Քալիֆորնիոյ Խորհրդարանի Անդամներուն Նախաձեռնած Մրցումներուն Ժամկէտը Կ՛երկարաձգուի

0409Armenian-Legislative-Caucus

0409Armenian-Legislative-Caucus

ՍԱՔՐԱՄԵՆԹՕ.- Ինչպէս հաղորդած էինք, Քալիֆորնիոյ նահանգային խորհրդարանի Հայկական օրէնսդրական խմբակցութեան նախաձեռնութեամբ, այս տարի եւս տեղի պիտի ունենան Հայոց Ցեղասպանութեան նուիրուած շարադրութեան եւ գծագրութեան մրցումներ, որոնց կրնան մասնակցիլ Քալիֆորնիոյ վարժարաններու 9էն 12րդ դասարաններու աշակերտները:

Համաճարակին պատճառով, կազմակերպիչները որոշած են ստեղծագործութիւններուն ներկայացման ժամկէտը երկարաձգել մինչեւ 15 Յունիս։

Շարադրութիւնը պէտք է գրուի՝ իբրեւ դիմում Facebook-ին, Հայոց Ցեղասպանութիւնը ուրացողներուն դէմ պարտադրելու համար այնպիսի արգելքներ, որոնք արդէն ի զօրու են Հրէական Ողջակիզումը ուրացողներուն դէմ։

Գծագրութեան այս տարուան մրցանքին նիւթը «Միջմարդկային յարաբերութիւններ»ն է։

Շարադրութիւնները կամ ստեղծագործութիւնները պէտք է յղուին 1915essay@gmail.com հասցէին: Իւրաքանչիւր մրցանքի առաջին հանդիսացողը պիտի ստանայ 1000 տոլար, իսկ երկրորդ եւ երրորդ հանդիսացողները՝ յաջորդաբար 750 եւ 500 տոլար։

Մրցանքներու պայմաններու մանրամասնութիւններուն համար այցելել http://asbarez.com/201659 կայքէջը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top