Daily Archives: January 16, 2013

Օճալան Փարիզի Սպանութեանց Հարցը Անմիջապէս Լուծելու Կոչ Կ՛ընէ

ԱՆԳԱՐԱ, »Անատոլու«.- Ցմահ բանտարկուած Քիւրտիստանի բանուորական կուսակցութեան ղեկավար Ապտուլլահ Օճալանի հետ Երկուշաբթի օր հանդիպում մը ունեցած անոր եղբայրը՝ Մեհմետ Օճալան յայտնեց, որ Օճալան դատապարտած է Փարիզի մէջ քիւրտ ականաւոր կին գործիչներու սպանութիւնը եւ կը պահանջէ, որ ոճիրին ծալքերը անմիջապէս բացայայտուին, որովհետեւ անիկա »նշան մըն է«, թէ՝ »ընդյատակեայ ուժեր գործի լծուած են«: Մինչ այդ, Թուրքիոյ փոխվարչապետ

Իրաքի Տարածքին Յարձակումներ Առնուազն 33 Զոհ Կը Խլեն

ՊԱՂՏԱՏ, »Ռոյթըրզ«.- Չորեքշաբթի, Յունուար 16ին, Իրաքի տարածքին տեղի ունեցած շարք մը պայթումներ եւ զինեալ յարձակումներ առնուազն 33 զոհ խլեցին: Յարձակումներէն ամենաարիւնալին տեղի ունեցաւ հիւսիսային Իրաքի Քերքուք քաղաքը գտնուող Քրտական ժողովրդավարական կուսակցութեան կեդրոնատեղիին առջեւ, ուր զոյգ պայթումներու հետեւանքով առնուազն 19 հոգի սպաննուեցաւ եւ վիրաւորուեցան մօտաւորապէս 200 ուրիշներ: Յարձակումներ տեղի ունեցան նաեւ քրտական Թուզ Խորմաթօ քաղաքին մէջ,

Ատրպէյճանի Մէջ Նախագահական Թեկնածուի Մը Վրայ Յարձակում

ՊԱՔՈՒ.- Ատրպէյճանական աղբիւներու համաձայն՝ Կիրակի, Յունուար 13ին, Լենքորան քաղաքին մէջ յարձակում մը գործուած է ընդդիմադիր »Մուսաւաթ« կուսակցութեան նախագահ Իսա Կամպարի վրայ: Ան քաղաք այցելած էր, որպէսզի մասնակցի կուսակցութեան շրջանային կառոյցի ստեղծման 20ամեակի նշման, երբ ամբոխ մը, որ քաղաքացիական հագուստով ոստիկաններու կողմէ կը կառավարուէր, յարձակած է Կամպարի ինքնաշարժին վրայ: Ըստ կուսակցութեան անդամներուն՝ այս յարձակումը կապուած է

Քանի Մը Տողով

– Յունուար 16ին, ֆրանսական ուժերը յառաջացան դէպի հիւիսային Մալի՝ օժանդակելու համար հոն հաստատուած ծայրայեղ իսլամական ապստամբներու դէմ պայքարող Մալիի բանակին: Ֆրանսա ներկայիս Մալիի մէջ 750 զինուոր ունի, իսկ անոնց թիւը կրնայ բարձրանալ 2500ի: Ֆրանսական ռազմական ուղղաթիռներ Ուրբաթ օրուընէ ի վեր կը հարուածեն ապստամբներու դիրքերը: Ֆրանսայի նախագահ Ֆրանսուա Հոլանտ կը յայտնէ, թէ Ֆրանսա Մալիի մէջ կը

Սուրիա Յաւելեալ Օժանդակութեանց Շուրջ Համաձայնութիւն Գոյացուց ՄԱԿի Հետ

ՄԱԿ, ՊԷՅՐՈՒԹ, »Ռոյթըրզ«.- ՄԱԿի հովանիին տակ գործող Համաշխարհային ուտեստեղէնի ծրագիրի ամերիկացի տնօրէն Էրթարին Քազըն Չորեքշաբթի, Յունուար 16ին յայտարարեց, թէ Սուրիոյ իշխանութեանց հետ գոյացած է համաձայնութիւն մը, որուն շնորհիւ մարդասիրական օժանդակութիւններ պիտի հասնին յաւելեալ մէկ միլիոն քաղաքացիներու՝ նպաստներ ստացող քաղաքացիներուն ընդհանուր թիւը հասցնելով 2.5 միլիոնի: Յաւելեալ օժանդակութիւնները տեղ պիտի հասնին 44 ոչ կառավարական կազմակերպութիւններու հետ համագործակցութեան

Թուրքիա « Սուրիացիներու Վալի»Կը Նշանակէ

ԼՈՆՏՈՆ.- »Շարք Աուսաթ« թերթը կը հաղորդէ, որ Թուրքիոյ կառավարութիւնը Ֆայսալ Ելմազը »սուրիացիներու վալի (պետ-Խմբ.)« նշանակած է: Ան պիտի հետեւի Թուրքիոյ եւ սուրիական վարչակարգի վերահսկողութենէն դուրս եղող շրջաններուն մէջ գտնուող սուրիացիներու հարցերուն: Ելմազի գրասենեակը Այնթապի մէջ է: Անոր »վալի« կոչուիլը սուրիացի կարգ մը ընդդիմադիրներուն մօտ վրդովում յառաջացուցած է: Անոնք նշած են, թէ այդ կոչումը թրքական »վիլայէթներ«ու

«Օգնիր Եղբօրդ» Նախաձեռնութիւնը Նկատուած Է Տարուան Լաւագոյն Նախաձեռնութիւնը

ԵՐԵՒԱՆ, «Ի լուր».–  «Յանուն ապագայի» քաղաքացիական նախաձեռնութիւնը «Օգնիր եղբօրդ» նախաձեռնութիւնը նկատած է տարուան լաւագոյնը: «Ի լուր»ի հետ ունեցած զրոյցին ընթացքին այս մասին յայտնած է «Օգնիր եղբօրդ» նախաձեռնող խումբի անդամ Լիլիթ Գալստեանը՝ նշելով, որ տարուան լաւագոյն նախաձեռնութիւնը նկատուիլը արդիւնք է բոլորին նուիրումին: Ան շնորհակալութիւն յայտնած է անոնց, որոնք հաւատացին ծրագիրին, մասնակից եղան՝ իրենց ձեռքը մեկնելով պատերազմին

«Ջաւախքի Հարցում Հայաստանն Իր Պարտաւորութիւնը Չի Կատարում». Հայկազուն Ալվրցեան

15 Յունուարին կայացած մամլոյ ասուլիսին ընթացքին վրացագէտ Հայկազուն Ալվրցեան յայտնած է, որ æաւախքի հարցերով Հայաստանի հետաքրքրութիւնները միջամտութիւններ չեն Վրաստանի ներքին գործերուն, որովհետեւ æաւախքը պատմականօրէն հայաբնակ եւ հայկական տարածք է, բայց քաղաքական հանգամանքներու բերումով այսօր կը գտնուի Վրաստանի կազմին մէջ: Անոր համաձայն, Հայաստան ունի բոլոր իրաւունքները իր հայրենակիցներուն ճակատագիրով հետաքրքրուելու եւ Հայաստանը պարտաւորութիւն ունի հայկական մշակոյթը

Յետ Այսու Սուրիահայերը Շաբաթական Օգնութիւն Պիտի Ստանան

ԵՐԵՒԱՆ, «Երկիր Մեդիա».-  «Օգնիր եղբօրդ» նախաձեռնութեան եւ ՀՕՄի ջանքերով կազմակերպուած օգնութիւնը յետ այսու սուրիահայերուն պիտի տրուի ամէն շաբաթ։ Սննդամթերքէն բացի սուրիահայերուն պիտի բաժնուին ձմեռային հագուստներ, բաճկոններ: Աւելի քան 350 բաճկոն Թայուանէն ուղարկած է հալէպահայ բարերար Յովիկ Յակոբեանը: 400 քիլոկրամ դեղորայք հասած է Ֆրանսայէն եւ Զուիցերիայէն. յառաջիկային օժանդակութիւն պիտի տրամադրուի նաեւ Հայ Աւետարանական եկեղեցւոյ կողմէ: Սուրիահայերուն

«Կոլլափի»ի Համաձայն, Հայաստանի Մէջ Համացանցի Հասանելիութիւնը 33 Տոկոս Է

Հայաստան համացանցային հասանելիութեան առումով յառաջատար է Հարաւային Կովկասի մէջ, հաստատած է «Կոլլափի»ի կատարած հարցախոյզը։ Հարցախոյզին համաձայն, 2011 թուականին աշխարհի մէջ բնակչութեան 32 տոկոսին համար համացանց հասանելի եղած է: Ան հարցախոյզ կատարած է 148 երկիրներու մէջ, 2010ի տուեալներուն հետ բաղդատելով՝ համացանցի հասանելիութիւնը աշխարհի մէջ բարձրացած է 3 տոկոսով: Հայաստանի մէջ 2011ին հարցախոյզին մասնակիցներուն 33 տոկոսը յայտնած

Top