ՊԵՆԿԱԶԻ, «Ռոյթըրզ».- Լիպիացի ըմբոստները, քաջալերուած Լիպիա հասած «Սի.Այ.Էյ.»ի գործիչներու ցուցաբերած օժանդակութենէն եւ Լիպիոյ արտաքին գործոց նախարար Մուսա Քուսայի Բրիտանիա ապաստանելու քայլէն՝ սկսած են վերակազմակերպուելու, Քազաֆիի ուժերուն դէմ հակայարձակում մը շղթայազերծելու նպատակով։ Ըմբոստներու բանբեր մը յայտնեց. «Քազաֆիի վարչակարգի քան-դումին ականատես կ՛ըլլանք»:
Ըստ վերլուծաբաններու, Չորեքշաբթի օր անակնկալօրէն Լոնտոն հասած Քուսաaյի հեռացումը ծանր հարուած է Քազաֆիի, եւ կրնայ ականահարել [...]

Թուրքիոյ վարչապետ Էրտողան լրագրողներու հետ բաժնեց դէպի Իրաք կատարած իր երկօրեայ այցելութեան տպաւորութիւնները։ Հիւսիսային Իրաք այցելութիւնը կենսական կարեւորութիւն կը ներկայացնէր Թուրքիոյ ու Իրաքի քիւրտերուն համար, եւ յայտնի է, որ դրական զարգացումներ արձանագրուած են երկու կողմերուն համար։

ՊԱՔՈՒ, «Արմէնփրէս».- Շաբաթ, Ապրիլ 2ի Ատրպէյճանի ընդդիմութեան հաւաքը կրնայ նոր փախումներու պատճառ դառնալ, որովհետեւ Պաքուի քաղաքապետարանը Հինգշաբթի օր մերժած է Նարիմանովի անուան հրապարակին վրայ ցոյց կատարելու ընդդիմութեան դիմումը, եւ փոխարէնը՝ առաջարկած է հաւաքը կատարել Պաքուի արուարձաններուն մէջ գտնուող մարզադաշտի մը մէջ:
Ընդդիմադիր «Մուսաւաթ» կուսակցութիւնը աւելի ուշ յայտարարեց, թէ հաւաքը տեղի պիտի ունենայ Պաքուի Շատրուաններու հրապարակին մէջ, [...]

Սուրիոյ նախագահ Պաշշար Ասատ Հինգշաբթի, Մարտ 31ին հրամայեց իրաւաբանական յանձնախումբ մը կազմել՝ ուսումնասիրելու համար 1963ին հաստատուած արտակարգ դրութեան օրէնքը ջնջելու կարելիութիւնը։ Սուրիոյ պետական լրատու գործակալութիւնը հաղորդեց, որ յանձնախումբին աշխատանքները պէտք է աւարտած ըլլան մինչեւ Ապրիլ 25։

ՄԱՆԱՄԱ, «Ռոյթըրզ».- Պահրէյնեան ընդդիմութիւնը Հինգշաբթի, Մարտ 31ին հաղորդեց, թէ Պահրէյն աշխուժացուցած է իրաւանց պաշտպան գործիչներու եւ շիիներու ձերբակալութեան արշաւը, որուն ծիրէն ներս, երեք հարիւր անձեր ձերբակալուած են, իսկ տասնեակներուն հետքը՝ կորսուած։ Պահրէյն այս ամսուան սկիզբը երկրին մէջ արտակարգ դրութիւն հաստատած էր՝ փորձելով զսպել ժողովրդավարութիւն պահանջող ցոյցերը, օգտագործելով սէուտցի զինուորներ։
Պահրէյնի սիւննի կառավարութիւնը այս շաբաթ յայտնեց, որ [...]

Հայաստանի եւ Թուրքիոյ միջեւ յարաբերութիւնները կարգաւորելուն միտուած Զուիցարիոյ միջնորդութիւնը աւարտած էր 2009թ. արձանագրութիւններու ստորագրմամբ, սակայն Զուիցերիան տակաւին իր ձեռքերը «չի լուացեր» եւ անտարբեր չէ, թէ ինչ կը կատարուի Հայաստանի եւ Թուրքիոյ միջեւ: Այդ մասին երէկ՝ Մարտ 31ին, Երեւանի մէջ յայտարարած է Զուիցերիական Համադաշնութեան նախագահ Միշլին Քալմի-Ռէյը, աւելցնելով, որ իր երկիրը պատրաստ է ամէն կարելի միջոց գործադրել խթանելու համար այդ գործընթացը:

ԿՈՏԱՅՔ, «Այսօր».- Մարտ 31ին, պաշտպանութեան նախարար Սէյրան Օհանեան Աբովեան քաղաքի Նիկոլա Վանեանի անուան թիւ 5 միջնակարգ դպրոցին մէջ մասնակցած է զոհուած ազատամարտիկ, «Արցախ» գունդի հրամանատար Նիկոլա Վանեանի ծննդեան 50ամեայ յոբելեանի եւ կիսանդրիի բացման հանդիսաւոր արարողութեան՝ խոնարհելով արցախեան ազատամարտի հերոսի յիշատակին։
Նախարարը իր խօսքին մէջ նշած է, թէ արցախեան յաղթանակները հնարաւոր չէին ըլլար, եթէ չըլլային մարտական տղաներու [...]

Հայաստանի եւ Զուիցերիոյ նախագահներու մասնակցութեամբ Մարտ 31ին Երեւանի մէջ տեղի ունեցաւ Զուիցերիոյ դեսպանատան բացման պաշտօնական արարողութիւնը, որուն կը մասնակցէին զուիցերիական պատուիրակութեան անդամներ եւ Հայաստանի Ազգային Ժողովի պատգամաւորներ:

ՀՐԱԶԴԱՆ, «Թերթ».- Չինական «Ֆորչիւն Օյլ» ընկերութեան ձեռք ձգած հանքավայրերը պիտի շահագործուին Հրազդանի բնակեցուած շրջանէ մը 630-650 մ. հեռաւորութեամբ:
Հրազդանի քաղաքապետարանի դիմացի հրապարակին վրայ Մարտ 31ին տեղի ունեցաւ ընդդէմ երկաթի բաց հանքերու շահագործման բողոքի ցոյցը: Ցոյցի ընթացքին ելոյթ ունեցան շարք մը հասարակական կազմակերպութիւններու նախագահներ, բնապահպաններ՝ իրենց վրդովմունքը յայտնելով բնակութեան վայրի չափազանց մօտ երկաթի հանքի բաց շահագործման ծրագրին [...]

Առաջնորդ Մուշեղ արք. Մարտիրոսեան Ուրբաթ, 25 Մարտի կէսօրին, Ազգ. առաջնորդարանին մէջ ընդունեց այցելութիւնը Ռաքսեն Մաքասճեանի եւ Րաֆֆի Մոմճեանի, որոնք եկած էին զեկուցում տալու Հայկական Ցեղասպանութեան դասաւանդման ծրագիրի մը մասին։

Համագործակցութեամբ նորարար երաշժտութեան ջատագով «Other Minds»ի եւ Ամերիկայի հանրային լրատաուամիջոցներու կազմակերպութեանց, յայտնի դաշնակահար Շահան Արծրունի նախաձեռնած է հայազգի յօրինող Ալան Յովհաննէսի հարիւրամեակին նուիրուած ձայնասփռումներու շարքի մը, որմէ առաջինը սփռուեցաւ Երկուշաբթի, Մարտ 28ին:
Այս տարուան ընթացքին, ձայնասփիւռի մօտաւորապէս 300 կայաններէ պիտի սփռուին այս նպատակով Պըրքլիի (Քալիֆորնիա) մէջ տեղի ունեցած համերգի մը ձայնագրութիւնը եւ Ալան Յովհաննէսի մասին Շահան [...]

Փետրուար 13ին, ամբողջ Հայաստանը տօնում է Տեառնընդառաջը կամ ժողովրդական լեզուով ասած՝ Տրնդէզը: Ծիսակատարութեան ժամանակ իւրաքանչիւրի բակում վառւում է խարոյկ, որի շուրջ մարդիկ ձեռք ձեռքի տուած՝ պարում են հայկական աւանդական պարեր, խարոյկի մէջ նետելով տարատեսակ քաղցրաւենիքներ՝ քաղցրացնելու իրենց կեանքը:

Կազմակերպութեամբ ՀԲԸՄի Հայ Կին կազմակերպութեան, Շաբաթ, Ապրիլ 2ին, առաւօտեան ժամը 11էն սկսեալ, տեղի պիտի ունենայ որբերու եւ ամուսնալուծուած ընտանիքներու երեխաներու դիմագրաւած իւրայատուկ հարցերուն նուիրուած քննարկում մը, Փասատինայի ՀԲԸՄի «Ալեք Մանուկեան» կեդրոնին մէջ (2495 East Mountain Street, Pasadena, CA 91104):

Այսօրուան (Չորեքշաբթի, 30 Մարտ) «Հիւրրիյէթ»ի մէջ Էրթուղրուլ Էօզքէօք վերի խորագրին ներքեւ կը խօսի Սկիւտար, Գալֆայեան վարժարան իր այցելութեան մասին, Գալֆայեանցի աշակերտներու եւ վարիչներու հետ քաշուած նկարի մը ներքեւ։

Կինոռեժիսոր Հուսէյն Կարաբէյը եւ նկարիչ Աքսել Զեյդան Գեօզն անիմացիոն ֆիլմում շեշտը դրել են Ռաքէլ Դինքի ձայնի վրայ: «Ինդիրա Գանդիից յետոյ Ռաքէլ Դինքն այն անձն է, որի կերպարն ինձ վրայ ամենամեծ ազդեցութիւնն է գործել», ասում է Կարաբէյը: «Ես ականատես եմ եղել այն ցաւին, որը ֆիլմում մերթընդմերթ յայտնւում ու անհետանում է: Այս մարդկանց ու դէմքերը նկարելիս ես [...]

Համազգայինի Արեւմտեան Ամերիկայի շրջանի 17րդ Ընդհանուր ժողովի բացման պաշտօնական արարողութիւնը տեղի ունեցաւ Ուրբաթ, Մարտի 18ի երեկոյեան, Գլենդէյլի Երիտասարդական կենտրոնի սրահում: Արարողութեանը մասնակցում էին Ամերիկայի Արեւմտեան թեմի առաջնորդ Մուշեղ արք. Մարտիրոսեան, քահանայ Տ. Վազգէն Աթմաճեան, ՀՅԴ Բիւրոյի անդամ դոկտ. Վիգէն Յովսէփեան, ՀՅԴ «Կարս» կեդր. կոմիտէի անդամ Վարուժան Ուրֆալեան, Համազգայինի կեդր. վարչութեան անդամներ դոկտ. Վիգէն Եագուպեան եւ Վահէ Ժամագործեան,

Նախագահ Սերժ Սարգսեան հրապարակաւ յանձն առաւ դառնալ Երեւանէն Ստեփանակերտ թռչող օդանաւին առաջին ուղեւորը:

Մարտ 31ին, Երեւանի մէջ Զուիցերիոյ նախագահ Միշելին Քալմի Ռէյի հետ ունեցած մամլոյ ասուլիսին ընթացքին, նախագահ Սերժ Սարգսեան, հարցումի մը պատասխանելով՝ յայտնած է, որ հայերը միշտ կը սպասեն այն օրուան, երբ ԱՄՆի նախագահը պիտի արտասանէ «ցեղասպանութիւն» բառը:

2012ին Ֆրանսայի մէջ կայանալիք նախագահական ընտրութիւններուն ընդառաջ, Ընկերվարական ընդդիմադիր կուսակցութիւնը կը պատրաստուի Ծերակոյտի օրակարգ բերել Հայոց Ցեղասպանութեան փաստի ժխտումը քրէականացնող օրինագիծը: Այս մասին կը գրէ թրքական «Հիւրրիյէ»չ օրաթերթը, աւելցնելով, որ հարցազրոյցի մը ընթացքին՝ ֆրանսական Ծերակոյտին մէջ ընկերվարներու խմբակցութեան անդամները հաստատած են այդ տեղեկութիւնը եւ նշած, որ իրենց կուսակցութիւնը կը պատրաստուի օրինագիծը օրակարգ բերել ընթացիկ տարուան 4 Մայիսին:

Ամերիկայի Հայ Դատի յանձնախումբը ողջունեց Չորեքշաբթի, Մարտ 30ի դաշնակցային ատեանի այն որոշումը, որ անհիմն կը նկատէր Ամերիկայի թրքական համախմբումին կողմէ Մինեսոթայի համալսարանին դէմ բացուած այն դատը, որ համալսարանէն կը պահանջէ իր ցեղասպանագիտութեան բաժանմունքի համացանցային կայքէն վերցնել Ամերիկայի թրքական համախմբումի կայքին մասին այն հաստատումները, թէ՝ թրքական կայքին վրայ Հայկական Ցեղասպանութեան մասին տեղադրուած տեղեկութիւնները «վստահելի չեն»:

Բրիտանական «Channel 4» պատկերասփիւռի կայանը կը հաղորդէ, թէ անցեալ տարի Մեքսիքայի ծոցին մէջ կենսոլորտային աղէտ մը պատճառած քարիւղի «Պի.Փի.» ընկերութեան գործունէութիւնը հետապնդող լրագրող Կրեկ Փալասթ բացայայտած է, թէ Միացեալ Նահանգներու հարաւարեւելեան ծովեզերեայ շրջաններուն ծանր հարուած մը հասցուցած ընկերութիւնը, նման արկած մը դիմագրաւած է նաեւ Կասպից ծովուն մէջ, երկրորդ դէպքէն 17 ամիս առաջ, սակայն կրցած է ցարդ ծածուկ պահել անոր ծալքերը:

Անցեալ շաբաթ, կեանքի ապահովագիրներու տէրերու հայ ժառանգորդներուն փաստաբանները ծանրակշիռ պատասխան ներկայացուցին գերմանական ապահովագրական ընկերութիւններուն՝ դաշնակցային վերաքննիչ դատարանէն վերաքննութիւն պահանջող միջնորդութեան դէմ:

ԱՐՊԻԼ, «Ռոյթըրզ».- Թուրքիոյ վարչապետ Ռեչեփ Թայիփ Էրտողան Երեքշաբթի, Մարտ 29ին Հիւսիսային Իրաքի Քիւրտիստան շրջանը այցելեց, մէկ օր առաջ Պաղտատ այցելելէ ետք:
Էրտողան Արպիլի մէջ հանդիպում ունեցաւ քրտական մարզի ղեկավար Մեսուտ Պարզանիի հետ, զոր անուանեց «իմ լաւ բարեկամը»՝ փոձելով մոռացումի մատնել Պարզանիի ու այլ քիւրտ ղեկավարներու հետ անցեալի հակամարտութիւնները։ Պարզանի եւս յայտնեց, թէ իրեն համար մեծ պատիւ [...]

Չորեքշաբթի, Մարտ 30ին, Սուրիոյ նախագահ Պաշշար Ասատ խորհրդարանին դիմաց խօսք մը արտասանելով՝ խոստացաւ իր երկրին դէմ հիւսուած դաւը ձախողութեան մատնել՝ առաջին անգամ ըլլալով հանրութեան արտայայտուելով վերջին երկու շաբաթներու ցոյցերուն մասին: Ան ցաւ յայտնեց արձանագրուած զոհերուն համար եւ շարք մը բարեփոխումներ խոստացաւ: Ան երկրին մէջ տիրող արտակարգ վիճակը վերցնելու կամ զայն մեղմացնելու խոստում չկատարեց, այլ պարզապէս ըսաւ, թէ այդ հարցը կը քննուի:

ՊԵՆԿԱԶԻ, «Ռոյթըրզ».- Լիպիոյ ըմբոստները Չորեքշաբթի, Մարտ 30ին Քազաֆիի ուժերու հարուածներուն տեղի տալով՝ շարունակեցին նահանջել, կորսնցնելով Նաուֆալիա, Պըն Ճաուատ եւ Ռաս Լանուֆ քաղաքները։ Ըմբոստները Պրեկայի մէջ փորձեցին դիմադրել, սակայն հոնկէ եւս փախուստ տուին դէպի Աժտապիա, ուր իրարանցում կը տիրէր:
Միջազգային մարդասիրական կազմակերպութիւնները յայտնեցին, թէ սննդեղէնի եւ դեղորայքի լուրջ տագնապ գոյութիւն ունի յատկապէս Միսրաթայի մէջ, որ Քազաֆիի ուժերուն [...]

Հայաստանի Ազգային գրադարանի նիստերու սրահին մէջ երէկ տեղի ունեցաւ Ֆիլիփ Վիտըլիէի «Թուրքական գիշեր» գիրքի Պարգեւ Շահբազեանի հայերէն թարգմանութեան շնորհանդէսը:
2005ին Փարիզի մէջ «Կայիմար» յայտնի հրատարակչութիւնը լոյս ընծայած էր Ֆրանսայի Գիտական հետազօտութիւններու ազգային կեդրոնի անդամ, Ֆրանսայի ժամանակակից յայտնի պատմաբան ու գրող Ֆaիլիփ Վիտըլիէի «Թուր-քական գիշեր» գիրքը, որ երկու տարի ետք մեծ տպաքանակով վերահրատարակուած է՝ կրկին Փարիզի մէջ:

ԵՐԵՒԱՆ, «Նովըստի-Արմէնիա».– Մարտ 30ին, լրագրողներուն հետ կայացած հանդիպման մը ընթացքին, Հայաստանի մէջ ՄԱԿի մշտական համակարգող, UNDP մշտական ներկայացուցիչ Տաֆինա Կերչեւա յայտարարած է, թէ Հայաստանի մէջ  բաւական քիչ են ղեկավար պաշտօններ գրաւող կանայք: Պետական բարձրաստիճան պաշտօններ գրաւող կանանց շարքին են երկու նախարար, վեց փոխնախարար եւ քանի մը հոգի՝ տեղական ինքնակառավարման մարմիններուն վրայ։
«Ողջ աշխարհի մէջ կանայք կը [...]

ՄԱՐԱԼ ՎԱՐԺԱՊԵՏԵԱՆ
1974ին հիմնուած Լոս Անճելըսի «ԱՆԻ» պարախումբը արդէն կը թեւակոխէ իր 37րդ տարին։
Ինչո՞ւ «ԱՆԻ» պարախումբը մօտաւորապէս 4 տասնամեակ կրցած է գոյատեւել, պատասխանը պարզ է. յարատեւ աշխատանք, յաճախակի նորութիւններ եւ բարելաւումներ՝ խումբէն ներս եւ վերջապէս զոյգ պարուսոյցներու՝ Եղիա Հաշօլեանի եւ Սիւզի Բարսեղեան-Դարբինեանի անսակարկ նուիրուածութիւնն ու զօրաւոր կիրքը՝ հանդէպ պարարուեստի։
Պատճառներէն մէկը նաեւ այն է, որ նախկին պարողներն [...]

Համազգայինի Արեւմտեան Ամերիկայի շրջանի Սան Ֆերնանդօ Հովիտի «Պարոյր Սեւակ» մասնաճիւղի «Սայաթ Նովա» երգչախումբը իր ծնունդի օրից շարունակում է իր աշխատանքը ղեկավարութեամբ՝ Տիկին Նորա Ռումեան-Պայրամեանի: Երգչախմբի ղեկավարը ոչ միայն սիրայօժար ստանձնեց այս պարտականութիւնը, այլ նաեւ իր բնակարանը տրամադրեց, որպէսզի մօտ 40ի հասնող երաժշտասէր անհատներ, ընտանեկան ջերմ եւ խանդավառ մթնոլորտի մէջ ամէն շաբաթ հաւաքուեն սովորելու հայ երգն ու երաժշտութիւնը:

Դրուագներ Կլենտէյլի «Գրիգոր Եւ Մարիամ Գարամանուկեան» Երիտասարդական Կեդրոնին Ի Նպաստ Ձեռնարկէն

Մայր աթոռ Ս. Էջմիածինի տեղեկատուական համակարգէն կը տեղեկացնեն, թէ Նոյեմբեր 28-30ին, Էջմիածինի մէջ կայանալիք ԱՊՀ երկիրներու միջկրօնական խորհուրդի նիստին պիտի մասնակցի նաեւ Կովկասի մահմետականներու առաջնորդ Ալլահշուքիւր Փաշազատէն:
Տեղեկատուութեան մէջ չէ մանրամասնուած սակայն, թէ նիստի ընթացքին ինչպիսի՞ հարցեր պիտի քննարկուին. այնուամենայնիւ, չի բացառուիր նոյն ծիրէն ներս երկու երկիրներու կրօնական առաջնորդներուն հանդիպումը:

Հայաստանի նախագահ Սերժ Սարգսեան Մարտ 30ին, Ալ. Սպենդիարեանի անուան օփերայի եւ պալէյի ազգային ակադեմական թատրոնին մէջ, ներկայ գտնուած է ՀՀ ժողովրդական արուեստագէտ Գեղամ Գրիգորեանի ծննդեան 60 ամեակին նուիրուած յոբելինական հանդիսութեան:
Նախագահ Սարգսեան, հայ մշակոյթի զարգացման գործին մէջ Գրիգորեանի ներդրած նշանակալի աւանդին, օփերային երգարուեստի բնագաւառին մէջ անոր ունեցած ակնառու ձեռքբերումներուն համար, զայն պարգեւատրած է «Հայրենիքին մատուցած ծառայութիւններու համար» առաջին աստիճանի շքանշանով:

Ազգային Ժողովի ՀՀԿ խմբակցութեան պատգամաւոր Զոհրաբ Զոհրաբեանը սպառնացած է սպաննել «Փարիզեան սուրճ»ի սեփականատէր Վալերի-Աշխէն Գործունեանն ու իր զաւակը:

Մեր ժողովուրդը կարիք ունի յաղթանակների‘ երէկ ասում էր երիտասարդ մի գրողեւ պնդում, որ դա յատկապէս երեւաց Հայաստան-Ռուսաստան ֆուտբոլային խաղի ժամանակ: Մանաւանդ նոր սերունդը այդ յաղթանակին շատ էր սպասում: Երբ 90ականներին մութ էր, գրեթէ քաղց, կարիք, անգործութիւն, մեզ պահողը հէնց ռազմաճակատի յաղթանակներն էին:

Չորեքշաբթի, Մարտ 30ին, ԵԱՀԿի նախագահը՝ Լիթուանիոյ արտաքին գործոց նախարար Օտրոնիոս Ազուպալիս, անգամ մը եւս կոչ ըրաւ Ատրպէյճանի եւ Հայաստանի իշխանութիւններուն, որ արձակազէնները հեռացնեն սահմանային գօտիէն, ցաւ յայտնելով, որ անցեալ ամիս կատարած իր այս առաջարկը մերժուած էր Երեւանի ու Պաքուի իշխանութեանց կողմէ

ԱՄՆի «Քարնըկի» հիմնադրամին մէջ, Մարտ 28ին տեղի ունեցած ղարաբաղեան հակամարտութեան նուիրուած համաժողովին ընթացքին, ԵԱՀԿ Մինսկի խումբի (ՄԽ) ամերիկացի նախկին համանախագահ Քերի Քաւանօ յայտարարած է, թէ «ԵԱՀԿ ՄԽ համանախագահները վստահ էին, որ Քի Ուեսթի մէջ խաղաղութեան համաձայնագիր պիտի չստորագրուի»։

Թուրքիոյ լրատուական միջոցները Չորեքշաբթի, Մարտ 30ին, գրեթէ օրուան առաջին լուրը դարձուցած էին բնիկ պոլսահայ, այժմ Ամերիկա հաստատուած տնտեսագէտ Տարօն Աճեմօղլուի մասին լուրը, թէ՝ Անգարա անոր առաջարկած է Թուրքիան ներկայացնել Փարիզ հաստատուած Տնտեսական համագործակցութեան եւ զարգացման կազմակերպութեան մօտ։

Մարտ 30ին լրագրողներու հետ հանդիպման ընթացքին, ՀՀ կրթութեան եւ գիտութեան նախարար Արմէն Աշոտեան յայտնեց, թէ Վրաստանի մէջ հայկական համայնքի բնակչութեան թիւը հետզհետէ կը պակսի, իսկ ատրպեճանական համայնքը, ժողովրդագրական առումով՝ աճող համայնք է: Անոր խօսքով, ատրպեճանական համայնքը չ՛արտագաղթեր, իսկ եթէ արտագաղթէ, Ատրպէյճան կ՛երթայ: «Իսկ հայկական համայնքից բնակիչները հիմնականում գնում են Ռուսաստան», նշեց Ա. Աշոտեան:

Մարտ 29ին «Կոլըս Ռոսսիի» ձայնասփիւռի կայանին տուած հարցազրոյցին ընթացքին, Ռուսիոյ Դաշնութեան արտաքին գործոց նախարարութեան Կովկասի բաժանմունքի տնօրէն Անտրէյ Գելին յայտարարած է, թէ կովկասեան տարածաշրջանի իրավիճակը կայուն է, սակայն Հայաստանի եւ Ատրպէյճանի սահմանին վրայ յաճախակի դարձած փոխհրաձգութիւնները մտահոգիչ դարձած են։

Մարտ 29ին «Կոլըս Ռոսսիի» ձայնասփիւռի կայանին տուած հարցազրոյցին ընթացքին, Ռուսիոյ Դաշնութեան արտաքին գործոց նախարարութեան Կովկասի բաժանմունքի տնօրէն Անտրէյ Գելին յայտարարած է, թէ կովկասեան տարածաշրջանի իրավիճակը կայուն է, սակայն Հայաստանի եւ Ատրպէյճանի սահմանին վրայ յաճախակի դարձած փոխհրաձգութիւնները մտահոգիչ դարձած են։

Նախ մամլոյ աղբիւրներ շրջանառութեան մէջ դրին լուրը, ապա Թուրքիոյ վարիչները հաստատեցին, թէ հայկական ծագումով Թուրքիոյ քաղաքացի մը՝ Տարօն Աճեմօղլու իր երկրին դեսպանը նշանակուած է Ֆրանսայի մօտ։

Միացեալ Նահանգներու եւ հաւանաբար այլ երկիրներու մէջ եւս, քաղաքացիները ամէն միջոց կը փնտռեն՝ նուազագոյն տուրքը վճարելու համար, միաժամանակ պետութենէն լաւագոյն սպասարկութիւնները ակնկալելով, առանց հարցնելու, թէ պետութիւնը ուրկէ՞ պիտի գոյացնէ այդ սպասարկութեանց հարկաւոր գումարները: Արդէն իսկ վիպապաշտականէն անդին անցնելով՝ անտրամաբանական կը նկատուի այն իտէալական համոզումը, թէ իւրաքանչիւր քաղաքացի պէտք է աշխատի իր կարողութեան չափով, միաժամանակ սպառելով այնքան, որքան իրեն հարկաւոր է, եւ ոչ անկէ աւելի:

Մուամմար Քազաֆիի զինուած եւ կազմակերպուած ուժերը Երեքշաբթի, Մարտ 29ին կրցան ետ մղել դէպի արեւմուտք յառաջացող ըմբոստները, մինչ Լոնտոնի մէջ աւելի քան 35 երկիրներու արտաքին գործոց նախարարներ կը քննէին Լիպիոյ ապագան։ Լիպիոյ շուրջ կայանալիք յառաջիկայ ժողովը պիտի հիւրընկալէ Քաթարը։

Սուրիոյ նախագահ Պաշշար Ասատ Երեքշաբթի, Մարտ 29ին ընդունեց երկիրի կառավարութեան հրաժարականը, մինչ նախագահին ի նպաստ ցոյցեր տեղի ունեցան մայրաքաղաք Դամասկոսի ու շարք մը այլ քաղաքներու մէջ:

Եգիպտոսի Զինեալ ուժերու բարձրագոյն խորհուրդը յայտարարեց, թէ Եգիպտոսի մէջ խորհրդարանական ընտրութիւնները տեղի պիտի ունենան Սեպտեմբերին, իսկ արտակարգ դրութիւնը պիտի ջնջուի այդ ընտրութենէն առաջ։ Խորհուրդի անդամներէն Մամտուհ Շահին յայտնեց, թէ նախագահական ընտրութեան թուական մը տակաւին չէ ճշդուած։

Հայաստանի նախագահ Սերժ Սարգսեանի հրաւէրով, Մարտ 31ին երկօրեայ պաշտօնական այցով Հայաստան պիտի ժամանէ Զուիցերիոյ Համադաշնութեան նախագահ Միշլին Քալմի-Ռէյը:

«Կոլ» հեղինակաւոր ֆութպոլային կայքը կազմած է իր վարկածով «Եուրօ-2012»ի ընտրական ընթացիկ փուլի լաւագոյն տասը խաղացողներուն տասնեակը: Լաւագոյն տասնեակի շարքին է Հայաստանի հաւաքականի յարձակող Եուրա Մովսիսեանը:

«Հայաստան» համահայկական հիմնադրամի ԱՄՆ Արեւելեան շրջանի տեղական մարմինին հովանաւորութեամբ, Լեռնային Ղարաբաղի մէջ կ՛իրականացուի առողջապահական երկրորդ ծրագիրը։ Մարտունիի շրջանային կեդրոնին մէջ հիւանդանոցի կառուցումը կ՛իրականանայ ԼՂՀ կառավարութեան նիւթական աջակցութեան շնորհիւ։

Հայաստանի Ազգային ժողովի պատգամաւոր, ՀՅԴ խորհրդարանական խմբակցութեան անդամ Ռուզան Առաքելեան կ՛առաջարկէ խստացնել արտասահմանցիներու Հայաստանի սահմանամերձ հողերու վաճառքին պայմանները: Ան կ՛առաջարկէ օրէնքի կարգ մը փոփոխութիւններ, որոնց համաձայն արտասահմանցիներուն պիտի արգիլուի Հայաստանի սահմանամերձ գօտիներու վրայ գտնուող հողամասեր գնելը:

Սինկափուրի հայկական համայնքը Կիրակի, Մարտ 27ին տօնեց տեղւոյն եկեղեցւոյ 175ամեակը: Այս առիթով կազմակերպուած տօնակատարութիւններուն մասնակցելու համար, 14 երկիրներէ աւելի քան 160 հայեր Սինկափուր ժամանած էին:
Սինկափուրի Հիլ Սթրիթ պողոտային վրայ գտնուող Ս. Գրիգոր Լուսաւորիչ եկեղեցին ամենահին քրիստոնէական եկեղեցին է, որ պաշտօնապէս ազգային յուշարձան դարձած է 1973ին:
Շաբաթ օր, եկեղեցւոյ հոգաբարձուները կալա-ընթրիք մը կազմակերպած էին «Ռաֆլզ» հիւրանոցին մէջ: [...]

Կիրակի, Մարտ 20ին, մօտաւորապէս 15 կիներ հաւաքուած էին Հոլիվուտի Հայ կեդրոնը՝ մասնակցելու համար ռենշի (վարժապետ) Միհրան Աղվինեանի առաջնորդութեամբ՝ ինքնապաշտպանութեան իւրայատուկ փորձերու: Մասնակիցներուն մէջ կային ՀՄԸՄի եւ ՀԵԴի անդամներ, ինչպէս նաեւ հայկական վարժարաններէ շրջանաւարտներ:

Կիրակի, Մարտ 20ին կայացած Լոս Անճելըսի Մարաթոնին ընթացքին, խումբ մը հայորդիներ առիթը օգտագործած են «Ռիլ Մետիսին» հիմնարկին միջոցաւ դրամահաւաք կատարելու համար:

28 Մարտին կը լրանայ 26րդ տարելիցը հայ ազգային–ազատագրական շարժման դաշնակցական դրօշակիրներէն Սարգիս Զէյթլեանի անարգ առեւանգումին։ 1985ի այդ օրը, Լիբանանի քաղաքացիական պատերազմի թոհուբոհին մէջ, հայանուն բայց ազգադաւ ուղեղ մը յղացաւ, պատուիրեց ու օտարի ձեռքով իրագործեց առեւանգումը Մարդու, Հայու եւ Դաշնակցականի յանդուգն մարմնաւորումը հանդիսացող Սարգիս Զէյթլեանի։

Եթէ նախագահ Օպամա Երկուշաբթի, 28 Մարտի յետմիջօրէին չյայտարարէր, որ Լիպիոյ նախագահին դէմ ամերիկեան եւ ՆԱԹՕական միջամտութիւնը լիպիացիներու կեանքը փրկելու, զանոնք ջարդերէ զերծ պահելու համար է, աշխարհը մոլորութեան մէջ պիտի իյնար եւ սկսէր հազար ու մէկ մեկնաբանութիւն ընել Լիպիոյ մէջ (եւ այլուր) արեւմուտքի զինակիցներուն շահադիտական հաշիւներուն մասին։

Թուական պարզ համեմատութիւն մը կը շարժէ նախանձս: Այլ պարագայի, բարի նախանձ պէտք է ըսէի, սակայն, նկատի առնելով, որ հարցը կը վերաբերի երկիրի մը, որուն պետութիւնը իմ հայրենիքս կը նկատէ իր աչքին փուշը, իմ զգացումներս ալ միայն չարութեամբ կարելի է բնորոշել:

Ազատութեան հրապարակին վրայ հացադուլ կատարող Ժառանգութիւն կուսակցութեան առաջնորդ Րաֆֆի Յովհաննէսեանին երէկ այցելեցին շարք մը դպրոցներու աշակերտներ, եւ անոր կոչ ուղղեցին դադրեցնելու հացադուլը:

Թրքական «Թարաֆ» օրաթերթը կը շարունակէ հրապարակել Թուրքիոյ վերաբերեալ «Ուիքիլիքս»ի մէջ տեղ գտած փաստաթուղթերը։ Յունուար 30, 2007 թուակիր փաստաթուղթի մը մէջ, Պոլսոյ մօտ Միացեալ Նահանգներու այդ օրերու գլխաւոր հիւպատոս Տեպրա Ք. Ճոնզ, Միացեալ Նահանգներու արտաքին գործոց նախարարութեան ուղարկած իր հեռագիրին մէջ մանրամասնութիւններ կը ներկայացնէ «Ակօս» շաբաթաթերթի խմբագրապետ Հրանդ Տինքի եւ Միացեալ Նահանգներու ներկայացուցիչներուն միջեւ Պոլսոյ մէջ տեղի ունեցած հանդիպումէն։

Սան Կապրիէլ հովիտի Հայ Դատի յանձնախումբը կը տեղեկացնէ, թէ արդէն իսկ հաստատուած են թիւ 60 ազատուղիին վրայ Մոնթեպելլոյի Հայկական Ցեղասպանութեան յուշարձանը ծանուցող ցուցատախտակները:

Թրքական զանգուածային լրատուամիջոցները կը հաղորդեն, որ թրքական ոստիկանութեան յատուկ ջոկատի մը նախկին աշխատակից Այհան Չարքըն, «Թարաֆ» օրաթերթին հետ հարցազրոյցի մը ընթացքին յայտարարած է, թէ «Էրկենեքոն» ահաբեկչական կազմակերպութեան գործունէութիւնը հասած է մինչեւ Լեռնային Ղարաբաղ։

Թուրքիոյ արտաքին գործոց նախարար Ահմետ Տաւութօղլու, Պոլսոյ մէջ կայացած «Ժամանակակից աշխարհի մէջ Թուրքիոյ նախաձեռնողական քաղաքականութիւնը» միջազգային խորհրդաժողովին ընթացքին յայտարարած է, որ մօտ օրէն Թուրքիան Ֆրանսայի մօտ դեսպան պիտի նշանակէ թրքահայ գիտնական մը։ Ան ըսած է, որ հայազգի գիտնականին թեկնածութիւնը արդէն ներկայացուած է Թուրքիոյ վարչապետ Ռեչեփ Թայիփ Էրտողանին եւ նախագահ Ապտուլլահ Կիւլին, որոնք դէմ չեն։ Նախարարը չէ բացայայտած ապագայ դեսպանին անունը։

Նախարար Ահմետ Տաւութօղլու, «Մեծն Թուրքիոյ ընդառաջ» խորհրդաժողովին ընթացքին յայտարարած է, թէ Թուրքիա մտադիր է վերացնել իր եւ դրացի երկիրներուն միջեւ գոյութիւն ունեցող հոգեբանական պատնէշները, կարգաւորել պատմութիւնը եւ կապեր հաստատել ամէնաբարձր քաղաքական մակարդակով։

Տարիներ շարունակ, հայ մարդու հպարտանքով, իմ շրջապատին մեծ-մեծ բառերով պատմեր եմ, թէ ինչպիսի առաջադէմ հասարակութիւն է հայութիւնը յատկապէս կնոջ իրաւունքներու, քաղաքական կեանքի մասնակցութեան իմաստով: Այդպէս հպարտացած եմ օրինակ բերելով արտայայտուելու իմ ազատութիւնը, քաղաքական կեանքէն ներս գործօն մասնակցութիւնս, թէեւ երբեմն երբեմն նշմարելով գրեթէ բոլոր տեսակի քաղաքական հաւաքներուն առանձին եղած եմ. Այսինքն ուրիշ կիներ չեն եղած:

Նախ յստակացնեմ, թէ խորագիրին մէջ գործածուած մեծութիւնը կ՛առնչուի միայն ծաւալի, ու կապ չունի բառին խորհրդանշական իմաստին հետ, այլ ընդհակառակը, արմատականօրէն կը հակադրուի անոր:

Հարցը կ՛առնչուի «Ուոլմար»չ ընկերութեան դէմ բացուած եւ ընկերութիւնը կանանց դէմ խտրականութիւն ցուցաբերելու ամբաստանութեամբ այպանած դատին:

ՊԵՆԿԱԶԻ, «Ռոյթըրզ».- Լիպիացի ըմբոստները Երկուշաբթի, Մարտ 28ին շարունակեցին Քազաֆիի հաւատարիմ ուժերուն հետ բախումներ ունենալով՝ յառաջանալ դէպի Սըրթ քաղաքը, որ Քազաֆիի ծննդավայրն է։ Արեւմտեան երկիրներու օդային հարուածներէն քաջալերուած՝ ըմբոստները գրաւեցին Նաուֆալիան, առանց յատկանշական դիմադրութեան հանդիպելու, սակայն կը կարծուի, թէ Սըրթի համար պայքարը աւելի սուր պիտի ըլլայ:
Միւս կողմէ, Լոնտոնի մէջ Երեքշաբթի օր նախատեսուած է 35 պետութիւններու մասնակցութեամբ [...]

ՍԱՆԱԱ, «Ռոյթըրզ».- Եմէնի Ժաար քաղաքի զէնքի գործարանին մէջ, Երկուշաբթի, Մարտ 28ին տեղի ունեցած պայթումի մը հետեւանքով առնուազն 110 հոգի մահացած է. կան քանի մը տասնեակ վիրաւորներ նաեւ։
Եմէնի իշխանութիւններուն տուեալներով, վիրաւորներու շարքին են նաեւ երեխաներ։ Պայթումը տեղի ունեցած է, երբ քաղաքի բնակիչները փորձած են գործարանէն զէնքեր գողնալ։
Մարտ 26ին, Ժաար անցած էր իսլամական զինեալներու ձեռքը։ Անոնք թալանած [...]

- Յորդանանի իշխանութիւնները Երկուշաբթի, Մարտ 28ին ազատ արձակեցին անցեալ շաբաթ ձերբակալուած 24 այլախոհներ, որոնք պատասխանատու կը նկատուէին մայրաքաղաք Ամմանի մէջ կատարուած ցոյցերուն՝ փորձելով լարուածութիւնը մեղմացնել: Յորդանանի  բողոքի ցոյցերը սկած էին Յունուարին՝ պահանջելով քաղաքական բարեփոխումներ: Փետրուարին, Յորդանանի Ապտալլա Բ. թագաւորը լուծարած էր կառավարութիւնը, իսկ վարչապետ Մարուֆ Պախիթ նոր կառավարութիւն մը կազմած էր:
- Լիբանանի մէջ համայնքային վարչակարգի [...]

ԹԵՀՐԱՆ, «Նիուզ».- Հայաստանի նախագահ Սերժ Սարգսեան, Իրանի նախագահ Մահմուտ Ահմատինեժատի հրաւէրով, Մարտ 27ին աշխատանքային այցով ժամանած է Թեհրան:
Այցելութեան ծիրին մէջ Սերժ Սարգսեան հանդիպում ունեցած է Ահմատինեժատի հետ: Հայաստանի նախագահը շնորհաւորած է Իրանի նախագահն ու Իրանի ժողովուրդը Նովրուզի տօնին առիթով, եւ ամբողջ հայ ժողովուրդին անունով բարեմաղթանքներ յղած է անոնց:
Հանդիպման ընթացքին նախագահներ Սարգսեան եւ Ահմատինեժատ քննարկած են [...]

ԵՐԵՒԱՆ, «Նիուզ».- Մարտ 28ին կայացած մամլոյ ասուլիսի մը ընթացքին, երգչուհի Էմմի յայտարարեց, թէ հայկական ծագումով գերմանացի բռնցքամարտիկ Արթուր Աբրահամ պիտի ըլլայ «Boom-Boom» երգի տեսահոլովակին հերոսը: Երգչուհին չբացայայտեց, սակայն, հոլովակին մանրամասնութիւնները։ Նշենք, որ այդ երգով Էմմին պիտի ներկայացնէ Հայաստանը՝ «Եւրոտեսիլ-2011»ին, Տիւսըլտորֆի մէջ:
Ըստ երգչուհիին՝ հոլովակը, որուն նկարահանումները կայացած են Հայաստանի եւ Գերմանիոյ մէջ, պատրաստ պիտի ըլլայ մէկ [...]

ԵՐԵՒԱՆ.- Հայաստանի մօտ Միացեալ Նահանգներու դեսպան Մերի Եովանովիչ Մարտ 28ին այցելած է 13րդ օրը հացադուլի մէջ գտնուող ընդդիմադիր «Ժառանգութիւն» կուսակցութեան առաջնորդ Րաֆֆի Յովհաննէսեանին:
Դեսպանին հետ առանձնազրոյցի ընթացքին, ըստ Յովհաննէսեանի, կողմերը անդրադարձած են իր առողջական վիճակին, Հայաստանի մէջ մարդու իրաւունքներու խնդիրներուն, երկրի ներկայ օրհասական իրավիճակին եւ ներքաղաքական կացութեան: Րաֆֆի Յովհաննէսեան Մ. Եովանովիչին յայտնած է, թէ Հայաստանը պէտք [...]

(Ռ. Կորիւնի Գրքի Շնորհանդէսի Առիթով)
ԱՅԼԻՆ Ք.
Նոր հայերէն գիրք էր լոյս տեսել, կազմակերպուել էր նրա շնորհանդէսը Կալիֆորնիայի հայ գրողների միութեան կողմից: Ինչ գեղեցիկ աւանդոյթ՝ մեծարել հեղինակին, այսինքն՝ փառաբանել հայ գիրն ու գրականութիւնը, փառաբանել նրա արարողին՝ Ս. Մեսրոպ Մաշտոցին եւ նրանից շառաւիղուող ոսկեայ շղթան, որ մեզ առաջնորդում է դէպի յաւերժութիւն:
Շնորհանդէս էր, Հինգշաբթի, Մարտի 3ին: Ասում են՝ Մարտը [...]

Վերջերս, թեմակալ առաջնորդ Յովնան արք. Տէրտէրեան առաջնորդարանին մէջ հանդիպում ունեցաւ Հայ ոսկրածուծի հիմնադրամի անդամներուն հետ, գլխաւորութեամբ՝ ատենապետուհի դոկտ. Ֆրիտա Ճորտընի, աւելի մօտէն տեղեակ դառնալով այս մարդասիրական առաքելութեան:
Հանդիպման ընթացքին որոշուեցաւ, որ յանձնախումբի կարգ մը անդամներ, սրբազան հօր կողմէ պատրաստուած ծրագիրի մը համաձայն, Կիրակի օրերը այցելեն թեմիս եկեղեցիները եւ Ս. պատարագի աւարտին հանդիպում ունենան հաւատացեալներու հետ, տեղեկութիւններ [...]

ՄԱՐԻ ԳԱՐԱԼԵԱՆ
Շաբաթ, Փետրուար 26ին, «Ֆերահեան» Ազգային վարժարանի «Տիգրանեան» սրահին մէջ, 45 անդամներու ներկայութեամբ տեղի ունեցաւ Հայ ամերիկեան տարեցներու միութեան Էնսինոյի մասնաճիւղի ճաշկերոյթ-տօնակատարութիւնը՝ նուիրուած Փետրուարեան ապստամբութեան ընթացքին զոհուած հերոսներու յիշատակին:
Օրուան ճաշը հովանաւորեցին միութեան անդամուհիներ Սիրուն Մարոնեան, Շաքէ Ունճեան, Շաքէ Յակոբեան եւ Շաքէ Չաքեան:
Ամերիկեան եւ հայկական քայլերգներէն ետք, ատենապետ Սուրէն Գահվէճեան, տէր հօր բացակայութեան պատճառաւ, ճաշօրհնէքը կատարեց [...]

ՇԸՐՄԸՆ ՕՔՍ.- Հինգշաբթի, Ապրիլ 14ին, երեկոյեան ժամը 7:30ին, կազմակերպութեամբ «Արփա» Հայաստանի համար վերլուծական ուսումնասիրութեանց եւ ծրագրումի հիմնարկին, դասախօսական ձեռնարկ մը տեղի պիտի ունենայ «Մերտինեան» վարժարանի սրահին մէջ (13330 Riverside Dr. Sherman Oaks, CA 91403), որ նուիրուած է Հայկական Ցեղասպանութենէն վերապրողներու մէկ մասին համար հաստատուած Եգիպտոսի Փօր Սայիտ քաղաքի գաղթակայանին:
Վերապրողներուն համար հազուագիւտ ապաստանարաններէն մէկը հանդիսացած այս [...]

Հայոց Մեծ Եղեռնի 91րդ տարելիցին առթիւ, Երկուշաբթի, Ապրիլ 25ին, «Յիշատակ Մեռելոց»ի օրը, առաջնորդանիստ Սրբոց Ղեւոնդեանց Մայր տաճարին մէջ տեղի պիտի ունենայ սուրբ եւ անմահ պատարագ: Առաւօտեան ժամը 10ին ժամերգութիւն, իսկ ժամը 11ին՝ պատարագ:
Պատարագը պիտի մատուցանէ Մուշեղ արք. Մարտիրոսեան: Արարողութեան պիտի մասնակցին նաեւ Հայ կաթողիկէ եւ Հայ աւետարանական եկեղեցիներու հոգեւորականները:
Օրուան հոգեւոր պատգամը պիտի փոխանցէ Յովնան արք. [...]

Դժուար, շատ դժուար է ինծի համար, բարեկամ գրողի մը գրական երկարամեայ վաստակը գնահատելու փորձը կատարել ու անոր հոգեկան աշխարհը պեղել, երբ խնդրոյ առարկայ անձը հոգեւորական է կոչումով եւ ըմբոստ՝ նկարագիրով։ Գրական փիլիսոփայական տարիներու փնտռտուքներս

Րաֆֆի Յովհաննէսեանին այցելողներու շարքին վստահաբար եղած են մարդիկ, եթէ ոչ անշուշտ բոլորը, որոնք իրենց գնահատական խօսքը յայտնելէ ետք անոր առած քայլին մասին, յորդորած են զինք, որ այլեւս վերջ տայ հացադուլին:

Հայաստանի Արարատեան թեմի եւ Աշխարհի հայ նկարիչներու միութեան նախաձեռնութեամբ, քսան անուանի հայ նկարիչներ պիտի մեկնին Անի։ Աշխարհի հայ նկարիչներու միութեան համանախագահ Ղազար Միրզոյեան յայտնեց, թէ ձեռնարկը կ՛իրականանայ կառավարութեան նախաձեռնութեամբ, Անի մայրաքաղաքի ստեղծման 1050ամեակին նուիրուած միջոցառումներու շրջագիծով։

Լիբանանի խորհրդարանին մէջ Հայկական երեսփոխանական պլոքի ներկայացուցիչ, երեսփոխան Յակոբ Բագրատունի «Օ.Թի.Վի.» պատկերասփիւռի կայանին հետ իր ունեցած հարցազրոյցին ընթացքին շեշտած է, թէ ՀՅԴ կեդրոնական կոմիտէին եւ վարչապետ Միքաթիի միջեւ գործակցութիւնը առկայ է, աւելցնելով, որ յաջորդ կառավարութեան կազմութեան պարագային, Հայ Յեղափոխական Դաշնակցութիւնը ի՛նք պիտի ճշդէ իր նախարարները:

ԼՂՀ նախագահ Բակօ Սահակեան Մարտ 28ին ընդունած է ՀՅԴ Բիւրոյի անդամներ Դաւիթ Լոքեանն ու Լեւոն Մկրտչեանը: Հանդիպման ընթացքին քննարկուած են Արցախի ներքին եւ արտաքին քաղաքականութեան վերաբերող հարցեր: ԼՂՀ նախագահի մամլոյ գրասենեակին տեղեկութիւններով, յատուկ ուշադրութիւն դարձուած է Քաշաթաղ շրջանի զարգացման եւ այնտեղ տարբեր ծրագիրներու իրականացման հարցերուն:

Մեկնաբանելով ԵԱՀԿ Մինսկի խումբի (ՄԽ) համանախագահներուն կողմէ հրապարակուած զեկոյցը՝ Ղարաբաղի նախագահի աշխատակազմի հասարակայնութեան հետ կապերու գլխաւոր վարչութեան պետ Դաւիթ Բաբայեան նշեց, թէ Ղարաբաղեան կողմը կ՛ողջունէ իւրաքանչիւր տեսակի զեկոյց, որ իրական է եւ կ՛արտացոլէ առկայ իրական վիճակը:

Թրքական ատեան մը, անցած շաբաթավերջին պահանջած է թուրք հեղինակ Օրհան Փամուքէն 1000ական լիրայի (643 տոլար) վնասուց հատուցում վճարել վեց թուրքերու, որոնք Փամուքի դէմ դատ բացած էին, պարզապէս որովհետեւ ան հաստատած էր, թէ «30,000 քիւրտեր ու մէկ միլիոն հայեր սպաննուած են Թուրքիոյ մէջ», զուիցերիական թերթի մը հետ հարցազրոյցի մը ընթացքին:

Կիրակի, Մարտ 27ի կանուխ առաւօտեան, Զահլէի ասորի ուղղափառ եկեղեցւոյ դէմ ականահարման ոճրային արարքին առիթով, Արամ Ա. կաթողիկոս հեռաձայնային հաղորդակցութիւն ունեցաւ ասորի ուղղափառ եկեղեցւոյ Իգնատիոս Զաքքա Իուաս պատրիարքին հետ՝ խստօրէն դատապարտելով եկեղեցւոյ դէմ ոճրային արարքը, եւ նշելով, որ քրիստոնեայ-իսլամ գոյակցութիւնը դարերու վրայ տարածուած իրողութիւն է ու նման ոճրային արարքներ չեն կրնար խանգարել այդ գոյակցութիւնը, որ Միջին Արեւելքի ամէնէն յատկանշական երեւոյթներէն է: Վեհափառը նաեւ իր զօրակցութիւնը յայտնեց ասորի ուղղափառ քոյր եկեղեցւոյ:

«Չունենք Իդէալներ, Եղածներն Էլ Վարկաբեկել Ենք», Կ՛ըսէ Ռուբեն Յովսէփեան

ՍԻՐԱՆ ԳՐԻԳՈՐԵԱՆ.- Որպէս գրողի ձեզ ի՞նչն է մտահոգում այսօրուայ Հայաստանում եւ ի՞նչն է, որ բոլորովին չի անհանգստացնում:

ՌՈՒԲԷՆ ՅՈՎՍԷՓԵԱՆ.- Բիւրեղացման կենտրոնի բացակայութիւնը: Դա ազգային գիտակցութեան, ազգային արժէքների կենտրոն պէտք է լինէր, որի շուրջ պէտք է համախմբուէին տարբեր կարծիքներ ունեցող մարդիկ: Քաղաքական հայեացքների ու ճաշակի բերումով ամէնքը, կարծէք թէ, իրենց շարժումն ունեն, բայց այդ տարբեր շարժումներից պէտք է առաջանար մէկ ընդհանուր շարժում:

ԱՆՈՒՇ ՀՈՎԵԱՆ
Կիրակի, Փետրուար 20, 2011 թուի, յետմիջօրէի ժամը 2ից 5ը, Իրանահայ միութիւնը կազմակերպել էր մի մտերմիկ եւ հաճելի միջոցառում: Իմաստալից մտայղացում էր՝ ձեռնարկել «Դռնբաց Այցելութիւն», նախապաշտօնական բացում՝ միութենականների ու համայնքի համար, Իրանահայ միութեան նորակառոյց, շքեղ ու արդիական կենտրոնատեղիում:
Կէսօրից յետոյ ժամը 1ից սկսեալ, Գլենդէյլի 117 South Louis փողոցում տօնական մթնոլորտ էր տիրում: Նախատեսուած էր ամէն ինչ՝ [...]

ՓԱՍԱՏԻՆԱ.- Ս. Գրիգոր Լուսաւորիչ եկեղեցւոյ Տիկնանց միութեան տարեկան 46րդ նորաձեւութեան ճաշկերոյթ-վաճառքը տեղի պիտի ունենայ Շաբաթ, Ապրիլ 16ին, Եունիվըրսըլ Սիթիի «Հիլթըն» պանդոկին մէջ (555 Universal Hollywood Dr., Universal City, CA 91608):

Չորեքշաբթի, Մարտ 16ին, առաջնորդ Մուշեղ արք. Մարտիրոսեան հանդիսապետեց Կլենտէյլի Ս. Աստուածածին եկեղեցւոյ Արեւագալի ժամերգութեան։ Արարողութեան մասնակից էին թեմին մէջ ծառայող միաբան եւ քահանայ հայրեր։ Արարողութենէն ետք, եկեղեցւոյ «Արմենակ Տէր Պետրոսեան» սրահին մէջ, հովանաւորութեամբ առաջնորդին, տեղի ունեցաւ Ազգ. առաջնորդարանի Տիկնանց օժանդակ մարմինին կազմակերպած Մեծ Պահքի ճաշկերոյթը։

ՍԱՐԳԻՍ ՓԱՆՈՍԵԱՆ
ՀՄԸՄ Ֆրեզնոյի «Սասուն» մասնաճիւղի տարեկան ընդհանուր ժողովը տեղի ունեցաւ Դեկտեմբեր 19, 2010ին, «Ասպարէզ» ակումբին մէջ, ներկայութեամբ շուրջ 30 ՀՄԸՄական մարզիկներու, քոյրերու եւ եղբայրներու: Ընդհանուր ժողովը միաձայնութեամբ ժողովի նախագահ ընտրեց Նշան Տէր Գալուստեանը, իսկ ատենադպիր՝ Պօղոս Հանտեանը: Ապա կարդացուեցան նիւթաբարոյական տեղեկագիրն ու հաշուեկշիռը, եղան հարցադրումներ, որոնց սիրով պատասխանեց վարչութիւնը:
Ընդհանուր ժողովը, լսելէ ետք վարչութեան նիւթաբարոյական տեղեկագիրը, [...]

ՀՄԸՄ Ֆրեզնոյի «Սասուն» մասնաճիւղի տարեկան ընդհանուր ժողովը տեղի ունեցաւ Դեկտեմբեր 19, 2010ին, «Ասպարէզ» ակումբին մէջ, ներկայութեամբ շուրջ 30 ՀՄԸՄական մարզիկներու, քոյրերու եւ եղբայրներու: Ընդհանուր ժողովը միաձայնութեամբ ժողովի նախագահ ընտրեց Նշան Տէր Գալուստեանը, իսկ ատենադպիր՝ Պօղոս Հանտեանը: Ապա կարդացուեցան նիւթաբարոյական տեղեկագիրն ու հաշուեկշիռը, եղան հարցադրումներ, որոնց սիրով պատասխանեց վարչութիւնը:

Սամի Մերտինեանէն (ջութակ), Անի Գալայճեանէն (թաւջութակ) ու Սոֆիա Մելիքեանէն (դաշնակ) բաղկցած «Սիմա» եռեակը Հինգշաբթի, Ապրիլ 7ին, երեկոյեան ժամը 7:30ին ելոյթ մը պիտի ունենայ Սրբոց Ղեւոնդեանց եկեղեցւոյ մէջ (3325 North Glenoaks Blvd. Burbank, CA),  հովանաւորութեամբ առաջնորդ Յովնան արք. Տէրտէրեանի: Ձեռնարկին իր մասնակցութիւնը պիտի բերէ նաեւ երգչուհի Կարինէ Աւագեան:
Տոմսերու սակը 35 տոլար է: Յաւելեալ տեղեկութեանց կամ տոմսերու [...]

ԿԼԵՆՏԷՅԼ.- Յաջորդական վեցերորդ տարին ըլլալով, Կլենտէյլի Հայ Դատի յանձնախումբը, համագործակցութեամբ, Կլենտէյլի քաղաքապետական խորհուրդի Ցեղասպանութեան ոգեկոչման շաբթուան յանձնախումբին, Ամերիկեան Կարմիր Խաչին ու Կլենտէյլի ՀՄԸՄ, ՀԵԴ մասնաճիւղերուն, կազմակերպած է արիւնարշաւ մը՝ ոգեկոչելու համար Հայկական Ցեղասպանութիւնը:
Արիւնարշաւը տեղի պիտի ունենայ Կիրակի, Ապրիլ 17ին, առաւօտեան ժամը 10էն մինչեւ կ.ե. ժամը 4, Կլենտէյլի «Գրիգոր եւ Մարիամ Գարամանուկեան» երիտասարդական կեդրոնին մէջ (211 [...]

Քրեսենթա հովիտի Հայց. առաքելական եկեղեցւոյ դաստիարակչական յանձնախումբին կազմակերպութեամբ, Կիրակի, Ապրիլ 3ին, յաւարտ Ս. պատարագի, տեղի պիտի ունենայ «Հայ-թրքական յարաբերութիւնները եւ Ցեղասպանութեան ուրացման նոր արշաւը» նիւթով դասախօսական ձեռնարկ մը: Օրուան բանախօսն է Քալիֆորնիոյ համալսարանի Լոս Անճելըսի մասնաճիւղին մէջ գործող Արդի հայոց պատմութեան ամպիոնի վարիչ փրոֆ. Ռիչըրտ Յովհաննէսեան:

ՆՈՐԹՐԻՃ.- Հայ ճարտարագէտներու եւ գիտնականներու ընկերակցութեան տարեկան 10րդ գիտական մրցանքը տեղի պիտի ունենայ Կիրակի, Ապրիլ 10ին, կ.ե. ժամը 2էն սկսեալ, Քալիֆորնիոյ նահանգային համալսարանի Նորթրիճի մասնաճիւղին «Կրենտ սալոն» սրահին մէջ (18111 Nordhoff Street, Northridge, California, 91330):
Մրցանքին իրենց մասնակցութիւնը պիտի բերեն հայկական ու պետական վարժարաններէ հայ աշակերտներ: Միջնակարգ ու երկրորդական վարժարաններու համար անջատ մրցանքներու ընթացքին, մրցանակներ պիտի [...]

ՓԱՍԱՏԻՆԱ.- Փասատինայի ոստիկանապետ Ֆիլիփ Սանչեզ, Շաբաթ, Մարտ 12ի յետմիջօրէին, իր կնոջ ընկերակցութեամբ այցելած է ՀԲԸՄի Փասատինայaի կեդրոնը, ուր ան դիմաւորուած է Արեւմտեան Ամերիկայի ՀԲԸՄի շրջանակային վարչութեան ատենապետ Հայկ Մսըրլեանի, վարչութեան վարիչ գործավար Եասմին Ալփայի ու արուեստի բաժանմունքի վարիչ Գրիգոր Սաթամեանի կողմէ:
Ոստիկանապետը առաջնորդուած է մարզասրահ, ուր զինք դիմաւորած են սկաուտները, իսկ ողջոյնի խօսք արտասանած է ՀԲԸՄի [...]

Ստեփան Եղիայի Ալաջաջեանը ծնուել է Սիրիայի Հալէպ քաղաքում 1924թ. Յունուարի 3ին, Կիլիկիայից Տէր Զօր աքսորուած, մահից ճողոպրած, նորից Կիլիկիա (Զէյթուն) վերադարձած, ապա կռուելով Հալէպ նահանջած ընտանիքում:

ԽԱՉԻԿ ՄԵԼԵՔԵԱՆ
Համաշխարհային թատերաբեմում իրադարձութիւնների սրընթաց արշաւը շարունակւում է. տնտեսական ճգնաժամ, յեղափոխութիւններ, աղէտի պատճառով Ճապոնիային տրամադրուող մարդասիրական աննախադէպ օգնութիւն, լուրջ հետեւանքների հետ կապուած համատարած տագնապ, Լիբիայում ժողաովրդավարութիւն հաստատելու յուսահատ եւ յանդուգն փորձեր: Միայն մէկ բան անփոփոխ է. ամերիկացիները պատրաստւում են վճարել իրենց հարկերը:
Ի տարբերութիւն նախորդ տարիների, այս տարի ամերիկեան հարկային վարչութիւնը թղթաբանութիւնը չի ուղարկում փոստային ծառայութեամբ: [...]

Ուրիշները ոչնչութիւն համարող անձերու կարելի է հանդիպիլ կեանքի խաչմերուկներուն վրայ, մանաւանդ երբ անոնցմէ ոմանք նիւթական բարձր դիրքերու տիրացած են կամ հանգամանաւոր ու տիտղոսաւոր դարձած: Ասոնց մէջէն ամէնէն խղճալիները անշուշտ, վերջը հարստացած տեսակներն են մարդոց, որոնք հարստութիւնը կը գործածեն իբրեւ ծածկոյթ իրենց տգիտութեան:

Ինչպիսի գեղեցկութեան տէր էր աշխարհահռչակ Էլիզապէթ Թէյլըրը արդէն ամէն մարդու համար յստակ էր։ Սակայն ո՞ւր կը կայանար այդ գեղեցկութեան գաղտնիքը, կ՛արժէ իմանալ այդ մասին։

Այս տարի Ապրիլ 24ը կը զուգադիպի Զատկուան Կիրակիին:

Եւ ուրեմն, այդ օրը, այդ սուրբ օրը, հայութիւնը ի մի պիտի գայ իբրեւ քրիստոնեայ՝ տօնելու համար Յիսուս Քրիստոսի Յարութիւնը, եւ, իբրեւ Ցեղասպանութեան մոխիրէն յառնող հնաւուրց ժողովուրդ՝ շեփորահարելու համար իր ազգային վերականգնումը:

Համաձայն վերջին տարիների սովորութեան, կազմակերպութեամբ Գլենդէյլի Հայ կենտրոնի ընկերային յանձնախումբին, Շաբաթ, Մարտ 19, 2011ին, Երեկոյեան ժամը 8:30ին, Գլենդէյլի «Ռենըսանս» սրահում տեղի ունեցաւ հանգանակային ճաշկերոյթ-պարահանդէս՝ «Գրիգոր եւ Մարիամ Գարամանուկեան» երիտասարդական կենտրոնի բարեզարդման օգտին:

Մարտ 25ին, ՀՀ Ազգային ժողովի ճեպազրոյցին ընթացքին, մեկնաբանելով ԵԱՀԿի առաքելութեան զեկոյցը՝ ՀՅԴ խմբակցութեան պատգամաւոր Վահան Յովհաննիսեան նշած է, թէ լրագրողները շատ լրջօրէն կը դիտեն այդ յայտարարութիւնը։