Հայաստանի Նախագահը Այցելեց Սիւնիքի Սահմանագիծի Խնածախ Համայնքը

0420president2

0420president2

ԵՐԵՒԱՆ, «Արմէնփրէս».- Հանրապետութեան նախագահ Արմէն Սարգսեան, Մարդու իրաւունքներու պաշտպան Արման Թաթոյեանի հետ 19 Ապրիլին այցելեց Սիւնիք։

Նախագահը այցելեց Հայաստանի պաշտպանութեան նախարարութեան N զօրամասի մարտական դիրքերը, ծանօթացաւ սահմանային բնագիծին, մարտական հերթապահութիւն կատարող զինուորներու կեցութեան պայմաններուն, զրուցեց սահմանային բնագիծը պահող զինուորներուն հետ:

Հանրապետութեան նախագահը գերազանց ծառայութեան համար խումբ մը զինուորներ պարգեւատրեց անուանական ժամացոյցներով:

Մարդու իրաւունքներու պաշտպան Արման Թաթոյեան նշեց, որ քանի մը անգամ այցելած է այս հատուածը, ուր տղաքը դժուար պայմաններու մէջ իսկապէս հերոսական ծառայութիւն կը կատարեն։

0420president3

«Դուք ձեր պարտականութիւնները լաւագոյնս էք կատարում: Իրար կողքի եղէք, իրար լաւ նայէք, աչալուրջ եղէք, օգնէք իրար եւ, հետեւէք ձեր առողջութեանը: Յիշէք ձեր ընտանիքը, ծառայէք հայրենիքին եւ աջակցէք իրար։ Ես հրամանատարի հետ էի խօսում, շատ բարձր կարծիքի է ձեր մասին: Այսօր նրա գովեստի խօսքերը ձեր մասին ընդունում եմ որպէս գնահատական եւ ձեզնից իւրաքանչիւրին կրկին մաղթում եմ ամրութիւն: Վստահ եղէք, որ մենք բոլորս մտածում ենք ձեր մասին, տղաներ: Պինդ եղէք», յայտնեց Հանրապետութեան նախագահը եւ բոլորին բարի ծառայութիւն ու բարի վերադարձ մաղթեց:

Արմէն Սարգսեան եւ Արման Թաթոյեան այցելեցին նաեւ մարզի սահմանամերձ Խնածախ բնակավայրը, ուր զրուցեցին բնակիչներուն հետ, ծանօթացան անոնց հարցերուն, որոնք հիմնականին մէջ կը վերաբերին անվտանգութեան, ընկերային-տնտեսական վիճակին, ինչպէս նաեւ մարդու իրաւունքներուն:

0420president1

Բնակիչները մասնաւորապէս նշեցին, որ որոշ տարածքներ, հիմնականին մէջ` արօտավայրեր, պատերազմէն ետք անցած են ատրպէյճանական վերահսկողութեան տակ, եւ ներկայիս իրենք, անվտանգութենէն բացի, կանգնած են նաեւ ապրուստը հոգալու հարցին դէմ յանդիման: Անոնք առանձնացուցին նաեւ ճամբաներու վերանորոգման, ջրամատակարարման եւ կազի մատակարարման հարցերը:

Նախագահը առաջարկեց շրջաններուն հիմնական հարցերը՝ համապատասխան մանրամասնութիւններով ներկայացնել նախագահի աշխատակազմին, որպէսզի իր լիազօրութիւններու եւ կարելիութիւններու սահմաններուն մէջ աջակցի անոնց լուծման:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top