Փայլան Ցեղասպանութիւնը Ճանչնալու Բանաձեւ Ներկայացուց Թուրքիոյ Խորհրդարանին

0421Garo Paylan Geno

0421Garo Paylan Geno

ՊՈԼԻՍ, «Ահվալ».- Թուրքիոյ քրտամէտ Ժողովուրդներու ժողովրդավարական կուսակցութեան երեսփոխաններէն Կարօ Փայլան, Ուրբաթ, Ապրիլ 20ին Թուրքիոյ խորհրդարանին ներկայացուցած է Հայոց Ցեղասպանութիւնը պաշտօնապէս ճանչնալ պահանջող բանաձեւ մը, ուր նաեւ կը շեշտուի, թէ Ապրիլ 24ը պէտք է Ցեղասպանութիւնը պաշտօնապէս ոգեկոչելու օր հանդիսանայ։

Միաժամանակ, Փայլան կը պահանջէ փոփոխութեան ենթարկել քաղաքացիութեան օրէնքը, որպէսզի կարելի ըլլայ քաղաքացիութիւն շնորհել Հայոց Ցեղասպանութեան ընթացքին զոհուածներու եւ տեղահանուածներու շառաւիղներուն։

Նաեւ, բանաձեւին մէջ կը շեշտուի, թէ պէտք է հանրային վայրերէ վերցուին անունները բոլոր անոնց, որոնք պատասխանատու էին Հայոց Ցեղասպանութեան ծրագիրի գործադրութեան։

Բանաձեւին մէջ Փայլան կը բացատրէ, թէ 1914ին կատարուած մարդահամարին տուեալներով՝ մօտաւորապէս երկու միլիոն հայեր կ՛ապրէին Օսմանեան կայսրութեան մէջ, սակայն այդ թիւը զգալիօրէն նուազած է Ապրիլ 24ին, Պոլսոյ մէջ տեղի ունեցած մօտաւորապէս 250 հայ մտաւորականներու ձերբակալութեամբ եւ դէպի մահ տարագրութեամբ սկսած Ցեղասպանութեան իբրեւ հետեւանք։

Յիշեցնենք, որ անցեալ տարի, Փայլան պատժուած էր եւ կորսնցուցած խորհրդարանական երեք նիստերու մասնակցելու իրաւունքը, Հայոց Ցեղասպանութեան մասին խորհրդարանին մէջ արտայայտուելուն պատճառով։ Այդ պատիժը սահմանուած էր Թուրքիոյ իշխող՝ կրօնամէտ Արդարութիւն եւ բարգաւաճում, ինչպէս նաեւ ազգայնամոլ Ազգային շարժում կուսակցութիւններուն ջանքերով վաւերացուած եւ Ցեղասպանութեան մասին խորհրդարանին մէջ արտայայտուիլը արգիլող նոր օրէնքի մը պայմաններուն հիման վրայ։

Նախապէս, Փայլան խորհրդարանին մէջ արտայայտուած էր Ցեղասպանութեան եւ յատկապէս անոր ընթացքին սպաննուած մտաւորականներուն մասին՝ առանց պատիժ կրելու։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top