Ստեփանակերտի Մէջ Յառաջիկայ Երկու Տարիներուն Պիտի Կառուցուին 1000 Բնակարաններ

0420doun1

0420doun1

ԵՐԵՒԱՆ, «Արմէնփրէս».- Արցախի Հանրապետութեան նախագահ Արայիկ Յարութիւնեան 19 Ապրիլին այցելեց մայրաքաղաք Ստեփանակերտի շինարարական հրապարակները եւ ծանօթացաւ նոր բազմաբնակարան շէնքերու կառուցման աշխատանքներուն:

Ան մասնակցեցաւ հիմնարկէքին Թումանեան փողոցին վրայ նոր 157 բնակարանաննոց շէնքին, զոր կը նախատեսուի շահագործման յանձնել 2 տարուան ընթացքին:

Նոյն թուականին պիտի աւարտի նաեւ Արցախ թաղամասին մէջ կառուցուող 191 բնակարանաննոց համալիրի, Կնունեանցներու փողոցին մէջ 70 բնակարանաննոց շէնքի, Վարդան Մամիկոնեան փողոցի վրայ 171 բնակարանով, Տիգրան Մեծ փողոցին վրայ կառուցուելիք նոր թաղամասին մէջ` 218 բնակարաններու շինարարութիւնը:

0420Doun

 

Նախագահ Յարութիւնեան քաղաքաշինութեան նախարարին, Ստեփանակերտի քաղաքապետին եւ շինարարական կազմակերպութիւններու ներկայացուցիչներուն հետ տեղւոյն վրայ քննարկեց աշխատանքներու ընթացքին վերաբերող հարցեր եւ տուաւ յանձնարարականներ` աշխատանքները նախանշուած ժամկէտներու ընթացքին աւարտելու վերաբերեալ:

«Մայրաքաղաքում իրականացուող բնակարանաշինական ծրագրերի հիմնական շահառուները տեղահանուած Շուշի եւ Հադրութ քաղաքների բնակիչներն են, ինչպէս նաեւ ընկերային մի շարք խմբեր: Խնդիրը օր առաջ նրանց բնակարանով ապահովելն է», ըսաւ նախագահը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top