Սիտնի քաղաքին մէջ անծանօթ անձեր յարձակում գործած են վերջերս տեղադրուած ասորիներու ցեղասպանութեան զոհերու յիշատակը յաւերժացնող յուշարձանին դէմ։ Սակայն, յուշարձանին վրայ զետեղուած գրութիւնն ու պատկերը ցոյց կու տան, թէ ատիկա թուրքերուն գործն է։
Թրքական «Ռատիքալ»« օրաթերթը կը հաղորդէ, որ յուշակոթողին վրայ գծած են Թուրքիոյ դրօշակը եւ գրած «ասորի շուներ»։

Իրաքի ընթացաւարտ վարչապետ Նուրի Մալիքի յայտնեց, որ Երեքշաբթի, Օգոստոս 31ին, ամերիկեան ուժերու մարտական առաքելութեան աւարտով վերականգնած է Իրաքի գերիշխանութիւնը, ինչ որ կը նշանակէ, թէ Իրաք, հակառակ քաղաքական անել կացութեան եւ բռնարարքներու շարունակութեան, վերագտած է իր անկախութիւնը:

Պաղեստինեան իշխանութեան նախագահ Մահմուտ Ապպաս Երեքշաբթի, Օգոստոս 31ին յայտնեց, որ այս շաբաթ Ուաշինկթընի մէջ վերսկսկող պաղեստինեւիսրայէլեան ուղղակի բանակցութիւններուն մէջ Ամերիկեան աւելի աշխուժ միջնորդութիւն մը պիտի ուզէ։

Օգոստոս 31ին տեղի ունեցած է նորվեկիացի մեծ մարդասէր, Խաղաղութեան նոպէլեան մրցանակի դափնեկիր, հայ ժողովուրդի բարեկամ Ֆրիտեօֆ Նանսենի 150ամեակի յոբելինական յանձնաժողովին առաջին նիստը, զոր վարած է յանձնաժողովի նախագահ, Հայաստանի փոխվարչապետ, տարածքային կառավարման նախարար Արմէն Գէորգեան:

2008ի մամուլին մէջ տեղ գտած հրապարակումներուն համաձայն, Հայաստանի նախագահ Սերժ Սարգսեանի յայտարարագիրի՝ եկամուտներու ու անոնց գոյացման աղբիւրներու բաժինին մէջ նշուած է, որ 2006ին ան աշխատած է Հայաստանի պաշտպանութեան նախարարութեան մէջ եւ ստացած՝ 3.6 միլիոն դրամ, իսկ այլ եկամուտներ չէ ունեցած:

Հայաստանի Ազգային վիճակագրական ծառայութեան տուեալներուն համաձայն, հիւլէակայանի աշխատանքներուն վերսկսումէն ետք (1995), առաջին անգամ ըլլալով Հայաստանի ելեկտրակայաններուն (ՀԵԿ) արտադրած ուժանիւթին ծաւալը գերազանցած է հիւլէակայանի արտադրանքը: 2010ի առաջին կիսամեակին, Հայաստանի մէջ արտադրուած է 3.7 միլիառ քիլօուաթ/ժամ ելեկտրականութիւն, որուն 1658ը՝ ՀԵԿէն, իսկ 1607ն՝ հիւլէակայանէն:

Հարաւային Քալիֆորնիոյ համաալսարանին (USC) մէջ, Շաբաթ, Սեպտեմբեր 18ին առաւօտեան ժամը 8:30էն սկսեալ մինչեւ կ.ե. ժամը 4:30, ՀՕՄի հարիւրամեայ մարդասիրական աշխատանքներուն նուիրուած գիտաժողով մը տեղի պիտի ունենայ, մասնակցութեամբ Միացեալ Նահանգներու տարածքէն Լոս Անճելըս ժամանած մտաւորականներու եւ «Ֆաքս» կայանի լրագրողներէն Անիթա Վոկըլի ու դատաւոր Հուրի Սենտըրսընի:

ՀՄԸՄ Կլենտէյլի «Արարատ» մասնաճիւղը կը տեղեկացնէ, թէ մասնաճիւղի 12 տարիներու պասքեթպոլի մարզիկ Քրիսթին Քեփենեքեան վերջերս Երեւանի «Հատիս» խումբին հետ գոյացուցած է համաձայնութիւն մը, որուն ստորագրութեան արարողութիւնը տեղի պիտի ունենայ Չորեքշաբթի, Սեպտեմբեր 1ին, երեկոյեան ժամը 8ին, «Արարատ»ի կեդրոնին մէջ (3347 N. San Fernando Road, Los Angeles):
Ան Հայաստան պիտի մեկնի Սեպտեմբեր 7ին, մասնակցելու համար խումբին Սեպտեմբեր 10ին սկսելիք փորձերուն:

Վերջերս Ազգ. առաջնորդարան այցելեցին Լոս Անճելըսի իրանահայ միութեան կեդրոնական վարչութեան ներկայացուցիչները, որոնք յայտնեցին առաջնորդ Մուշեղ արք. Մարտիրոսեանին, թէ միութեան նորակերտ կեդրոնին շինարարական աշխատանքները կը մօտենան իրենց աւարտին, ու հրաւիրեցին, որ առաջնորդ սրբազանն ու Ազգ. վարչութեան անդամներ այցելեն նոր շէնքը։

Թուրքիոյ եւ գրաւուած Արեւմտեան Հայաստանի մէջ ապրող մեր հայրենակիցները հոգեպարար ժամեր պիտի ապրին Վանայ լիճի Աղթամար կղզիին վրայ գտնուող պատմական Սուրբ Խաչ վանքին մէջ թէ շուրջը՝ Սեպտեմբեր 19ին հայերէնով աղօթք ու սուրբ պատարագ ունկնդրելով:

Ուրբաթ, Օգոստոս 27ը իբրեւ յիշատակելի թուական արձանագրուեցաւ Արեւմտեան թեմի ու ազգային վարժարաններու տարեգրութեան մէջ, որովհետեւ այդ օրը տեղի ունեցաւ Ազգ. Մարի Գապայեան նախակրթարանի պաշտօնական բացումն ու անուանակոչութեան հանդիսութիւնը։

Օգոստոսի 31ի լուսաբացին, շուրջ ժամը 06:30ին, ղարաբաղա-ատրպեճանական զօրքերու շփման գօտիի հիւսիս-արեւելեան ուղղութեամբ (Վերին Չայլու գիւղի շրջանին մէջ) գտնուող հայկական դիրքերէն մէկուն դէմ սադրիչ գործողութեան մը ձեռնարկուած է հակառակորդին կողմէ:
Լեռնային Ղարաբաղի հանրապետութեան պաշտպանութեան բանակի մամլոյ ծառայութիւնը

Օգոստոս 31ին, լրագրողներու հետ ունեցած իր հանդիպման ընթացքին, Հայ Յեղափոխական Դաշնակցութեան Հայաստանի Գերագոյն մարմինի ներկայացուցիչ Արմէն Ռուստամեան յայտարարեց, թէ ժամանակն է, որ Հայաստանը ճանչնայ Լեռնային Ղարաբաղի հանրապետութեան անկախութիւնը եւ անոր հետ կնքէ ռազմաքաղաքական դաշինք:

Ուաշինկթընի մօտ Թուրքիոյ դեսպան Նամըք Թան, թրքական «Հապերլար» կայանի մէկ հաղորդումին համաձայն, յայտնած է, թէ Հայաստանի հետ ստորագրուած արձանագրութիւնները տակաւին սեղանի վրայ են եւ թէ Թուրքիան քայլերու կը ձեռնարկէ, որպէսզի Հայաստանի ղեկավարութեան վստահութիւնը շահի:

Հակառակ սահմանադրական արգելքներու վերացման, Ատրպէյճան այս հանգրուանին ծրագիր չունի իր տարածքին մէջ օտար պետութեան մը ռազմակայան տեղակայելու, ըսած է Ատրպէյճանի արտաքին գործոց փոխնախարար Արազ Ազիմով:

Թրքական «Տողան» լրատու գործակալութիւնը կը հաղորդէ, որ գերմանական «Այնզեքսթրա» պատկերասփիւռի կայանը Հայկական Ցեղասպանութեան եւ «Ակօս» շաբաթաթերթի խմբագրապետ Հրանդ Տինքի սպանութեան մասին պատմող վաւերագրական նոր շարժապատկեր մը սփռած է։

Լեռնային Ղարաբաղը (ԼՂ) (պատմական Արցախ նահանգի մի մասը), լինելով պատմական Հայաստանի անբաժանելի մաս, խորհրդային կարգերի հաստատումից յետոյ 1921թ. ՌԿ(բ)Կ Կովբիւրոյի (կովկասեան Բիւրոյի-Խմբ.) Յուլիսի 5ի ապօրինի որոշումով բռնակցուեց Խորհրդային Ադրբեջանին (Ադր. ԽՍՀ): Այնուհետեւ, 1923թ. Յուլիսի 7ին Ադրբեջանի Կենտգործկոմն (կեդրոնական գործադիր կոմիտէ-Խմբ.) ընդունեց հռչակագիր «Լեռնային Ղարաբաղի ինքնավար մարզի կազմաւորման մասին»:

Թրքական «Վաթան» օրաթերթը կը հաղորդէ, որ թուրք դիւանագէտ մը իսրայէլեան «Ետիոթ Ահրոնոթ» օրաթերթին յայտնած է, թէ Պրիւքսելի մէջ, Թուրքիոյ արտաքին գործոց նախարար Ահմետ Տաւութօղլուի եւ Իսրայէլի ճարտարարուեստի նախարար Պենիամին Պեն Էլիազարի միջեւ գաղտնի հանդիպումի մը ընթացքին, Թել Աւիւ «Ազատութեան նաւատորմիղ»ին վրայ յարձակումին համար Թուրքիայէն ներում հայցող նամակ մը յանձնած է։ Թուրք դիւանագէտը յայտնած է, որ Տաւութօղլու եւ Պեն Էլիազար նամակը միասին խմբագրած են։

Թրքական «Անատոլու» լրատու գործակալութիւնը կը հաղորդէ, որ Թուրքիոյ փոխվարչապետ Պիւլենտ Արընչ յայտնած է, թէ Թուրքիոյ կառավարութիւնը կը փափաքի Հէյպելիի յունական դպրեվանքը վերաբանալ, սակայն աւելցուցած է, թէ ներկայիս օրինական արգելքներու պատճառներով գրեթէ անկարելի է նման բան։

Թուրքիոյ զբօսաշրջային Անթալիա շրջանին մէջ տեղի ունեցած պայթումի մը հետեւանքով վիրաւորուած են երկու հոգի: Ըստ «Անատոլու» լրատու գործակալութեան, պայթումը տեղի ունեցած է Անթալիոյ Ալանիա շրջանի Շեքերհանէ թաղամասի ոսկերչական արհեստանոցներէն մէկուն մէջ։

«Ազատութիւն».- Հայաստանի նախագահ Սերժ Սարգսեան Ստեփանակերտի մէջ յայտարարած է, որ Ղարաբաղի հարցով Ատրպէյճանի ներկայացուցած բանաձեւը ՄԱԿի գլխաւոր մարմինին կողմէ ընդունուելու պարագային՝ «Չի կարող էական ազդեցութիւն ունենալ Արցախի եւ

Օգոստոս 30ին կայացած ասուլիսի մը ընթացքին, Արցախի հնագիտական արշաւախումբի ղեկավար, պատմական գիտութիւններու դոկտոր Համլէթ Պետրոսեան յայտնած է, թէ Տիգրանակերտի տարածքին իրականացած պեղումներուն ընթացքին յայտնաբերուած են Իրլանտական յայտնի «բարձր խաչեր»ու նախօրինակներ:

Այս տարի Հայաստանի դպրոցներուն առաջին դասարանի աշակերտներուն ընդհանուր թիւը կը հասնի 37,039ի, որ ըստ կրթութեան եւ գիտութեան նախարար Արմէն Աշոտեանի, սարսափելի թիւ է:
«Վերջին 20 տարուան ընթացքում մեր վիճակագրութիւնը վկայում է

1976 թիւին, Սեպտեմբեր ամսուան մէջ Կիրակի օր մը, 36 հոգիներէ բաղկացած խումբ մը հայրենասէր եւ շինարար երիտասարդ պոլսահայեր, հանդիպում մը ունեցան East Los Angeles-ի

Չորեքշաբթի, Օգոստոս 25ին, Լիբանանի խորհրդարանի նախագահ Նեպիհ Պըրրիի ներկայացուցիչները այցելեցին Պիքֆայայի Ս. Աստուածածին վանքը, ուր հանդիպում ունեցան Արամ Ա. կաթողիկոսի հետ: Վեհափառին եւ խորհրդարանի նախագահի ներկայացուցիչներուն միջե

ՀՀ սփիւռքի նախարար Հրանոյշ Յակոբեան, Օգոստոս 26ին ընդունած է Միլանի հայ համայնքի գործօն անդամ Սարօ Խուդաւերդին ու անոր կինը՝ Սիրան Պորանեան:

Եգիպտոսի ՀԲԸՄի Շրջանակային յանձնաժողովի ատենապետ Պերճ Թէրզեան Երեւանի մէջ, անցեալ Յուլիս 7ին յանձնած է «Արեւ» օրաթերթի հաւաքածոյի թուայնացուած տարբերակ մը Երեւանի Ազգային Գրադարանին:

Հայ Յեղափոխական Դաշնակցութեան Արեւմտեան Ամերիկայի կազմակերպութիւնը գումարեց իր հերթական շրջանային ժողովը, կատարեց իր անցեալ երկամեայի գործունէութեան գնահատականը եւ մշակեց յառաջիկայ երկու տարիներու իր աշխատանքային ծրագիրը, որուն գործադրութիւնը վստահեցաւ իր նոր ընտրած Կեդրոնական կոմիտէի կազմին:

Այս տարի լրանում է Հայ Յեղափոխական Դաշնակցութեան հիմնադրման 120ամեակը: Ուրախութեամբ յայտնում ենք, որ այդ առիթով ՀՅԴ Արեւմտեան Ամերիկայի կեդրոնական կոմիտէի հանրային կապի յանձնախումբը հրատարակել է չորս տեսակի յիշատակի նամականիշներ, որոնք հաստատուած են երկրի նամակատան հաստատութեան՝ US Post Office-ի կողմից

Սեպտեմբեր 2ին, Երեւանի «Դինամօ» մարզասրահին մէջ Հայ Յեղափոխական Դաշնակցութեան կազմակերպութեամբ տեղի պիտի ունենայ ժողովրդային հանդիպում-տօնախմբութիւն՝ նուիրուած Արցախի անկախութեան օրուան:

«Արմէնիա».- Չորեքշաբթի, 25 Օգոստոսին, ՀՅԴ Հարաւային Ամերիկայի Հայ Դատի յանձնախումբի պատուիրակութիւն մը հանդիպեցաւ Արժանթինի արտաքին գործոց նախարար Էքթոր Թիմերմանի հետ։ Պատուիրակութեան մաս կազմեցին ՀՅԴ Բիւրոյի անդամ Մարիօ Նալպանտեան,

Թրքական «Զաման» օրաթերթը կը հաղորդէ, որ Իրանի փոխնախագահ Համիտ Պաղայի, Կիրակի, Օգոստոս 29ին անձամբ բացատրութիւն տուած է այն տեղեկութեան մասին, թէ՝ ան յայտարարած էր որ 1915ին Օսմանեան կայսրութիւնը ցեղասպանութիւն կատարած է հայերու դէմ։
Այս նիւթին գծով կազմակերպուած մամլոյ ասուլիսի մը ընթացքին, Իրանի փոխնախագահը հերքած է Հայկական Ցեղասպանութեան առնչութեամբ որոշ լրատուամիջոցներու տարածած եւ իրեն վերագրուած խօսքերը՝ պահանջելով սրբագրել «սխալ» տեղեկութիւնը։

Հրանդ Տինքի ընտանիքի փաստաբաններէն Քեզպան Հաթեմի կը յայտնէ, թէ Տինքի ընտանիքը կը պահանջէ արդարութեան հաստատումը եւ հետաքրքրուած չէ կառավարութեան հետ համաձայնութիւն մը գոյացնելու կամ «բարեկամական» լուծում մը գտնելու՝ Տինքը յանցաւոր գտած թրքական ատեանի վճիռին հարցով:

Քրեմլինի մամլոյ ծառայութեան տուեալներուն համաձայն, Սեպտեմբեր 2-3ի միջեւ Ռուսիոյ Դաշնութեան նախագահ Տմիթրի Մետվետեւ պաշտօնական այցելութեամբ պիտի մեկնի Պաքու: Յատկանշական է, որ Ռուսիոյ նախագահին այցը Պաքու տեղի կ՛ունենայ Լեռնային Ղարաբաղի անկախութեան տարեդարձին օրը՝ Սեպտեմբեր 2ին:

Աթէնքի արուարձաններէն Մալաքասայի Terra Vibe համերգներու սրահէն ներս, Երեքշաբթի 17 Օգոստոսին ելոյթ ունեցաւ հայազգի ռոք երաժիշտ Սերժ Թանքեանը, որ հմայեց հայ եւ յոյն իր երկրպագուները: Նոյն օրը Սերժ Թանքեան հարցազրոյց մը շնորհեց «Ազատ Օր»ին: Հարցազրոյցը վարեց Լոռի Պարազեան:

Զօրավար Անդրանիկի սխրագործութիւններուն ու հերոսական կեանքին մասին, արդարօրէն բաւարար մելան հոսած է ու շատ մը գիրքեր գրուած են, պանծացնելով մեր ազգային հերոսին կեանքն ու գործունէութիւնը: Այսօր զօրավար Անդրանիկի հերոսական դրուագներուն ու վրիժառու բազուկներուն մասին չէ որ պիտի անդրադառնանք, այլ մահուան վայրին, իր մականունին ու այժմու նոր դրութեան մասին:

Հայաստանի արդարադատութեան նախարարութեան քաղաքացիական կացութեան որոշումներու արձանագրութեան գործակալութեան եւ արտաքին գործոց նախարարութեան հիւպատոսական վարչութեան նախաձեռնութեամբ Հինգշաբթի օր, արտաքին գործոց նախարարութեան մէջ կայացաւ աշխատանքային քննարկում՝ նուիրուած օտարերկրացիներու կողմէ Հայաստանէն երեխաներ որդեգրելու հարցերուն:

Գիտութեան եւ առաջատար արհեստագիտութեան ազգային հիմնադրամի (ԳԱՏԱՀ) ջանքերով ստորագրուած է եռակողմ «Մտադրութիւններու յուշագիր»՝ ԳԱՏԱՀի, «ԱՐԵՆԱ» (Armenian Research-Education Networking Association) հիմնադրամի եւ «Elsevier BV» հրատարակչական ընկերութեան միջեւ, որ, միաւորելով 13 գիտական հանրայայտ հրատարակչութիւններ, կը հանդիսանայ գիտական եւ առողջապահական տեղեկատուութեան ամէնէն յայտնի աղբիւրը՝ համաաշխարհային չափանիշերով (www.elsevier.com):

Հայաստանի արտաքին գործոց նախարարութիւնը կը տեղեկացնէ, որ Պուլկարիոյ մէջ դեսպան Սերգէյ Մանասարեան, նախագահ Սերժ Սարգսեանի հրամանագրով ազատուած է իր պաշտօնէն:
Դեսպան Մանասարեան նախագահի այլ հրամանագրով նշանակուած է Հայաստանի արտաքին գործոց նախարարի տեղակալ:

«Եւրասիա համագործակցութիւն» հիմնադրամը՝ Պոլսոյ «Կլոպալ Քաղաքական Միտումներ» կեդրոնի հետ միասին եւ ԱՄՆ Միջազգային զարգացման գործակալութեան յատկացուցած միջոցներով, կազմակերպած է Հայաստանի եւ Թուրքիոյ արդի մշակութային

Սիրելի մուսալեռցի հայրենակիցներ,
Անցեալ տարի, «Ասպարէզ» թերթի Օգոստոսի վերջին օրերու թիւերէն մէկուն մէջ ներկայացուցինք Ալեքսանդրէթ Սանճաքի 30-40 հազար հայ եւ արաբ քրիստոնեաներուն 1939ի գաղթը, դէպի Լիբանան եւ Սուրիա, որոնց մէջ էին նաեւ Մուսա լերան վեց գիւղերու բնակչութիւնը, որ վերջնականապէս կայք կը հաստատէ ասպնջական Լիբանանի Պէքաա դաշտին մէջ, պատմական Խալքիս կոչուած աւերակներուն մօտ եւ գրութեան վերջաւորութեան ալ, տուած էինք մուսալեռցիներու թուական պատկերը:

Չորեքշաբթի, Օգոստոս 18ին, Փասատինայի Հայ Կեդրոնին մէջ, աւելի քան 100 հոգիի ներկայութեամբ, հանդիպուիմ մը տեղի ունեցաւ քաղաքի նոր ոստիկանապետ Ֆիլիփ Սանչեզի հետ:
Փասատինայի Հայ Դատի յանձնախումբին կազմակերպած սոյն հաւաքը քաղաքին հայութեան համար առիթ մը եղաւ ծանօթանալու նոր ոստիկանապետին:

Հայ Օգնութեան Միութեան երկրորդ նաւապտոյտը Ամսթերտամ քաղաքէն ճամբայ ելաւ Օգոստոս 22, 2010ին։ 357 ճամբորդներ կը մասնակցին նաւապտոյտին, որ պիտի այցելէ Գերմանիա, Շուէտ, Ֆինլանտա, Ռուսիոյ Ս. Փեթերսպուրկ քաղաքը, Դանիա եւ Էսթոնիա։

Քալիֆորնիոյ հայ գրողներու միութեան յաջորդ գրական հանդիպումը պիտի կայանայ Կլենտէյլի Հանրային գրադարանին մէջ (222 East Harvard St, Glendale CA 91205), Հինգշաբթի, Սեպտեմբեր 2ին, երեկոյեան ժամը 5էն 8ը:

Կլենտէյլի Հայ Դատի յանձնախումբը կը տեղեկացնէ, թէ իր տարեկան ճաշկրոյթին ընթացքին, «Ղեկավարման մրցանակը» պիտի շնորհուի նախկին քաղաքապետ Լերի Զարեանին, իսկ «Կլենտէյլի Հայ Դատի յանձնախումբի բարեկամ» մրցանակը պիտի շնորհուի «Favorite Place» ճաշարանին սեփականատէր Ալիսա Ասմարեանին:

«HarperCollins» հրատարակչատունը կը տեղեկացնէ, թէ Կարին Յովհաննէսեանի հեղինակած յուշագրութիւնը՝ «Family of Shadows: A Century of Murder, Memory, and the Armenian American Dream» լոյս պիտի տեսնէ Սեպտեմբեր 21ին:

«Շամլեան» Ազգային վարժարանը հետամուտ լինելով արհեստագիտական բարձրակարգ հնարաւորութիւններով դպրոցն օժտելու իր յանձնառութեանը, ուրախութեամբ տեղեկացնում է, որ շուտով վարժարանում հաստատուելու են համակարգչային երկու աշխատակենտրոններ՝

Լուսանկարիչ Սարա Անճարկոլեանի «How We Live»ը հատորը Ուրբաթ, Սեպտեմբեր 3ին, երեկոյեան ժամը 8էն սկսեալ պիտի ներկայացուի «Ապրիլ» գրատան մէջ, որու ընթացքին ելոյթ պիտի ունենայ Նարինէ Միրզայեան եւ պիտի ցուցադրուի հատորին մասին Քարլօ Ղարաբեկեանի պատրաստած վաւերագրական շարժապատկերը:

Անուանի գեղանկարիչ Վլադիմիր Աթանեանի ծննդեան 70ամեակի եւ՝ ստեղծագործական 50ամեակի առիթներով, Կիրակի, Սեպտեմբեր 26ին, երեկոյեան ժամի 7:30ին,

Քուէյթի Հայկական վարժարանը այս տարի կը բոլորէ իր կեանքի առաջին կէս դարը։ Ոսկեայ յոբելեանին առիթով, Քուէյթի մէջ թէ այլուր, նախատեսուած են տօնախմբութիւններ ու հանդիսութիւններ։ Վարժարանի նախկին սաներէն ու բարեկամներէն մեր ափերը բնակութիւն հաստատած հայորդիներ կազմած են 50ամեակի յանձնախումբ մը, որպէսզի իբրեւ երախտագիտութեան արտայայտութիւն՝

Կազմակերպութեամբ Համազգայինի Փասատինայի «Շահան Շահնուր» մասնաճիւղի եւ համագործակցաբար հանգուցեալ Յարութիւն Գաբրիէլեանի ընտանիքին, մտերմիկ շրջապատով մը, Փետրուար 21, 2010ին նշուեցաւ մահուան տասնամեակը Համազգայնական ըկերոջ մը, որ իր կեանքին մինչեւ վերջին պահը, նուիրած էր հայ բեմին։

Երեքշաբթի, Օգոստոս 17ի երեկոյեան, ՀՅԴ Պատանեկան Միութեան մեծ եւ միջակ տարիքի պատանիները առաջնորդուեցան բանակավայրին մօտ գտնուող Terra Vibe համերգներու յատկացուած վայրը, հանդիպում մը ունենալու ռոք երաժշտութեան մեկնաբան հայազգի Սերժ Թանքեանի հետ, նոյն օր կազմակերպուող իր համերգէն առաջ:

Մոսկուայի Փուշկինի անուան թանգարանին մէջ, Սեպտեմբեր 13ին պիտի ցուցադրուին հայ եւ ռուս աշխարհահռչակ նկարիչներու մօտ 120 կտաւներ:

Մինչեւ իր կեանքին վերջին պահերը ինքզինք ամբողջովին հայ գրականութեան եւ ստեղծագործութեան աշխարհին նուիրած, ապագայ սերունդներուն համար ներշնչման ուրոյն աղբիւր հանդիսացող արձակագիր, բանաստեղծ, հրապարակագիր, քննադատ Եդուարդ Պոյաճեան՝

Հասարակութեան մէջ լայն աղմուկ հանած երկու դատեր, որոնց մէջ ոստիկաններ, կասկածի տակ կ՛առնուին եւ կը մեղադրուին իրենց իրաւասութիւններէն շատ անդին անցնելով ոճիր գործած ըլլալու յանցանքով, շրջադարձ արձանագրած կը թուին ըլլալ:

63 տարեկանին կեանքէն հեռացաւ նշանաւոր բեմանկարիչ, Հայաստանի մշակոյթի գործիչ, մանկավարժ, Հայաստանի նկարիչներու եւ թատերական գործիչներու միութեան անդամ Գրիշա Սահակեանը:

Իրենց ուսուցիչներուն մասին միշտ յարգանքով կ՛արտայայտուին մարդիկ: Նոյնիսկ երբ ունեցած ըլլան այնպիսի ուսուցիչներ, որոնք համեստ կարողութիւն ունենալով չեն կրցած մեծ ուսում ջամբել իրենց, դարձեալ, երբ անոնց մասին խօսին, քաղցր յուշերով կը յիշեն զանոնք, միշտ նկատի ունենալով ժամանակի պայմանները եւ ուսման անցեալի մակարդակը:

Ըստ «Ուիքիլիքզ» համացանցային կայքին հրապարակած «Սի.Այ.Էյ.»ի գաղտնի վերլուծականի մը, Միացեալ Նահանգները «ահաբեկչութիւն արտածող» երկիր եղած է։

Իսրայէլացի զբօսաշրջիկներ, որոնք ամէն տարի Թուրքիոյ հանգստավայրերու եւ ծովափներու վրայ կ՛անցընէին իրենց ամառնային հանգիստը, այս տարի կը խուսափին Թուրքիա այցելելէ։
Յունիս 2010ի տուեալներուն համաձայն, Թուրքիա այցելած են միայն 2600 իսրայէլացիներ, մինչդեռ անցեալ տարի այդ թիւը 27 հազարի կը հասնէր։

Ռուսիոյ մօտ Թուրքիոյ նոր նշանակուած դեսպան Այտըն Սեզկին Մոսկուայի մէջ հաւատարմագրուած թրքական լրատուական գործակալութեանց ներկայացուցիչներուն հետ Ուրբաթ, Օգոստոս 27ին ունեցած հանդիպումի ընթացքին յայտարարած է, որ Թուրքիա եւ Ռուսիա «յառաջ կ՛ընթանան ռազմավարական համագործակցութեան ուղղութեամբ»:

Շատեր կը մերժեն հոգեբանի մը այցելելու գաղափարը եւ կը նախընտրեն անձամբ լուծել իրենց հարցերը. անշուշտ խօսքը կը վերաբերի հոգեբանական լուրջ հարցերու։

Ռուբինա Փիրումեան. Կալիֆոռնիայի համալսարանի գիտաշխատող, ցեղասպանագէտ. Հայաստանի կրթական 4րդ խորհրդաժողովին մասնակցում է որպէս Արեւմտեան Ամերիկայի ազգային դպրոցների խնամակալ մամնի ներկայացուցիչ:

www.MassisART.com E-mail: MA@MassisArt.com

Հայ Յեղափոխական Դաշնակցութեան Արեւմտեան Ամերիկայի 46րդ Շրջանային Ժողովը գումարուեցաւ 19-–22 Օգոստոս 2010ին, Մոնթեպելլոյի Հայ Կեդրոնին մէջ։

Հայ Օգնութեան Միութեան ներկայացուցիչներ՝ Սուզի Սարաֆեան, Լուսի Բամբալեան, եւ Գարոլին Քըվըրեան պիտի միանան աւելի քան 2000 համաշխարհային ընկերային հասարակութեան ջատագով գործիչներու՝ ՄԱԿի Հանրային Տեղեկութեանց բաժնմունքի Ոչ-Կառավարական Կազմակերպութիւններու տարեկան 63րդ խորհրդաժողովին,

Յայտնի «ռոք» երգիչ, System of a Down խումբի մեներգող Սերժ Թանքեան, Օգոստոս 24ին համերգ տուած է Համպուրկի «Մեծ Ազատութիւն» անունը կրող համերգասրահին մէջ: Սոյն համերգասրահը կը գտնուի այն թաղամասի տարածքին, ուր իրենց արուեստի ասպարէզը սկսած են «Տը Պիթըլզ» աշխարհահռչակ խումբի լիվըրփուլցի երիտասարդները: Այստեղ նաեւ ելոյթներ ունեցած են 1960ականներու սկիզբին «ռոք»ը հիմնադրած ուրիշ աստղեր:

Արեւմտեան Ամերիկայի Հայ Դատի յանձնախումբը կը տեղեկացնէ, թէ Հոկտեմբեր 24ին կայանալիք իր տարեկան ձեռնարկին ընթացքին, որոշած է փրոֆ. Ռիչըրտ Յովհաննէսեանին յանձնել կազմակերպութեան Ամբողջ կեանքի մը իրագործումներու մրցանակը (Lifetime Achievment Award):
Այս մրցանակը, որ Արեւմտեան Ամերիկայի Հայ Դատի յանձնախումբին բարձրագոյն մրցանակներէն մէկն է, երկարամեայ դասախօսին ու մտաւորականին կը յանձնուի՝ հայոց պատմութիւն, մշակոյթ ու հայութեան ներկայ իրավիճակին մասին անոր դասաւանդումներուն, ուսումնասիրութեանց, գրութիւններուն եւ աշխարհի տարածքին անոր տուած դասախօսութիւններուն համար:

Մեծի Տանն Կիլիկիոյ կաթողիկոսութեան տեղեկատուական բաժանմունքը կը հաղորդէ, թէ Թուրքիոյ ուրացման ու ժխտումի հետեւողական քաղաքականութեան եւ հայ կեանքէն ներս շփոթ ստեղծելու եւ միջազգային համայնքին՝ իբրեւ մարդկային իրաւանց պաշտպան ներկայանալու Թուրքիոյ փորձերուն դէմ յստակ կեցուածք մը որդեգրելով, Մեծի Տանն Կիլիկիոյ կաթողիկոսութիւնը կը մերժէ՛ մասնակցիլ Աղթամարի Ս. Խաչ եկեղեցւոյ պաշտօնական բացման հանդիսութեան:

Թրքական «Անատոլու» լրատու գործակալութիւնը կը հաղորդէ, որ Թուրքիա ամերիկեան վարչակազմի օժանդակութիւնը խնդրած է, մեղմացնելու համար Միացեալ Նահանգներու մէջ Թուրքիոյ հանդէպ անհասկացողութիւնը։ Թուրքիոյ արտաքին գործոց փոխնախարար Ֆերիտուն Սինիրլիօղլու

Սերպիոյ «Տանաշ» թերթը կը գրէ, թէ Սերպիա կ՛ակնկալէ, որ շարք մը երկիրներ՝ յատկապէս իսլամական, Սեպտեմբեր 9ին կայանալիք ՄԱԿի ընդհանուր ժողովի նստաշրջանի ընթացքին պաշտպանեն Քոսովոյի մասին բանաձեւին նկատմամաբ Սերպիոյ դիրքը, նկատի ունենալով, որ Ատրպէյճան նոյնիմաստ բանաձեւ մը ներկայացուցած է Լեռնային Ղարաբաղի անկախութեան հարցով:

Քիւրտիստանի բանուորական կուսակցութեան հետ բախումներու ընթացքին սպաննուած թուրք զինուորներու հինգ ընտանիքներ յայտարարած են, թէ Թուրքիոյ բանակի սպայակոյտի դէմ դատ բանալէ ետք, անյայտ անձերու կողմէ սպառնալիքներ ստացած են։

Oգոստոս 24ին, Երեւանի մէջ սկսած են հայ-ամերիկեան ռազմաբժշկական փորձերը, որ ըստ ՀՀ պաշտպանութեան նախարարութեան մամլոյ ծառայութեան՝ նպատակ ունին բացայայտել եւ կիրառել ԱՄՆ կողմէ ՀՀ զինուած ուժերուն տրամադրուած «expedition» բժշկական արագ արձագանգման դաշտային հիւանդանոցային համակարգը:

ՀՀ առողջապահութեան նախարարութեան մօր եւ մանկան բաժiնի մանկաբարձ Լիլեա Գարիւնովա յայտնած է, թէ ընթացիկ տարուան առաջին եօթ ամիսներուն ծնած է 24,792 երեխայ, որոնց 11,742ը՝ Երեւանի մէջ: Ըստ անոր՝ նախորդ տարուան նոյն ժամանակահատուածին համեմատ՝ հանրապետութեան մէջ ծնունդներուն թիւը աճած է 1049ով:

Օգոստոս 18-22ի միջեւ, Դիլիջանի մէջ տեղի ունեցաւ ՀՅԴ Հայաստանի երիտասարդական միութեան ամենամեայ համահայաստանեան բանակումը, որուն կը մասնակցէին Հայաստանի բոլոր մարզերէն եւ Երեւանէն երկու հարիւր երիտասարդ

Նախօրօք ճշդուած ժամադրութեամբ մը, առաջնորդ Մուշեղ արք. Մարտիրոսեան Հինգշաբթի, Օգոստոս 19ի յետմիջօրէին այցելեց Լոս Անճելըսի Արդի արուեստներու թանգարանը, ուր տեղի կ՛ունենայ աշխարահահռչակ գեղանկարիչ Արշիլ Կորքիի (Ոստանիկ Ատոյեան) գործերու ցուցահանդէսը

Հանրային վարժարաններու ոչ շահութաբեր «Facing History and Ourselves» կազմակերպութիւնը յաճախ կը կազմակերպէ յատուկ աշխատանքային դասընթացքներ, նպատակ ունենալով տարբեր ծագումով աշակերտներու փոխանցել գիտելիքներ, զիրար աւելի լաւ հասկնալու եւ հանդուրժելու համար, որպէսզի անոնք ապագային ըլլան աւելի գիտակից անհատներ եւ քաղաքացիներ։

Արեւմտեան Անմերիկայի Հայ Դատի յանձնախումբի ներկայացւցիչները, ընկերակցութեամբ Ուաշինկթըն նահանգի Հայ Դատի յանձնախումբին ներկայացուցիչներուն, անցեալ շաբթուան ընթացքին շարք մը հանդիպումներ ունեցած են նահանգին քոնկրեսականներուն հետ, անոնց փոխանցելով ամերիկհայութիւնը մտահոգող հարցերն ու ամերիկահայութեան ակնկալիքները:

Շաբաթ, Օգոստոս 14ին, «Հայաստան» մանկապարտէզը կազմակերպած էր հանդիսութիւն մը՝ «Ճանաչիր Քո Հայրենիքը» խորագրով:

Երկուշաբթի, Օգոստոս 23ի կէսօրին, ՀՅԴ Լիբանանի Կեդրոնական կոմիտէին ճաշի հիւրն էր Լեռնային Ղարաբաղի Հանրապետութեան նախագահ Բակօ Սահակեան։ Ճաշին ներկայ էին Հայաստանի արտակարգ եւ լիազօր դեսպան Աշոտ Քոչարեան,

Հայաստանում ռուսական ռազմակայանի տեղակայման ժամկէտի երկարաձգումը իշխանութեան գործիչներն արդարացնում են ԼՂում ռազմական գործողութիւնների հնարաւոր վերսկսման դէպքում անվտանգութեան ապահովման խնդիրներով:

Հայաստան-Ռուսիա ռազմական համագործակցութեան պայմանագիրի երկարաձգման համաձայնութիւնը հասկնալիօրէն պիտի մտահոգէր Ատրպէյճանի իշխանական շրջանակները:

Միացեալ Նահանգներ քանի մը օրուան ուշացումով անդրադարձած է Գիւմրիի մէջ տեղակայուած ռուսական ռազմակայանի ժամկէտի երկարաձգման շուրջ Հայաստան-Ռուսիա համաձայնագիրի ստորագրութեան։ Արդարեւ, Միացեալ Նահանգներու

Պարսկական «Իրնա» լրատու գործակալութիւնը կը հաղորդէ, որ Իրանի փոխնախագահ եւ Իրանի մշակոյթի ժառանգութեան, ձեռարուեստի եւ զբօսաշրջութեան կազմակերպութեան նախագահ Համիտ Պաղայի, «Իրան. Յաղթանակի կամուրջ» համաժողովի ընթացքին յայտարարած է,

«Ազատութիւն» կայանի թղթակից Ռուզաննա Ստեփանեան կը հաղոդրէ, որ Սեպտեմբեր 9ին, Ատրպէյճան ՄԱԿի Գլխաւոր Ժողովի 64րդ նստաշրջանի օրակարգի հարց պիտի դարձնէ «գրաւեալ տարածքներու վրայ մարդու իրաւունքներու ոլորտէն ներս միջազգային մարդասիրական իրաւունքի եւ միջազգային չափորոշիչներու պահպանումը» վերնագրով բանաձեւի նախագիծը:

Հրանդ Տինքի սպանութեան հարցի դատավարութեան փաստաբան Ֆեթհիյէ Չեթին, անդրադառնալով Մարդկային իրաւունքներու եւրոպական ատեանի կողմէ Թուրքիոյ դատապարտումին, ըսաւ, որ «բարեկամական լուծում» առաջարկին ժամանակը անցած է եւ այս կէտէն ետք անընդունելի պիտի ըլլայ, կառավարութեան կողմէ նման առաջարկ մը:

Թուրքիոյ արտաքին գործոց նախարար Ահմետ Տաւութօղլու Գոնիա նահանգի Տողանհիսարի շրջան կատարած այցելութեան ընթացքին յայտարարած է, որ Հայաստանի հետ սահմանը նոյնիսկ ժամանակաւորապէս պիտի չբացուի:

Վերջին տարիներուն ամերիկահայերը շարք մը հայցեր ներկայացուցին Միացեալ Նահանգներու դատարաններուն մէջ ընդդէմ՝ ապահովագրական ընկերութիւններու, դրամատուներու եւ Թուրքիոյ Հանրապետութեան՝ փոխհատուցում պահանջելով 1915ի Հայոց Ցեղասպանութեան հետեւանքով առաջացած կորուստներու դիմաց:

Թուրքիոյ նախագահ Ապտիւլլա Կիւլ Չորեքշաբթի, Օգոսստոս 25ին յայտնեց, որ ահաբեկչութեան կարելի է դէմ դնել Թուրքիոյ բոլոր ներուժը օգտագործելով եւ ոչ թէ միայն զէնքերով։ Թուրքիոյ ընդդիմադիր կուսակցութիւններ կը պնդեն, թէ Անգարա Քիւրտիստանի

Պաշտօնատարներ յայտնեցին, որ Իրաքի ապահովական ուժերու դէմ Չորեքշաբթի, Օգոստոս 25ին տեղի ունեցած յարձակումներու շարք մը առնուազն 50 զոհ պատճառած է։ Զոհերէն 27ը ոստիկաններ են:

Թրքական «Տողան» լրատու գործակալութիւնը կը հաղորդէ, որ Իրանէն Թուրքիա բնական կազի մատակարարում ապահովող կազատարին վրայ Երեքշաբթիէն Չորեքշաբթի լուսցող գիշերուան ընթացքին պայթում մը տեղի ունեցած է։

ԼՂՀ վարչապետ Արա Յարութիւնեան, Օգոստոս 24ին, խորհրդակցութեան հրաւիրած է շրջաններու վարչակազմերուն ղեկավարները, որոնց հետ քննարկուած են վերջերս ԼՂՀ անվտանգութեան խորհուրդի նիստին արծարծուած՝ աշնանացանի կազմակերպման եւ հող օգտագործողներու պարտաւորութիւններուն հարցերը: Խորհրդակցութեան ընթացքին յայտարարուած է, որ պետութեան հանդէպ հող օգտագործողներուն պարտաւորութիւնները կը յետաձգուին 3 տարիով՝ հաւասարաչափ վճարման սկզբունքով:

Ազգային վիճակագրական ծառայութեան տուեալներով, 2010ի առաջին կիսամեակին Հայաստան ժամանած է աւելի քան 230 հազար զբօսաշրջիկ, անցեալ ամբողջ տարուան 207 հազարին դիմաց: Մասնագէտները, սակայն, ոլորտին մէջ բազմաթիւ խնդիրներ կը տեսնեն: a

Հայաստանի մէջ 2011ի գարնան պիտի կայանայ նուիրատու կազմակերպութիւններու միջազգային համաժողով մը, որուն նպատակն է միջոցներ հայթայթել փախստական ընտանիքներու բնակարանային ապահովման ծրագիրը շարունակելու համար: Ըստ ՀՀ տարածքային կառավարման նախարարութեան Արտագաղթի պետական ծառայութեան աշխատակազմի ղեկավար Դաւիթ Յակոբեանի՝ տակաւին չլուծուած կը մնայ 1216 փախստական ընտանիքներու բնակարանային հարցը։ Անոնց 316ը կը բնակին մարզերու մէջ, իսկ մնացեալը՝ Երեւանի:

Օգոստոս 25ին կայացած ասուլիսի մը ընթացքին՝ թատերագիր եւ հրապարակախօս Կարինէ Խոդիկեան յայտնած է, թէ ան չի պատրաստուիր մասնակցելու Աղթամարի Սուրբ Խաչ եկեղեցւոյ մատուցուելիք պատարագին։ Ան ըսած է, թէ ինք 180 տարուան կռիւ ունի թուրքերուն հետ, քանի որ իր նախնիները գաղթած են Կարինէն:

Լոս Անճելըսի Իրանահայ միութեան վարչութեան ներկայացուցիչները Ազգ. առաջնորդարան այցելեցին Երեքշաբթի, Օգոստոս 17ի երեկոյեան, ծանօթացման հանդիպում մը ունենալու համար առաջնորդ Մուշեղ արք. Մարտիրոսեանի հետ։ Պատուիրակութիւնը կը գլխաւորէր վարչութեան ատենապետուհին՝

ՀՀ առեւտրաարդիւնաբերական պալատի (ՀՀ ԱԱՊ) նախագահ Մարտին Սարգսեանի, եւ Կլենտէյլ քաղաքի «Մաշտոց» քոլէճի տնօրէն Կարպիս Տէր Եղեայեանի միջեւ, Օգոստոս 24ին, ստորագրուած է համագործակցութեան մասին յուշագիր մը:

Առաջնորդ Մուշեղ արք. Մարտիրոսեանի տնօրինումով, Կիրակի, Օգոստոս 29ին, Արեւմտեան թեմի բոլոր եկեղեցիներուն մէջ, յաւարտ Ս. պատարագի, հոգեհանգստեան յատուկ պաշտօն պիտի կատարուի լուսահոգի Սմբատ արք. Լափաճեանի յիշատակին, վախճանման քառասունքին առիթով։

Օրենճ Քաունթիի Հայ Դատի յանձնախումբի ատենապետ Արմէն Կարապետեան վերջերս հանդիպում մը ունեցած է քոնկրեսական Էտ Ռոյսի հետ, քննելու համար ամերիկահայութիւնը յուզող շարք մը հարցեր:

Հայաստանի ճարտարապետներու միութեան Ամերիկայի մասնաճիւղը կազմակերպած է հրապարակային դասախօսութիւն մը՝ «Հայ-բիւզանդական եւ հայ-իտալական ճարտարապետական առնչութիւններ» նիւթով: Ձեռնարկը տեղի պիտի ունենայ Ուրբաթ, Օգոստոս 27ին, երեկոյեան ժամը 7ին, Կլենտէյլի Հանրային գրադարանի սրահին մէջ:

Շաբաթ, Օգոստոս 14ին տեղի ունեցաւ Արեւմտեան թեմի Սրբոց Ղեւոնդեանց նորաշէն Մայր եկեղեցւոյ Նաւակատիքը կամ հանդիսաւոր բացումը, բարերարներու, կնքահայրերու եւ բազմահարիւր հաւատացեալներու ներկայութեամբ: Ներկայ էր նաեւ Պըրպենքի քաղաքապետուհին՝ Անյա Ռէյնքէն, ինչպէս նաեւ՝ Լոս Անճելըս գաւառի վերակացու՝ Մայքըլ Անթոնովիչը: