Division) ի նպաստ համերգ մը, որու ընթացքին ելոյթ պիտի ունենայ Օքլընտի երիտասարդական դասական նուագախումբը, կատարելով Խաչատուրեանէն, Կոմիտասէն, Սայեաթ Նովայէն եւ այլ գործեր: Հայաստանէն ժամանած գիտնականներ 5 վայրկեաննոց ներկայացումով մը պիտի [...]

ԵՐԵՒԱՆ, «Արմէնփրէս».- Մարտ 1ի իրադարձութիւններէն ետք Հայաստան այցելող զբօսաշրջիկներու թուաքանակի նուազում արձանագրուած էր, սակայն ներկայիս վիճակը արդէն կայունացած է:
Ըստ Հայաստանի զբօսաշրջութեան վարչութեան պետ Մեխակ Ապրեսեանի՝ արդէն սկսած է զբօսաշրջիկներու բուռն հոսքը Հայաստան, բան մը, որ կրնայ մասամբ մը կապուած ըլլալ նաեւ տարեշրջանին հետ, սակայն կասկած չկայ, որ երկրի ներքին քաղաքական վիճակի կայունացումը մեծ նշանակութիւն [...]

ԵՐԵՒԱՆ, «Լրագիր».- 2010 ֆութպոլի աշխարհի ախոյեանութեան զտումի Հայաստան-Թուրքիա մրցումը տեղի պիտի ունենայ Երեւանի «Հրազդան» մարզադաշտին մէջ, լրագրողներուն տեղեկացուց Հայաստանի ֆութպոլի դաշնակցութեան նախագահ Ռուբէն Հայրապետեան:
Ճակատումը տեղի պիտի ունենայ Սեպտեմբերի 6ին: Երկու խումբերը մաս կը կազմեն զտումի 5րդ խմբակին, որուն մէջ կան նաեւ Սպանիան, Պելճիքան, Պոսնիան եւ Էսթոնիան:

Լոս Անճելըսի մօտ Հայաստանի գլխաւոր հիւպատոսութիւնը կը տեղեկացնէ, որ Յուլիս 21էն Օգոստոս 18 Երեւանի մէջ տեղի պիտի ունենան արտասահմանեան երկրներու մէջ գործող հայկական վարժարաններու մէջ դասաւանդող հայագիտական առարկաներու ուսուցիչներու վերապատրաստման մէկամսեայ դասընթացները:
Դասընթացներուն մասնակցելու կարգի, ուսումնական ծրագրերու եւ ժամաքանակներու վերաբերեալ լրացուցիչ տեղեկութիւններ ստանալու համար մինչեւ Յունիսի 20ը կարելի է դիմել հիւպատոսութիւն՝ 50 N. La Cienega [...]

ԵՐԵՒԱՆ, «Արմէնփրէս».- Այս տարուան առաջին եռամսեային ՀՀ կառավարութեան առընթեր հարկային պետական ծառայութիւնը (ՀԾՊ) հաւաքագրած է շուրջ 75 մլռ. դրամ հարկ՝ նախորդ տարուան նոյն ժամանակահատուածի 57 մլռ.ին դիմաց: Ապրիլ 28ին հրաւիրած ասուլիսին՝ ծառայութեան պետի տեղակալ Ռոպերթ Քոչարեան կը տեղեկացնէ, թէ շահութահարկը կազմած է 20 մլռ. դրամ, եկամտահարկը՝ 10.7 մլռ. դրամ, գանձապետական համակարգով փաստացի հաւաքագրուած է 21.2 [...]

ՈՒԱՇԻՆԿԹԸՆ.- Ամերիկայի Հայ Դատի Յանձնախումբը հաղորդեց, որ Միացեալ Նահանգներու նախագահական նախնական ընտրութիւններու դեմոկրատ թեկնածու՝ ծերակուտական Պարաք Օպամա դարձեալ խոստացած է ճնշում բանեցնել Թուրքիոյ վրայ, Հայկական Ցեղասպանութեան ճանաչումը ապահովելու նպատակով:
Օպամա, որու ընտրապայքարին նեցուկ կը կանգնի Ամերիկայի Հայ Դատի Յանձնախումբը, այս առնչութեամբ յայտարարութիւն մը յանձնած է Քոնկրէսի արխիւներուն, մասնակից դառնալով Քոնկրէսի մէջ Հայկական Ցեղասպանութիւնը ոգեկոչող Ամերիկայի [...]

ՊԷՅՐՈՒԹ, «Ռոյթըրզ».- Հարաւային Լիբանան հաստատուած ՄԱԿի խաղաղապահ ուժին հրամանատարութիւնը Երեքշաբթի, Ապրիլ 29ին «անհիմն» համարեց իսրայէլեան մամուլին մէջ կատարուած այն ամբաստանութիւնները, թէ հրամանատարութիւնը լիբանանեան «Հըզպալլա» կազմակերպութեան գործունէութեան մասին տեղեկութիւնները գաղտնի կը պահէ:
Իսրայէլացի սպաները շեշտեցին, որ իսրայէլեան ուժերը եւ Իսրայէլի արտաքին գործոց նախարարութիւնը զայրացած են ՄԱԿի խաղաղապահ ուժին այս կեցուածքէն։
Իսրայէլեան ուժերուն համաձայն, նախորդ վեց ամիսներուն [...]

ԵՐԵՒԱՆ, «Երկիր».- Ապրիլ 25ին Մոսկուայի Քրեմլի պալատին մէջ տեղի ունեցաւ «Արդար Ռուսիա» կուսակցութեան Գ. համագումարը: Համագումարին հիւրի կարգավիճակով կը մասնակցէին նաեւ 26 կուսակցութիւններու ներկայացուցիչներ, 19 երկիրներէ, Եւրոխորհրդարանի պատգամաւորներ, Ընկերվար Միջազգայնականի պատասխանատու դէմքեր:
Հ.Յ.Դ. Մոսկուայի Հայ Դատի գրասենեակի պատասխանատու Եուրի Նաւոյեան Դաշնակցութիւնը ներկայացուց համագումարին: Ընկերվարական առաջատար կուսակցութիւններու հետ համագործակցութեան ծիրէն ներս, «Արդար Ռուսիա»ի նախագահ Ռուսիոյ Դաշնային [...]

ԵՐԵՒԱՆ, «Հայասանի Հանրային Ռատիօ».- Ուրանիոմի որոնման աշխատանքները Հայաստանի մէջ կ’իրականացուին բոլոր ընդունուած չափանիշներուն համապատասխան եւ նորագոյն մեթոտներով, յայտարարեց ՀՀ բնապահպանութեան նախարար Արամ Յարութիւնեան Ապրիլ 30ին, Ազգային ժողով-կառավարութիւն հարցուպատասխանի ընթացքին:
Նախարարը յիշեցուց, որ կնքուած պայմանագրին համաձայն՝ կը ստեղծուի հայ-ռուսական համատեղ ձեռնարկութիւն, ուր Հայաստանի բաժնեմասը պիտի ըլլայ ոչ պակաս, քան 50 տոկոս:
Ուսումնասիրութիւնները պիտի իրականանան Սիւնիքի մարզին [...]

Հայոց Մեծ Եղեռնի 93րդ տարելիցի ոգեկոչման կենտրոնական միջոցառման ժամանակ բանախօսելու նպատակով Թեհրան գտնուող ՀՀ ԱԺ պատգամաւոր, Հ.Յ.Դ. Բիւրոյի անդամ Վահան Յովհաննիսեան հարցազրոյց տուած է «Ալիք» օրաթերթին, զոր ամբողջութեամբ կը ներկայացնենք ընթերցողներու ուշադրութեան:

ՀԱՐՑՈՒՄ.- Պարոն Յովհաննիսեան, հակիրճ ինչպէ՞ս կը բնութագրէք 93րդ տարին թեւակոխած հայոց պահանջատիրութեան այսօրեայ շրջափուլը:
ՊԱՏԱՍԽԱՆ.- Ես կարծում եմ՝ ընդհանրապէս, այս 93 [...]

ԱՆԳԱՐԱ, «Ռոյթըրզ».- Թուրքիոյ արտաքին գործոց նախարար Ալի Պապաճան յայտնեց, որ թէեւ Սուրիոյ եւ Իսրայէլի միջեւ խաղաղութեան համաձայնութիւն գոյացնելու համար տակաւին երկար ճամբայ կայ կտրելիք, Անգարա պիտի շարունակէ իր միջնորդութիւնը՝ քաջալերելով երկու կողմերը ուղղակի բանակցութիւններ վարելու։
Պապաճան լրագրողներուն յայտնեց, որ երկու թշնամի երկիրներուն միջեւ համաձայնութիւն մը երկու կողմերէն քաղաքական վճռակամութիւն կը պահանջէ։ «Տակաւին գործընթացին սկիզբն ենք», [...]

ՊԱՂՏԱՏ, «Ռոյթըրզ».- Իրաքի կառավարութեան բանբեր մը Չորեքշաբթի, Ապրիլ 30ին յայտարարեց, թէ Մարտ 25ին սկսած Պաղտատի Սատր շրջանին մէջ ամերիկեան ելւ իրաքեան զինուորական ուժերու համակարգուած գործողութիւններուն ընթացքին ցարդ սպաննուած են առնուազն 925 քաղաքացիներ եւ զինեալներ:
Յայտնենք, թէ այս շաբթուան առաջին երեք օրերուն ընթացքին շրջանին մէջ սպաննուած են աւելի քան 70 իրաքցիներ եւ ամերիկացի եօթը զինուորներ: Միայն [...]

ԵՐԵՒԱՆ, «Արմէնփրէս».- 2008 Ապրիլ-Մարտի համեմատ՝ Հայաստանի սպառողական եւ արժութային շուկաներէն ներս ամերիկեան տոլարի նկատմամբ հայկական դրամի փոխարժէքի 1.1 տոկոս եւ 0.2 տոկոս աճ արձանագրուած է:
Ըստ ազգային վիճակագրական ծառայութեան, 2008 Ապրիլին գիներու եւ հաշուարկային փոխարժէքի աճը կազմած է 2007 Դեկտեմբերի համեմատ 6 տոկոս եւ 1.7 տոկոս :
2008ի Ապրիլին, ամերիկեան տոլարի նկատմամբ հայկական դրամի միջին [...]

Մայիս 1ի արձակուրդը ամէն մարդ կը յիշէ ու կը տօնէ, բայց արդեօք բոլորն ալ կ՚անդրադառնա՞ն, որ օրուան խորհուրդը շատ բան կորսնցուցած է իր երբեմնի նշանակութենէն եւ ուժականութենէն։
Կար ժամանակ եւ ոչ այնքան հեռու անցեալին, երբ Մայիս 1ը, գրեթէ ամէնուրեք ու համընդհանուր զօրաշարժով, իրարու դէմ առճակատման կը հանէր մէկ կողմէ աշխատաւորական կազմակերպ ուժերը, իսկ միւս կողմէ [...]

ԵՐԵՒԱՆ, «Երկիր», «Ազատութիւն».- «Մենք ծանօթացած ենք ԱՄՆ պետքարտուղարի յայտարարութեան, եւ ափսոսանքով պէտք է նշենք, որ մեր տարածաշրջանի իրավիճակին մասին տրուած գնահատականը ոչ մէկ քննադատութեան չի դիմանար եւ երկակի չափորոշիչներու դրսեւորում է», յայտարարած է Ատրպէյճանի արտգործնախարարութեան մամլոյ քարտուղար Խազար Իպրահիմ: Ըստ անոր, տպաւորութիւն ստեղծուած է, թէ Ուաշինկթընի մէջ իրական պատկերացում չունին տարածաշրջանին մասին, ինչ որ կը [...]

ԹԻՖԼԻՍ, ՄՈՍԿՈՒԱ, «Ռոյթըրզ».- Վրաստանի իշխանութիւնները Չորեքշաբթի, Ապրիլ 30ին խստօրէն քննադատեցին Աբխազիա յաւելեալ խաղաղապահ ուժ մը ղրկելու Ռուսիոյ որոշումը, զայն ՆԱԹՕի անդամակցելու Վրաստանի ջանքերը ձախողութեան մատնելու փորձ մը համարելով եւ պնդելով, թէ որոշումը ոչ մէկ կապ ունի շրջանի ապահովութեան հետ:
Ռուսիա Երեքշաբթի օր յայտարարեց, որ Աբխազիոյ մէջ իր խաղաղապահ ուժերուն թիւը պիտի բարձրացնէ, միաժամանակ Թիֆլիսը ամբաստանեց [...]

ԱՆԳԱՐԱ, «Պլումպըրկ».- Չորեքշաբթի, Ապրիլ 30ին, Թուրքիոյ խորհրդարանը երկար ձգձգումներէ ետք բարեփոխեց խօսքի ազատութիւնը սահմանափակելու համար օգտագործուող քրէական օրէնքի թիւ 301 յօդուածը, հակառակ եւրոպական եւ տեղական այն կոչերուն, թէ յօդուածը պէտք է ամբողջութեամբ ջնջուի:
Որոշումը վաւերացուցաւ 65ի դէմ եւ 250 թեր քուէներով:
Եւրոպացի ղեկավարներ եւ մասնագէտներ որոշումը ճիշդ ուղղութեամբ առնուած քայլ մը համարեցին, սակայն դարձեալ շեշտեցին, [...]

Հայ-արաբական յարաբերութիւններուն նուիրուած «Հայաստան-Արաբական աշխարհ. անցեալ եւ ներկայ» բնաբանով միջազգային աննախընթաց գիտաժողովը կայացաւ Երեքշաբթի, Ապրիլի 29ին, Գահիրէի համալսարանի գրականութեան կաճառի խորհրդաժողովներու դահլիճին մէջ։
Գիտաժողովը կը վայելէր Եգիպտոսի գիտական հետազօտութիւններու պետական եւ բարձրագոյն կրթութեան նախարարութեան եւ Գահիրէի համալսարանի հովանաւորութիւնը եւ կազմակերպուած էր եգիպտահայ համայնքային եւ միութենական կառոյցներու, Միջին Արեւելքի Հայ Դատի գրասենեակին եւ Եգիպտոսի մօտ ՀՀ [...]

«Թուրքիան եւ Հայաստանը պէտք է բովանդակալից գործընթաց սկսին, որ թոյլ կու տայ հասնիլ ցանկալի մերձեցման, եւ այդ նպատակին հասնելու համար պէտք է ցուցաբերեն ստեղծագործական եւ համարձակ մօտեցում», «ՄԵՏԻԱՄԱՔՍ» գործակալութեան տուած հարցազրոյցին մէջ յայտարարեց իշխող «Արդարութիւն եւ զարգացում» կուսակցութեան ներկայացուցիչ, Թուրքիոյ խորհրդարանի արտաքին յարաբերութիւններու յանձնաժողովի խօսնակ Սուաթ Քինիքլիօղլուն, մեկնաբնելով հայ-թրքական յարաբերութիւններու բարելաւման հեռանկարները՝ Թուրքիոյ եւ Հայաստանի [...]

Քանատայի մեր աշխատակից «Հորիզոն» շաբաթաթերթը հրատարակած է Հայկական Ցեղասպանութեան 93րդ տարելիցին նուիրուած բացառիկ թիւ մը: 48 էջնոց եւ գունաւոր կողքով բացառիկը մեծամասնութեամբ հայերէն է, սակայն ունի նաեւ անգլերէնով ու ֆրանսերէնով գրութիւններ:

Վերջերս, «Համազգային»ի «Վահէ Սեթեան» տպարանէն (Պէյրութ) լոյս տեսաւ աւելի քան 330 էջ հաշուող գիրք մը, որ կը կրէ «Արտաշէս Տէր Խաչատուրեան – Մարդը եւ Գործը» խորագիրը։ Խմբագիրն է Կարօ Յովհաննէսեան։
Խորագիրը կը մատնէ բովանդակութիւնը. հատորը հակիրճ կերպով կը ներկայացնէ սփիւռքահայ Գիրի Մարդու մը՝ Արտաշէս Տէր Խաչատուրեանի կենսագրական գիծերն ու հրատարակուած գիրքերուն եւ խմբագրած հանդէսներուն ուրուագիծը։ [...]

ՄԻՇԸՆ ՀԻԼԶ.- Նորթրիճի նահանգային համալսարանի Հայագիտական ծրագրի վարիչ ու դասախօս դոկտ. Վահրամ Շէմմէսեան Կիրակի, Մայիս 4ին, կ.ե. ժամը 4ին, Հայկական Ցեղասպանութեան ընթացքին Սուրիոյ մէջ փրկուած հայ երեխաներու եւ կիներու մասին դասախօսութիւն մը պիտի տայ «Արարատ» տան «Էսքիճեան» թանգարանին մէջ: Ծրագիրը կազմակերպուած է թանգարանին ու Հայագիտական ազգային կազմակերպութեանց (NAASR) համագործակցութեամբ:
Հայկական Ցեղասպանութեան ընթացքին չսպաննուած կիներն ու [...]

ԵՐԵՒԱՆ, «Լրագիր».- Վերջին երեք տարուան ընթացքին հայ երեխայ որդեգրելու համար օտարերկրեայ քաղաքացիներու ներկայացուցած 284 դիմումներէն բաւարարուած է 225ը, տեղեկացուց արդարադատութեան նախարար Գէորգ Դանիէլեան: Ըստ իրեն, 50 տոկոսի պարագային ամուսիններէն երկուքն ալ ազգութեամբ հայ են, 20 տոկոսի պարագային՝ մէկը հայ է եւ 30 տոկոսի պարագային՝ երկու ամուսիններն ալ օտարերկրացի են:
Դանիէլեան ըսած է, թէ հետաքրքրական է, [...]

ԵՐԵՒԱՆ, «Ազատութիւն».- Նորվեկիան կը սատարէ Ատրպէյճանի տարածքային ամբողջականութեան եւ հանդէս կու գայ Լեռնային Ղարաբաղի հակամարտութեան խաղաղ կարգաւորման օգտին: Այդ մասին յայտարարած է Նորվեկիոյ արտգործնախարար Եոնաս Կար Սթետէն Ապրիլ 29ին, Պաքուի մէջ ատրպէյճանցի ուսանողներու հետ ունեցած հանդիպման ժամանակ:
«Մենք շատ անհանգիստ ենք ատրպեճանական տարածքներու գրաւման փաստով եւ այդ մեծ ողբերգութիւն կը համարենք», «Թրէնտ» գործակալութեան վկայութեամբ՝ ըսած [...]

Անցեալ տարի, Ապրիլ 24ին Հայաստան աշխարհը ծածկուեցաւ սպիտակ թաւշեայ ձիւնով, իսկ այս տարի՝ ամառնային կիզիչ տօթը յիշեցնող եղանակն էր տիրապետողը: Մեծ Եղեռնի յուշահամալիր տանող ճանապարհը առաւօտեան կանուխ ժամերէն մինչեւ երեկոյեան ուշ ժամերը բանուկ էր, խճողուած՝ Հայաստանի ժողովուրդին բոլոր խաւերը եւ երանգները ներկայացնող երիտասարդներով ու ծերունիներով, քաղաքական գործիչներով եւ հասարակական կազմակերպութիւններու ներկայացուցիչներով, քաղաքաբնակ եւ գիւղաբնակ քաղաքացիներով, [...]

ՔՐԱՍՆՈՏԱՐ, «Արմէնփրէս».- Ապրիլի 24ին Նովոռոսիյսք քաղաքի «Լոյս» հայկական մշակոյթի ընկերութեան մէջ տեղի ունեցան 1915-1923ին Թուրքիոյ մէջ կատարուած Հայոց Ցեղասպանութեան զոհերու յիշատակին նուիրուած միջոցառումներ: Ինչպէս հաղորդեց Ռուսիոյ հայկական «Երկրամաս» թերթը, կազմակերպուած է հանրահաւաք մը, որուն ընթացքին ելոյթ ունեցած են քաղաքի վարչակազմի փոխղեկավար Յովակիմ Աւագովը եւ «Լոյս» ընկերութեան փոխնախագահ Ալլա Պարծիկեանը, որոնք իրենց խօսքով դատապարտած են ցեղասպանութեան [...]

«Գործ մը գործադրելը աւելի խօսուն է, քան նոյն գործի մասին ժամ մը խօսիլը»։ Մասիս Արարատեան
«Համազգային»ի Նիւ Ճըրզիի մասնաճիւղի կազմակերպութեամբ, տեղի ունեցաւ Մասիս Արարատեանի դասախօսութիւնն ու սահիկներու ցուցադրութիւնը Սրբոց Վարդանանց եկեղեցւոյ սրահին մէջ, ներկայութեամբ մօտ եօթանասուն ընկերներու ու համակիրներու։
Մասնաճիւղի ատենապետուհին՝ ընկերուհի Յասմիկ Աբրահամեանը, իր բարի գալուստի խօսքը ուղղեց ներկաներուն, յիշեցնելով, որ այս տարուան [...]

ՄՈՆԹԷՎԻՏԷՕ, «Հայերն Այսօր», «Նոյեան Տապան».- Աշխարհահռչակ երգիչ Շարլ Ազնաւուր ներկայիս կը գտնուի Հարաւային Ամերիկա, ուր համերգներ պիտի ունենայ Արժանթինի, Պրազիլի, Չիլիի եւ Ուրուկուէյի մեծ քաղաքներուն մէջ, ինչպէս՝ Պուէնոս Այրէս եւ Սան Փաուլօ:
«Էլ Քլարին» թերթին հետ ունեցած հարցազրոյցին մէջ երգիչը յայտնեց, որ ան պիտի շարունակէ իր ծառայութիւնները Հայաստանին եւ Հայ Դատին:
Իսկ թէ ինչո՞ւ հայերէն [...]

Լոս Անճելըսի Քեսապցիներու ուսումնասիրաց միութեան (ՔՈՄ) եւ «Համազգային»ի «Պարոյր Սեւակ» մասնաճիւղի կազմակերպութեամբ, 6 Ապրիլ, 2008ին, Կիրակի կ.ե. ժամը 3ին, ՔՈՄի կեդրոնին մէջ՝ Ռիսիտա, տեղի ունեցաւ Շահէն Տէրտէրեանի «Արիւնի ճամբէս» անգլերէն թարգմանութեան խորագրով՝ “Death March” գիրքին եւ Քնար Մանճիկեանի «Պատմութեան համար» եւ «Տօներ եւ պիտանի գիտելիքներ» աշխատասիրութիւններուն ողջունահանդէսը:
Օրուան հանդիսավարը՝ «Մերտինեան» վարժարանի տնօրէն՝ Յովսէփ Ինճէճիկեան, բարի [...]

Արեւմտեան պետութիւնների քաղաքական նպատակներն ու դիւանագիտական խաղերը, աւելի ճիշդ՝ որոգայթները նորութիւն չեն եւ չպիտի լինեն հայ ժողովրդի համար։ Հայ ժողովուրդը ականատես եղաւ, թէ ինչպէս Հայկական հարցը, Հայ Դատը՝ հայ ժողովրդի արդար իրաւունքները բազմիցս առ ու ծախի առարկայ դարձան «մեծ պետութիւններ» կոչուող, «քաղաքակիրթ» համարուող արեւմտեան պետութիւնների կողմից։ Սան Սթեֆանոյի դաշնագրի 16րդ յօդուածից մինչեւ Պերլինի դաշնագրի 61րդ [...]

Առաջնահերթ հարցերէն մէկը, որ կը մտահոգէ ներկայիս Հայաստանի քաղաքացիները, թէ պիտի բարձրանա՞ն ջուրի, կազի կամ ելեքտրականութեան գիները:
«Սննդամթերքի գնի բարձրացումը բաւարար չի, հիմա էլ խօսում են, որ պէտք է աւելացնեն նաեւ կազի ու այլ ծառայութիւնների սակագները: Աշխատավարձը չի աւելանում, փոխարէնը աւելանում են ծախսերը», «Թոշակս ընդամէնը 21.000 դրամ է, դրանով համ հաց առնեմ, համ էլ մուծումներ [...]

Շաբաթ, 12 Ապրիլին, Մոնթրէալի «Ս. Յակոբ» ազգ. վարժարանի «Վ. եւ Ա. Սարաֆեան» նախակրթարանի եւ «Բաստրմաճեան» երկրորդականի «Հաճէթեան» մարզասրահէն ներս տեղի ունեցաւ տարեկան աւանդութիւն դարձած ճաշկերոյթը՝ ներկայութեամբ Քանատայի հայոց թեմի առաջնորդ Խաժակ արք. Յակոբեանի, հոգեւոր հայրերու, բարերարներու, միութիւններու եւ կազմակերպութիւններու ներկայացուցիչներու, ծնողներու, բարեկամներու, ուսուցիչներու, շրջանաւարտներու եւ աշակերտներու։
Նոյն օրը տեղի ունեցաւ ընդունելութիւն դպրոցի մուտքին, որուն ընթացքին [...]

ԼԻՒՔՍԷՄՊՈՒՐԿ, «Նոյեան Տապան».- Լիւքսէմպուրկի մէջ կայացած է ԵԱՀԿ եւ Եւրոմիութեան ներկայացուցիչներու հանդիպում, որուն ընթացքին կողմերը նաեւ քննարկած են ղարաբաղեան հակամարտութեան կարգաւորման հարցը:
ԱՊԱն կը հաղորդէ, որ քննարկումներու ընթացքին նշուած է, որ ԵՄն հաւանութիւն կու տայ ԵԱՀԿ Մինսքի խումբի ջանքերուն Լեռնային Ղարաբաղի հակամարտութեան խաղաղ, արդարացի եւ երկարաժամկէտ լուծման ճանապարհին: ԵՄն նաեւ յոյս ունի, որ մօտակայ ժամանակները [...]

Մարթային օգնելու գործը։
Ապրիլ 16ին այս սիւնակով «Օգնենք Մարթային» վերնագրով կոչ մը գրած էի, խնդրելով մեր ընթերցողներէն, որ օժանդակեն արցախցի փոքրիկն Մարթա Արզումանեանի բուժման գործին։
Այս կոչը արձագանգն էր Լեռնային Ղարաբաղի ուաշինկթընեան ներկայացուցչութեան կատարած խնդրանքին, ուր կը բացատրուէր Մարթայի վիճակը եւ հինգ հազար տոլար հանգանակելու խնդիրը կը դրուէր։
Մինչեւ այդ օր, այսինքն ճիշդ երկու շաբաթ [...]

ԵՐԵՒԱՆ, «Երկիր».- Վարչապետ Տիգրան Սարգսեան Ապրիլ 29ին ընդունեց Հայաստանի մօտ Պուլկարիոյ արտակարգ եւ լիազօր դեսպան Թոտոր Մարինով Սթայքովը, կը տեղեկացնեն կառավարութեան տեղեկատուութեան եւ հասարակայնութեան հետ կապերու վարչութենէն: Նշելով հայ-պուլկարական յարաբերութիւններու ներկայի բարձր մակարդակը՝ վարչապետը յոյս յայտնած է, որ Սթայքովի աշխատանքային հարուստ փորձը կ’օգնէ աւելի զարգացնելու երկու երկիրներուն եւ ժողովուրդներուն միջեւ բարեկամական յարաբերութիւնները: Թոտոր Սթայքովը շնորհաւորած [...]

Կիրակի, 13 Ապրիլին տեղի ունեցաւ Քանատայի թեմի առաջնորդարանի Հայեցի դաստիարակութեան խորհուրդի կողմէ կազմակերպուած տարեկան Բ. տառարտասանական մրցումը՝ Մոնթրէալի Հայ կեդրոնի «Ա. Ահարոնեան» սրահէն ներս։ Մասնակցողներն էին «Ս. Յակոբ» ազգ. վարժարանի աշակերտները։ Մրցումը կը բաղկանար երեք բաժանումներէ՝ «Վ. եւ Ա. Սարաֆեան» նախակրթարանէն 35 աշակերտներ, «Բաստրմաճեան» երկրորդական Ա. Բ. եւ Գ. կարգերէն 20 աշակերտներ, իսկ երկրորդական Դ. [...]

Վարչապետ Տիգրան Սարգսեան Ապրիլ 29ին, խորհրդարանին ներկայացուց կառավարութեան հաւանութեան արժանացած գործունէութեան ծրագիրը:
Ներկայացնելով կառավարութեան ծրագրային մօտեցումները, Տիգրան Սարգսեան յայտարարեց, թէ արագ փոփոխուող աշխարհի մէջ չափազանց կարեւոր է արագութիւնը, իսկ կառավարութեան գործունէութիւնը պէտք է յենի գիտելիքի եւ մտքի վրայ:
Կառավարութեան գործունէութեան ծրագիրը կը նախատեսէ Հայաստանը հինգ ուղղութեամբ դարձնել տարածաշրջանային կեդրոն՝ ծառայութիւններու, ենթակառուցուածքներու գերազանցութեան, կրթական, առողջապահական, կազմակերպուած [...]

ԵՐԵՒԱՆ, «Երկիր».- Հայաստանի վարչապետ Տիգրան Սարգսեան Ապրիլ 29ին ընդունեց Հ.Բ.Ը.Մ.ի նախագահ Պերճ Սեդրակեանին, կը տեղեկացնէ կառավարութեան տեղեկատուութեան եւ հասարակայնութեան հետ կապերու վարչութենէն: Սեդրակեան ընդգծած է, որ Հ.Բ.Ը.Մ.ը գործունէութիւն կը ծաւալէ աշխարհի բազմաթիւ երկիրներուն մէջ եւ այս այցին նպատակն է զօրակցիլ հայրենի պետութեան ու ժողովուրդին եւ Սփիւռքի երիտասարդութիւնը հայրենիքին հետ կապելն է: Ան վարչապետին ներկայացուցած է [...]

ԵՐԵՒԱՆ, «Երկիր».- Մինչեւ Մայիս 15 ԵԽ Վենետիկի յանձնաժողովը Հայաստանի խորհրդարանին պիտի ներկայացնէ «Ցոյցերու մասին» օրէնքին մէջ փոփոխութիւններ կատարելու մասին օրինագիծի վերաբերեալ իր եզրակացութիւնը, կը տեղեկացնէ «Նոյեան տապան»:
Ըստ խորհրդարանի նախագահ Տիգրան Թորոսեանի՝ Ապրիլ 15-16ին Երեւանի մէջ կայացած համատեղ քննարկումներու արդիւնքով լրամշակուած նախագիծը յանձնաժողովին ուղարկուած է Ապրիլ 25ին: Իսկ այդ քննարկումներուն ձեւաչափին շուրջ «շահարկումներու» առնչութեամբ ան [...]

Ազգային ժողովի պատգամաւոր Խաչատուր Սուքիասեանի թիկնապահներ Արսէն Ասատրեան եւ Մարատ Բաղդասարեան արդէն ազատ արձակուած են: Անոնք ձերբակալուած էին Խաչատուր Սուքիասեանի 10 թիկնապահներուն հետ միասին:
Նախապէս, թիկնապահներէն 8ը ազատ արձակուեցան, իսկ Արսէն Ասատրեանի եւ Մարատ Բաղդասարեանի վերաբերեալ իբրեւ խափանման միջոց ընտրուեցաւ կալանքը՝ անոնց քով քանի մը փամփուշտ յայտնաբերելու պատճառաբանութեամբ: Ինչպէս նաեւ փոխուեցաւ «Սիլ քոնցեռնի» տպարանի տնօրէն [...]

ՊՈԼԻՍ, «Մարմարա».- Երկուշաբթի, Ապրիլ 28ին կայացած Հրանդ Տինքի սպանութեան դատավարութեան հինգերորդ նիստին ընթացքին շեշտը դրուեցաւ գլխաւոր ամբաստանեալներէն Եասին Հայալի ու թուրք ազգայնամոլներու «Էրկէնէքոն» կազմակերպութեան միջեւ կապերուն վրայ, որովհետեւ կասկածներ կան, որ ան կապեր ունէր ձերբակալուած զօր. Վէլի Քիւչիւքի հետ։ Հայալ պոռաց, որ այս ամբաստանութիւնը «սուտ մըն է»:
Նիստին ներկայ էր նաեւ Ճօշքուն Իղճի, որ Եասին [...]

ԵՐԵՒԱՆ, «Արմէնփրէս».- Լոնտոնի Քեւենտիշ համալսարանը իր մասնաճիւղը հիմնած է նաեւ Հայաստանի մէջ: Ապրիլ 29ին տուած մամլոյ ասուլիսին ընթացքին՝ Լոնտոնի համալսարանի տնօրէն Ճան Սանտըրս տեղեկացուց, թէ աշխարհի շուր 10 երկիրներուն մէջ, որոնց կարգին են Իրանը, Հնդկաստանը, Սրի Լանքան, ափրիկեան երկու պետութիւնները, անգլիական համալսարանի մասնաճիւղերը կրթութեան բնագաւառին մէջ կ’իրականացնեն մեծ առաքելութիւն, որ է՝ ապահովել որակեալ կրթութիւն եւ [...]

ԵՐԵՒԱՆ, «Երկիր», «Ազատութիւն».- Հայաստանի խորհրդարանը Մարտ 29ին յայտարարեց, թէ Հայաստանը ԼՂի անվտանգութեան երաշխիքն է:
Հայաստանի հանրային ռատիոն կը տեղեկացնէ, թէ Հայաստանի խորհրդարանը 96 թեր, 3 դէմ, 2 ձեռնպահ ձայներով ընդունեց Լեռնային Ղարաբաղի հարցի կարգաւորման վերաբերեալ յայտարարութիւնը: Դէմ քուէարկած են «Ժառանգութիւն» խմբակցութեան երեք պատգամաւորներ, խմբակցութեան միւս անդամները չեն մասնակցած քուէարկութեան:
Յայտարարութեան մէջ նշուած է նաեւ, որ [...]

ԵՐԵՒԱՆ, «Արմէնփրէս».- Կիսահաղորդիչներու ելեքտրոնային «Սինոփսիս» համաշխարհային ընկերութիւնը հանդիպում մը կայացուց՝ Հայաստանի պետական ճարտարագիտական համալսարանի հիմնադրութեան 75ամեակին նուիրուած:
Ձեռնարկի ընթացքին Հայաստանի Ազգային ժողովի նախագահ Տիգրան Թորոսեան ողջունելի համարեց ճարտարագիտական համալսարանի եւ «Սինոփսի Արմենիա»ի համագործակցութիւնը՝ գիտութեան, կրթութեան եւ արտադրութեան ոլորտներու տեսանկիւնէն: «Ազգային ժողովը պատրաստ է հնարաւորինս աջակցել նախաձեռնութեանը, եւ ոչ միայն աջակցել, այլ խրախուսել», յայտնեց նախագահը:
Հայաստանի [...]

ԵՐԵՒԱՆ, «Ազատութիւն».- Արդէն հինգերորդ տարին անընդմէջ հայաստանեան մամուլը «Ֆրիտըմ հաուս» հեղինակաւոր կազմակերպութեան կողմէ գնահատուած է իբրեւ «ոչ ազատ»: Այս տարուան իր զեկոյցին մէջ միջազգային կազմակերպութիւնը փաստած է, թէ հակառակ այն իրողութեան, որ խօսքի ազատութիւնը կ’երաշխաւորուի սահմանադրութեամբ եւ օրէնքներով, այսուամենայնիւ, գործնականին մէջ այդ իրաւունքը վտանգուած է:
2007ին տեղի ունեցած իրադարձութիւններուն իբրեւ արդիւնք՝ Հայաստան խօսքի ազատութեան բնագաւառին [...]

ՈՒԱՇԻՆԿԹԸՆ, «Հայերն Այսօր, «Նոյեան Տապան».- Ամերիկայի Հայոց Ցեղասպանութեան թանգարանը եւ Երեւանի Հայոց Ցեղասպանութեան թանգարան-հիմնարկը Երեւանի մէջ համագործակցութեան համաձայնագիր կնքած են: Այս մասին կը յայտնեն Ամերիկայի Հայոց Ցեղասպանութեան թանգարանէն:
Համաձայնագիրը կնքուած է Հայոց Ցեղասպանութեան թանգարան-հիմնարկի տնօրէն Հայկ Դեմոյեանի եւ Ամերիկայի Հայոց Ցեղասպանութեան թանգարանի Հոգաբարձուներու խորհուրդի նախագահ Հրայր Յովնանեանի եւ թանգարանի հոգաբարձու եւ Շինարարութեան ու աշխատանքներու յանձնաժողովի [...]

Այս աշխարհէն կարճ ու կտրուկ տեղեկութիւններ՝ դէպի վերին աշխարհ
«Քրիստոնեաներու խաչը թուրք մշակոյթին կողմէ ստեղծուած է»: Թրքական ֆաքիւլթէի Փարլաք անուն տեղակալ մը, իր «Թուրանի ճամբուն վրայ Արալին գաղտնիքները» անուն գրքին մէջ փաստեր է, որ ԽԱՉը քըիստոնէութենէն շա՜տ աւելի առաջ գործածուած է թուրք մշակոյթին կողմէ: Ըստ Փարլաքի, խաչը Քրիստոսի խաչուելուն հետ բացարձակապէս կապ չունի, այլ կապ [...]

ԹԵՀՐԱՆ, «Ռոյթըրզ».- Իրանի հիւլէական հարցերով բանագնաց Սայիտ Ճալիլի ռուս բարձրաստիճան պաշտօնատարի մը հետ բանակցելէ ետք յայտնեց, որ Իրան հիւլէական տագնապը լուծելու նպատակով «լուրջ» առաջարկներու թղթածրար մը պատրաստած է։
Առանց յաւելեալ մանրամասնութիւններ փոխանցելու թղթածրարին մասին, Ճալիլի յայտնեց, որ Իրանի առաջարկներ կը վերաբերին «աշխարհի տարածքին հիւլէական սպառնալիքին նուազեցման»։
Իրանցի պաշտօնատար մը նշեց, որ առաջարկները քննուած են Ռուսիոյ [...]

ԵՐԵՒԱՆ, «Արմէնփրէս».- Ապրիլ 29ին «Ուրբաթ» ակումբին մէջ լրագրողներու հետ հանդիպման ժամանակ կառավարութեան գործունէութեան ծրագրի վերաբերեալ Հ.Յ.Դ. դիրքորոշումները ներկայացուց Հ.Յ.Դ. խորհրդարանական խմբակցութեան անդամ Արա Նռանեան: Ան տեղեկացուց, որ ծրագրին կապուած քննարկումներ տեղի ունեցած են, եւ բազմաթիւ հարցերու շուրջ գտնուած են ընդհանուր եզրեր:
Դաշնակցութիւնը շարք մը դրոյթներ գոհունակութեամբ ընդունած է եւ ատոնք արձանագրած է իբրեւ դրական առաջընթաց: [...]

ԹԵՀՐԱՆ, «Իթար-Թասս».- Իրանի իշխանութիւնները հաղորդեցին, թէ Իրան եւ Ռուսիոյ «Կազփրոմ» ուժանիւթի ընկերութիւնը փոխըմբռնման յուշագիր ստորագրած են, քարիւղի եւ բնական կազի մարզերուն մէջ համագործակելու նպատակով: Իրանցի պաշտօնատար մը յայտնեց, թէ բանակցութիւնները պիտի շարունակուին, որպէսզի կարելի ըլլայ զայն շօշափելի քայլերու առաջնորդող համաձայնագրի մը վերածել:

ԱՆԳԱՐԱ, «Արմէնփրէս».- Իրաքի կողմէն արտասահմանեան 35 ընկերութիւններու շնորհուած քարիւղի եւ բնական կազի արդիւնահանման աշխատանքներ իրականացնելու վերաբերեալ ստորագրուած արտօնագիր տրամադրելու որոշումը զայրացուցած է Թուրքիան, որովհետեւ ընկերութիւններէն ոչ մէկը թրքական էր:
Ըստ «Սապահ» թերթին, թրքական պետական երկու ընկերութիւններ դիմումներ կատարած էին, սակայն՝ մերժուած: Թերթին համաձայն, համաձայնագրեր ապահոված են ամերիկեան՝ եօթը, չորսական ընկերութիւններ՝ Չինաստանէն եւ Ճափոնէն, անգլիական՝ երեք, [...]

ԱՆԳԱՐԱ, «Արմէնփրէս».- Թուրքիոյ արտաքին գործոց նախարար Ալի Պապաճան Երկուշաբթի, Ապրիլ 28ին յայտարարեց, որ յառաջիկայ օրերուն յարաբերութիւնները կարգաւորելու ուղղուած բանակցութիւններ պիտի սկսին Իրաքի քիւրտ ղեկավարութեան եւ Անգարայի միջեւ:
Ըստ թրքական «Զաման» թերթին, լրագրողներու հարցումներուն պատասխանելով, Պապաճան ըսած է, որ Թուրքիոյ Ազգային ապահովութեան խորհրդի անցեալ շաբթուան հաւաքին ընթացքին Հիւսիսային Իրաքի քիւրտ ղեկավարութեան հետ յարաբերութիւններ զարգացնելու կապակցութեամբ որոշում [...]

ԹԵՀՐԱՆ, «Արմէնփրէս».- Իրանական «Ճումհուրի իսլամի» թերթը Թուրքիոյ իշխող Արդարութիւն եւ բարգաւաճում կուսակցութիւնը փակելու վերաբերեալ Սահմանադրական ատեանին մէջ բացուած դատական գործի առնչութեամբ մեկնաբանութեան մէջ գրած է, որ Թուրքիա կը գտնուի իսլամական յեղափոխութեան շեմին:
Թերթի կարծիքով, իսլամիստական արմատներ ունեցող կուսակցութեան դէմ աշխարհիկ սկզբունքներ պաշտպանողներուն կողմէ առաջ մղուող դատական «արշաւ»ին ետին կանգնած են Միացեալ Նահանգներու իշխանութիւնները, որոնք ցարդ [...]

ՊՈԼԻՍ, «Մարմարա», «Արմէնփրէս».- Թուրքիոյ իշխանութիւնները դժգոհ են այն իրողութենէն, որ Թուրքիոյ մշակութային կեդրոնին հովանիին տակ գործող «Turkish American Women Society»ին այս տարուան «Զիւպէյտէ Հանըմ»ի (Աթաթուրքին մայրը) մրցանակը ստացած քոնկրէսական Քարոլայն Մալոնի մասնակցած է անցեալ շաբաթ Նիւ Եորքի «Թայմզ» հրապարակին վրայ կազմակերպուած Հայկական Ցեղասպանութեան ոգեկոչման ձեռնարկին ու Թուրքիայէն պահանջած է ճանչնալ Հայկական Ցեղասպանութիւնը:
Յատկանշական է, որ [...]

ՓԱՍԱՏԻՆԱ.- Ս. Գրիգոր Լուսաւորիչ եկեղեցւոյն «Ա. եւ Մ. Յովսէփեան» վարժարանի ութերորդ դասարանի աշակերտները այս տարի եւս կը ներկայացնեն նոր թատերգութիւն մը, որուն հեղինակն է վարժարանին տնօրէն՝ Շահէ Մանկրեան:
«Orphanage Orange»ի թատերական գործին ներկայացումները տեղի պիտի ունենան յաջորդական երկու շաբաթներու ընթացքին, Մայիս 2-3ին ու Մայիս 9-10ին, երեկոյեան ժամը 8ին:
Մուտքը 7.5 տոլար է, իսկ դպրոցին հասցէն [...]

Միջին քաշային կարգի աշխարհի ախոյեան, հայ բռնցքամարտիկ Արթուր Աբրահամի դէմ որեւէ քրէական գործ չէ յարուցուած: Ուստի գերմանական «Bild» թերթով հրատարակուած յօդուածը, որուն համաձայն՝ բռնցքամարտիկին դէմ քրէական գործ յարուցուած է՝ Գերմանիոյ հիւրանոցներէն մէկուն սպասուհին բռնաբարելու յանցանքով, չի համապատասխաներ իրականութեան:
«Զարմացած եմ այդ լուրերի վրայ: Ոչ եղել է, ոչ կայ, ոչ էլ կարող է լինել: Իրականում ոչինչ [...]

Վերջերս Ատրպէյճանի հանրապետութեան արտաքին գործերի նախարարութիւնը, Հայտար Ալիեւի հիմնադրամի աջակցութեամբ, մի գիրք է հրատարակել, որի խորագիրն է «Ատրպէյճանի դէմ պատերազմը. թիրախն է մշակութային աւանդութիւնը»: Գիրքը մաս է կազմում «Ղարաբաղի ճշմարիտ իրողութիւնը» շարքին, որի նպատակն է իրականութիւնը խեղաթիւրելով միջազգային շրջանակներում բարենպաստ մթնոլորտ ստեղծել Արցախի անկախութեան հաստատման դէմ:
Գիրքը տպագրուած է լաւագոյն թղթի վրայ, լաթակազմ է եւ [...]

ՊԱՔՈՒ.- Պաշտօնական Պաքուն բողոք յայտնած է Ամերիկայի Միացեալ Նահանգներու պետական քարտուղարութեան՝ Մայիս 2ին Լոս Անճելըսի Ուիլշըր Իպել (The Wilshire Ebell) թատրոնի մէջ Արցախի ազատագրական պայքարի 20րդ տարեդարձին նուիրուած ձեռնարկի առնչութեամբ: Այս մասին, ինչպէս կը հաղորդէ «Թրէնտ նիուզ» լրատու գործակալութիւնը, յայտնած է Ատրպէյճանի արտաքին գործոց փոխնախարար Արազ Ազիմովը:
Ըստ Ազիմովի, Ատրպէյճանի մօտ ամերիկեան դեսպանատան եւս փոխանցուած [...]

ՊՈՒԷՆՈՍ ԱՅՐԷՍ «Արմենիա».- Արդարութիւն աշխարհի մէջ հիմնարկութիւնը, որ կը պատկանի Դատաւորներու միջազգային միութեան, իր այս տարուան մրցանակը յատկացուց Հայ Դատի բարեկամ՝ արժանթինցի իրաւաբան Լէանտրօ Տէսփուիի, որ ներկայիս կը պաշտօնավարէ ՄԱԿի եւ Արժանթինի կառավարութեան մէջ: Սոյն մրցանակը արդարադատութեան միջազգային մեծագոյն մեծարանքը կը նկատուի։
Դատաւորներու միջազգային միութեան անդամ են աւելի քան 100,000 դատաւորներ, 67 երկիրներէ դատական կազմակերպութիւններ: [...]

ԱՆԹԻԼԻԱՍ.- Երեքշաբթի 22 Ապրիլին, Անթիլիասի կաթողիկոսարան այցելեց Լիբանանի մէջ Միացեալ Նահանգներու դեսպանուհի Միշէլ Սէսըն: Արամ Ա. կաթողիկոս Վեհարանի իր գրասենեակին մէջ ընդունեց ամերիկացի դիւանագիտուհին, որուն առաջին այցելութիւնն էր այս, իր նոր պաշտօնի ստանձնումէն ետք:
Աւելի քան ժամ մը տեւած դռնփակ հանդիպման ընթացքին, կողմերը քննեցին երկրի կացութեան առնչուած հրատապ հարցեր: Վեհափառը անդրադարձաւ կաթողիկոսութեան կառոյցին ու առաքելութեան: [...]

ՊԷՅՐՈՒԹ, «Ռոյթըրզ».- Երեքշաբթի, Ապրիլ 29ին, Արաբական լիկայի աղբիւրները տեղեկացուցին, թէ ընդհանուր քարտուղար Ամր Մուսա Հինգշաբթի օր Լիբանան պիտի վերադառնայ, առաջ մղելու համար Լիբանանի նախագահի ընտրութեան տագնապը լուծելու նպատակով առաջադրուած Արաբական լիկայի նախաձեռնութիւնը:
Մուսա, որ Երեքշաբթի օր հեռաձայնային խորհրդակցութիւններ ունեցաւ Լիբանանի խորհրդարանի նախագահ Նէպիհ Պըրրի հետ, յայտնեց, թէ որոշած է հանդիպումներ ունենալ իշխանամէտ եւ ընդդիմադիր քաղաքական [...]

ՏԻԹՐՈՅԹ, «Ռոյթըրզ».- Ամերիկեան եւ ճափոնական տուեալներու համաձայն, այս տարուան առաջին երեք ամիսներու ընթացքին ճափոնական «Թոյոթա» ընկերութիւնը աշխարհի թիւ մէկ ինքնաշարժի ընկերութենէն՝ ամերիկեան «Ճի.Էմ.»էն աւելի մեծ թիւով ինքնաշարժներ կրցած է ծախել: Յայտնենք, թէ անցեալ տարի «Ճի.Էմ.» չնչին տարբերութեամբ մը առաջնութիւնը խլած էր «Թոյոթա»էն: Այս տարուան առաջին քառորդին, ճափոնական ընկերութիւնը կրցած է 2.41 միլիոն ինքնաշարժներ ծախել, իսկ [...]

Ապրիլ 29ին արտաքին գործերու նախարար Էտուարտ Նալբանդեան հանդիպում ունեցաւ Երեւանի մէջ հաւատարմագրուած դիւանագիտական ներկայացուցչութիւններու ղեկավարներու հետ:
Ընդարձակ ելոյթով Նալբանդեան դիւանագիտական կազմին ներկայացուց Հայաստանի արտաքին քաղաքականութեան առաջնահերթութիւնները եւ մօտեցումները միջազգային քաղաքականութեան շարք մը այժմէական գործընթացներու վերաբերեալ:

Ապրիլ 29ին, Ղարաբաղի նախագահ Բակօ Սահակեանի ներկայութեամբ տեղի ունեցաւ Գերագոյն դատարանի նորանշանակ դատաւոր Գայեանէ Գրիգորեանի երդման արարողութիւնը: Հանդիսութեան ներկայ էին Ազգային ժողովի նախագահ Աշոտ Ղուլեան, հանրապետութեան գլխաւոր դատախազ Արշաւիր Ղարամեան, Գերագոյն դատարանի նախագահ Արարատ Դանիէլեան, պաշտօնատար անձինք եւ լրագրողներ:
Շնորհաւորելով Գայեանէ Գրիգորեանը՝ նախագահ Բակօ Սահակեան նշեց, որ վերջին ժամանակներուն բազմաթիւ անգամներ անդրադարձած են երկրի զարգացման [...]

Հայոց Ցեղասպանութեան 93ամեակին առիթով, Լիբանանի Հայ Դատի Մարմնին կազմակերպութեամբ, Երեքշաբթի, 22 Ապրիլին «Մեթրոփոլիթըն» պանդոկին մէջ տեղի ունեցաւ դասախօսութիւն մը, որուն հիւրն էր Քանատայի մէջ Հայաստանի նախկին դեսպան Արա Պապեան։
Հայ Դատի Մարմնին անունով խօսք առաւ Գօգօ Հաշօլեան, որ ամփոփ գիծերու մէջ անդրադարձաւ Արա Պապեանի կենսագրականին եւ տարած աշխատանքներուն։ Ան յայտնեց, որ օրուան բանախօսը իր ուսումնասիրութիւններուն [...]

ԿԱԶԱ, «Ռոյթըրզ».- Պաղեստինեան «Համաս» շարժումի բարձրաստիճան ներկայացուցիչ մը յայտարարեց, որ իր շարժումը պատրաստ է Կազայի մէջ Իսրայէլի հետ զինադադար հաստատելու։
Սոյն քայլը «Համաս»ի կողմէ զիջում մըն է, որովհետեւ նախապապէս կը պահանջուէր միացեալ զինադադար մը Կազայի ու Արեւմտեան Ափի մէջ: Մինչ այդ, եգիպտացի միջնորդներ կը փորձեն դադրեցնել Կազայի մէջ պաղեստինցի զինեալներու եւ իսրայէլեան բանակին միջեւ բախումները։
[...]

«Հազարամեակի մարտահրաւէր» ծրագրով Հայաստանը արդէն ստացած է շուրջ 16 միլիոն տոլար: Եւս 11 միլիոնի յայտ «Հազարամեակի մարտահրաւէր-Հայաստան»ը արդէն ներկայացուցած է, բայց ամերիկեան ընկերակցութենէն առայժմ արձագանգ չէ ստացուած:
«Հազարամեակի մարտահրաւէր-Հայաստան»ի գործադիր տնօրէն Արա Յովսէփեան Ապրիլ 29ին ըսաւ, որ ստացուած գումարը բաւարար է մինչեւ Մայիս նախանշուած ծրագիրները իրականացնելու համար:
Հարցին, թէ հնարաւոր է, որ գումարին յաջորդ մասնաբաժինը [...]

ԿԼԷՆՏԷՅԼ.- Պրէնտ պողոտայի վրայ կառուցուած «Ամերիքանա» բնակարանային-գործարարական համալիրին բացումը տեղի պիտի ունենայ այս Ուրբաթ, Մայիս 2ին, առաւօտեան ժամը 9ին, յայտարարեց ծրագիրը իրականացուցած ընկերութեան տնօրէն Ռիք Քարուսոն, մամուլին հետ Չորեքշաբթի օր տեղի ունեցած հանդիպումի մը ընթացքին:
Ան մամուլի ներկայացուցիչներուն ծանօթացուց համալիրին մէջ գտնուող բնակարաններուն, խանութներուն, ճաշարաններուն եւ խաղավայրին, ինչպէս նաեւ համալիրին շուրջ դարձող երկաթուղային փոխադրակառքին: Համալիրը [...]

Երեքշաբթի, Մայիս 6ին, «Արարատ» տան Տիկնաց օժանդակ մարմինը «Տէօքմէճեան» սրահին մէջ կազմակերպած է ճաշկերոյթ մը: Ընկերային ժամը պիտի սկսի կ.ա. ժամը 11ին, իսկ ճաշը պիտի հիւրասիրուի կէսօրին: Ճաշկերոյթը պիտի «համեմէ» մրցանակակիր դաշնակահարուհի Անճելա Չոլաքեանը: Մուտքի սակն է՝ 10 տոլար:
Նաեւ, Շաբաթ, Յունիս 21ին, կ.ա. ժամը 11ին, «Արարատ» տան Հովիտի մասնաճիւղը իր 25րդ տարեդարձին առիթով կազմակերպած [...]

Իր կատարումները հոգեհարազատ են։ Արմէն Մովսիսեանին միշտ հաճելի է ունկնդրել, հաճելի է եւ հոգի լիցքաւորող։ Երաժիշտ, մենակատար Արմէն Մովսիսեանի արուեստը, անոր բոլոր ստեղծագործութիւնները ոգի կը ներշնչեն մեզ։ Արմէն գալիք օրերուն Պոսթըն պիտի երթայ՝ ելոյթի։
Արմէնի հետ դարձեալ կը հանդիպինք։

Ըստ Ղարաբաղի կառավարութեան տեղեկատուութիւններուն, Մայիս 1ին Մայր Աթոռ Ս. Էջմիածինէն «Առաջ Հայաստան, առաջ դէպի Աստուած» համահայկական ուխտագնացութիւնը կը սկսի դէպի Արցախ։ 500 հոգիէ բաղկացած ուխտագնացներու խումբը, ըստ ծրագիրին, Շուշի կը հասնի նոյն օրուան երկրորդ կէսին:
Ուխտագնացութեան նախատեսուած ձեռնարկներէն մէկն է ուխտագնացներու հանդիպումը Ղարաբաղի նախագահ Բ. Սահակեանի հետ. այդ հանդիպումը տեղի պիտի ունենայ Մայիս 2ին, ժամը [...]

Նախաձեռնութեամբ Մեծի Տանն Կիլիկիոյ կաթողիկոսութեան «Հասկ» պաշտօնաթերթի խմբագրութեան, Երեքշաբթի, 22 Ապրիլին, Անթիլիասի «Կիլիկիա» թանգարանի «Կիւլպէնկեան» սրահին մէջ տեղի ունեցաւ հանդիպում-զրոյց՝ լիբանանահայ մամլոյ ներկայացուցիչներու եւ «Գալուստ Կիւլպէնկեան» հիմնարկութեան հայկական բաժանմունքի տնօրէն դոկտ. Զաւէն Եկաւեանի միջեւ։
Բարի գալուստի խօսքը արտասանեց «Հասկ»ի խմբագիր Գրիգոր Ծ. վրդ. Չիֆթճեան։ Ան հաստատեց, թէ «Կիւլպէնկեան» հիմնարկութիւնը անցնող 50 տարիներուն ընթացքին հայ իրականութեան [...]

Կամաւորներ կը մաքրեն Ծիծեռնակաբերդի շրջակայքը, որ Ցեղասպանութեան տարելիցի առթիւ հարիւր հազարաւոր այցելուներու պատճառով բնականաբար աղտոտուած էր:

Հիւսիսային Ամերիկայի Արեւմտեան Թեմի ազգայիններէն Տէր եւ Տիկին Յակոբ եւ Մարիլին Արշակունիներ վերջերս ուխտագնացութիւն մը կատարած են դէպի նորվեկիացի գիտնական եւ հայոց բարեկամ Ֆրիտեոֆ Նանսէնի գերեզմանը, Օսլոյի մէջ, եւ անոր կիսանդրին նուիրած են ՆԱՆՍԷՆ հիմնարկին: Ազգային մեր պահանջատիրութեան հետապնդման իմաստով շահեկան իրենց տպաւորութիւններուն տեղ կու տանք Հասկի էջերուն մէջ, իր անգլերէն բնագրէն թարգմանելով յօդուածը, [...]

Կիրակի, Ապրիլ 20ին, առաջնորդ Յովնան արք. Տէրտէրեան Ս. պատարագ մատոյց եւ քարոզեց Ռիվըրսայտի Հայց. առաքելական եկեղեցւոյ մէջ: Ան նաեւ պատարագի ընթացքին դպրութեան աստիճան շնորհեց Նիքլըս Սուլթանեանի, Խաչատուր Զատիկնեանի, Արմինէ Տինկիլեոնի, Գայեանէ Տինկիլեանի եւ Մարիամ Զատիկեանի: Քարոզեց Երեւման Սուրբ Խաչի մասին եւ իր խօսքին մէջ շնորհաւորեց հոգեւոր հովիւը, ծնողները եւ ամբողջ ծուխը, որ կը քաջալերէին երիտասարդներուն [...]

ԵՐԵՒԱՆ, «Արմէնփրէս».- Նախագահ Սերժ Սարգսեան Ապրիլ 28ին ընդունեց Հ.Բ.Ը.Մ.ի նախագահ Պերճ Սեդրակեանը:
Նախագահի մամլոյ գրասենեակէն «Արմէնփրէս»ին տեղեկացուցին, որ Սեդրակեան վստահութիւն յայտնած է, որ նորընտիր նախագահը կը յաջողի Հայաստանը դարձնել հայութեան երազներու երկիրը: Նշելով միութեան պատրաստակամութիւնը՝ իր ներդրումը բերելու այդ գործին մէջ, Պերճ Սեդրակեան ըսած է, որ Հ.Բ.Ը.Մ.ը պիտի աջակցի եւ զօրավիգ կանգնի նախագահին ու անոր [...]

ԵՐԵՒԱՆ, «Լրագիր».- Հայաստանի Հանրապետութեան գլխաւոր դատախազութեան մամուլի ծառայութիւնը կը տեղեկացնէ, որ յարուցած է քրէական գործ՝ ծնողազուրկ երեխաներու համար շուկայական գիներէ բարձր գիներով բնակարան գնելու դէպքի առթիւ, ընկերային ապահովութեան նախարարութեան մէջ բարձրաստիճան պաշտօնեայի մը դէմ:
Հայաստանի Հանրապետութեան կառավարութեան համապատասխան որոշումներով «Առանց ծնողական խնամքի մնացած երեխաներին բնակարան տրամադրելու» համար ՀՀ աշխատանքի եւ ընկերային հարցերու նախարարութեան, «Սոքոլ կրուփ» [...]

Հին օրերուն հայ մամուլի մէջ, գովելի աւանդոյթ դարձած էր ազգային, քաղաքական, մշակութային ու ընկերային հարցերու անդրադարձումին թեր ու դէմ կարծիքներով հանդէս գալ։ Որպէս արդիւնք, ներկայացուող հարցը տարբեր կողմերէն դիտելով ու վերլուծելով անոր հասունացումին նպաստած կ’ըլլար մտաւորականներու շրջանակը։ Եւ դեռ, տարբեր հոսանքներու պատկանող հինգ-վեց գրչակիցներու մասնակցութեամբ կարեւոր այդ հարցին բանավէճի բնոյթ տալու երեւոյթը երբեք թապու չէր [...]

Մարտ 1, 2008ին Երեւանի փողոցներուն մէջ եղբայրասպան ընդհարումներէն ետք, ինծի այնպէս կը թուի թէ համիտեան ջարդերուն, Ատանայի կոտորածներուն, Մեծ Եղեռնի, Լիզպոնի, Սումկայիթի եւ Արցախի բազմահազար նահատակները մեզի հետ կը խօսին եւ մեզ զգաստութեան կը հրաւիրեն…: Անոնք կ’ըսեն.
«Չէր բաւեր թուրքի ու ազերիի ձեռքերով մեզ սպաննելը, հիմա դո՛ւք՝ հայ ազգի փոքրաթիւ զաւակներ, հայու թանկագին արիւն կը [...]

Երուանդ Օտեան (1869-1926)
Ծնած է Պոլսոյ արուարձաններէն՝ Ենի Գափուի մէջ: Գրող, երգիծաբան, հրապարախօս:
1915-ի Մեծ Եղեռնին, թուրքերու կողմէ կը ձերբակալուի ու կ’աքսորուի Տէր Զօր: Հրաշքով կ’ազատի ու 1918-ին կը վերադառնայ Պոլիս ու անմիջապէս կ’ուղղուի «Ժամանակ» օրաթերթի խմբագրատուն: Գրի կ’առնէ աքսորի իր յուշերը, որոնք կը հրատարակուին Երեւան, 2004 թուին, «Անիծեալ Տարիներ» խորագրով:
«Օտեանի գիրքը գուցէ ամենամեծ [...]

Մեր երիտասարդական շրջանի իրադարձութիւնները կը կերպարանաւորեն մեր կեանքի հետագայ ընթացքը: Անոնք երբ կը պատահին նախանշեալ շրջանին՝ կը թուին անկարեւոր ըլլալ, որոշ պարագաներուն՝ մինչեւ իսկ սովորական: Անոնց կարեւորութիւնը կը սկսինք գնահատել այն ատեն միայն, երբ որոշ փորձառութեամբ կ՛օժտուինք:
Ամրան եղանակները, զորս անցուցած եմ հօրենական մեծ հօրս՝ Կարապետին հետ՝ Թորայի մէջ, Լիբանան եւ իմ մայրական մեծ հօրս [...]

Միջին քաշային մարզին մէջ IBF վարկածով աշխարհի ախոյեան, հայազգի բռնցքամարտիկ, Գերմանիոյ քաղաքացի Արթուր Աբրահամի դէմ քրէական գործ յարուցուած է: Բռնցքամարտիկը կը մեղադրուի հիւրանոցներէն մէկուն մէջ սպասուհին բռնաբարելու յանցանքով:
Գերմանական «Bild» թերթին վկայութեամբ՝ իբրեւ տուժող կը ներկայանայ այն հիւրանոցի սպասուհին, ուր իջեւանած էր բռնցքամարտիկը՝ ամերիկացի Էլվին Այալի հետ մրցամարտին պատրաստուելու համար:
Արթուր Աբրահամ կտրականապէս կը հերքէ [...]

Կը ներէք, որ Ապրիլ 24ի մասին գրածներս մասնագիտական կամ բանասիրական ոչինչ ունենան իրենց մէջ, որովհետեւ երբեք չեմ յաւակնած ո՛չ մտաւորական ըլլալ, ոչ ալ բանասէր կամ մասնագէտ: Ուրեմն սրտցաւ հայու դժգոհութիւններս, մտմտուքներս, ցաւերս, որոնք շատ յաճախ տառապանքի կը վերածուին, այսօր բաժնեմ ձեզի հետ, եթէ տասն անգամ ձեր լսածները նորէն լսելու փափաք ունիք տակաւին:
Ապրիլ 24ը սոսկ [...]

Հայաստանեան մամուլի տարբեր ներկայացուցիչներու 22 Ապրիլի համարներուն մէջ տեղ գրաւած Հայաստանի քաղաքագէտներու միութեան վարչութեան յայտարարութիւնը կ՚աւարտի հետեւեալ տողերով. «Մենք պատրաստակամ ենք մեր մասնագիտական կարողութիւններով նպաստել այդպիսի երկխօսութեան ծաւալմանը եւ յորդորում ենք իշխանութիւններին՝ շուտափոյթ ձեւաւորել դրա համար անհրաժեշտ պայմանները»։
«Այդպիսի»ն բացատրուած է յայտարարութեան մէջ։ Իրական, հետեւողական եւ սկզբունքային ընդդիմութիւնն է, որ կրնայ իրականացնել առաջադրուած երկխօսութիւնը եւ [...]