Պէտք Չէ Վստահիլ Թուրքին, Այնքան Ատեն, Որ Կը Շարունակէ Իր Հակահայ Քաղաքականութիւնը․ Արամ Ա․ Կաթողիկոս

0420aram-a

0420aram-aԱՆԹԻԼԻԱՍ– Մեծի Տանն Կիլիկիոյ Արամ Ա. կաթողիկոսը իր Facebook-ի էջին վրայ գրած է հետեւեալը. «Շուրջ տասը տարիներ առաջ Անթիլիաս այցելեց թուրք հանրածանօթ պատմաբան մը, Սիսի կաթողիկոսարանի դատին շուրջ ինծի հետ հանդիպում ունենալու եւ ապա դասախօութիւն մը տալու Ցեղասպանութեան մասին: Այցելութեան մասին հայրս իմացած էր «Վանայ Ձայն» ռատիոկայանէն: Այցելու պատմաբանին հետ հանդիպման մէջ էինք, երբ հեռաձայնը հնչեց եւ հայրս բարկացոտ շեշտով ըսաւ. «Թուրքը ի՞նչ գործ ունի Անթիլիասի մէջ…»։ Պատասխանեցի՝ ըսելով, որ այս թուրքը միւս թուրքերուն չի նմանիր, ան քաջութիւնը ունեցած է հայ ժողովուրդին ցեղասպանութեան մասին գիրք գրելու եւ մեր դատը պաշտպանելու: Հայրս պատասխանեց՝ ըսելով. «Տղա՛ս, թուրքը թուրք է, ի՛նչ ալ ընէ, խօսի կամ գրէ, պէտք չէ վստահիլ թուրքին…»: Հեռաձայնը փակելէ յետոյ պատմաբանին պատմեցի իր այցելութեան գծով հօրս ունեցած խիստ հակազդեցութեան մասին: Ան ըսաւ. «Կը հասկնամ ձեր հօր պոռթկումը, հին սերունդը այսպէս կը մտածէ»: Անմիջապէս աւելցուցի. «Նաե՛ւ նոր սերունդը, այնքան ատեն, որ Թուրքիան կը շարունակէ իր ուրացման եւ հակահայ քաղաքականութիւնը»»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top