«Նեմեսիս»ի 100ամեակին Նուիրուած «Դարերու Վրէժը» Խորագիրով Ձեռնարկ

0421Nemesis

0421Nemesis

0421ՅակոբՏէրԽաչատուրեան

Յակոբ Տէր Խաչատուրեան

ԵՐԵՒԱՆ.- ՀՅԴ Հայաստանի Գերագոյն մարմինին նախաձեռնութեամբ` 20 Ապրիլին, «Առնօ Բաբաջանեան» համերգասրահին մէջ տեղի ունեցաւ «Դարերու վրէժը» խորագիրով պատմագեղարուեստական երեկոն` նուիրուած «Նեմեսիս» գործողութեան 100ամեակին եւ Հայ Դատի արդար պայքարի միւս մարտիկներուն:

Ելոյթով հանդէս եկաւ ՀՅԴ Բիւրոյի ներկայացուցիչ Յակոբ Տէր Խաչատուրեան, որ արժեւորեց Հայոց Ցեղասպանութեան կազմակերպիչները հրապարակային կերպով պատժելու գործողութիւնը եւ նկատել տուաւ, որ հայ ազգի վրէժի ու հայրենիքի կարօտի ընթացքը կը շարունակուի նաեւ այսօր:

0421Իրինա Կանայեան

Իրինա Կանայեան

Երեկոյին ընթացքին խօսք առաւ Դրաստամատ Կանայեանի թոռնուհին` Իրինա Կանայեան:Ան ներողութիւն խնդրեց, որ սահուն հայերէն չի խօսիր, որովհետեւ ծնած է Սիպիրի մէջ, ուր աքսորած էին Դրոյին ընտանիքը:

Դրոյի թոռնուհին ըսաւ, որ ընտանիքը պահպանած է Դրոյի նամակներ, նկարներէն մաս մը եւ կարգ մը իրեր: Ան բեմէն նամակներէն հատուածներ կարդաց։

Ելոյթ ունեցաւ նաեւ հայ վրիժառու Արտաշէս Գէորգեանի թոռը՝ Արմէն Գէորգեան: Արտաշէս Գէորգեան 21 Յուլիս 1922ին իր ընկերներուն՝ Պետրոս Տէր Պօղոսեանի եւ Ստեփան Ծաղիկեանի հետ Թիֆլիսի մէջ սպաննեց Հայոց Ցեղասպանութեան գլխաւոր յանցագործներէն մէկը` Օսմանեան կայսրութեան ռազմածովային նախարար Ճեմալ փաշան:

0421ԱրմէնԳէորգեան

Արմէն Գէորգեան

Երեկոյին ընթացքին տեղի ունեցաւ «Նեմեսիս»ի եւ Լիզպոնի գործողութիւններուն նուիրուած կարճ ժապաւէններու անդրանիկ ցուցադրութիւնները, ներկայացուեցան յուշեր, հնչեցին հայրենասիրական ստեղծագործութիւններ եւ ընթերցուեցաւ Դրաստամատ Կանայեանի անտիպ նամակը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top