Քալիֆորնիոյ Ծերակոյտի Մէկ Յանձնախումբը Հաստատեց Թուրքիայէն Ներդրումները Ետ Քաշելու Գործընթացը Արագացնող Բանաձեւը

Stop_Investment_New (1)

Stop_Investment_New (1)

ՍԱՔՐԱՄԵՆԹՕ.- Քալիֆորնիոյ նահանգային Ծերակոյտի Աշխատաւորական, հանրային մարզի պաշտօնեաներու եւ հանգստեան կոչուողներու յանձնախումբը 19 Ապրիլին հաստատեց Ծերակոյտի անդամներ Էնթընի Փորթանթինոյի եւ Սքաթ Ուիլքի կողմէ ներկայացուած թիւ 457 բանաձեւը, որ տեղական կառավարման մարմիններուն եւ աշխատաւորական միութիւններուն արտօնութիւն պիտի տայ իրենց ներդրումները ետ քաշելու Թուրքիայէն։

Յիշեցնենք, որ Քալիֆորնիոյ նահանգապետ Կեւըն Նիւսըմ 2019ին ստորագրած էր նահանգային խորհրդարանին եւ Ծերակոյտին կողմէ հաստատուած թիւ 1320 բանաձեւը, օրէնքի ուժ տալով նահանգային ներդրումները Թուրքիայէն ետ քաշել պահանջող առաջադրանքին, սակայն Փորթանթինօ եւ Ուիլք դժգոհ են այդ գործընթացքին դանդաղ քայլերէն։

Փորթանթինօ եւ Ուիլք կը շեշտեն, թէ յատկապէս Արցախի դէմ Թուրքիոյ ցեղասպանական նորագոյն քայլերէն ետք, Անգարային դէմ պէտք է աւելի ազդու քայլեր առնուին:

Նշենք, որ բանաձեւին պատրաստութեան մէջ դերակատարութիւն ունեցած է նաեւ Կլենտէյլի քաղաքապետական խորհուրդի անդամ Արտի Քասախեան, որ քաղաքին ներդրումները Թուրքիայէն ետ քաշել պահանջող առաջարկ մը ներկայացուցած է։

Բանաձեւին համահեղինակներն են՝ Քալիֆորնիոյ նահանգային ծերակուտականներ Պապ Արքուլեթա եւ Անտրէաս Պորկաս։

Այս նպատակով, Փորթանթինօ եւ Ուիլք մօտէն կը գործակցին Արեւմտեան Ամերիկայի Հայ Դատի յանձնախումբին հետ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top