2 Սուրիացի Վարձկաններ Ցմահ Բանտարկութեան  Դատապարտուեցան

0505Syria

 0505Syria

ԵՐԵՒԱՆ, «Ազատութիւն».- Սիւնիքի մարզի ընդհանուր իրաւասութեան առաջին ատեանի դատարանը 4 Մայիսին քննեց Սուրիոյ քաղաքացիներ Մուհրապ Մուհամետ Ալ Շքէրիի ու Եուսէֆ Ալապետ Ալ Հաճիի նկատմամբ հարուցուած քրէական գործը եւ զանոնք դատապարտեց ցմահ բանտարկութեան։

Անոնք կը մեղադրուին միջազգային ահաբեկչութեան զինուած ընդհարումներու ընթացքին միջազգային մարդասիրական իրաւունքի սկզբունքներու լուրջ խախտումներու եւ վարձկանութեան  մէջ:

Նախաքննական մարմինը աւելի կանուխ փոխանցած էր, թէ քննութեամբ պարզուած է, որ սուրիացի վարձկանները անարգել Ատրպէյճան տեղափոխուած են Թուրքիոյ տարածքով, սահմանային անցակէտը հատած են առանց որեւէ փաստաթուղթի։ Իսկ մինչեւ անոնց տեղափոխուիլը՝ Յունիսէն Սեպտեմբեր, Սուրիոյ մէջ ռազմական պատրաստուածութեան դասընթացքներու մասնակցած են։

Ըստ իրաւապահներու փոխանցած տեղեկութիւններուն՝ ռազմական գործողութիւններուն մասնակցելու համար վարձկաններուն առաջարկուած է 2 հազար տոլար։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top