«Արուեստագէտները Յանուն Արցախի» Դրամաշնորհների Պարգեւառուների Նոր Ալիքը

0416AFA

0416AFA

Creative Armenia-ն հպարտ է ներկայացնել այն վեց արուեստագէտներին, ովքեր ստացել են «Արուեստագէտները յանուն Արցախի» դրամաշնորհներ` ստեղծարար գումարներ բոլոր ոլորտների արուեստագէտների համար, ովքեր համաշխարհային ուշադրութիւնը կը սեւեռեն դէպի Արցախը ու նրա ժողովուրդը:

«Հպարտ ենք այս տաղանդաւոր արուեստագէտներով», ասաց Creative Armenia-ի հիմնադիր տնօրէն Կարին Յովհաննէսեանը: «Արցախի հանդէպ նրանց նուիրուածութեան չափը եւ շրջանակը ոգեշնչում են մեզ բոլորիս»:

Ստեղծարար դրամաշնորհների վերջին պարգեւառուներն են.

– Նարեկ Ալեքսանեանը, ով լուսանկարիչ է, Հայաստանից, Արցախի կեանքը եւ մշակոյթը վարպետօրէն պատկերելու համար:

– Քամի Աբրահամեանը, ով բազմատաղանդ արուեստագէտ է Կանադայից, իր նորարար «AR» ցուցադրութեան ստեղծման համար` հիմնուած նրա լայնօրէն ճանաչուած «Սթրիթ արտ» գործի վրայ, որը բարձրացրեց արցախեան պատերազմի մասին իրազեկութիւնը:

– Անուշ Ղուկասեանը, ով տեսողական արուեստագէտ է Հայաստանից, գրաւիչ ցուցադրական արուեստ ստեղծելու համար, որը մարտահրաւէր կը նետի սահմանների, պատերազմի եւ խաղաղութեան հասկացութիւնները:

– Վահէ Տէրտէրեանը, ով ֆիլմի բեմադրիչ է Հայաստանից, Արցախի երեխաների մասին պատմող իր հզօր կարճամետրաժ վաւերագրական ֆիլմի համար:

– Վալերի Ղազարեանը, ով ռեփեր եւ երաժիշտ է Արցախից, ռեփի եւ ջութակի ծորող հնչիւնների միաձուլման համար` արուած ջութակահար եւ արցախցի Կիմա տատիկի հետ համագործակցութեամբ:

– Օկսանա Միրզոյեանը, ով ֆիլմի բեմադրիչ է Ամերիկայի, Արցախի մասին «Abysm» ֆիլմի համար, որը միջազգային ուշադրութիւնը կը սեւեռի պատերազմի մարդկային պատմութեան վրայ:

Այս վեց ստեղծագործողներն այժմ միանում են «Արուեստագէտները յանուն Արցախի» դրամաշնորհ ստացողների շարքերին, որը ընդգրկում է նաեւ գեղագիր Ռուբէն Մալայեանին (Հայաստան), գրող Թալին Բաբայեանին (Ամերիկա), ֆիլմի բեմադրիչ Քրիստինէ Յարութիւնեանին (Ամերիկա), գրող եւ լրագրող Լիկա Զաքարեանին (Արցախ), վաւերագրող Վարդան Յովհաննիսեանին ( Հայաստան) եւ շատ ուրիշներին, ովքեր առաջ են մղում Արցախի ոգին համաշխարհային լսարանին հասցնելու առաքելութիւնը:

Creative Armenia-ն մշակութային հիմնադրամ է հայ ժողովրդի համար, որը յայտնաբերում, զարգացնում ու խթանում է արուեստի տարբեր ոլորտների նորարար ստեղծագործողների: Հիմնադիր խորհրդի կազմում են Սերժ Թանգեանը, Էրիկ Իսրայէլեանը, Արսինէ Խանջեանը, Էրիկ Պողոսեանը, Քարլա Կարապետեանը, Սիմոն Աբգարեանը եւ Մայքլ Արամը: Իմացէք աւելին` այցելելով www.creativearmenia.org կայքը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top