Ըստ Թուրքիոյ Արխիւներուն՝ Ցեղասպանութեան Զոհերը «Ողջ» Են Կամ «Անյայտ Կորսուած»

0001-00001

0001-00001

ՄՈՆԹՐԷԱԼ, «Հորիզոն».- Թուրքիոյ բնակչութեան հարցերու վարչութեան պաշտօնական արխիւներուն մէջ, Հայոց Ցեղասպանութեան տարիներուն սպաննուած հայերը՝ կա՛մ դեռ «ողջ» են, կա՛մ «կը փնտռուին իբրեւ անյայտ կորսուածներ»: Նման տեղեկութիւն յայտնաբերուած է՝ Թուրքիոյ հանրային ծառայութիւններու կայքէն քաղաքացիներու տոհմածառերը ուսումնասիրելու կարելիութիւն ընծայող նոր ծառայութեան մը ստուգումէն ետք:

Արդարեւ, նշեալ ծառայութենէն օգտուած կարգ մը «թուրք» ազգայնամոլներ նոյնիսկ զարմացած են, երբ յայտնաբերած են, որ իրենք թրքութեան հետ կապ չունին:

Իսկ հայերու պարագային, անոնք, որոնք փորձած են նշեալ ծառայութիւնը օգտագործել իրենց հայկական ազգանունները բացայայտելու կամ իրենց բռնի իսլամացուած պապերուն հայկական անունները իմանալու նպատակով, բախած են մէկ այլ ապշեցնող «իրականութեան» մը… Պոլսահայ Նատիա Ույկուն կը հաստատէ, որ իր հարցումին ի պատասխան, ստացած է իր նախնիներուն «ողջ» ըլլալու մասին նիւթեր: Օրինակ, իր մեծ-մեծ հայրերէն՝ 1847ին Սեբաստիա ծնած Սարգիս Այվա Կեմերեքի անուան դիմաց գրուած է. «Ամուսնացած եւ ողջ է», իսկ մօր կողմէ մեծ հօր մօր՝ Թրվանտա Քիպրիթը, որ ծնած 1849ին, նոյնպէս «ողջ» կը համարուի:

Նաեւ, մեծ թիւով հայեր չեն կրցած գտնել իրենց հայկական ազգանունները, եւ նոյնիսկ 1800ականներու փաստաթուղթերուն մէջ համակարգը ցոյց տուած է անոնց «թրքացուած» ազգանունները, այսինքն՝ 1934ին Թուրքիոյ կառավարութեան կողմէ բոլոր քաղաքացիներուն տրուած թրքական ազգանունները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top