Դաշնակցային Ատեանը Կ՛արտօնէ Շարունակել Թուրքիոյ Կողմէ Ղազարեաններու Կրօնական Իրաւունքներու Խախտումներուն Դէմ Դատը

0409Ballum
0409Ballum

Պալլումի ուխտատեղիէն պատմական լուսանկար մը

0409Barkev

Պարգեւ Ղազարեան

ԼՈՍ ԱՆՃԵԼԸՍ.- Հակառակ Միացեալ Նահանգներու արտաքին գործոց նախարարութեան ներկայացուած Անգարայի բողոքներուն՝ Կեդրոնական Քալիֆորնիոյ մէջ գործող Միացեալ Նահանգներու շրջանային ատեանը 16 Մարտին որոշեց շարունակել Թուրքիոյ իշխանութիւններուն դէմ հայր եւ զաւակ Պարգեւ եւ Կարօ Ղազարեաններու անունով բացուած դատը, որ Անգարան կ՛ամբաստանէ նշեալներուն կրօնական եւ մշակութային իրաւունքները ոտնակոխելու յանցանքով։

2018ին բացուած դատէն ետք, Անգարա ոչ միայն կը մերժէր ստանձնել իրեն յղուած դատին փաստաթուղթերը, որոնց հիման վրայ պէտք է պատասխանէր ատեանին, այլ նաեւ կը պահանջէ, որ դատը անմիջաէս կասեցուի։

Վերջապէս, «Քերքոնեան Տաճանի» իրաւաբանական հիմնարկը անցեալ Հոկտեմբերին յաջողեցաւ արտաքին գործոց նախարարութոան միջոցաւ Թուրքիոյ յանձնել փաստաթուղթերը, որոնք ամիս մը ետք վերադարձուեցան՝ առանց պատասխանի եւ դատը կասեցնելու պահանջով։

0409Garo

Կարօ Ղազարեան

Ասոր հիման վրայ, ատեանը հաստատեց, թէ փաստաթուղերը տեսնուած են Անգարայի կողմէ եւ թէ դատավարուիւնը կարելի է շարունակել, որուն շնոհիւ կարելի կրնայ ըլլալ Թուրքիան դատապարտող վճիռ մը ապահովել։

Հարցը ծագած էր, երբ Թուրքիոյ գործակալները սպառնալով՝ ճնշումներ բանեցուցած էին Կլենտէյլէն (Քալիֆորնիա) Պարգեւ Ղազարեանի վրայ եւ վարկաբեկած էին զայն, երբ ան 2017ին կը փորձէր իր կրօնական եւ մշակութային իրաւունքներուն համաձայն՝ այցելել պատմական Քեսապի մէկ ուխտատեղին՝ Պալլումի մէջ, որ ներկայիս կը գտնուի Թուրքիոյ սահմաններուն մէջ։

Դատին մէջ նաեւ կը շեշտուի, որ Թուրքիոյ իշխանութիւնները նաեւ արգելք հանդիսացան Պարգեւին, որ որոշ ուխատեղիներու յատուկ ազգային աւանդութիւնները ազատօրէն փոխանցէ իր զաւակին՝ Կարոյին։

Դատը բացուած է Պարգեւին կողմէ, որ կը շեշտէ, թէ թրքական կողմին առած քայլերը միջազգային օրէնքներու խախտումներ են եւ մաս կը կազմեն Թուրքիոյ բնիկ հայ քրիստոնեաներուն իրաւունքները ոտնակոխելու Անգարայի քաղաքականութեան։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top