Ատրպէյճանցի Զինուորականներ Շուշիի Մէջ Պղծած Եւ Քանդած Են Յովհաննէս Թեւոսեանի Յուշարձանը

0305artzan

0305artzan

ՍՏԵՓԱՆԱԿԵՐՏ, «Ապառաժ».- Ատրպէյճանցի զինուորականներ կը շարունակեն պղծել հայկական յուշարձանները Ատրպէյճանի վերահսկողութեան տակ անցած տարածքներուն մէջ: Ընկերային ցանցերու վրայ յայտնուած է տեսանիւթ մը, որուն մէջ ատրպէյճանցի զինուորականներ կը քանդեն Յովհաննէս (Իւան) Թեւոսեանի յուշարձանը։ Լուրը կը հաղորդէ «Սփիւթնիք-Արմէնիա»ն:

Նշենք, որ Թեւոսեան ծնած է Շուշիի մէջ, քանի մը տարի ետք ընտանիքը փախուստ տուած է Շուշիէն եւ բնակութիւն հաստատած Պաքուի մէջ:

1948-1949 թուականներուն վարած է Խորհրդային Միութեան արդիւնաբերութեան նախարարի պաշտօնը, 1949-1956ին եղած է նախարարներու խորհուրդի փոխնախագահ, իսկ 1956 թուականէն մինչեւ մահը եղած է Ճափոնի մօտ Խորհրդային Միութեան դեսպանը:

Նշենք, որ ասիկա հայկական պատմամշակութային յուշարձաններուն դէմ ատրպէյճանական վայրագութեան առաջին դէպքը չէ:

Նոյեմբեր 2020ին, ատրպէյճանի զինուորական ծառայողներ ոչնչացուցած էին Շուշիի Կանաչ մատուռի գմբէթը եւ զանգակատունը:

16 Նոյեմբերին պղծած ու մասամբ աւերած էին Մեխակաւան գիւղի Սուրբ Աստուածածին եկեղեցին, իսկ անոր վրայ տեղադրուած խաչը քանդած էին: Պղծուած էր նաեւ Վազգէն Սարգսեանի յուշարձանը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top