Փորթանթինոն Կը Նախագահէ Հայաստանի եւ Արցախի Համագործակցութիւնը Յանձնախումբը

0416PORTANTINO


0416PORTANTINO

 

ՍԱՔՐԱՄԵՆԹՕ.- Քալիֆորնիոյ նահանգային Ծերակոյտի անդամ Էնթընի Փորթանթինօ 15 Ապրիլին յայտարարեց, թէ Քալիֆորնիոյ, Հայաստանի եւ Արցախի առեւտուրի եւ արուեստի ու մշակոյթի փոխանակման յատուկ յանձնախումբը պիտի շարունակէ իր գործունէութիւնը օրէնսդրական 2021-2022 տարեշրջանին ընթացքին։

Յիշեցնենք, որ Քալիֆորնիոյ նահանգային Ծերակոյտի Օրէնքներու յանձնախումբը, պատմական քայլ մը առնելով՝ 2017ին հաստատեց նշեալ յանձնախումբը, որուն ատենապետութիւնը ստանձնած էր Փորթանթինօ. ան պիտի շարունակէ մնալ յանձնածումբին ատենապետը։

Յանձնախումբը կազմուած էր Փորթանթինոյի առաջարկով եւ համագործակցութեամբ Հայ Դատի յանձնախումբին, նպաստելու համար Հայաստանի եւ Արցախի հետ նահանգային առեւտրական, մշակութային եւ կրթական կապերու սերտացման։

Ներկայիս Քալիֆորնիոյ, Հայաստանի եւ Արցախի առեւտուրի եւ արուեստի ու մշակոյթի փոխանակման յատուկ յանձնախումբին անդամներն են՝ ծերակուտականներ Պապ Արքուլեթա, Անտրէաս Պորկաս, Մարիա Էլենա Տուրազօ, Մելիսա Հուրթատօ, Պրայըն Ճոնզ, Էնթընի Փորթանթինօ, Սուզեն Ռուպիօ, Հենրի Սթըրն, Սքափ Ուինըր եւ Սքաթ Ուիլք։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top