Ժիրինովսքի Կը Խօսի «Ճենկիզ Խանէն Մինչեւ Էրտողան Երկարող Արեւելեան Արիւնարբութեան» Մասին

0416Zhirinovski

0416Zhirinovski

ՄՈՍԿՈՒԱ– Ըստ Ռուսիոյ Ազատական ժողովրդավարական կուսակցութեան ղեկավար Վլատիմիր Ժիրինովսքիի` ժամանակն է «հանդարտեցնելու» Թուրքիոյ նախագահ Ռեչեփ Թայիփ Էրտողանը: Քաղաքական գործիչը արձագանգեց Թուրքիոյ ղեկավարին յայտարարութիւններուն, որոնցմով ան աջակցութիւն յայտնեց Ուքրանիոյ եւ անգամ մը եւս Խրիմի Ռուսիոյ վերամիաւորումը անուանեց «բռնակցում»:

Ըստ «Փոլիթոպզոր» կայքին՝ ռուս քաղաքական գործիչը իր խօսքին մէջ ըսաւ, որ Էրտողան բազմաթիւ տարածքներ բռնագրաւած է, եւ անոնց շարքին նշեց Արցախը:

«Էրտողան դարձեալ կ՛ըսէ, որ մենք բռնակցած ենք Խրիմը: Մենք ալ իրեն կ՛ըսենք, որ ան բռնակցած է Հիւսիսային Կիպրոսը, ան բռնակցած է Լիպիոյ մէկ մասը, բռնակցած է Ղարաբաղը, բռնակցած է Ատրպէյճանը եւ այլն: Թռուցիկ մը հրապարակեցէք, որպէսզի ցոյց տանք Ճենկիզ խանէն մինչեւ Էրտողան երկարող արեւելեան արիւնարբութիւնը, երբ մէկ ձեռքով ծաղիկներ կը նուիրէ, իսկ միւս ձեռքին մէջ դաշոյն է` կեռ, թրքական դաշոյն: Լիպիոյ մէջ մեզ կը խանգարեն, Սուրիոյ մէջ կը խանգարեն, Ատրպէյճանի մէջ կը խանգարեն, հիմա ալ Ուքրանիոյ մէջ կը խանգարեն: Տակաւին կ՛ուզեն նոր զէնքեր ապահովել, որ այդ զէնքով սպաննեն ռուս զինուորները», ըսաւ Ժիրինովսքի:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top